Morgunblaðið - 30.07.2003, Blaðsíða 12
12 B MIÐVIKUDAGUR 30. JÚLÍ 2003 MORGUNBLAÐIÐ
bílar
MEÐ stöðugt meiri tækni og meiri
búnaði hafa Bimmar nútímans verið
að þyngjast og minnstu vélargerð-
irnar tæpast haldið í við þyngdar-
aukninguna. En BMW hefur vissu-
lega á sama tíma sent frá sér
athyglisverðar dísilvélar og stærri
bensínvélar sem gleðja hvern bíla-
áhugamann. Ein af þessum vélum
er 3ja lítra línusexan sem er að
finna í fjórhjóladrifsútgáfunni af
330xi. Við fengum afnot af 330xi í
nokkra daga sem liðu allt of fljótt.
Afl til allra hjóla
Þessi sex strokka vél skilar
feiknamiklu afli til allra hjólanna,
alls 231 hestafli, og togar eins og
meðaljeppi eða að hámarki 300 Nm
við 3.500 snúninga á mínútu. Af
þessum tölum má ráða að hér er
um virkilegt villidýr að ræða – en
athugið, þetta villidýr er tamið með
nýjustu tækni úr hillum BMW.
Upptakið er skemmtilega kröftugt
og fer bíllinn fyrstu 100 metrana úr
kyrrstöðu á innan við sjö sekúndum
eða nær 6,5 sekúndum. Þetta gerist
þó á afar yfirvegaðan og fágaðan
máta því aflinu er dreift í hlutföll-
unum 38 til framhjólanna og 62 til
afturhjólanna. Porsche fór sömu
leið með sitt drifkerfi í Cayenne því
þessi afldreifing gefur kost á sport-
legri akstri en ef um alveg jafna
dreifingu væri að ræða. Hún gefur
líka færi á undirstýringu þegar við
á og þegar DSC-kerfið er aftengt.
Engu að síður er bíllinn í venjuleg-
um akstri með tilþrifamikið veggrip
sem kemur ekki síst í ljós þegar
honum er ekið á malarvegi.
Frábær sjálfskipting
Annar skemmtilegur eiginleiki
þessarar vélar er góð millihröðun
sem gerir bílinn að ákjósanlegum
kosti í þjóðvegaakstri þar sem
skjótast þarf fram úr bílalestum á
sem stystum tíma. Urrandi hljóðið
frá vélinni, þegar henni er gefið
inn, er síðan enn einn gleðigjafinn.
Við vélina er tengdur fimm þrepa
sjálfskiptur gírkassi og hann er
með handskiptivali eins og útbreitt
er orðið í mörgum bílum. Þar fyrir
utan er hann með sportstillingu í
sjálfskiptingunni sem svínvirkar og
leyfir ökumanni að þenja bílinn
mun meira en ella. DSC-kerfið, sem
er af þriðju kynslóð, er í senn spól-
vörn og stöðugleikastýring. Með
það tengt tekur tölvubúnaður völd-
in af ökumanni fari hann of geyst í
beygjur og slær jafnt af aflinu og
beitir hemlum.
Fágaðir aksturseiginleikar
Bíllinn hefur fágaða aksturseig-
inleika fremur en sportlega. Stýrið
er nákvæmt, með mikla svörun og
ólíkt þeim stýrisbúnaði sem nú er
að ryðja sér til rúms sem stýrt er
af rafmótor. Fjöðrunin er stíf sem á
sinn þátt í ómótstæðilegu veggripi
bílsins en þó er bíllinn alls ekki
hastur, jafnvel þótt prófunarbíllinn
hafi verið á 17 tommu felgum og
lágprófílbörðum. BMW 330xi er
ekki stór bíll en hann er þokkalega
rúmgóður fyrir fjóra fullorðna og
eitt barn og allir ferðast í miklum
þægindum þótt vissulega þrengist
um fæturna ef farþegar eru há-
vaxnir. Sérstaklega er vert að vekja
athygli á ökumannssæti sem fá
toppeinkunn. Þetta er sportsæti
sem skorðar ökumann af en er um
leið þægilegt, sérstaklega í lang-
keyrslu þar sem hægt er að lengja í
setunni. Prófunarbíllinn var leður-
klæddur og með innbyggð hljóm-
tæki frá BMW og Harman Kardon
hátalara. Leðurklætt stýrið er lítið
og sportlegt og leikur í höndum
ökumanns. Þar er líka að finna
stjórnrofa fyrir hljómtæki og skrið-
stilli. Hönnun og staðsetning á
stjórnrofum er til fyrirmyndar –
takkar eru stórir og vel staðsettir
og ekki þarf að líta af veginum þeg-
ar þeir eru notaðir. Bíllinn er líka
til án fjórhjóladrifsins og kostar þá
4.450.000 kr. en með fjórhjóladrif-
inu bætast við 270.000 kr. Auka-
búnaður í prófunarbílnum var m.a.
leðurgírhnúður á sjálfskiptingu,
sjálfskiptingin sjálf, 17" álfelgur,
rafmagnsrúður aftur í, armpúðar
milli sæta, þokuljós, aksturstölva,
fjölrofastýri, viðarklæðning, raf-
magnssæti með minni fyrir öku-
mann, sportsæti, hiti í sætum,
regnskynjari, Xenon ljós, sjálfvirk
hitastillandi miðstöð, geislaspilari,
Harman/Kardon hátalarakerfi. Af
þessari upptalningu má sjá að
mörgu hefur verið bætt við grunn-
gerðina og ljóst að verðið er orðið
hátt á sjöttu milljón króna, sem er
vissulega verulega hátt verð fyrir
ekki stærri bíl en aflið og aksturs-
eiginleikana hefur hann.
