Morgunblaðið - 08.08.2003, Blaðsíða 44
ÍÞRÓTTIR
44 FÖSTUDAGUR 8. ÁGÚST 2003 MORGUNBLAÐIÐ
„ÉG er spenntur að sjá jafna og
spennandi keppni sem vonandi skil-
ar góðum afrekum en það er
öruggt að keppnin í ár verður
meira spennandi en áður,“ sagði
Guðmundur Karlsson landsliðs-
þjálfari eftir blaðamannafund um
bikarmótið. Vala Flosadóttir og
Magnús Aron Hallgrímsson berjast
við að ná lágmörkum til að komast
á heimsmeistaramótið í París síðar
í þessum mánuði. Vala þarf að
stökkva 4,40 metra í stangarstökki
og Magnús Aron Hallgrímsson að
kasta kringlunni 63,50 metra. „Það
verður sérstaklega gaman að sjá
hvort Vala Flosadóttir og Magnús
Aron nái lágmörkum til að komast
á heimsmeistaramótið en síðasti
möguleiki á því er tólfti ágúst. Hún
hefur stokkið 4,30 metra og átt
ágætar tilraunir við 4,40 á síðustu
mótum og Magnús Aron hefur
62,34 metra en hann hefur verið
stöðugur í kringum sextíu metrana
svo að gott kast getur dottið. Það er
þá æskilegt að aðstæður séu góðar
svo að meiri möguleiki sé á að þau
nái því.
Sunnu Gestsdóttur vantar nokk-
uð uppá að ná lágmörkum fyrir
heimsmeistaramótið og ég held að
hún eigi að setja stefnuna á Ólymp-
íuleika á næsta ári. Hún hefur bætt
sig mikið að undanförnu svo að
maður sér alveg möguleika á að
hún nái þeim árangri sem til þarf,“
sagði Guðmundur Karlsson.
Meiri bikarspenna
en áður í Laugardal
FÓLK
ÞRÓTTARAR og Charles Philip
McCormick knattspyrnumaður hafa
komist að samkomulagi um að Charl-
es verði leystur undan samningum
sínum við Þrótt. Menn þar á bæ voru
ekki ánægðir þegar hann lét reka sig
af leikvelli gegn KA á dögunum, þeg-
ar skipta átti honum útaf.
ELÍAS Víðisson, kylfingur úr
GKJ, fór á dögunum holu í höggi á
fimmtu braut Hlíðavallar í Mos-
fellsbæ, en hún er par fjórir og því
fékk Elías albatros, lék á þremur
undir pari. Til verksins notaði hann
dræver enda er holan 274 metra
löng.
KRISTINN G. Bjarnason bætti um
helgina vallarmetið á Hamarsvelli í
Borgarnesi þegar hann lék á 66
höggum, einu höggi betur en gamla
metið sem var fimm ára gamalt.
ANNAÐ vallarmet féll ekki alls
fyrir löngu en það setti Rögnvaldur
Ólafsson, klúbbmeistari Jökuls á
Snæfellsnesi. Hann lék Fróðárvöll á
73 höggum, sjö undir pari hans.
JAVIER Zanetti, fyrirliði Inter
Mílanó og Argentínu, hefur gert nýj-
an samning við ítalska félagið. Hann
er nú samningsbundinn Inter til árs-
ins 2007 en hann hefur verið hjá fé-
laginu síðan 1995. Zanetti hefur
gjarnan leikið í stöðu hægri bakvarð-
ar eða á miðjunni.
SERGIO Conceicao mun leika með
Lazio á næsta tímabili í ítölsku knatt-
spyrnunni en hann var í herbúðum
Inter Milano síðasta vetur. Conc-
eicao er 28 ára portúgalskur miðju-
maður en hann lék með Lazio frá
1998 til 2000.
BORUSSIA Dortmund hefur feng-
ið Norðmanninn Andre Bergdolmo
til liðs við sig frá Ajax. Bergdolmo er
31 árs varnarmaður og hann gerði
tveggja ára samning við þýska liðið
en í síðustu viku leit út fyrir að hann
myndi leika með Portsmouth í ensku
úrvalsdeildinni á næsta tímabili.
