Morgunblaðið - 31.07.2003, Page 1
PRENTSMIÐJA MORGUNBLAÐSINS FIMMTUDAGUR 31. JÚLÍ 2003 Á netinu mbl.is/vidskipti BLAÐ B
NÝIR eigendur Hans Petersen hf., eigendur
Sjafnar hf. á Akureyri, hafa boðað til róttækra
breytinga á starfsemi félagsins. Baldur Guðna-
son, stjórnarformaður Hans Petersen, segir
spurður að 15 starfsmönnum verði sagt upp, í
öllum deildum fyrirtækisins. „Í yfirstjórn,
verslunum, á lager og á skrifstofu,“ segir hann.
Baldur segir að aðgerðirnar lækki rekstrar-
kostnað um í kringum 100 milljónir króna á ári.
Hann segir að samkvæmt áætlunum stefni í 50
milljóna króna hagnað fyrir afskriftir og fjár-
magnsliði á þessu ári, að öllu óbreyttu, en tap-
rekstur eftir skatta, vegna fjármagnsgjalda. Ef
aðgerðirnar skili tilætluðum árangri verði hins
vegar hagnaður af rekstrinum á árinu.
Spurður segir Baldur að engar ákvarðanir
hafi verið teknar um að loka verslunum. „Sam-
hliða þessu nýja skipulagi munum við endur-
skoða alla þætti rekstrarins. Hvort við fækkum
eða fjölgum verslunum verður að koma í ljós.“
Sameining skrifstofu og lagers
Hann segir að verið sé að skoða að sameina
skrifstofur og lager fyrirtækisins í nýjum höf-
uðstöðvum, en skrifstofurnar eru nú á Suður-
landsbraut og lagerinn í Skerjafirði. „Við erum
að leita að framtíðarstaðsetningu fyrir þær,“
segir hann. Baldur segir að Akureyri komi þar
ekki til greina, „en við ætlum aftur á móti að
færa bakvinnsluna; bókhald og fjármál, norður
yfir heiðar,“ segir hann.
Baldur segir að félagið sé fjárhagslega
sterkt, með yfir 60% eigið fé. „Það hefur hallað
undan fæti í rekstrinum og við erum að bregð-
ast við því. Við keyptum Hans Petersen 30. júní
og þá gerðum við okkur grein fyrir því að félag-
ið væri fjárhagslega sterkt, en aðgerða væri
þörf í rekstrinum. Við sáum líka að mjög mik-
ilvægt væri fyrir okkur að hrinda aðgerðunum í
framkvæmd sem fyrst, til að eyða óvissu starfs-
manna og annarra.“
Í fréttatilkynningu frá Hans Petersen segir:
„Í kjölfar kaupa Sjafnar hf. á Akureyri á Hans
Petersen hf. í síðastliðnum mánuði hafa verið
mótaðar grundvallarbreytingar á skipulagi
Hans Petersen hf. sem miða að því að styrkja
reksturinn og ná um leið fram hagræðingu.
Markmið breytinganna er að skilgreina nýtt
skipulag sem eflir fyrirtækið til sóknar sem
þjónustu- og markaðsdrifið fyrirtæki í þremur
nýjum einkahlutafélögum í smásölu og heild-
sölu í lausnum á ljósmyndavörum og tengdri
þjónustu fyrir einstaklinga, fyrirtæki og stofn-
anir. Þessar breytingar voru kynntar starfs-
mönnum Hans Petersen hf. í dag en þær taka
gildi frá 1. ágúst næstkomandi. Unnið verður
markvisst að þessum breytingum á næstu vik-
um en afleiðing þeirra er fækkun starfsmanna
og lækkun rekstrarkostnaðar.“
Sjöfn hf. á nánast 100% eignarhlut í félaginu í
Hans Petersen hf. og er stjórn félagsins skipuð
Baldri Guðnasyni stjórnarformanni og með-
stjórnendunum Eiríki S. Jóhannssyni og Stein-
grími H. Péturssyni.
