Morgunblaðið - 08.08.2003, Blaðsíða 40

40 FÖSTUDAGUR 8. ÁGÚST 2003 MORGUNBLAÐIÐ






 


 
      
         
  "
#
$ %&'

   
"
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
HVAÐA ferðamann, sem kemur í
þjóðgarðinn við Þingvelli til að njóta
þeirrar miklu fegurðar sem þar er,
skyldi gruna að í nokkurra metra
fjarlægð og aðeins niður fyrir þann
sjóndeildarhring sem flestir ferða-
menn skoða, leynist ein sú stórbrotn-
asta náttúruperla sem Ísland hefur
uppá að bjóða og því miður allt of fáir
hafa séð, það er gjáin Silfra.
Silfra er sprunga sem liggur út í
Þingvallavatn og er ein fjölmargra
farvega fyrir úrkomu og leysinga-
vatn frá Langjökli, Þórisjökli og
hrauninu norðan Þingvalla.
Meðalrennslistími vatnsins er tal-
inn um tíu ár, frá jöklunum og út í
Þingvallavatn, en samt getur verið
um sextíu ára gamla úrkomu að
ræða.
Vatnshitinn er að meðaltali 2,4-3,2
gráður á celsíus og leggur vatnið í
gjánni aldrei því að straumur er tals-
verður. Til eru sögur um bandaríska
hermenn sem voru á ferð um Þing-
velli á stríðsárunum, að vetri til í
miklu frosti og fannst alveg tilvalið
að nota vatnið úr Silfru á vatnskassa
herjeppanna því að þetta væri
ábyggilega einhverskonar vatn sem
gæti ekki frosið. Það fer ekki mörg-
um sögum um árangurinn.
Silfra hefur verið einn vinsælasti
köfunarstaður á Íslandi til margra
ára og hefur hróður hennar spurst út
fyrir landsteinana. Erlendir ferða-
menn með köfunarréttindi, eru í
auknum mæli farnir að fara með ís-
lenskum leiðsögumönnum í skipu-
lagðar kafanir í Silfru, sem er talin
vera einn af tíu flottustu köfunar-
stöðum í heiminum.
Skyggnið er allt upp í 150 metra og
eru litatilbrigðin svo með ólíkindum
að einna helst minnir á norðurljós.
Mesta dýpi sem hægt er að kafa
niður á er 57 metrar og er það niður í
helli sem liggur undir veginn að hótel
Valhöll en algengt dýpi í Silfru er um
20 metrar.
Oftast þegar kafað er í Silfru er
hoppað útí gjótu sem er ca 20 metra
frá áðurnefndum vegi og kafað niður
á 5-6 metra dýpi ofan í helli sem opn-
ast inn í Silfru, svo er kafað eftir
gjánni.
Ekki þarf að hafa mikið fyrir því að
koma sér áfram, heldur er gott að
láta strauminn sjá um púlið.
Þegar komið er í endann á Silfru
blasir við brött brekka sem liggur
uppí sjálft vatnið og er hún þakin
ljósu seti. Kafað er upp brekkuna og
beygt til vinstri og er þá komið inní
lón sem skartar þeim fallegustu lita-
tilbrigðum sem undirritaður hefur
séð, jafnvel regnbogi myndi roðna af
öfund. Kafarar kalla það oft „The
Real Blue Lagoon“.
Hægt er að kafa sömu leið til baka
eða kafa í minni gjá sem liggur sam-
hliða Silfru en þar þarf að kafa
nokkrum sinnum undir risastór
björg sem vega fleiri, fleiri tonn.
Oftast tekur Silfruköfun 40-50
mínútur og líða þær eins og örskot,
svo gaman er að kafa þar.
Silfra er gott dæmi um það að ekki
þarf að fara til útlanda til að kafa á
flottum köfunarstöðum því á Íslandi
er af þeim nóg.
Að lokum vil ég benda á heimasíðu
Sportköfunarfélags íslands þar sem
hægt er að fá allar upplýsingar um
köfun á Íslandi, ásamt upplýsingum
um köfunarkennara. Slóðin er
www.kofun.is.
FINNUR FRÍMANN,
kafari.
Falin undraver-
öld í miðri ferða-
mannaparadís
Frá Finni Frímanni:
Gott að fá sér sæti.
„Bláa lónið“.