Morgunblaðið - 08.08.2003, Blaðsíða 4

FRÉTTIR
4 FÖSTUDAGUR 8. ÁGÚST 2003 MORGUNBLAÐIÐ
KARLMAÐUR um fertugt liggur
alvarlega slasaður á gjörgæsludeild
Landspítalans í Fossvogi eftir slys
við Sandá í Þistilfirði í gærmorgun.
Maðurinn féll 10 metra í frjálsu
falli fram af gilbrún við ána og lenti
í stórgrýti fyrir neðan. Þaðan kast-
aðist hann út í ána en var bjargað
meðvitundarlausum á þurrt af fé-
laga sínum. Eftir að hafa hagrætt
sjúklingnum hraðaði félagi hans
sér niður í veiðikofa mannanna og
komst þangað á hálftíma og til-
kynnti slysið. Að sögn lögreglunnar
voru mennirnir í sex manna hópi af
höfuðborgarsvæðinu sem kom til
laxveiða í ánni. Voru tveir þeirra
saman á ferð þegar slysið varð.
Ekki er ljóst hver aðdragandinn
var, en samkvæmt frásögn lögreglu
voru mennirnir að líta eftir laxi of-
an af gljúfurbrúninni þegar annar
þeirra féll fram af henni. Brúnin
mun ekki hafa gefið sig undan
þunga mannsins. Félaga hans sem
varð vitni að slysinu tókst feta sig
niður að ánni eftir einstigi til að
bjarga hinum slasaða upp úr ánni.
Slysið varð klukkan 7.30 við svo-
kallað Fossbrot í Sandá, sem er
innsta veiðisvæðið í ánni og liggur
enginn vegur þangað. Björgunar-
sveitin Hafliði var kölluð út kl. 8.14
og sendi 15 manns af stað sem
komu á slysstað hálftíma síðar.
Notuð var sérútbúin Hummer-
jeppabifreið með aðstöðu fyrir
sjúkrabörur og lækni.
Fjallalína lögð út
fyrir sjúkralið
Lögreglubíll og sjúkrabíll kom-
ust ekki á slysstaðinn sjálfan og
voru því læknir og hjúkrunarfræð-
ingur fluttir með björgunarsveitar-
bílnum 6 km upp með ánni á leið-
arenda. Björgunarsveitarmenn
þurftu að leggja út fjallalínu niður
gljúfrið til stuðnings fyrir lækninn
og hjúkrunarfræðinginn sem hlúðu
að hinum slasaða og settu hann á
sjúkrabörur. Var sjúklingurinn
hífður upp á börunum og fluttur í
björgunarsveitarbílnum að TF-
SIF, þyrlu Landhelgisgæslunnar,
sem kom á vettvang kl. 10.15. Flog-
ið var með hinn slasaða til Þórs-
hafnar þar sem sjúkraflugvél tók
við honum og flutti hann til
Reykjavíkur.
Félagi mannsins fékk læknis-
hjálp vegna áfallsins sem fylgdi
slysinu.
Siggeir Stefánsson, formaður
Björgunarsveitarinnar Hafliða,
segir björgunaraðgerðir hafa geng-
ið vel, en aðstæður á þessum slóð-
um kröfðust aðgátar björgunar-
manna, þótt ekki sé um hættulegt
svæði að ræða.
Að sögn lögreglunnar eru sumir
úr sex manna laxveiðihópnum
kunnugir á svæðinu.
Féll 10 metra ofan af gilbrún

    
 
 
 
  







 














 