ARSENE Wenger, knattspyrnu-
stjóri Arsenals, hefur ekki trú á að
Glasgow Rangers nái að leggja FC
Kaupmannahöfn að velli í keppni um
sæti í Meistaradeild Evrópu. Weng-
er sagði að lið Rangers hefði ekki
verið traustvekjandi er Arsenal lagði
það í vináttuleik á Ibrox á þriðjudag-
inn, 3:0.
MIÐJUMAÐURINN Sean Davis
hefur farið fram á að vera settur á
sölulista hjá enska liðinu Fulham.
Everton er talið hafa áhuga á að
kaupa Davis.
ÍTALSKI miðjumaðurinn Luigi Di
Biagio hefur ákveðið að leika með
Brescia á næstu leiktíð en þar hittir
hann fyrir gamlan liðsmann, Roberto
Baggio. Di Biagio, sem er 32 ára og
hefur leikið með ítalska landsliðinu,
var hjá Inter Milano síðastliðinn vet-
ur en félagið ákvað að losa sig við
hann eftir liðið tímabil. Di Biagio
hefði getað farið til Middlesbrough
en ákvað að vera áfram á Ítalíu.
„KEPPNIN leggst ágætlega í
mig, þarna eru mörg góð lið
svo að keppnin verður spenn-
andi,“ sagði Sigurður Haralds-
son þjálfari FH en taldi sitt lið
ekki verja titilinn. „Ég tel
Breiðablik líklegan sigurveg-
ara og UMSS og kvennalið ÍR
eru sterk en við munum ekkert
gefa eftir, Breiðablik vinnur
líklega karlabikarinn en sjáum
til hvað konurnar okkar í FH
gera. Það skiptir öllu máli að
liðsheildin sé góð því um leið og
fer að ganga illa í einhverri
grein þá smitar það út frá sér
og þá þarf að bregðast strax
við því.“
Jón Arnar dregur vagninn
Aðalþjálfari Breiðabliks, Eg-
ill Eiðsson, ætlar sér stóra hluti
– jafnvel að standa undir vænt-
ingum þjálfara FH. „Við erum
með sterkara lið en áður svo að
mótið leggst vel í mig. Við náð-
um þriðja sætinu í fyrra og
stefnum á að vera ofar í ár en
það er líka alltaf eftirsókn-
arverðara að taka titil af ein-
hverjum sem hefur unnið mörg
ár í röð.
Við erum með Jón Arnar
sem dregur vagninn, Magnús
Aron, Björn Margeirsson og
marga spretthlaupara auk þess
sem liðið er sterkt í heild.“
Slæmt
gengi smit-
ar úr frá sér
HEIMASÍÐA fyrir tugþraut-
arkappann Jón Arnar Magn-
ússon var opnuð í gær. Veg og
vanda af gerð hennar átti fyr-
irtækið Design Europa.com.
Síðan er Jóni Arnari að kostn-
aðarlausu, svo hann getur ein-
beitt sér betur að æfingum.
„Það er mikil upphefð að
einhver vilji gera þetta fyrir
mann,“ sagði Jón Arnar við
opnunina.
„Ég átti alls von á slíku,
maður hefur verið að leita að
styrktaraðilum og ekkert of
vongóður með það en þá
hringdu þeir og buðust til að
gera þessa heimasíðu og mað-
ur slær ekki hendi á móti því,
ég var alveg guðs lifandi feg-
inn. Ég er stoltur af heimasíð-
unni, hún er mun flottari en ég
átti von á.“
Heimasíða Jóns Arnars er
www.jonarnar.net.
Heima-
síða fyrir
Jón Arnar
Allt besta frjálsíþróttafólk lands-ins mætir til leiks í Laugar-
dalnum nema hvað hástökkvarinn
Einar Karl Hjalta-
son verður fjarri
góðu gamni. Fyrir-
komulagið er þannig
að hver keppandi má
spreyta sig í þremur einstaklings-
greinum og einu boðhlaupi hvorn
keppnisdaginn. Mikið mun mæða á
Jóni Arnari Magnússyni til að safna
stigum fyrir Breiðablik. „Ég lít á
þetta mót sem lokaæfingu fyrir
heimsmeistaramótið og eftir það fer
ég að slaka á,“ sagði Jón Arnar í gær
en þó að hann taki svona til orða er
óhætt að fullyrða að hann mun
hvergi slaka á áður en kemur að því
að slaka á æfingum fyrir heims-
meistaramótið. „Þetta verður léttara
en áður, engin forkeppni og ekki
eins mikil hlaup á milli greina. Það
má samt ekkert gefa eftir því það
geta komið fyrir óhöpp en keppnin
verður skemmtileg. Þetta er líklega
stærsta mótið hér heima fyrir utan
Landsmót og mesta stemmningin.
