Morgunblaðið - 08.08.2003, Blaðsíða 3

söngkennaranum Erik Warburg að
fylgjast með því sem kallað er Mast-
erclass. Þá koma frægir söngvarar og
halda námskeið fyrir lengra komna
söngnemendur og kennslan fer fram
fyrir fullu húsi áhorfenda. „Hinn
sænski Peter Lindroos sá um kennsl-
una og þegar dagskránni lauk sagði
söngkennarinn minn rétt si svona að
nú ætti ég að syngja fyrir þennan
mann og allt fólkið í salnum. Mér brá
óneitanlega við en þá var bara að
duga eða drepast svo ég fór upp á
svið, algerlega óupphitaður, og söng
aríuna „Che gelida manina“ úr La
Boheme. Ég var svo stressaður að ég
vissi varla af mér en Helga sagði að
mér hefði tekist vel til og háa séið
blómstrað. Í framhaldi af þessu var
ég beðinn að syngja prufu á mynd-
band sem átti að senda til Bandaríkj-
anna fyrir Andrew Lloyd Webber,
því til stóð að setja upp Óperudraug-
inn í Det Ny Teater í Kaupmanna-
höfn. Ég gerði það og fékk hlutverk
Ubaldos Piangis sem er sólistahlut-
verk. Sextíu og átta manns höfðu sótt
um þetta hlutverk, svo ég var nokkuð
ánægður með mig að hafa hreppt
hnossið.“ Hópur fólks kom frá
Bandaríkjunum til að setja söngleik-
inn upp sem var mikið fyrirtæki því
tæknibrellur eru miklar og allt um-
fang fyrirferðarmikið enda er þetta
stærsta sýning á Óperudraugnum
sem sett hefur verið upp í Evrópu.
Det Ny Teater er einkarekið leikhús
sem setur upp léttari óperur og óper-
ettur. Húsið rúmar 1.000 manns í
sæti og uppselt var á hverja einustu
sýningu á Óperudraugnum þau tvö ár
sem sýningin gekk og voru sjö sýn-
ingar í viku. Sigurður söng með allan
tímann og hann segir þetta hafa verið
mikið ævintýr og ekki síður skóla fyr-
ir sig, því hann þurfti að læra að leika.
„Hann var í öðrum heimi haustið sem
æfingarnar stóðu yfir, enda var þó
nokkurt stökk að fara úr svínastíunni
beint upp á leiksvið,“ segir Helga.
Frá Falster til kóngsins Kaup-
mannahafnar eru heilir 130 kílómetr-
ar og þótt gamla góða Ladan hafi
dugað vel til þessara daglegu ferða-
laga gáfust þau upp á keyrslunni og
fluttu til Kaupmannahafnar fyrir
tveimur árum. „Þá byrjuðum við upp
á nýtt eina ferðina enn, keyptum
gamalt hús í úthverfinu Rødovre og
gerðum það upp. Við kláruðum fram-
kvæmdir rétt fyrir jól og nú eru allir
sáttir, líka húsdraugurinn,“ segir
Helga sem kennir dönsku við grunn-
skóla en auk þess fékk hún kærkomið
hálfíslenskt verkefni við að hanna
danska heimasíðu fyrir Guldfoss sem
er dótturfyrirtæki Sláturfélags Suð-
urlands í Danmörku. Sigurður mun
syngja áfram í Óperudraugnum þeg-
ar sýningar hefjast aftur í haust en
hann söng einnig í Cats sem sett var
upp í millitíðinni í leikhúsinu. „Þetta
hefur verið stórkostleg reynsla en
auðvitað langar mig mest til að kom-
ast að í stóru óperuhúsi og ég stefni
að því.“
Þau Helga og Sigurður vita ekki
svo gjörla hvað framtíðin ber í skauti
sér en draumurinn er að prófa að búa
eitthvað sunnar, kannski á Ítalíu,
þefa jafnvel uppi góðan söngkennara
og slípa tenórinn enn frekar.
Harðfiskur er besta nammið
Þrátt fyrir að vera rétt orðin hálf-
fertug eru Sigurður og Helga búin að
vera saman í 21 ár, því þau kynntust í
barnaskóla og byrjuðu saman þegar
þau voru 15 ára. Aðspurð segjast þau
auðvitað stundum verða þreytt hvort
á öðru. „Þá skömmumst við og skell-
um hurðum en svo er það búið. Ég
get öskrað hærra,“ segir tenórinn
Sigurður nokkuð brattur.
Að lokum berst talið að gestsaug-
anu sem þau horfa óneitanlega með
þegar þau koma hingað í heimsókn.