 !"
# #
$ % &'()& # *+ $ ( ,  (  &- .-#


 
15 ÁRA piltur var fluttur með
sjúkraflugi frá Gjögri síðdegis í
gær eftir alvarlegt slys í gömlu
síldarbræðslunni í Djúpuvík á
Ströndum. Grunur var um alvar-
lega höfuðáverka og innvortis
meiðsl og var læknir sendur með
hinum slasaða í flugi til Reykja-
víkur á Landspítalann í Foss-
vogi, þar sem hann liggur á gjör-
gæsludeild.
Datt niður um gat á gólfi
Pilturinn, sem var gestkom-
andi á Djúpavík, fór inn í
bræðsluna þar sem hann datt
niður um gat á gólfi á annarri
hæð hússins. Kom pilturinn nið-
ur á steinsteypt gólf eftir 4–5
metra fall. Bræðslan er nú í
einkaeign og er umferð þar
bönnuð nema í fylgd með heima-
fólki. Mörg göt eru í gólfinu á
annarri hæð hússins en búið er
að byrgja þau flest. Gatið sem
pilturinn lenti í er í myrkum
gangi í húsinu. Lögreglan á
Hólmavík var kölluð út vegna
slyssins og fer með rannsókn
málsins. Pilturinn var með lítilli
meðvitund þegar hann var flutt-
ur á sjúkrahús.
Piltur féll 4–5
metra niður á
steinsteypt gólf
NÝ OG endurbætt umferðarmerki
hafa verið sett upp við Þrengslavega-
mót á Suðurlandsvegi. Merkin eru
stærri en venjuleg umferðarmerki
og eru lýst upp með lituðum perum í
þeim lit sem einkennir umferðar-
merkin. Að sögn Bjarna Stefáns-
sonar, rekstrarstjóra í Reykjanes-
umdæmi Vegagerðarinnar, hefur
lýsingu verið komið fyrir í merkj-
unum til þess að gera þau skarpari í
slæmu skyggni. Hann segir að
umferðarmerki af þessu tagi séu far-
in að sjást víða erlendis en eftir því
sem hann best veit eru þetta þau
fyrstu hér á landi.
„Það eru sett ljós í merkin og hægt
er að hafa þau í mismunandi litum.
Við getum haft gult í örvamerkj-
unum og rautt í stoppmerkinu og svo
framvegis. Þau þurfa mjög lítið raf-
magn og það opnar því fleiri mögu-
leika á því að hafa svona merki á
stöðum þar sem erfitt er að komast í
rafmagn. Hugsanlega mætti til dæm-
is keyra þau á sólarrafhlöðu,“ út-
skýrir Bjarni. Hann segir að merkin
við Suðurlandsveg séu lýst upp með
rafmagni sem fæst úr rafstöð í næsta
nágrenni. Kapall var grafinn í jörðu
út frá gatnamótunum og að mastr-
inu.
Búnaðurinn stilltur með
tilliti til skyggnis og umferðar
Hann segir að fyrstu merkin hafi
verið sett upp fyrir nokkru, en á
meðan beðið var eftir svokölluðum
stillibúnaði hafi merkin verið þéttuð
og þau kláruð. Nú er því verki lokið.
Hann leggur áherslu á að í skiltaröð-
inni í beygjunni við Þrengslin sé
stýribúnaður sem geri það að verk-
um að hægt sé að láta ljósin flökta og
blikka þau með beygjunni og um-
ferðinni. Mögulegt er því að stilla
búnaðinn með tilliti til skyggnis, um-
ferðar og fleira.
„Ég hef ekkert heyrt nema jákvæð
viðbrögð við þessum merkjum. Menn
virðast vera ánægðir með þetta,“
undirstrikar Bjarni. Hann segir að
ákveðið hafi verið að byrja á gatna-
mótunum við Þrengslin því þar hafi
slys verið tíð. „Það þótti ráðlegt að
prófa eitthvað til að reyna að bæta
ástandið, gera eitthvað til að menn
sæju betur merkin sem eru við
gatnamótin og til þess að skapa
meira öryggi og fá menn til að hægja
á sér.“
Hann segir að ákvörðun hafi ekki
verið tekin um það ennþá hvort fleiri
svona umferðarmerki verða sett upp
á öðrum stöðum. „Við ætlum að sjá
hvernig þessi koma út og erum að
bíða eftir myrkrinu til þess. Þegar
fer að skyggja sjá menn þetta betur.“
Rafknúin umferðarmerki
á vegamótum við Þrengsli
Morgunblaðið/Sverrir
BJÖRGUNARSVEIT Hafnar-
fjarðar og Hjálparsveit skáta í
Kópavogi voru kallaðar út upp úr
klukkan 21 á miðvikudagskvöld
eftir tilkynningu um fótbrotinn
mann í hlíðum Helgafells ofan við
Kaldárbotna.
Bera þurfti sjúklinginn í sjúkra-
börum úr hlíðum fjallsins til að
koma honum í sjúkrabíl. Sjúkra-
flutningamenn frá Slökkviliði höf-
uðborgarsvæðisins voru fyrstir á
vettvang en þegar ljóst var að
flytja þurfti manninn á börum nið-
ur hlíðarnar var beðið um aðstoð
björgunarsveita við flutninginn.
Fótbrotnaði
í Helgafelli
RÚTA valt á Kjalvegi við Grjótá í
fyrrinótt og var ökumaður hennar
fluttur á slysadeild Landspítalans
með TF-LÍF, þyrlu Landhelgisgæsl-
unnar. Engir farþegar voru í rútunni
þegar slysið varð, en ökumaðurinn
kastaðist út úr rútunni og meiddist í
baki og hálsi. Lögreglan á Selfossi
segir tildrög slyssins ekki liggja fyr-
ir en málið sætir rannsókn hennar.
Fyrst var tilkynnt að bílstjórinn
hefði kastast út og skorðast undir
rútunni en sú var ekki raunin. Eftir
slysið gekk bílstjórinn af stað og hitti
vegfarendur eftir 20 mínútna gang.
Þyrlan var kölluð út klukkan 00:52
og sótti hinn slasaða við vaðið á
Sandá. Hann liggur nú inni á bækl-
unardeild Landspítalans í Fossvogi.
Rúta valt
á Kjalvegi
♦ ♦ ♦
♦ ♦ ♦
VEÐURSTOFAN spáir því að hiti
verði allt að 25 gráður norðan- og
austanlands í dag. Heitt loft er yfir
landinu og er gert ráð fyrir að áfram
verði fremur hlýtt í veðri; a.m.k.
fram yfir helgi. Allir landsmenn ættu
að geta notið góðs af veðurblíðu
næstu daga þótt það verði í mismikl-
um mæli. Búast má við að nokkuð
vætusamt verði á landinu en þó er
líklegt að víða muni sjást til sólar.
Gerir Veðurstofan ráð fyrir aust-
an- og suðaustanátt í dag, hægviðri
og þurrt um tíma sunnanlands í dag
og reiknað með að létti heldur til
norðanlands. Undir kvöld á þó að
fara að rigna aftur sunnantil.
Eftir helgi er fyrst búist við suð-
lægri átt en á þriðjudag og miðviku-
dag austlæg átt með rigningu.
Spáð allt
að 25 stiga
hita í dag