Morgunblaðið - 06.08.2003, Blaðsíða 7
MORGUNBLAÐIÐ MIÐVIKUDAGUR 6. ÁGÚST 2003 B 7
bílar
TOYOTA hefur hafið innflutning á
Avensis sem smíðaður er í Burnaston
í Englandi til Japans. Alls voru fluttir
út 350 bílar af þessari gerð og er
þetta í fyrsta sinn sem Toyota-bílar
sem smíðaðir eru í Evrópu eru fluttir
út til Japans. Ný gerð Toyota Avensis
kom á markað í Evrópu í mars síðast-
liðnum.
Shuhei Toyoda, stjórnarformaður
Toyota Motor í Evrópu, segir að nýr
Avensis hafi verið hannaður og þró-
aður sérstaklega fyrir Evrópu og það
sé því mikil viðurkenning að bíllinn
muni keppa á kröfuhörðum bílamark-
aði í Japan þar sem aðaláherslan er
lögð á gæði.
Toyota ráðgerir að selja 790.000
nýja bíla í Evrópu á þessu ári. Á fyrri
helmingi ársins nam salan hins vegar
435.770 bílum sem er 6% söluaukn-
ing miðað við sama tímabil í fyrra.
Markaðshlutdeild fyrirtækisins í Evr-
ópu á þessum tíma fór í 4,7% en var
4,5% á sama tímabili í fyrra. Fyr-
irtækið sló sölumet í júní þegar seld-
ust 81.269 bílar sem er 18% aukning
miðað við júní 2002.
Avensis frá Bret-
landi til Japans
Morgunblaðið/Guðjón Guðmundsson
Avensis verður fyrsti Toyota-bíllinn sem fluttur er út frá Bretlandi til Japans.
TUTTUGU og þrír félagar í Sér-
sveitinni, ferðahóp frá Akranesi, hélt
í fimm vikna reisu á átta sérútbúnum
jeppum og fellihýsum til Evrópu í
byrjun júní. Ferðinni var heitið til
meginlands Evrópu og var farið með
nýju Norrænu til Hanstholm í Dan-
mörku. Gísli Björnsson, deildarstjóri
sjúkraflutninga á Akranesi, var með
í förinni ásamt eiginkonu sinni,
Kristínu Hallsdóttur, og barna-
barninu, Tönju Rós, átta ára.
Allir breyttir fyrir 38 tommur
„Undirbúningur er búinn að
standa yfir í tvö ár. Ferðahópurinn
Sérsveitin hefur ferðast mikið sam-
an. Þetta er hópur innan Vestur-
landsdeildar Ferðaklúbbsins 4x4.
Við höfum ferðast mikið innanlands.
Þegar við heyrðum minnst á að það
ætti að smíða nýja Norrænu kom
upp sú hugmynd að við færum með
henni þegar hún yrði tekin í gagnið.
Það frestaðist síðan í eitt ár að skipið
yrði tekið í notkun en við drifum okk-
ur síðan af stað í sumar,“ segir Gísli.
Jepparnir átta eru allir sérútbúnir
og breyttir fyrir 38 tommu dekk;
þrír Nissan Patrol, tveir Toyota,
einn Isuzu og einn stór Ford. Allir
voru með stór fellihýsi að auki. Frá
Hanstholm lá leiðin til Hirtshals og
hópurinn ferðaðist talsvert um Jót-
land í um viku tíma. Leiðin lá síðan
suður Jótland til Þýskalands alla leið
til Svartaskógar. Dvalist var í þrjár
vikur í Þýskalandi
Þarf ekki að undirbúa ferð af
þessu tagi rækilega?
„Við gerðum það. Þetta var stór
hópur og við bjuggum til ferðaáætl-
un og létum hana að mestu leyti
standast. Að vísu ferðuðumst við
minna en til stóð vegna mikillar hita-
bylgju sem gekk yfir. Hitinn fór upp
í 40 stig og það var heitt fyrir þá sem
ekki höfðu loftkælingu. En við höfð-
um hjól með okkur og notuðum þau
mikið.
