Morgunblaðið - 06.08.2003, Blaðsíða 4

Morgunblaðið/Guðjón Guðmundsson
RS er byggður upp sem sportbíll, á lágbörðum og með litla veghæð.
SKODA Octavia er bíll sem lætur
lítið yfir sér. Hefur verið nánast
óbreyttur frá því hann kom fyrst á
markað vorið 1998 en þá strax var
eftir honum tekið því þarna var á
ferðinni vel smíðaður bíll á hag-
stæðu verði. Síðan hefur merkið
stöðugt verið að sækja í sig veðrið
og sérstaklega átt upp á pallborðið
hér á landi. Alls hafa nú selst um
800.000 Octavia víða um heim síðan
hann var settur á markað. Svo virð-
ist sem gamlir fordómar í garð
Skoda séu loks á undanhaldi enda
sjá flestir góð kaup í þessum vand-
aða bíl sem byggir að stórum hluta
á tækni og búnaði frá móðurfyr-
irtækinu Volkswagen.
Sportbíll — en þó fjölskyldubíll
Skoda er þó í hugum flestra ein-
göngu vel brúklegur fjölskyldubíll
en í línunni leynast líka vakrir gæð-
ingar eins og Octavia RS sem próf-
aður var í langbaksgerð á dögun-
um.
Menn þekkja fjögurra strokka,
1,8 lítra vélina frá VW sem notuð
er jafnt í VW, Audi, Seat og Skoda.
Í Octavia RS er þessi þverstæða
vél látin skila 180 hestöflum enda
er hún búin bæði forþjöppu og
millikæli. Stjórnboxið er síðan
hægt að senda utan og setja í það
kubb sem bætir við einum 30 hest-
öflum þyki mönnum ekki nóg um
aflið. Flestir láta sér þó duga hest-
öflin 180 enda er bíllinn virkilega
sprækur og skemmtilegur með
þeirri vél.
Að utan er RS aðgreindur frá
venjulegum Octavia langbaki með
16 tommu álfelgum og lágum og
breiðum börðum en ekki síst græn-
máluðum bremsudæluklöfum. Þá
er hann með stóru útblástursröri
að aftan, þakbogum og prófunar-
bíllinn var jafnframt með sóllúgu. Í
þessari útfærslu er bíllinn sportleg-
ur á að líta án þess að virka glaum-
gosalegur. Þetta er í raun fjöl-
skyldubíll, fimm sæta með drjúgu
farangursrými, en jafnframt með
miklar sportlegar tilhneigingar.
Aksturinn er aðdráttaraflið
Að innan er bíllinn með sport-
sætum sem klædd eru leðri og slit-
sterku áklæði á slitflötum. Þetta er
kostur því margir þekkja það að
hitna of mikið á vissum líkamsstöð-
um í leðursætum. Gírstöngin er
líka sportleg í laginu og á gólf-
mottum og á gírstangarhnúð má
sjá RS-merkið. Mælaborðið er ein-
falt og stílhreint og mælarnir með
rauðum nálum á silfurlitum skífum.
Lítill armpúði er milli sætanna en
hirslan er af minnstu gerð. Annað
sportlegt bragð er að hafa pedalana
úr glansandi stáli. Sætin skorða vel
líkamann af og stýri og stjórntæki
leika í höndum ökumanns.
Aðdráttaraflið við þennan bíl er
aksturinn sjálfur. Maður stendur
sig að því að langa til að skreppa í
smá bíltúr á ólíklegustu stundum
og sjaldan hefur undirritaður verið
jafn fús til að sendast og snatta fyr-
ir aðra í fjölskyldunni.
1,8 lítra vélin er fjögurra strokka
og liggur þvert í vélarrýminu.
Þetta er fjölventlavél, fimm ventlar
á hvern strokk og tveir yfirliggj-
andi knastásar; vél sem hefur
margsannað sig fyrir að vera
skemmtilegur kostur hvort sem
hún er í 150, 180 eða 225 hestafla
útfærslunum. Mesta aflið í Octavia
RS næst við 5.500 snúninga og tog-
ið er jafnt á breiðu snúningssviði,
eða 235 Nm allt frá 1.950-5.000
snúningum á mínútu. Togið er því
mikið strax á lágum snúningi og því
fljótlegt að láta bílinn vinna sig upp
úr lágum snúningi þótt hann sé í
háum gír.
