Morgunblaðið - 29.07.2003, Blaðsíða 15
ERLENT
MORGUNBLAÐIÐ ÞRIÐJUDAGUR 29. JÚLÍ 2003 15
FULLTRÚAR á svonefndri Fram-
tíðarráðstefnu Evrópu, sem nýver-
ið luku við að semja drög að
stjórnarskrá hins stækkaða Evr-
ópusambands, kölluðu verk sitt
sögulegt. En samkvæmt niðurstöð-
um nýrrar skoðanakönnunar sem
gerð var fyrir framkvæmdastjórn
ESB virðast flestir borgarar ESB-
landa láta sér fátt um það finnast.
Yfir helmingur – 55 af hundraði
– sagðist aldrei hafa heyrt minnzt
á Framtíðarráðstefnuna, sem kom
reglulega saman í Brussel í meira
en heilt ár, en hún var skipuð alls
105 fulltrúum frá öllum núverandi
og tilvonandi aðildarríkjum ESB.
Þessi niðurstaða var þó framför
frá því síðasta slíka könnunin var
gerð í marz; þá könnuðust 70% að-
spurðra ekki við ráðstefnuna.
Um 49% sögðust hafa einhvern
áhuga á að lesa stjórnarskrárdrög-
in eða samantekt á þeim.
„Vitneskja fólks um ráðstefnuna
er að batna, en […] hún er eftir
sem áður mjög þokukennd,“ sagði
talsmaður framkvæmdastjórnar
ESB er niðurstöður könnunarinn-
ar, sem var unnin af óháðu fyr-
irtæki, voru birtar.
Samkvæmt niðurstöðunum var
hlutfallið yfir þá sem höfðu heyrt
um störf Framtíðarráðstefnunnar
hæst í Grikklandi, sem gegndi for-
mennskunni í ESB fyrri hluta
þessa árs. Valery Giscard d’Est-
aing, forseti ráðstefnunnar, afhenti
leiðtogum ESB-landanna stjórnar-
skrárdrögin með tilheyrandi fjöl-
miðlaathygli.
Hefðbundin ríkjaráðstefna ESB-
ríkja verður kölluð saman í haust
til að fjalla um stjórnarskrárdrög-
in. Þar er stefnt að því að nýr
stjórnarskrársáttmáli ESB verði
endanlega samþykktur snemma á
næsta ári, en tíu ný aðildarríki
bætast í raðir ESB 1. maí 2004.
Ný aðferð við uppfærslu
stofnsáttmála ESB
Þangað til Framtíðarráðstefnan
var kölluð saman í fyrravor hafði
endurskoðun stofnsáttmála ESB
ætíð verið í höndum ríkisstjórna
aðildarríkjanna eingöngu, og end-
urskoðunarstarfið sjálft farið fram
á ríkjaráðstefnum. Þar höfðu
fulltrúar ríkisstjórna aðildarríkj-
anna togast á um fyrirhugaðar
breytingar unz málamiðlun varð
náð milli ríkisstjórnaleiðtoganna,
oftast á löngum samningafundum
eins og á leiðtogafundinum í Nizza
(Nice), þar sem síðustu breyting-
arnar á stofnsáttmála ESB, Róm-
arsáttmálanum, voru samþykktar í
desember 2000.
Viðkvæm málamiðlun
Er Giscard d’Estaing, sem
stýrði starfi Framtíðarráðstefn-
unnar, færði stjórnarskrársátt-
máladrögin í hendur Silvios Berl-
usconis, forsætisráðherra Ítalíu
sem nú fer með formennskuna í
ESB, lagði hann áherzlu á að leið-
togar aðildarríkjanna yrðu að hafa
það hugfast er þeir tækju stjórn-
arskrána á sína dagskrá í haust, að
rekja ekki upp það viðkvæma jafn-
vægi milli sjónarmiða allra sem að
gerð draganna komu. Niðurstaðan
væri viðkvæm málamiðlun og að
spilla henni gæti „sundrað Evr-
ópu“.