Þrjú svið
Hans Petersen hf. verður eignarhaldsfélag sem
á 100% eignarhlut í fyrirtækjunum þremur:
Hans Petersen – Verslanir ehf. Rekstrarstjóri
verður Jón Ragnarsson. Hans Petersen –
Neytendavörur ehf. Rekstrarstjóri verður Karl
Þór Sigurðsson. Hans Petersen – Rekstrarvara
ehf. Rekstrarstjóri verður Ragnhildur Ás-
mundsdóttir. Framkvæmdastjóri Hans Peter-
sen hf. er Karl Þór Sigurðsson.
Í stjórnum nýju einkahlutafélaganna þriggja
verða Baldur Guðnason stjórnarformaður, og
meðstjórnendur þeir Steingrímur H. Péturs-
son og Karl Þ. Sigurðsson. Stjórnir einkahluta-
félaganna munu mynda framkvæmdastjórn
með viðkomandi rekstrarstjóra.
Róttækar breytingar
hjá Hans Petersen
15 starfsmönnum sagt upp. Rekstri skipt í þrennt. Aðgerðir sem spara hundrað milljónir á ári
Morgunblaðið/Árni Sæberg
VIÐSKIPTABLAÐ MORGUNBLAÐSINS
VÆNTINGAVÍSITALA Gallup lækkaði
um 5 stig í júlí frá fyrri mánuði. Eftir sam-
fellda hækkun vísitölunnar síðustu mánuði
lækkar hún nú annan mánuðinn í röð og
mælist nú 112,6 stig. Vísitalan er nú 9,5
stigum hærri en í byrjun ársins.
Í Markaðsyfirliti Landsbanka Íslands
kemur fram að hugsanlega megi skýra
lækkunina að einhverju leyti með árstíðar-
sveiflu, en vísitalan hefur lækkað í júlí þau
tvö ár sem hún hefur verið mæld.
Það að Væntingavísitalan sé yfir 100 stig-
um merkir að jákvæðir svarendur séu fleiri
en neikvæðir.
Vísitala væntinga til ástandsins eftir 6
mánuði lækkar um 12 stig á milli mánaða
og mælist nú 125,2 stig. Þessi lækkun á
stærstan þátt í lækkun heildarvísitölunnar.
Mat á núverandi ástandi hækkar á hinn
bóginn um 5,3 stig á milli mánaða og stend-
ur nú í 93,6 stigum. Mat almennings á at-
vinnuástandinu dróst saman um 8 stig á
milli mánaða og er nú 85,3 stig en mat á
efnahagslífinu hækkaði um rúm 4 stig og er
nú 141,6 stig.
Þrátt fyrir að væntingar til næstu sex
mánaða hafi minnkað er ólíklegt að alla
breytinguna megi skýra með árstíðasveiflu,
að því er segir í Morgunkorni Íslands-
banka. „Mögulega eru heimilin nú að átta
sig á því að lengra er í hið mikla hagvaxtar-
tímabil sem vænst hefur verið að skapist
samhliða stóriðjuframkvæmdum. Ekki
nema lítill huti framkvæmdanna fellur til á
þessu ári og hápunktur þeirra verður á ár-
unum 2005 og 2006. Þannig kann hækkun
væntingavísitölunnar á fyrstu mánuðum
ársins að hafa verið byggð á aðeins of mik-
illi bjartsýni. Einnig kann umræða um
varnarmál að hafa haft áhrif en samdráttur
í starfsemi varnarliðsins á Keflavík-
urflugvelli getur haft talsverð og víðtæk
áhrif á efnahagslíf landsmanna. Síðast en
ekki síst hefur gengi krónunnar lækkað
nokkuð frá því í maí og er líklegt að neyt-
endur upplifi það sem tekjuskerðingu,“ að
því er segir í Morgunkorni Íslandsbanka.
V Í S I T A L A
Væntinga-
vísitala lækk-
ar um 5 stig
Annar mánuðurinn í röð
sem vísitalan lækkar
S É R B L A Ð U M V I Ð S K I P T I , E F N A H A G S M Á L O G A T V I N N U L Í F Á S A M T S J Á V A R Ú T V E G S B L A Ð I
Milljarða tap
Eigendur Bonus Stores tapa milljörðum 2
Yfirtökutilboð í Skeljung
Hlutabréfaeign Skeljungs nýtt sem greiðsla 6
BROSTNAR VONIR Í BOLTANUM I Í