Morgunblaðið - 10.08.2003, Blaðsíða 6

6 B SUNNUDAGUR 10. ÁGÚST 2003 MORGUNBLAÐIÐ
ferðalög
Hvað varstu að gera í Bandaríkjunum?
„Fyrir sautján árum var ég skiptinemi hjá svertingja-
fjölskyldu í Ohio í Bandaríkjunum. Ég hef haldið sam-
bandi við fjölskylduna um árin. Við höfum sent jóla-
gjafir milli landa og ég farið nokkrum sinnum í
heimsókn og hluti af fjölskyldunni heimsótt mig til Ís-
lands. Núna fór ég til þeirra með son minn, Þórð Axel,
sem er tólf ára og ætlunin var að sameina heimsókn-
ina og golf því strákurinn er á kafi í þeirri íþrótt.“
Fannst þér gaman á sínum tíma að dvelja hjá fjöl-
skyldunni?
„Já og það hafa allir gott af því að prófa að fara að
heiman og kynnast öðrum siðum en það gerði ég svo
sannarlega þegar ég dvaldi hjá svertingjafjölskyldunni
minni á sínum tíma. Mér leið rosalega vel hjá þessu
fólki en fann að mörgum þótti það skrítið að hvít
stúlka skyldi dvelja hjá þeldökkri fjölskyldu.“
Fóruð þið og skoðuðuð ykkur um?
„Við vorum nokkuð dugleg við það á milli þess sem
strákurinn var í golfi.
Mig langaði að fara með Þórð Axel að skoða húsið
Falling Water sem ég fór og heimsótti fyrir sautján ár-
um og ég hef oft hugsað um síðan.
Þetta var sumarhús Kaufmanns-fjölskyldunnar sem
var þekkt athafnafjölskylda í Bandaríkjunum. Húsið
var reist í Pennsylvaníu ríki árið 1937 og er mjög sér-
stakt fyrir þær sakir að það er byggt yfir foss og fellur
alveg inn í umhverfið.
Arkitektinn Frank Lloyd Wright er heimsþekktur og
einn merkasti talsmaður módernismans eftir 1920.
Enn í dag framleiðir fyrirtækið Cassina stóla eftir
Wright. Hann er ekki síst þekktur fyrir að vera kveikj-
an að nýrri byggingarlist, húsum
sem einkennast af láréttum
formum og renna saman við um-
hverfi sitt.“
Það var ofsalega gaman að koma
þarna aftur og sjá húsið sem er
stórfenglegt og sem ég kann
auðvitað að meta enn frekar með
árunum, sérstaklega þar sem ég
er sjálf í hönnunarnámi núna.
Erfingjar Kaufmann hjónanna gáfu húsið Pennsylv-
aníu-ríki sem gerði húsið að safni. Allir munir eru inni í
því enda voru húsgögnin flest sérhönnuð í húsið.“
Svo fóruð þið líka til New York?
„Við vorum í mjög stuttan tíma í New York og vildum
skoða okkur um. Í móttökunni á Holiday Inn hótelinu
sem við dvöldum á fór ég að spyrjast fyrir um skoð-
unarferðir og var þá bent á ýmsa möguleika, m.a. að
leigja mér lúxusbíl og bílstjóra. Við völdum þá leið og
bílstjórinn ók með okkur um borgina,
stoppaði ef við báðum hann um það og
með þessum hætti gátum við komist yf-
ir að skoða alla þá staði sem við höfð-
um áhuga á að kíkja á.
Þetta var að vísu aðeins dýrara en að
fara í hefðbundna skoðunarferð, þrjár
klukkustundir kostuðu um 140 dollara
eða um 11.000 krónur. Mér fannst þetta
margborga sig.“
Nýlega fór Margrét Sæberg Þórðardóttir ásamt syni sínum í ferðalag til Bandaríkjanna.
Þegar þau komu til New York leigðu þau sér lúxusbíl með bílstjóra og skoðuðu sig um.
Sumarhús Kaufmanns-fjölskyldunnar sem byggt er
ofan á foss.