Þeim finnst efnishyggja og yfirborðs-
mennska fyrirferðarmikil í íslensku
samfélagi og svolítið vanta upp á
nægjusemina hjá landanum. „En við
hættum aldrei að vera Íslendingar og
það líður að því að við flytjum heim.
Vissulega koma stundir þar sem
heimþráin er alveg að drepa okkur.
Þegar við fáum pakka frá Íslandi
byrjum við alltaf á að þefa af honum
því það er hátíð í bæ ef harðfisklykt
berst að okkar íslensku nösum.“
khk@mbl.is
DAGLEGT LÍF
MORGUNBLAÐIÐ FÖSTUDAGUR 8. ÁGÚST 2003 B 3
HEIT böð hafa löngumverið eftirsóknarverð ogþótt tilvalin til slökunar,bæði á sál og líkama.
Rómverjar stunduðu slík böð sér til
heilsubótar, að því er þeir töldu.
Sjálfsagt þurfa menn að gæta ein-
hvers meðalhófs í þessum efnum,
eins og svo mörgu öðru, en það er
vissulega þægileg tilfinning að láta
heitt vatn leika um líkamann. Í ljósi
þess þykja heitir pottar mikið þarfa-
þing í garðinum heima eða sumar-
húsinu, enda tiltölulega auðveldir í
uppsetningu.
Komust í tísku vestan hafs
Hugmyndin að heitum pottum til
einkanota í heimahúsum og sumar-
bústöðum, er rakin til Kaliforníu og
urðu þeir eins konar tískufyrirbrigði
í Bandaríkjunum á áttunda áratug
síðustu aldar. En eins og oft vill
verða, þegar einhver fyrirbrigði
verða vinsæl, fara að heyrast úrtölu-
raddir sem spilla gleðinni. Þegar
„heitu potta-æðið“ stóð sem hæst í
Bandaríkjunum, undir lok áttunda
áratugarins, fóru að heyrast gagn-
rýnisraddir og aðvaranir úr ýmsum
áttum, og menn þóttust geta fært
sönnur á að heitu pottarnir væru
bæði heilsuspillandi og sóðaleg
ástundun. Reyndar varð það vatn á
myllu úrtöluraddanna að par í
Kaliforníu lést eftir að hafa legið of
lengi í of heitu baði í heita pottinum í
garðinum sínum.
Aðvaranir þess efnis að konum
væri sérstök hætta búin í heitu pott-
unum urðu ennfremur háværar, en
þar var einkum bent á sjúkdóma í
þvagfærum og einnig áttu heitir
pottar að vera gróðrarstía fyrir kyn-
sjúkdóma. Ótti fólks vegna þessa
jókst mjög í upphafi áttunda áratug-
arins, ekki síst vegna hræðslunnar
við alnæmi, en misskilningur og fá-
fræði almennings í þessum efnum
varð til að draga mjög úr vinsældum
heitu pottanna í Bandaríkjunum.
Vinsældir þeirra hafa þó haldið velli
í ýmsum öðrum löndum og hér á
landi hafa þær farið vaxandi á und-
anförnum árum. Þykir mikill kostur
að geta farið í heitan pott á góðum
degi eða til að slaka á eftir erfiðan
vinnudag, svo ekki sé talað um
hversu skemmtilegt það getur verið
að bregða á leik að næturlagi eftir
fjörugt samkvæmi.
Úr trefjaplasti eða tré
Hér á landi fer heitum pottum til
einkanota sífellt fjölgandi. Sér í lagi
þykir eftirsóknarvert að hafa þá við
sumarbústaði og nú er t.a.m. varla
boðinn til útleigu sá sumarbústaður
stéttarfélaga- eða félagasamtaka að
þar sé ekki pottur til slökunar, með
útsýni yfir kjarr eða hraun.
Algengast er að heitu pottarnir
séu úr trefjaplasti og þeim komið
fyrir á þar til gerðri timburverönd.
Einnig eru dæmi um að þeir séu
steyptir eða smíðaðir úr tré, en slíkt
mun þó vera fremur sjaldgæft. Fyr-
irtækið Trefjar ehf. í Hafnarfirði
hefur sérhæft sig í framleiðslu á
heitum pottum úr trefjaplasti og eru
þeir með akrílhúð, sem veitir viðnám
gegn hitanum, sem trefjaplastið þol-
ir illa. Verð á þessum pottum er frá
100 þúsund krónum og upp í hálfa
milljón, allt eftir stærð, umfangi og
tæknibúnaði, en hægt er að fá sér-
staka nuddpotta, sem vitaskuld geta
komið sér vel fyrir þá sem eru slæm-
ir í baki eða þjást af bólgnum
vöðvum.
