Morgunblaðið - 31.07.2003, Blaðsíða 2
2 B FIMMTUDAGUR 31. JÚLÍ 2003 MORGUNBLAÐIÐ
NFRÉTTIR
!"#$
!
"#$%&'()*+,-"#./.,(0
$%1 23*)$%-$1*!32 %%-4
&('5!!617*( (385)"5066
7
9 89
9:
;
< 9
89 9
1 =(),6
17*) (,*)
% (*+-+"*!,"06
%&
%&
'
'
( (
(
'
'
) (
( *+ *+,
*+ *+,
BAUGUR hóf starfsemi í Banda-
ríkjunum árið 1999 þegar fyrirtækið
stofnaði Bonus Dollar Stores í félagi
við Jim Schafer, sem varð forstjóri
hins nýstofnaða fyrirtækis. Hann
hafði áður verið svæðisstjóri hjá
Wal-Mart í Bandaríkjunum og hafði
starfað sem ráðgjafi hjá Baugi á Ís-
landi frá árinu 1998.
Bonus Dollar Stores ráku 19
verslanir í Flórída á fyrri hluta árs
2001 og ætlunin var að tvöfalda
fjölda verslananna næsta árið.
Ákveðið var að hraða uppbygging-
unni með því að kaupa verslanakeðj-
una Bill’s Dollar Stores, sem var um
þetta leyti í gjaldþrotameðferð, svo-
kölluðum Chapter 11. Baugur
keypti nýju keðjuna, sem rak 410
verslanir, í samvinnu við Kaupþing í
New York og marga minni fjárfesta
á um 3 milljarða króna og í fram-
haldi af því var ætlunin að Bonus
Dollar Stores-verslanirnar á Flórída
og Bill’s Dollar Stores-verslanirnar
yrðu sameinaðar undir nafninu Bon-
us Stores, sem er fyrirtækið sem
keypti Bill’s Dollar Stores. Fjárfest-
ingin í félögunum nam í heild sinni
um 6 milljörðum króna. Hlutur
Baugs í félaginu var í upphafi um
55%.
Hallar undan fæti
Síðla árs 2001 sendi Baugur frá sér
fréttir um batnandi afkomu og
hagnað af Bonus Stores, en til Bon-
us Stores teljast Bill’s Dollar Stores
verslanirnar. Í október í fyrra var
svo send út tilkynning um veruleg
frávik frá áætlun um afkomu Bonus
Stores og á fyrstu sex mánuðum
þess rekstrarárs færðist rúmlega
600 milljóna króna tap Bonus Stores
í bækur Baugs. Tugum verslana var
lokað og gripið til frekari aðgerða í
því skyni að laga reksturinn. Í til-
kynningunni kom fram að Baugur
færði hlut sinn í Bonus Stores á
1.466 milljónir króna í lok águst
sama ár.
Í lok október í fyrra sömdu Bonus
Stores um 40 milljóna dala lánalínu
við Fleet Bank of Boston og á sama
tíma var ákveðið að Baugur setti 9
milljónir dala, um 800 milljónir
króna, til viðbótar inn í fyrirtækið í
formi nýs hlutafjár. Við þetta hækk-
aði hlutur Baugs í Bonus Stores og
er hann nú 65%.
Um svipað leyti var núverandi
forstjóri, Jack Koegel, ráðinn til
starfa, en fáeinum mánuðum áður
hafði Jim Schafer verið sagt upp
störfum. Ásakanir og stefnur gengu
á víxl milli hans og Baugs, en í sept-
ember í fyrra náðist samkomulag
milli deilenda. Skömmu áður hafði
Kaupþing sölutryggt eignarhlut
Schafers í Bonus-verslununum í
Flórída fyrir 2 milljónir dala, eða
um 175 milljónir króna. Schafer
hafði átt helmingshlut á móti Baugi
í fyrirtækinu á Flórída og ætlunin
hafði verið að hann eignaðist 7,5% í
sameinuðu fyrirtæki.
Á 1,28 milljarða króna í
bókum Kaupþings
Samkvæmt skráningarlýsingum
sem Kaupþing gaf út í október og
desember í fyrra átti Kaupþing
35,7% í Bonus Stores. Í mars á
þessu ári var aftur gefin út skrán-
ingarlýsing og þar kom fram að
eignarhlutur Kaupþings væri 29,8%
og að hann væri bókfærður á 1,28
milljarða króna. Ekki hefur fengist
upplýst hve mikið Kaupþing hefur
lagt í þessa fjárfestingu frá upphafi,
en það er líklega nokkru hærri tala
en bókfært virði fjárfestingarinnar í
mars á þessu ári enda hefur rekstur
Bonus Stores gengið þannig að sam-
kvæmt íhaldssömu mati fjárfesting-
arinnar ætti hún að hafa verið lækk-
uð í bókum Kaupþings.
Eins og áður sagði var ætlunin í
upphafi að sameina reksturinn í
Flórída við Bill’s Dollar Stores, en
ekkert var úr því. Bonus-verslanirn-
ar á Flórída hafa nú hætt rekstri og
var leigusamningum við eigendur
húsnæðis verslananna sagt upp fyr-
ir rúmum þremur mánuðum. Að
sögn talsmanna Baugs var þetta
gert vegna þess að reksturinn gekk
ekki nógu vel til að halda honum
áfram.
Eins og greint var frá í Morgun-
blaðinu í gær hefur Bonus Stores nú
óskað eftir að verða tekið til gjald-
þrotameðferðar, svokallaðs Chapter
11. Ákveðið hefur verið að selja 214
af verslunum fyrirtækisins og um
það standa yfir viðræður við aðrar
verslanakeðjur. Þá hefur dreifingar-
miðstöð fyrirtækisins verið lokað.