Upptakið mætti reyndar vera
sneggra; samt er uppgefin tala átta
sekúndur úr kyrrstöðu í hundraðið,
en hver vill ekki ennþá meira af því
góða. Undir eins og túrbínan kem-
ur inn þeysist bíllinn áfram og spól-
ar sé óvarlega gefið inn. Aflið fer
nefnilega um fimm gíra handskipt-
an kassa og allt til framhjólanna en
bíllinn er líka fáanlegur með fjór-
hjóladrifi. Staðalbúnaður er ESP-
stöðugleikastýring. Lítið reyndi á
þann búnað í reynsluakstrinum því
sannast sagna er Octavia RS afar
rásfastur bíll. Fjöðrunin er líka stíf
og á lágbörðunum jafnvel höst þeg-
ar farið er í ójöfnur og þegar farið
er yfir hraðahindranir þarf að gæta
að sér því bíllinn er fremur lágur.
Malbikið heimavöllurinn
RS-bíllinn er settur upp eins og
sportbíll og er því hans heimavöllur
malbikaðir vegir. Leiðin í reynslu-
akstrinum lá hins vegar nokkuð um
malarvegi og þar kom í ljós að hann
hentar síður til aksturs við slíkar
aðstæður á þessum dekkjum.
Þegar upp er staðið er óhætt að
segja að Octavia RS sé fjölskyldu-
bíll en með sportlegri eiginleika en
menn eiga að venjast í þeim flokki.
Fjöðrunin er varla að skapi þeirra
sem eru fyrst og fremst að leita að
þægindum en þeir sem kunna að
meta rásfestu og afl þá er Octavia
RS áhugaverður kostur.
Verðið er 2.590.000 krónur og
þykir mörgum nóg um þar sem
þetta er „bara“ Skoda. En í þessu
viðhorfi felst líka það að menn telja
Skoda síðri kost en aðra evrópska
bíla sem er bara ekki raunin leng-
ur. Octavia er að koma vel út hvað
varðar lága bilanatíðni og það þarf
ekki annað en umgangast bílinn til
að sjá að hann er vel smíðaður og
vandað er til efnisvals. Fyrir þess-
ar tæpur 2,6 milljónir kr. fæst sem
sé virkilega skemmtilegur aksturs-
bíll og ágætlega búinn. Þar má
nefna sportsæti, leðurklæðningu,
loftkælingu, geislaspilara, aksturs-
tölvu og ESP-stöðugleikastýringu.
Fáir bílar eru til að bera saman
og líklega enginn skutbíll. Þeir sem
koma helst upp í hugann er fjór-
hjóladrifinn Subaru Impreza
Turbo, 225 hestafla, sem kostar
2.980.000 kr., Honda Accord Type
S, sem er einhver bestu kaupin í
fólksbílum í sínum stærðarflokki í
dag. Þetta er 190 hestafla bíll og
kostar 2.740.000 kr. og svo er það
Toyota Corolla T Sport með afl-
mikilli 192 hestafla vél og sex gíra
handskiptum kassa sem kostar
2.490.000 kr.
180 hestöfl og gott veggrip gera RS að skemmtilegum akstursbíl.
Sportlegt undir stýri — sportmælar og gljáandi stálpedalar.
Sportlegur og afl-
mikill Octavia RS
REYNSLUAKSTUR
Skoda Octavia RS
Guðjón Guðmundsson
Rauðar nálar á hvítri skífu.
Álfelgur og grænmálaðir bremsu-
klafar sem vekja athygli.
gugu@mbl.is
4 B MIÐVIKUDAGUR 6. ÁGÚST 2003 MORGUNBLAÐIÐ
bílar
Vél: 1.781 rsm, fjórir
strokkar, 20 ventlar,
forþjappa, millikælir.
Afl: 180 hestöfl við 5.500
snúninga á mínútu.
Tog: 235 Nm við 1.950—
5.000 sn. á mínútu.
Hámarkshraði:
231 km/klst.
Hröðun: 8 sekúndur úr
kyrrstöðu í 100 km.
Eyðsla: 8 lítrar í
blönduðum akstri.
Gírskipting: Framdrifinn,
fimm gíra handskiptur.
Hemlar: Diskar að framan
og aftan, kældir að
framan, ABS.
Hjólbarðar: 205/55 R 16.
Lengd: 4.513 mm.
Breidd: 1.731 mm.
Hæð: 1.444 mm.
Eigin þyngd: 1.340 kg.
Lægsti punktur: 11,5 cm.
Farangursrými: 548/
1.512 lítrar.
Verð: 2.590.000 kr.
Umboð: Hekla hf.
Skoda Octavia
Combi RS