Morgunblaðið - 29.07.2003, Blaðsíða 48

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 29. JÚLÍ 2003 VERÐ Í LAUSASÖLU 190 KR. MEÐ VSK.
• Lágmúla
• Sporhömrum Grafarvogi
• Sta›arbergi Hafnarfir›i
Opi› allan sólarhringinn í:
• Akureyri
HANN Þór Ævarsson, 4 ára, frá
Fellshlíð í Eyjafjarðarsveit, æfir
kálfinn sinn af kappi þessa dag-
ana. Tilefnið er kúasýningin Kýr
2003, sem fara mun fram 8. ágúst
næstkomandi að Hrafnagili í
Eyjafirði. Þar munu börn og ung-
lingar sýna kálfa sína, sem þau
hafa tamið í sumar.
Keppt verður í barna- og ung-
lingaflokki. Kálfarnir verða að
vera eldri en mánaðargamlir og
kvígukálfar yngri en 12 mánaða
og nautkálfar yngri en 4 mánaða.
Gripirnir verða að vera leiðitamir
og snyrtilegir, segir í frétta-
tilkynningu hátíðarinnar, sem sjá
má á www.bugardur.is.
Þetta er í fyrsta sinn sem
keppni af þessu tagi er haldin
norðan heiða.
Einnig verður keppt í flokki
mjólkurkúa og fyrsta kálfs
kvígna. Bændur og búalið úr
Skagafirði og Eyjafirði, ásamt
Þingeyingum, munu leiða saman
gripi sína og keppa um besta
gripinn í hverjum flokki.
Sýningin er haldin í samvinnu
við Handverkshátíðina á Hrafna-
gili og hefst klukkan 13, 8. ágúst,
með ávarpi landbúnaðarráðherra
undir berum himni.
Aðra daga handverkssýning-
arinnar verða sýningargripir á
staðnum, ásamt léttum fróðleik
um nautgripi og kúabúskap á Ís-
landi.
Þjálfar kálfinn
fyrir keppni
KAUPFÉLAG Árnesinga (KÁ) er
nú í greiðslustöðvun og leitar
nauðasamninga við lánardrottna
sína. Miklir fjárhagsörðugleikar
steðja að fyrirtækinu um þessar
mundir.
Kaupfélagið skuldar nú alls um
1.429 milljónir króna, en það eru um
320 milljónir króna umfram eignir.
Séu mögulegar ábyrgðir sem falla
kunna á félagið teknar með eru
skuldir félagsins rúmar 1.807 millj-
ónir króna. Kröfuhafar í KÁ eru alls
um 300 talsins, og er Íslandsbanki
stærstur þeirra með rúmar 514
milljónir króna í kröfur.
Skálasvið mögulega lagt niður
Þrjú meginsvið eru innan rekstr-
ar kaupfélagsins, hótelsvið, bú-
rekstrarsvið og skálasvið. Rekstur
hótelsviðs hefur verið undir áætl-
unum á þessu ári, en rekstur bú-
rekstrarsviðs þokkalegur. Skála-
svið, sem stendur fyrir nærri
helmingi tekna Kaupfélags Árnes-
inga, mun að óbreyttu verða lagt
niður í haust, en Olíufélagið ehf.
hefur sagt upp samningi sínum við
Kaupfélagið um rekstur skálanna.
Ástæða uppsagnarinnar er óvissa
um rekstur Kaupfélagsins og veik
fjárhagsstaða þess, en viðræður
milli félaganna standa nú yfir.
Valur Oddsteinsson, stjórnarfor-
maður KÁ, sagðist í samtali við
Morgunblaðið í gær ekki vera sátt-
ur við að rekstur fyrirtækisins hefði
farið í þetta far, en úr því verði unn-
ið á besta hugsanlega veg.
Leitar nauðasamn-
inga við lánardrottna
Kaupfélag Árnesinga áfram í greiðslustöðvun

