Morgunblaðið - 08.08.2003, Blaðsíða 21
LANDIÐ
MORGUNBLAÐIÐ FÖSTUDAGUR 8. ÁGÚST 2003 21
UNDANFARIN ár hefur verið hald-
ið skellinöðru-rall á fimmtudeginum
fyrir þjóðhátíðina í Vestmanna-
eyjum. Er nú svo komið að mótið er
orðið það viðamikið að á næsta ári
er verið að hugsa um að hafa rallið á
opnu svæði svo fleiri geti fylgst með.
Þetta hófst allt fyrir nokkrum ár-
um sagði einn aðstandenda mótsins,
þegar Tryggvi Sigurðsson vélstjóri
og mótorhjólaeigandi og Gunnar
Darri Sigurjónsson bílasprautari og
mótorhjólaeigandi ákváðu að reyna
með sér á tveimur gömlum Honda
70-kúbik skellinöðrum, árgerð 1969.
Þeir félagar fengu til liðs við sig
sveit manna sem vann að undirbún-
ingi keppninnar með mikilli leynd
síðustu vikurnar fyrir þjóðhátíð.
Þrátt fyrir leyndina láku út upplýs-
ingar á milli liðanna sem ollu titringi
keppendanna og fréttist að Gunnar
Darri og hans lið hefði fengið nýjan
mótor í hjólið nokkrum dögum fyrir
keppni. Þetta olli vökum liðsmanna
Tryggva við endurbætur á hjólinu
nóttina fyrir keppni.
Hjólin eru eins og áður segir ár-
gerð 1969 og voru í eigu nafntog-
aðra Vestmanneyinga fyrir gos, og
þrátt fyrir háan aldur eru þau bæði
nokkuð spræk og sama má segja um
knapana og liðsmenn þeirra.
Mikil spenna var í loftinu, en þrátt
fyrir það bar ekki á árekstrum milli
keppnisliðanna enda hér fyrst og
fremst um skemmtun þeirra félaga
að ræða þar sem gamlar skellinöðr-
ur ganga í endurnýjun lífdaga í
nokkrar mínútur á ári. Það var svo
Gunnar Darri sem sigraði mótið að
þessu sinni og eyðilagði þar með
þjóðhátíðarstemmingu Tryggva og
hans manna.
Skellinöðru-rall
fyrir þjóðhátíð
Morgunblaðið/Sigurgeir
Vestmannaeyjar
ÞEIR sem leið hafa átt um Ásbyrgi í
sumar hafa eflaust tekið eftir litlu
skrautmáluðu húsi til hliðar við
verslunina þar. Í þessu húsi er hand-
verksmarkaður þar sem félagskonur
í Heimöx selja varning sinn. Heimöx
er rúmlega ellefu ára gamall fé-
lagsskapur handverkskvenna í Öx-
arfirði og Kelduhverfi.
Markaðurinn er opinn allar helgar
á sumrin. Meðal þess sem þar er til
sölu er helst að nefna ýmiskonar
handverk, prjónles, vefnað, útskurð
of.l. Þá er einnig selt þarna heima-
bakað brauð, fjallagrasaflatbrauð,
reyktur rauðmagi, hvannamauk ofl.
matarkyns. Þegar líður svo á sum-
arið bætast við nýjar kartöflur og
grænmeti á markaðinn.
Húsinu var komið fyrir við Ás-
byrgi fyrir tíu árum og málað svona
skrautlega í vor af Ingunni St. Svav-
arsdóttur, listamanni og fyrrverandi
sveitarstjóra á Kópaskeri, og er útlit
hússins hönnun hennar.
Morgunblaðið/Hafþór Hreiðarsson
Handverks-
markaður
í Ásbyrgi
Kelduhverfi
HVERGERÐINGAR hafa löngum
verið stoltir af sundlauginn sinni í
Laugaskarði. Það kom okkur bæjar-
búum því ekkert á óvart þegar laug-
in var kosin sú besta á landinu. Í
þættinum „Ísland í bítið“ var fyrir
verlsunarmannahelgina kosið um
það hvaða sundlaug væri sú besta á
landinu. Fimm laugar höfðu verið
valdar úr og fengu áhorfendur að
hringja í þáttinn og greiða sitt at-
kvæði. Sundlaugin í Laugaskarði
varð hlutskörpust og telst því sam-
kvæmt vali fólksins „besta laug
landsins“.
Besta sund-
laugin á
landinu
Hveragerði
EKKI er enn ljóst hvort verslun Bón-
uss á Egilsstöðum verður stækkuð
eða flutt til í bænum. Bæjarstjórn
Austur-Héraðs er um þessar mundir
að kynna forsvarsmönnum verslunar-
innar hvaða lóðir kæmu hugsanlega
til greina fyrir stækkaða verslun, en
samkvæmt upplýsingum frá Eiríki
Bj. Björgvinssyni er ekki endilega
víst að hún yrði í miðbæ Egilsstaða,
heldur gæti jaðarsvæði í bænum ef til
vill verið inni í myndinni. Ekkert er-
indi hafi borist frá Bónusmönnum um
lóð eða annað og málið því aðeins á
umræðustigi.
Haft hefur verið eftir Jóhannesi
Jónssyni í Bónus að fyrir liggi að taka
endanlega ákvörðum um hvort versl-
unin á Egilsstöðum verði yfirleitt flutt
til og stækkuð og um mögulega opnun
Bónusverslunar á Reyðarfirði.
Egilsstaðir
Íhuga að
stækka
Bónus
♦ ♦ ♦
♦ ♦ ♦