Morgunblaðið - 06.08.2003, Blaðsíða 2
2 B MIÐVIKUDAGUR 6. ÁGÚST 2003 MORGUNBLAÐIÐ
bílar
SALA á nýjum fólksbílum jókst um
43,2% fyrstu sjö mánuði ársins.
Alls seldust 6.435 nýir bílar á
tímabilinu en 4.493 bílar fyrir
sama tímabil í fyrra. Söluhæsta
tegundin er sem fyrr Toyota sem
hefur 27,2% markaðshlutdeild en
athygli vekur mikil söluaukning á
Honda, tæp 247% aukning miðað
við sama tíma í fyrra.
!
"#$%"
&'(
'$"
)*+
)$'
)++
),&
),)
+("
+'$
+)"
"$+
")&
")"
*(
%$+
Bílasala eykst um 43,2% fyrstu 7 mánuðina
ÞAÐ er mikið að gerast á markaði
fyrir millistóra bíla þessa dagana.
Stutt er síðan VW sýndi fyrstu
myndir af Golf, einum söluhæsta
bíl Evrópu, og nú hefur Opel sent
frá sér fyrstu myndir af nýjum
Astra sem keppir í sama stærð-
arflokki. Opel Astra hefur ávallt
selst vel í Evrópu en núverandi
gerð er farin að reskjast. En strax
í næsta mánuði frumsýnir Opel
nýjan Astra á bílasýningunni í
Frankfurt. Eins og sjá má af
myndunum er nýi bíllinn mun nú-
tímalegri í útliti. Fimm dyra hlað-
baksgerð Astra kemur á markað
næsta vor en langbakurinn og
þriggja dyra hlaðbakurinn koma
seinna.
Eins og nánast allir nýir bílar
verður nýr Astra stærri en núver-
andi gerð. Hann verður 14 cm
lengri, 2 cm breiðari og 4 cm
hærri.
Stærstu breytingarnar, að frá-
töldu útlitinu sjálfu, eru þær að
bíllinn fær sömu rafeindatækni og
er að finna í nýjum Vectra. Þar má
m.a. nefna IDS Plus, búnað sem
stöðugt fylgist með virkni högg-
deyfanna og stillir þá eftir þörfum.
Með því að þrýsta á einn hnapp í
mælaborðinu getur ökumaðurinn
breytt aksturseiginleikum bílsins
úr því að hafa aksturinn þægilegan
upp í það að vera meira sportleg-
ur.
Nýr Astra fær annan bylting-
arkenndan búnað sem eru framljós
með aðlögunarhæfni, þ.e.a.s. ljós
sem lýsa upp beygjur áður en
beygt er.
Bíllinn verður fáanlegur með
fimm gerðum bensínvéla og
þremur dísilvélum með for-
þjöppum. Tvær af þessum dísil-
vélum eru splunkunýjar, þ.e. 1,9
lítra, 150 hestafla og 2,0 lítra, 170
hestafla. Þær, ásamt 2ja lítra
bensínvélinni, verða með nýhönn-
uðum sex gíra handskiptum gír-
kassa.
Nýr Opel Astra næsta vor
Fimm dyra hlaðbaksgerð Astra kemur á markað næsta vor.
Nýr Astra verður 14 cm lengri,
2 cm breiðari og 4 cm hærri en
núverandi gerð.
V
eitingastaður Renault á
frægustu götu Parísar var
opnaður fyrir nokkrum ár-
um. Það vakti athygli þegar
gengið var inn að dyraverðir vilja
skoða í skjóður og innkaupapoka
gesta. Þetta lýsir þeirri ógn sem
hryðjuverk hafa vakið út um allan
heim. Í anddyri Renault-veitinga-
hússins er glænýr Scenic. Renault
hefur ávallt nýjustu framleiðslubíla
sína í fordyrinu og þar eru á vappi
sölumenn sem taka niður pantanir. Á
vinstri hönd er gengið upp tröppur
og þá eru gestir komnir inn á sjálfan
veitingastaðinn. Þar er hægt að
panta sér léttan málsverð, kaffi eða
vínglas og horfa á nýjustu fram-
leiðslubílana á skjám á veggjum.
Talisman
Inn af salnum á neðri hæðinni eru
hins vegar sérstæðustu hugmynda-
bílar Renault. Þarna mátti sjá Tal-
isman sem frumsýndur var á bíla-
sýningunni í Frankfurt árið 2001.