Það skiptir máli að liðsheildin sé góð
svo að mótið verði skemmtilegt.“
Getum nagað stig af hinum
Í umræðunni er FH og Blikum
spáð efstu sætunum en forráðamenn
hvors lið töldu hitt líklegra til að
tróna efst á pallinum. Blikar eru
með gott karlalið og FH gott
kvennalið en það eru ÍR-ingar líka,
nægir þar að nefna Völu Flosadóttur
og Fríðu Rún Þórðardóttur. Stigin
sem ÍR nælir í geta því skilið milli
feigs og ófeigs. „Við getum nagað
stig af hinum liðunum og það er ekk-
ert gefið fyrirfram,“ sagði ÍR-ing-
urinn Albert Þór Magnússon hvergi
banginn. „Það er oft þannig að lið
spá jafnvel sjálfum sér sigri og hafa
yfir að ráða mikilli breidd en við ætl-
um ekkert að gefa eftir og höfum
innan okkar vébanda mjög sterka
einstaklinga eins og Völu og Fríðu.
Við vorum sterk í þúsund metra boð-
hlaupinu í fyrra, sem er lokagrein
mótsins, og mikið kapp lagt í að
vinna hana. Við erum með góða
breidd í kvennaliðinu og sterka
keppendur í karlaflokki svo að við
lítum björtum augum á mótið, setj-
um háleit markmið og fögnum að
leikslokum. Við státum einnig af
elsta keppanda á mótinu, Jóni Ög-
mundi Þormóðssyni í sleggjukasti.“
Þess má geta að hann varð sextugur
í mars.
Sex lið taka þátt í 1. deild en að-
eins eitt í 2. deild. Skýringuna rekja
frjálsíþróttamenn til þess að stóru
liðin eru sífellt sterkari á kostnað
minni liða en hyggjast gera brag-
arbót á því. Yngri kynslóðin gæti
gert það og á undanförnum mótum
hefur mátt sjá einn og einn af þekkt-
ari afreksmönnunum þurfa að víkja
til hliðar á verðlaunapallinum. Það
verður eflaust til þess að gera mótið
enn skemmtilegra.
Morgunblaðið/Brynjar Gauti
Magnús Aron Hallgrímsson reyndir við lág-
markið í kringlukasti fyrir heimsmeistaramót-
ið sem verður í París síðar í mánuðinum á
Laugardalsvellinum á morgun. Vala Flosa-
dóttir, unnusta hans, reyndir við lágmarkið í
stangarstökki kvenna.
Magnús Aron og
Vala í sviðsljósinu
NÍU ára áskrift FH að bikarmeistaratitli í frjálsum íþróttum virðist
fyrir bí ef marka má forráðamenn frjálsíþróttamanna á blaða-
mannafundi í gær því allir voru á einu máli um að keppnin yrði jafn-
ari í ár en í langan tíma. Þeir sóru af sér væntanlegan sigur hver um
annan þveran og bentu hver á annan svo segja má að mótið, sem
hefst í Laugardalnum í kvöld, sé þegar hafið – með sálfræðihernaði.
Fyrir vikið má búast við spennandi keppni og óvæntum úrslitum
fram að síðustu grein auk þess að Vala Flosadóttir í stangarstökki
og Magnús Aron Hallgrímsson í kringlukasti reyna að ná lágmörk-
um til að komast á heimsmeistaramótið í lok mánaðarins. Það verð-
ur í fyrsta sinn í ár sem Vala og Þórey Edda Elísdóttir mætast í ein-
vígi í stangarstökki.
Stefán
Stefánsson
skrifar