BMW 330xi – tamið villidýr
REYNSLUAKSTUR
BMW 330xi
Guðjón Guðmundsson
gugu@mbl.is
Morgunblaðið/Árni Sæberg
BMW 330xi er aflmikill fjórhjóladrifinn lúxusbíll.
Fremur lítið farangursrými . Vélin er sex strokka, línulaga. Klassískar línur BMW leyna sér ekki.
Leður og viður og frábær sportsæti.
Á HVERJUM degi þurfa rúðuþurrkur bílsins,
eða vinnukonurnar eins og þær hafa verið kall-
aðar, að kljást við ýmsa umhverfisþætti sem
smám saman vinna á gúmmíinu og eyðileggja
að lokum þurrkurnar. Þegar rignir breytist út-
sýni ökumannsins mjög til hins verra þegar lé-
legar rúðuþurrkur draga ennþá meira úr slæmu
skyggninu og geta þær aðstæður hæglega orðið
slysavaldur í umferðinni.
Það getur því borgað sig að skipta um
þurrkublöð einu sinni til tvisvar á ári án tillits til
þess í hvaða ástandi þau eru. Eitt er að óþægi-
legt er að aka um með þurrkur sem ekki vinna
sitt verk skikkanlega, en annað er sú hætta
sem skapast í umferðinni af slæmum rúðu-
þurrkum. Langflestar ákvarðanir, eða um 90%,
sem ökumaðurinn tekur í akstrinum byggjast á
upplýsingum sem hann fær þegar hann fylgist
með umferðinni út um framrúðuna. Góðar rúðu-
þurrkur eru því afar mikilvægar.
Sólskin og vindur vinna á rúðuþurrkunum,
jafnvel þótt þær séu ekki notaðar. Gummíið
harðnar í köldu veðri sem eykur líkur á að það
springi og óhreinindi, þvottaefni, bensín, tjara
og fleiri efni sem lenda á framrúðunni eru
óheppileg fyrir þurrkurnar. Ef ekki er skipt
reglulega um rúðuþurrkur og gúmmíið slitnar af
fyrrgreindum völdum aukast jafnframt líkurnar
á að þurrkublöðin rispi framrúðuna.
Ráðlegt að skipta bæði um arm
og þurrkublöð á eldri bílum
Ef rúðuþurrkurnar virðast ekki skila sínu
hlutverki eins og til er ætlast er þó ekki víst að
skipta þurfi um þurrkublöð. Ástæðan getur ver-
ið slæm fjöðrun í þurrkuarminum og þá bætir
auðvitað lítið úr skák að skipta um þurrkublað-
ið, heldur þarf að setja á nýjan þurrkuarm. Þá
hefur skítug og máð rúða einnig áhrif á þurrk-
urnar og nauðsynlegt að þrífa rúðuna vel.
Framangreint á auðvitað einnig við um þurrk-
urnar á afturrúðunni. Þegar farið er í sjálfvirkar
þvottastöðvar þarf að fylgjast sérstaklega vel
með þurrkunum á afturrúðunni, því slíkur
þvottur getur haft skaðleg áhrif á afturþurrk-
urnar.
Hægt er að endurnýja þurrkurnar á tvennan
hátt, annars vegar með því að skipta bara um
þurrkublaðið og hins vegar að skipta um rúðu-
þurrkuna alla, bæði blaðið og arminn. Ódýrast
er að skipta bara um þurrkublaðið og sjálfsagt
að gera það á nýlegum bílum. Á eldri bílum get-
ur þó verið ráðlegra að skipta um þurrkuna alla.
Gott að hafa í huga
Gott er að skipta um eina þurrku í einu og
taka aldrei báðar af samtímis. Nota má gömlu
þurrkuna til að bera saman við þá nýju og
ganga úr skugga um að sú nýja sé rétt sett á.
Gæta þarf vel að öllum smáhlutum í fest-
ingum þegar skipt er um þurrkublað því erfitt
getur reynst að fá þá keypta ef þeir glatast.
Aldrei á að setja rúðuþurrkur í gang þegar
rúðan er þurr og skítug. Þurrkurnar dreifa úr
óhreinindunum og geta rispað rúðuna.
Ágætt ráð er að leggja ábreiðu yfir rúðuna
þegar skipt er um þurrkur eða þurrkublöð.
Ábreiðan ver rúðuna ef þurrkuarmurinn skellur
óvænt til baka.
Mikilvægt er að nýja þurrkublaðið sé af réttri
stærð, bæði hvað varðar lengd og breidd. Á
bensínstöðvum og smurstöðvum er hægt að fá
upplýsingar um rétta stærð þurrkublaða í allar
bílategundir.
Endurnýja þarf rúðuþurrkurnar reglulega
Lélegar þurrkur auka hættu á slysum
Morgunblaðið/Kristinn