Sögulegt starf í
Evrópu á fárra vitorði
Brussel, Róm. AP, AFP.
Ferðalag út úr bænum (þ.á.m. sundlaugarferð) í lok hvers námskeiðs.
Ferðin er frá kl. 09.30 - 17.00.
Kennarar eru m.a. Broddi Kristjánsson íþróttakennari,
Írena Óskarsdóttir íþróttafræðingur,
Jónas Huang badmintonþjálfari,
Skúli Sigurðsson badmintonþjálfari,
Árni Þór Hallgrímsson badmintonþjálfari o.fl.
Innanhúss: Badmintonkennsla, borðtennis, minni tennis, körfubolti, bandý
og leikir
Úti (við TBR-hús og í Laugardalnum): Knattspyrna, sund, frjálsar íþróttir
á Laugardalsvelli, t.d. spretthlaup, langstökk, spjótkast, kúluvarp og hástökk.
Leikir, svo sem hafnabolti, ratleikur o.fl.
Farið er í Fjölskyldu- og húsdýragarðinn í Laugardal
Upplýsingar og innritun í TBR húsinu Gnoðavogi 1 og í síma 581 22 66.
Sumarskóli TBR 2003
Íþróttaskóli fyrir 6 - 13 ára börn í sumar
Námskeiðin eru virka daga kl. 9-13 eða kl. 13-17.
Fjölbreytt íþróttakennsla á dagskrá með áherslu á badminton.
5. ágúst - 18. ágúst
Námskeiðin eru 10 virka daga í senn sem hér segir:
Verð er kr. 7400. Skipt er í hópa eftir aldri.
Veittur er systkinaafsláttur.
Einnig er veittur afsláttur ef farið er á fleiri
en eitt námskeið.
NORSKA tannlæknafélagið
krefst þess að sýrustigs gos-
drykkja verði getið á umbúðum
vegna þess hve drykkirnir hafa
ætandi áhrif á tennurnar. Aften-
posten greinir frá því að fjöldi
norskra ungmenna með glerungs-
eyðingu hafi meira en tvöfaldast á
tíu árum eða hækkað úr 3% í 7%.
Vegna þess hversu stóran þátt
gos- og ávaxtadrykkir eiga í gler-
ungseyðingunni vill forseti tann-
læknafélagsins, Carl Christian
Blich, að sjónum verði beint að
slíkum drykkjum. „Ég skora á
framleiðendur að merkja gos-
flöskurnar með pH-gildi drykkj-
arins. Þetta eru að verða mikil-
vægar upplýsingar sem neyt-
endur eiga rétt á að vita um,“
segir Blich.
Samkvæmt rannsóknum tann-
læknadeildar háskólans í Björgvin
hefur kók pH-gildið 2,6 en til
samanburðar má nefna að pH-
gildi sítrónu er 2,4. Appelsínusafi
hefur pH-gildið 3,8 og epladjús
3,3. PH-kvarðinn nær frá 1–14
þar sem 1 er súrast.
„Þeim, sem halda að sykurlaus-
ir gosdrykkir séu ekki hættulegir
tönnunum, skjátlast hrapallega,“
segir Blich og bendir á að pH-
gildið í sykurlausu Pepsí sé 3,3.
„Allt sem hefur lægra pH-gildi en
4,5 er skaðlegt en skaðsemin
ræðst einnig af því hversu oft
þess er neytt. Fæstir vita, að
kostnaðurinn við meðhöndlun
glerungseyddra tanna getur farið
upp í 50.000 [norskar] krónur og
jafnvel meira,“ segir Blich, en
upphæðin sem hann nefnir jafn-
gildir rúmlega hálfri milljón ís-
lenskra króna.
Vilja að gosdrykkir
verði merktir sýrustigi