Áframhaldandi/6
BLOSSAR stóðu út úr rafmagns-
töflum, ljós kviknaði á aflögðum
ljósastaur, innstungur sviðnuðu og
hross trylltust í þrumuveðrum sem
hafa gengið yfir í Biskupstungum
og við Öxarfjörð á síðustu tveimur
sólarhringum. Högl á stærð við
bláber sem féllu víða á Suðurlandi
voru því ekki einu kynstrin sem
fylgdu þrumuskýjunum.
Jóhann Pálsson, kennari að
Lundi við Öxarfjörð, segir að elstu
menn muni ekki slíkt þrumuveður
og gekk þar yfir síðdegis í gær.
Eldingarnar hafi bæði verið miklu
fleiri en venjulega og mun nær.
Einni sló niður í gamla skólahúsið
og segir Jóhann að höggið hafi
verið líkast öflugri sprengingu.
Hús hafi leikið á reiðiskjálfi og raf-
magn sló út. Í sumarbústað í ná-
grenninu brotnuðu allar ljósaperur
og illa gekk að koma dælunum við
sundlaugina aftur í lag.
Við bæina Miðdalskot og Ketil-
velli, austan við Laugarvatn, gekk
mikið á þegar kolsvartur skýja-
bakki nálgaðist skyndilega úr
austri um kvöldmatarleytið á
sunnudag. Mestu lætin urðu við
Miðdalskot en svo virðist sem eld-
ingu hafi slegið niður í miðjan hóp
hestamanna. Talsverðar skemmdir
urðu einnig á raftækjum og
-leiðslum. „Það er svolítið óhugn-
anlegt hvað þetta er krassandi, að
þetta geti farið inn í öll kerfi í hús-
inu. Síminn er allur í jörð og samt
brann þar sem hann er tekinn inn í
húsið. Þar var allt kolsvart og svið-
ið,“ sagði Karl Eiríksson, bóndi í
Miðdalskoti, í samtali við Morgun-
blaðið.
Nærast á heitu lofti
Þórður Arason, jarðeðlisfræð-
ingur á Veðurstofu Íslands, segir
að að sumarlagi verði þrumuveður
yfirleitt síðdegis á hlýjum dögum.
„Þrumuskýin nærast á lofti sem er
mun heitara að neðan en ofan.
Heita loftið stígur hratt upp og við
það verður hleðsluaðskilnaður í
skýjunum og eldingar myndast,“
segir hann. Gjarnan koma skúrir
úr slíkum skýjum og jafnvel haglél
þegar dropar rísa mjög hátt til
himins.
Miklar skruggur og háskalegar eldingar við Öxarfjörð og í Biskupstungum
Ljós kviknaði á peru á
ótengdum ljósastaur
Morgunblaðið/Kári Jónsson
Hermann Karlsson heldur á lekaliðanum sem brann yfir í rafmagnstöflunni
á bænum Miðdalskoti. Símalínur, magnarar og fleira skemmdist.

„Þetta/4
„Veður-
fræðingar
velkomnir“
Í NAUTHÓLSVÍK var hið
besta veður í gær og af tilefni
veðurblíðunnar voru veður-
fræðingar sérstaklega boðnir
velkomnir á Kaffi Nauthól, að
því er fram kom í útvarpsaug-
lýsingu frá kaffihúsinu. Að
sögn Haralds Eiríkssonar,
rekstraraðila Nauthóls, var
verið að auglýsa spákonu stað-
arins sem er alltaf til tals á
mánudögum og miðvikudögum.
„Þegar það er svona gott veður
þá elskum við veðurfræðingana
og viljum allt fyrir þá gera. En
svo þegar það er rigning bölsót-
umst við út í þá. Það var sú til-
finning sem var að hrærast í
brjósti okkar.“
Í dag verður hæg suðvestan-
átt en léttir til austanlands.
Víðs vegar verða smáskúrir en
hiti verður 12–18 stig, hlýjast á
Austurlandi. Á morgun er von á
suðaustanátt og rigningu.
KAUPÞING Búnaðarbanki, Burðar-
ás og Sjóvá-Almennar eiga í viðræð-
um um yfirtöku á hlutabréfum í Skelj-
ungi. Ekki liggur enn ljóst fyrir hver
eða hverjir þessara þriggja gera
yfirtökutilboð í bréf annarra hluthafa,
en samkvæmt heimildum Morg-
unblaðsins má búast við að dragi til
tíðinda í kjölfar birtingar á sex mán-
aða uppgjöri Skeljungs síðar í vik-
unni.
Ef af yfirtökutilboði verður mun
það hljóða upp á gengið 15,9. Það
myndi þýða 87% hækkun á verði
hlutabréfa í Skeljungi frá árslokum
2000. Miðað við lokagengi í gær
nemur hækkunin frá þessum tíma
73%. Til samanburðar hækkaði verð
bréfa í Keri (Esso) um 11% frá þess-
um tíma fram að yfirtöku í vor en Olís
hefur hækkað um 18% á sama tíma-
bili.
Gengið hækkaði í 14,7 í gær
Geri Kaupþing Búnaðarbanki tilboð
í bréf Sjóvár-Almennra og Burðaráss
getur það þýtt a.m.k. 300 milljóna
króna söluhagnað fyrir hvort síðar-
nefndu félaganna um sig. Þá er ein-
göngu miðað við sölu á þeim hlutabréf-
um í Skeljungi sem keypt voru af Shell
Petroleum á genginu 12 fyrir mánuði.
Gengi hlutabréfa í Skeljungi hækk-
aði á markaði í gær úr 14 í 14,7 í kjöl-
far frétta af viðræðunum en bréfin
hafa nú verið sett á athugunarlista hjá
Kauphöllinni á meðan á viðræðum
stendur.
Hlutabréf í
Skeljungi hafa
hækkað um 73%
Tíðinda vænst í yfirtökuviðræðum
eftir birtingu uppgjörs í vikunni

Viðræður um yfirtöku/12