Þótt heitir trefjapottar séu núna
fyrst að verða „almenningseign“ á
Íslandi, hlýtur fyrirmyndin þó með
góðum vilja að geta talist ramm-
íslensk. Heitar laugar frá náttúr-
unnar hendi, svo sem finna má í
Landmannalaugum og annars stað-
ar á hverasvæðum jarðar, eru frum-
myndir hinna heitu potta. Út frá
þeim þróuðust svo manngerðar
laugar á borð við Snorralaug, laug
Snorra Sturlusonar sem enn sér
stað í Reykholti. Svipuð þróun hefur
orðið í öðrum löndum á ýmsum
menningarskeiðum, svo sem meðal
Rómverja á náttúrulegum bað-
svæðum Ítalíu og meðal Grikkja
sömuleiðis.
Það var sem sé nútíminn sem fann
upp trefjaplastið, en náttúran fann
upp sjálfar heitu laugarnar og telst
því eiga heiðurinn af heitu pott-
unum.
Heitu pottarnir heilla
Heitur pottur í heimagarði. Potturinn er á fallegum palli og blóm í kring.
FRÆG er sagan af bræðrunum á Bakka í Svarfaðar-
dal, þeim Gísla, Eiríki og Helga, þegar þeir fóru í
heitan pott þeirra tíma og rugluðu saman fótum sín-
um. Sagan er þannig:
„Þeim Bakkabræðrum hafði verið sagt að það
væri ósköp hollt fyrir þá að gera sér endrum og sinn-
um heitar fótlaugar. En af því að jafnan var þröngt
um eldivið hjá þeim tímdu þeir ekki að hita vatn til
þess.
Einu sinni vildi svo vel til að þeir hittu fyrir sér
laug eða hver á ferð sinni. Nú hugsuðu þeir sér gott
til glóðarinnar að þeir skyldu fá sér heitar fótlaugar
fyrir ekki neitt, tóku því af sér skó og sokka og sett-
ust hver hjá öðrum í kringum hverinn og höfðu fæt-
urnar ofan í.
Þegar þeir fóru að gæta að þá þekkti enginn
þeirra sína fætur frá hinna. Með þetta voru þeir
lengi í stöku ráðaleysi; þeir þorðu ekki að hreyfa sig
því þeir vissu ekki nema þeir kynnu að taka skakkt
til og taka hvers annars fætur og sátu svona þangað
til að þar bar að ferðamann. Þeir kölluðu til hans og
báðu hann í öllum bænum að þekkja í sundur á þeim
fæturna. Maðurinn gekk til þeirra og sló með stafn-
um sínum á lappirnar á þeim og kannaðist þá hver
við sínar.“
Þrennt í heitri laug Landmannalauga, erkimynd heitu
pottanna. Líklega hefur ekki þurft aðstoð vegfaranda
til þess að leysa úr fótaflækju í þessu tilfelli.
Í fótlauginni
Þjóðsagnasafn Jóns Árnasonar.
SAGA
HLUTANNA
Morgunblaðið/Árni Sæberg
Soyjamjólk
með höfrum
Alvöru heilsudrykkur
Heilsubúðin Njálsgötu - Lyfjaval
Vöruval Vestmannaeyja
w
w
w
.k
a
ri
n
h
e
rz
o
g
.c
h
Nýtt líkams krem frá KARIN HERZOG
STERKUR - STINNARI og FALLEGRI líkami með
TONUS - B12
BODY CREAM
1 - 2 - 3 fyrir fullkominn líkama
1. SHOWER BODY SCRUB
Fjarlægir dauðar húðfrumur og
ójöfnur af yfirborði húðarinnar.
Undirbýr húðina fyrir Silhouetter og
B12.
2. SILHOUETTE
4% súrefniskrem sem vinnur á app-
elsínuhúð og sliti, framleitt til að
virka á þau svæði líkamans sem
eru mest útsett fyrir fitu og upp-
söfnun á fituvef, svo sem mjöðmum,
rasskinnum, lærum og á kviðnum.
3. TONUS - B12 - NÝTT
Krem sem styrkir, stinnir og hjálpar
húðinni að losa sig við óæskilega
vökvasöfnun og óhreinindi um leið
og það er borið á líkamann. Með
sameiningu þessara þriggja þátta
verður árangurinn sjáanlegri fyrr.
Kremið gerir það að verkum að
húðin verður silkimjúk og veitir létt-
an angann.
Súrefnisvörur KARIN HERZOG