Morgunblaðið - 29.07.2003, Blaðsíða 2

FRÉTTIR
2 ÞRIÐJUDAGUR 29. JÚLÍ 2003 MORGUNBLAÐIÐ
ROBERTSON Í HEIMSÓKN
Robertson lávarður, fráfarandi
framkvæmdastjóri Atlantshafs-
bandalagsins, kom til fundar við ut-
anríkis- og forsætisráðherra í gær.
Sagðist hann fylgjast með og vonast
til að lausn fyndist í viðræðum Ís-
lands og Bandaríkjanna um framtíð
varnarsamstarfsins.
KÁ leitar nauðasamninga
Kaupfélag Árnesinga (KÁ) leitar
nú nauðasaminga við lánardrottna
sína. Félagið skuldar nú um 320
milljónir umfram eignir. Olíufélagið
ehf., sem rekið hefur greiðaskála
KÁ, hefur sagt upp samningi við fé-
lagið, en skálasvið KÁ hefur staðið
undir nær helmingi tekna félagsins.
Yfirtökutilboð í Skeljungi
Kaupþing-Búnaðarbanki, Burðar-
ás og Sjóvá-Almennar eiga í við-
ræðum um yfirtöku á hlutabréfum í
Skeljungi. Ef af því verður mun það
hljóða upp á gengið 15,9, en það er
87% hækkun á verði hlutabréfa í
Skeljungi frá árslokum 2000.
Gjörningaveður í Tungunum
Eldglæringar, blossar og drunur
dundu yfir Biskupstungum á sunnu-
dagskvöld. Raftæki og raflagnir
skemmdust vegna spennu í lofti og
eldinga sem laust niður í hús. Kol-
svartur skýjabakki hafði hlaðist upp
yfir sveitinni, og úrhelli hófst um
hálfáttaleytið um kvöldið. Að sögn
ábúenda hafa þeir aldrei vitað aðrar
eins eldingar.
Tveir féllu í Írak
Bandarískur hermaður féll og þrír
særðust í árás skæruliða í Írak í
gær. Þá lést annar bandarískur her-
maður í bílslysi í landinu. Banda-
rískt herlið fann enn fremur töluvert
magn vopna í Tíkrit, heimaborg
Saddams Husseins, sem hefði dugað
til árása á Bandaríkjaher í heilan
mánuð. Framkvæmdaráð Íraks
hófst í gær handa við að skipa ríkis-
stjórn landsins.
Bob Hope látinn
Bob Hope, fæddur Leslie Hope,
lést í gær, 100 ára að aldri. Hope,
sem var ástsæll leikari og skemmti-
kraftur, fæddist á Englandi en flutti
fjögurra ára til Bandaríkjanna.
Y f i r l i t
Í dag
Sigmund 8 Forystugrein 24
Viðskipti 12/13 Viðhorf 28
Erlent 14/15 Minningar 28/32
Höfuðborgin 18 Bréf 34
Akureyri 18/19 Dagbók 36/37
Suðurnes 19 Sport 38/41
Austurland 20 Fólk 42/45
Landið 21 Bíó 42/45
Neytendur 21 Ljósvakar 46
Listir 22 Veður 47
* * *
Kynningar – Með Morgunblaðinu í
dag fylgir Stúdentablaðið. Blaðinu
verður dreift um allt land.
ÁTTA sóttu um embætti hæstarétt-
ardómara sem auglýst var laust á
dögunum, en umsóknarfrestur rann
út 25. júlí sl. Um embættið sóttu:
Allan Vagn Magnússon héraðs-
dómari, Eggert Óskarsson héraðs-
dómari, Eiríkur Tómasson prófess-
or, Hjördís Hákonardóttir héraðs-
dómari, Jakob R. Möller hæsta-
réttarlögmaður, Ólafur Börkur Þor-
valdsson dómstjóri, Ragnar Halldór
Hall hæstaréttarlögmaður og Sigrún
Guðmundsdóttir hæstaréttarlög-
maður.
Dómsmálaráðuneytið hefur í sam-
ræmi við 4. gr. dómstólalaga óskað
eftir umsögn Hæstaréttar um hæfi
og hæfni umsækjenda til að gegna
dómaraembætti við réttinn. Forseti
Íslands skipar í embættið sam-
kvæmt tillögu dómsmálaráðherra að
fenginni umsögn Hæstaréttar.