Eftir þessa fækkun verða verslanir
Bonus Stores 97 í þremur fylkjum,
en fyrir fækkunina eru verslanirnar
í 12 fylkjum.
Mikið tap á síðasta ári
Baugur hyggst ekki setja meiri fjár-
muni inn í rekstur Bonus Stores og
ætlar að draga sig út af Bandaríkja-
markaði. Einn af þeim möguleikum
sem nú eru uppi er að forstjóri Bon-
us Stores, Jack Koegel, og hópur
fjárfesta kaupi þær 97 verslanir sem
eftir verða í eigu Bonus Stores.
Í maí síðastliðnum tók Jón Ásgeir
Jóhannesson, forstjóri Baugs, þann-
ig til orða að starfsemi fyrirtækisins
í Bandaríkjunum hefði verið dýrt
námskeið og að Baugur myndi ekki
fara aftur þá leið að kaupa fyrirtæki
sem hefði tvisvar farið í gjaldþrota-
meðferð, og átti þar við Bill’s Dollar
Stores, sem samkvæmt því er nú í
sinni þriðju gjaldþrotameðferð und-
ir merkjum Bonus Stores.
Tap Baugs í Bandaríkjunum fyrir
rekstrarárið 2002 nam 1.591 milljón
króna og í maí sagði Jón Ásgeir að
áhætta Baugs af fjárfestingunni
væri 2 milljarðar króna. Hvort þess-
ir milljarðar munu einnig tapast eða
að hve miklu leyti veltur á því
hvernig gengur að ná verðmætum
út úr því sem eftir er af Bonus Stor-
es. Ekki er óvarlegt að áætla að tap
Baugs af starfseminni í Bandaríkj-
unum verði að minnsta kosti 3 millj-
arðar króna þegar upp verður stað-
ið, en í öllu falli er ljóst að tapið mun
hlaupa á milljörðum króna.
Miðað við bókfært verð Bonus
Stores hjá Kaupþingi í mars síðast-
liðnum, 1,28 milljarðar króna, er
einnig ljóst að Kaupþing tapar
háum fjárhæðum á þessum viðskipt-
um. Samanlagt tap þess verður
væntanlega að minnsta kosti vel yfir
einn milljarður króna, en hluti þess
hefur að líkindum þegar komið
fram.
Við tap Baugs og Kaupþings bæt-
ist tap annarra fjárfesta, sem einnig
hlýtur að nema háum fjárhæðum, að
minnsta kosti hundruðum milljóna
króna.
Milljarðatap af verslunar-
rekstri í Bandaríkjunum
Fjárfestar sem lögðu í víking vestur um haf
undir forystu Baugs hafa ekki haft erindi sem
erfiði. Milljarðar króna hafa tapast, aðallega
vegna fyrirtækis sem nú er í sinni þriðju gjald-
þrotameðferð.
BANDARÍSKU
bankarnir JP Morgan
og Citigroup þurfa að
punga út nærri 300
milljónum dollara eða
sem svarar til 23 millj-
arða íslenskra króna,
fyrir aðild sína að
Enron-hneykslinu.
Fjármálaeftirlitið í
Bandaríkjunum (SEC)
segir bankana tvo, sem
eru meðal stærstu
banka landsins, hafa
aðstoðað Enron við að
útfæra flóknar fjárhagsfærslur
sem voru til þess ætlaðar að
hækka fjárstreymistölur fyrirtæk-
isins og fela skuldir þess.
SEC staðhæfir að bankarnir
hafi vitað að Enron var reyna að
fegra reikningana sína þegar fyr-
irtækið rambaði í raun á barmi
gjaldþrots.
Tilkynnt hefur verið að JP
Morgan muni greiða SEC 135
milljónir dollara (ríflega 10 millj-
arða króna) fyrir sinn þátt en Citi-
group muni greiða 101 milljón
dollara (tæpa 8 milljarða). Féð
verður notað til að greiða fórnar-
lömbum Enron í fjársvikamálinu.
Að auki þurfa bankarnir að greiða
50 milljónir dollara (tæpa 4 millj-
arða króna) til New York-fylkis og
New York-borgar og 3 milljónir
dollara (rúmar 200 milljónir
króna) vegna kostnaðar hjá sak-
sóknara Manhattan.
Greiða nærri 23 millj-
arða í sekt vegna Enron
SINGAPORE Airlines tapaði
312,3 milljónum singapúrdala, sem
svarar til 13,8 milljarða íslenskra
króna, á öðrum ársfjórðungi. Er
það í fyrsta skiptið sem félagið er
rekið með tapi. Á sama tímabili í
fyrra nam hagnaður Singapore
Airlines 478,4 milljónum singapúr-
dala.
Í tilkynningu frá flugfélaginu er
stríðið í Írak og áhrif bráðalungna-
bólgunnar, SARS, helsta skýring
verri afkomu félagsins.
Tekjur félagsins drógust saman
um 35% á milli tíma og námu 1.653
milljónum singapúrdala á tíma-
bilinu apríl-júní 2003. Farþegum
fækkaði á milli tímabila um rúm
49%.
Samkvæmt tilkynningu Singa-
pore Airlines hefur starfsfólk tekið
á sig talsverða launalækkun og
þóknun stjórnarmanna verður
lækkuð um 50%. Jafnframt verður
reynt að komast hjá uppsögnum
með því að áhafnir flugvéla, aðrir
en flugmenn, taki á sig viku launa-
laust leyfi á tveggja mánaða fresti
til ársloka 2004. Flugmenn munu
hins vegar taka tveggja daga
launalaust leyfi á mánuði.
Í fyrsta
sinn tap hjá
Singapore
Airlines