Morgunblaðið - 30.07.2003, Blaðsíða 11

MORGUNBLAÐIÐ MIÐVIKUDAGUR 30. JÚLÍ 2003 B 11
bílar
Pantaðu Fríþjónustu Morgunblaðsins
í síma 569 1122, askrift@mbl.is
eða á
Þjónustan gildir fyrir þrjá daga að lágmarki
og hana þarf að panta fyrir kl.16 daginn áður.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
M
O
R
21
02
1
0
7/
20
03
Fáðu Morgunblaðið sent
Við sendum blaðið innpakkað og merkt
á sumardvalarstaði innanlands.
Morgunblaðið bíður þín
Við söfnum blaðinu fyrir þig á meðan þú ert
í fríi og sendum til þín þegar þú kemur
heim aftur.
Fríþjónusta
Ertu
að fa
ra
í frí?
Viltu vinna flugmiða?
Á mbl.is geta áskrifendur Morgunblaðsins
tekið þátt í léttum spurningaleik um
Fríþjónustuna. Heppnir þátttakendur eiga
möguleika á að vinna flug fyrir tvo til Prag
eða Budapest með Heimsferðum.
Taktu þátt!
NORÐANMENN í Kappakstursklúbbi Akureyrar hafa lagt
eina mest krefjandi mótorkrossbraut landsins í hlíðum
Vaðlaheiðar gegnt Akureyri. Brautin er full af glæfralegum
stökkpöllum og lúmskum þvottabrettum sem verða allt
að metri að dýpt þegar brautin fer að grafast. Allir bestu
ökumenn landsins voru mættir norður og máttu spýta í
lófa og berja í sig kjark til að láta vaða fram af pöllunum.
Unglingarnir komu mest á óvart
Samhliða keppni í Meistaradeild og Baldursdeild, eins og
nýliðadeildin er kölluð, var keppt í unglingadeild og
kvennadeild. Unglingarnir sem þátt tóku í keppninni voru
lifandi sönnun þess mikla blóma sem mótorkrosssportið
er í um þessar mundir. Margir áhorfendur, flestir áhyggju-
fullir foreldrar, fylgdust með snilldartöktum ungmennanna
sem sýndu mikla flughæfni á stóru stökkpöllunum og áttu
ekki í vandræðum með harða og skeinuhætta moldar-
brautina. Aron Ómarsson var sem fyrr ósigrandi í 80cc
flokki unglinga og virkaði mjög sannfærandi í forystunni. Í
stærri flokki unglinga, 125cc flokki, hafði Gunnlaugur
Karlsson góð tök á andstæðingum sínum. Gunnlaugur
sigraði báðar umferðir flokksins mjög örugglega og án
nokkurs vafa er hér á ferð einn af bestu efniviðum lands-
ins í sportinu.
Ekki lengur karlasport
Stelpurnar létu svo sannarlega til sín taka á mótinu.
Sara Ómarsdóttir er ný stelpa í sportinu og mætti fersk á
sitt fyrsta mót. Sara er systir Arons sem sigraði 80cc
unglingaflokkinn og fékk að sögn góða tilsögn frá litla
bróður fyrir mótið. Það virtist skila góðum árangri því
Sara sigraði kvennaflokkinn og skaut Aðalheiði Birgis-
dóttur, sigurvegara síðasta móts, sem og hinni ungu og
bráðefnilegu Anítu Hauksdóttur ref fyrir rass. Mikil fjölg-
un hefur verið á keppendum í kvennaflokki í sumar og er
von á enn fleiri stelpum í slaginn í næstu umferð.
Flaug upp í fyrsta sætið
Flugmaðurinn Gunnlaugur Björnsson hafði góða forgjöf
á aðra nýliða í Baldursdeild, þar sem hann fann sig vel í
flugferðunum fram af snarbröttum stökkpöllum braut-
arinnar. Ósagt skal látið hvort flugskírteinið hafi skilað
honum sigrinum frekar en þéttur og öruggur akstur, en
Gunnlaugur hefur verið iðinn við æfingar í sumar og upp-
skorið sigur í báðum umferðum Íslandsmótsins í flokki ný-
liða.
Stífar æfingar skiluðu Viggó sigri
Viggó Örn Viggósson er reynslubolti í mótorkrossi.
Viggó fann sig illa í síðustu umferð Íslandsmótsins en
hafði dvalið á Akureyri síðustu dagana fyrir mótið og æft
stíft. Það virðist hafa verið góð fjárfesting, því Viggó stóð
uppi sem sigurvegari að móti loknu. Viggó átti góðar ræs-
ingar og var mjög grimmur í þröngum beygjunum. Viggó
skar jafnan beygjurnar mjög innarlega og fann línur sem
leyfðu honum framúrakstur við erfiðustu aðstæður. Viggó
var öruggur og sannfærandi í uppstökkum pallanna og
hafði góðan hraða á beinu köflum brautarinnar. Jafnvel
þvottabrettaköflunum, sem margir áttu í basli með,
sporðrenndi Viggó eins og morgunmat! Viggó ekur
spræku TM 300-tvígengishjóli og náði að stinga alla
keppinauta af nema Ragnar Inga Stefánsson. Ragnar ekur
Viggó Örn í banastuði
Sigurvegarinn Viggó Örn með Ragnar Inga á hælum sér.
Mikið gekk á þegar keppendur voru ræstir.
Ragnar Ingi tekur flugið í einu af tilþrifastökkum keppninnar.
Önnur umferð Íslandsmótsins í Mótorkrossi fór
fram á Svalbarðsströnd um liðna helgi. Bjarni
Bærings fylgdist með tilþrifamiklu móti.
öflugu Honda CRF 450-fjórgengishjóli og þekking hans á
demparastillingum kom honum hratt yfir erfiða þvotta-
brettiskafla brautarinnar. Ragnar hékk lengi vel á aft-
urdekki Viggós og ók af mikilli yfirvegun og hafði tækni-
lega og stílhreina ökuleikni fyrir brautina. Viggó náði þó
með herkjum að halda aftur af Ragnari og sigra með
glæsibrag.
Kappakstursklúbbur Akureyrar stóð fyrir mótinu með
miklum myndarskap og áhorfendur sem fjölmenntu á
svæðið kunnu vel að meta mögnuð tilþrifin í rjómablíðunni
norðan heiða.