Embætti hæsta-
réttardómara
Átta sóttu
um starfið
ÝMISLEGT bendir til þess að þó
nokkuð af gasi sé að finna í setlög-
um á Skjálfanda fyrir utan Húsa-
vík. Ekki er enn vitað hverrar
gerðar gasið er. Ein tilgáta vís-
indamanna er sú, að um sé að ræða
svonefnt olíugas, en slíkt gas er
hægt að nota sem orkugjafa.
Þessar upplýsingar hafa fengist í
rannsóknarleiðangri sem Íslenskar
orkurannsóknir, Raunvísindastofn-
un Háskóla Íslands og bandarískir
vísindamenn standa að.
Bjarni Richter frá Íslenskum
orkurannsóknum, sem er meðleið-
angursstjóri í þessari ferð, slær þó
marga varnagla og segir ekki enn
búið að rannsaka þau sýni sem
hafa verið tekin. Jafnvel þó um
olíugas væri að ræða þá sé ekki vit-
að í hve miklu magni það finnist og
hvort gasið sé aðgengilegt svo
hægt sé að vinna það. „Þetta eru
fyrstu skref rannsóknarinnar,“
segir Bjarni.
Kortleggja gasuppstreymi
„Í framhaldinu munum við vinna
úr þessum upplýsingum og taka
saman kort sem við erum með. Eft-
ir að gögnum hefur verið safnað
saman reynum við að kortleggja
nokkurn veginn útbreiðslu á þessu
gasi sem við sjáum – ef þetta er
gas. Og þá að reyna að finna út
hvernig gas þetta er,“ segir Bjarni.
Kjarni er tekinn úr botninum,
hann efnagreindur og þannig fund-
in út tegund gassins. Bjarni segir
þetta taka sinn tíma en vonast til
að niðurstöður liggi fyrir innan
hálfs árs.
Þegar rannsóknaskipið Árni
Friðriksson var við dýptarmæling-
ar í fyrra komu í ljós merkileg för
á hafsbotni sem bentu til gasupp-
streymis á tilteknum hafsvæðum.
Bjarni segir gasuppstreymi að
finna rétt utan við mynni Eyja-
fjarðar en aðeins lítið svæði hafi
verið kortlagt. Næsta sumar er
stefnt að því að kortleggja Öxar-
fjörðinn, sem liggur við hlið Skjálf-
anda, þar sem leiðangur Bjarna er
nú staddur.
Fyrsti gasleiðangurinn
Þetta er í fyrsta sinn sem sendur
er út leiðangur til að leita að gasi
og olíu í kringum Ísland og borgar
iðnaðarráðuneytið Orkustofnun
fyrir mælingarnar. Rannsóknasvið
Orkustofnunar, Íslenskar orku-
rannsóknir, framkvæma rannsókn-
irnar og leigja rannsóknaskipið
Bjarna Sæmundsson af Hafrann-
sóknastofnun til verksins. Leiðang-
ursstjóri er Bryndís Brandsdóttir.
Með í för eru bandarískir vís-
indamenn frá Woods Hole Ocean-
graphic Institution og Scrips In-
stitution of Oceangraphy og útvega
þeir tæki til mælinga. Vísindamenn
Raunvísindastofnunar eru um leið
að rannsaka botninn og hvernig
Húsavíkur- og Flateyjarmisgengi
tengist upp á land. Í leiðangrinum
eru notaðar grunnhljóðsendur-
varpsmælingar, sónar og ljós-
myndir. Bjarni segir þessum hluta
leiðangursins ljúka á föstudaginn
en svo verður haldið áfram í átta
daga eftir verslunarmannahelgi á
sjómælingabátnum Baldri.