Vöktu athygli í Þýskalandi
Hersingin vakti mikla athygli í
Þýskalandi. „Menn botnuðu ekkert í
því hvað við værum að þvælast á
þessum bílum. Fjórir bílanna voru á
38 tommu dekkjum og við vorum nú
hræddir um að dekkin myndu
splundrast í þessum hitum. En það
reyndust óþarfa áhyggjur. Þegar við
komum á tjaldsvæðin vöktum við
jafnan mikla athygli. Bílarnir og
fellihýsin tóku mikið pláss og við
fengum alls staðar úthlutað einum
bás og búin var til ein gata fyrir okk-
ur. Það tók okkur hálftíma að tjalda
og menn skildu ekkert í þessu enda
ekki vanir fellihýsum. Þarna eru
flestir með hjólhýsi sem lagt er yfir
sumarið á tjaldsvæðunum. Aðrir á
tjaldsvæðunum spurðu okkur mikið
út úr; vildu fræðast um bílana, felli-
hýsin og Ísland. Það er mikill Ís-
landsáhugi í Þýskalandi,“ segir Gísli.
Hópurinn gerði ferðaáætlanir og
keyrði eftir tölvu með ferðaforriti
sem kallast McPoint. Tölvan var
tengd við GPS-kerfi þannig að hóp-
urinn vissi alltaf um staðsetningu
sína hverju sinni.
„Við stoppuðum einna lengst í
Svartaskógi þar sem er mjög ynd-
islegt umhverfi. Við vorum við vatn
inni í dal þar sem var feykilega fal-
legt umhverfi. Þarna notuðum við
reiðhjólin mun meira en við höfðum
reiknað með að gera. Aðstaða til
hjólreiða er til fyrirmyndar þarna.“
Kostar svipað og sólarlandaferð
Gísli segir að ferðalag af þessu
tagi sé ekki dýrara en venjuleg sól-
arlandaferð þegar upp sé staðið.
Svipað kostar að nota tjaldsvæðin í
Evrópu og hér á Íslandi en á móti
kemur að á öllum tjaldsvæðum er
rafmagn og aðstaðan til fyrirmyndar
og ekki sambærileg við það sem er
hér á landi. „Við keyptum bók um
tjaldsvæðin í Evrópu og völdum
betri tjaldsvæðin upp úr henni.
Þarna eru sturtur, þvottavélar, leik-
vellir og víða einnig sundlaugar.
Þarna eru líka veitingahús, krár og
fleira. Það er nóg pláss á tjaldsvæð-
unum á þessum tíma en mesta um-
ferðin byrjar víst upp úr 20. júlí þeg-
ar Evrópubúar flykkjast á tjald-
svæðin. Ég mæli eindregið með
svona ferðalagi,“ segir Gísli.
Sérsveitin: Sölvi, Gísli, Helga, Ellen, Ellert, Sigga, Edda, Svanhildur, Valdimar, Tanja, Ragnheiður, Jónas Kári, Þröstur,
Kristín, Hjalti, Guðríður, Sunna Rós, Sigmundur, Valdís, Guðjón, María, Pétur og Eiríkur.
Komin á tjaldstæði í Þýskalandi. Fólk skoðaði mikið bílana og fellihýsin og var
fróðleiksfúst um Ísland.
Hjólin voru óspart notuð í ferðinni og eftir á að hyggja eru þau nauðsynlegur hlutur í svona ferð.
Gert var merki fyrir Sérsveitina sem
var límt á bílana og fellihýsin. Einnig
var útbúinn fáni sem flaggað var á
tjaldstæðunum.
Evrópuferð með íslenskum formerkjum
Menn ráku upp stór augu þegar átta sérútbúnir ís-
lenskir fjallajeppar birtust á hraðbrautum Þýskalands.
Þarna voru á ferð félagar í Sérsveitinni. Guðjón Guð-
mundsson ræddi við Gísla Björnsson um ferðalagið.
gugu@mbl.is