Mjúk og ávöl form einkenna þennan
bíl en höfundur hans er Patrick le
Quément, yfirmaður hönnunardeild-
ar Renault. Hann segir að Talisman
sé lýsandi dæmi um framtíðarsýn
fyrirtækisins, hvernig það sjái fyrir
sér að innanrými bíla í framtíðinni
verði. En það er einmitt innanrými
sem allt snýst um í þessum bíl. Dyrn-
ar á honum opnast eins og vængir
með raf- og vökvastýrðum búnaði.
Innanrýmið er einfalt og enginn
hurðarpóstur er í miðjunni til þess
að brjóta upp rýmið. Þrjár mynda-
vélar koma í stað baksýnisspegils og
varpa myndum af umhverfinu fyrir
aftan bílinn upp á fjölnota raddstýrð-
an skjá ofan á mælaborðinu. Hæð á
framsætum er stjórnað með því að
þrýsta á hnapp sem hleypir lofti inn
á púða undir sætunum. Vélin er 4,5
lítrar að slagrými, V8, 32 ventla og
bíllinn er afturhjóladrifinn. Hann er
á Michelin PAX-kerfisdekkjum, sem
hægt er að aka á þótt þau missi loft-
þrýsting.
Initiale og Koleos
Eldri gerð lúxusbíls er Initiale
sem er eiginlega forveri Vel Satis-
lúxusbílsins sem nú er kominn á
markað. Initiale var frumsýndur í
Frankfurt árið 1995. Initiale er stór-
glæsilegur, fernra dyra fólksbíll sem
byggist á ríkri hefð franskrar fólks-
bílagerðar. Framrúðan á Initiale
endar í raun ekki fyrr en kemur að
afturenda bílsins, svo ekki ætti að
verða skuggsýnt í bílnum. Framsæt-
unum tveimur er hægt að snúa 20
gráður til hliðar til að auðvelda að-
gengi að bílnum.
Vélin kemur frá Renault Sport-
hönnunardeildinni og er 3,5 lítra,
V10-vél sem skilar 392 hestöflum við
8.000 snúninga á mínútu og togið er
360 Nm við 6.200 snúninga. Aflið fer
jafnt til hjólanna fjögurra og bíllinn
er að sjálfsögðu með ABS og flestu
öðru tilheyrandi. Koleos-jeppinn er
einn af óvenjulegri hugmyndabílum
seinni ára, og hann var frumsýndur á
bílasýningunni í Genf árið 2000.
Koleos er blanda af lúxusbíl og
kraftalegum torfærujeppa og er þar
að auki með tvinnvél; bensínvél og
rafmótor.
Yfirbygging bílsins er að mestu
leyti úr trefjaplasti. Le Quement
kvaðst á sínum tíma ekki geta stað-
hæft að Koleos yrði framleiddur en
tæki Renault á annað borð ákvörðun
um að fara inn á lúxusjeppamarkað
þá yrði þetta bíllinn sem yrði boðinn
fram. Þegar hönnun hófst á Koleos
hafði Renault ekki aðgang að fjór-
hjóladrifstækni sem dygði bílnum og
því var gripið til þess ráðs að hafa 2ja
lítra bensínvél til að knýja framhjól-
in og rafmótor til að knýja afturhjól-
in. Eftir tengslin við Nissan hefur
Renault nú aðgang að hátækni-
væddri fjórhjóladrifstækni og líklegt
má telja að Koleos yrði boðinn með
stórum V6- og V8-vélum.
Hjá Renault á Champs Elysées
Á veitingastaðnum er hægt að matast meðan bílar eru skoðaðir á skjám.
Initiale er með afar stórt glerþak. Elypse er kassalaga borgarbíll með tvinnvél.
Initiale varð aldrei meira en hugmyndabíll.
Morgunblaðið/Guðjón Guðmundsson
Koleos, hugmynd Renault um jeppa.
Á Champs Elysées í París eru
margir fallegir veitingastaðir.
Einn vekur þó meiri athygli
bílaáhugamanna en aðrir —
þetta er Renault-veitingastað-
urinn. Guðjón Guðmundsson
fékk sér þar kaffi og skoðaði
hugmyndina að baki staðnum
og hugmyndabílana sem draga
gesti að.