Vísindamenn í rannsóknarleiðangri á Bjarna Sæmundssyni úti fyrir Norðurlandi
Hugsanlegt að olíugas
streymi upp úr setlögum
FRAMKVÆMDIR við mislæg gatnamót Stekkjar-
bakka, Reykjanesbrautar og Smiðjuvegar ganga sam-
kvæmt áætlun. Í gærmorgun voru settir upp stöplar úr
ryðfríu stáli sem eiga að bera uppi ökubrúna yfir
Reykjanesbrautina og var umferð lokað í um klukku-
stund um tvær akgreinar brautarinnar á meðan stöpl-
arnir voru settir upp. Er þetta í fyrsta skipti sem ryð-
frítt stál er notað í brúarstöpla á Íslandi en þeir eru
framleiddir af stálsmiðjunni Teknís og segir Jón Þór
Sigurðsson framkvæmdastjóri að rúm 70 tonn af stáli
hafi farið í þá. Um fimmtíu manns vinna nú við brúar-
gerðina en stefnt er að því að hleypa umferð yfir hana
1. nóvember. Öllum frágangi á síðan að vera lokið
næsta sumar.
Morgunblaðið/Kristinn
Stálstöplar undir Stekkjarbakkabrú
BRANDUGLA tyllti sér á grind-
verk fyrir framan matskálann í
sumarbúðum KFUM í Vatnaskógi
við Eyrarvatn að kvöldlagi í síðustu
viku. Halldór Reynir Halldórsson,
foringi í sumarbúðunum, sagði ugl-
una hafa verið ótrúlega spaka á
meðan hún hvíldi sig, líklega eftir
annríki dagsins. Engin styggð hafi
komið að henni þrátt fyrir einungis
tæplega tveggja metra návígi við
menn. Halldór sagði tvær uglur
hafa heiðrað um sig í námunda við
Vatnaskóg í sumar. Ekki hafi áður
sést til uglu á þessu svæði. Hann
sagði að það heyrðist í þeim á
kvöldin þegar þær færu á stjá. Að
öllum líkindum hafist þær við í trjá-
vöxnu umhverfi Vatnaskógar enda
sé dýralíf þar fjölskrúðugt.
Morgunblaðið/Halldór Reynir Halldórsson
Brandugla
sást í
Vatnaskógi
BJÖRN Bjarnason dómsmálaráð-
herra telur að huga þurfi að framtíð
sýslumannsembættanna ef stækka
eigi lögregluumdæmin í góðri póli-
tískri sátt. Hann segir að hugmyndir
um fækkun lögregluembætta séu
ekki nýjar af nálinni og hafi verið
lengi til umræðu. Hann telur það
jafnframt ágætt að lögreglustjórinn í
Reykjavík haldi fram þessum sjón-
armiðum, en í Morgunblaðinu í gær
komu fram skoðanir Böðvars Braga-
sonar, lögreglustjóra í Reykjavík,
um að með fækkun lögregluembætta
niður í þrjú til fjögur sé mögulegt að
ná fram hagkvæmari rekstri en nú
er.
Björn bendir á að fækkun lög-
regluembætta megi ekki leiða til
þess að grafið sé undan embættum
sýslumanna um landið. „Það er ekki
markmið í sjálfu sér að sýslumenn
hverfi þótt lögregluumdæmum sé
fækkað því þeir gegna mikilvægu
hlutverki og skipta máli fyrir mann-
lífið hver á sínum stað. Ég held að
það sé nauðsynlegt, til að unnt sé að
vinna að stækkun lögregluumdæma
í góðri pólitískri sátt, að hafa svör við
öllum spurningum um framtíð sýslu-
mannsembættanna. Það þarf að
skoða þetta sameiginlega,“ segir
hann.
Hann telur það eðlilegt að vinna
áfram að því að stækka lögreglu-
embættin. „Það þarf líka að huga að
því að lögreglumenn og aðrir nálgist
lausn viðfangsefna í samræmi við
verkaskiptingu, sem byggist á verk-
efnum og viðfangsefnum lögreglunn-
ar, en ekki endilega á landafræðinni.
Það er aðalatriðið að búa þannig um
hnúta að skipulagið sé með þeim
hætti að það sé alltaf unnt að takast á
við þau verkefni sem við blasa hverju
sinni hvar sem er á landinu og lög-
reglan sé skipulögð með það í huga.“
Björn bendir á að lögreglustjórinn
í Reykjavík sé að hreyfa við máli sem
hafi verið lengi á döfinni og skýrslur
hafi verið skrifaðar um. Það sé sjálf-
sagt að ræða þessi mál áfram því
hagkvæmni í löggæslunni sé mikil-
væg.
Stækkun lögregluumdæma eðlileg segir dómsmálaráðherra
Má ekki grafa undan
sýslumannsembættum
♦ ♦ ♦