Ljósmynd/Margrét Sæberg
Dóttir hjónanna eignaðist son á svipuðum tíma og
Margrét. Hér eru þeir Brandon og Þórður Axel.
Margrét Sæberg Þórðardóttir ásamt Nick Robinson
en hann er fjölskyldufaðirinn á heimilinu sem hún
dvaldi á fyrir sautján árum.
Skoðaði hús sem var
byggt ofan á foss
Húsið Falling Water
P.O. Box R.
Mill Run
Pennsylvania 15464
Sími 001 724 329 8501
Vefslóð: www.pacon-
serve.org
Hvaðan ertu að koma?
ALGENGT er að ferðamenn tali um
að fara í Lommann og satt best að
segja ættu allir sem yndi hafa af
ferðalögum og fallegri náttúru að fara
a.m.k. einu sinni í Lommann. Þá fara
þeir þangað aftur síðar, og jafnvel aft-
ur og aftur, því þröngur grösugur dal-
urinn og hrikaleg umgjörð fjallanna
sem umlykja fjörðinn á þrjá vegu, og
má nefna Álftavíkurtind og „Kín-
verska hofið“, auk Hvítserks sem er á
Húsavíkurheiðinni á leiðinni yfirum,
leitar á menn í vöku og draumi.
Þótt hér sé um eyðifjörð að ræða,
þá var gróskumikil byggð fram eftir
síðustu öld og landeigendur halda
margir hverjir húsum til haga og
dvelja í firðinum í lengri og skemmri
tíma á sumrum. Sumir þeirra koma
sjóleiðina frá Seyðisfirði, en aðrir
vilja hafa jeppann hjá sér og koma
uppúr Borgarfirði. Þarna má nefna
m.a. Klyppsstaði, Úlfsstaði, Sævar-
land, þar sem haldið er úti æðar-
varpi, og síðast en ekki síst Stakka-
hlíð, en þar reka hjónin Sigríður
Þórstína Sigurðardóttir og Stefán
Smári Magnússon myndarlega og
skemmtilega frumstæða ferðaþjón-
ustu á vegum landeigenda í firðinum.
Þar eru seld svefnpokapláss, máltíðir
og kaffi og heimabakað meðlæti.
Húsin eru reisuleg og kynnt með
heimarafstöð. Gistiheimilið er skráð
fyrir 16 næturgesti, en krefji nauð-
syn, þá hýsast þar fleiri og svo er
ennfremur prýðilegt tjaldstæði
skammt frá húsunum.
Dregur úr bókunum
Þau Sigríður og Smári eru bjart-
sýn, glaðleg og skemmtileg heim að
sækja, en það leynir sér þó ekki þeg-
ar við þau er rætt, að þau hafa
áhyggjur af starfseminni, sem staðið
hefur óslitið á þeirra vegum frá árinu
1988. „Starfsemin hér hefur alltaf
byggst að mestu leyti á gönguhópum
sem hafa komið ýmist frá Seyðisfirði
eða Borgarfirði. Þá hafa hóparnir
komið hingað í Stakkahlíð og dvalið
um tíma, keypt hér næturgistingu og
mat. Ferðafólk, gangandi og á jepp-
um, hefur einnig fengið hér þá þjón-
ustu sem það hefur óskað eftir, en
hóparnir eru það sem haldið hefur
þessari þjónustu gangandi. Nú
bregður svo við að bókunum hefur
farið snarfækkandi og það er ekki
minni en 50% fækkun frá síðasta ári,
hugsanlega meira en helmingur þeg-
ar upp verður staðið. Í fyrra komu
hingað t.d. sex hópar en aðeins einn í
sumar. Ef til vill er þetta bara tilfall-
andi, en ef þetta ástand verður við-
varandi þá höfum við virkilegar
áhyggjur af ferðaþjónustunni í
Stakkahlíð.“
Fjármagn vantar
Þau hjón telja skýringarnar geta
verið ýmsar á fækkun ferðamanna.
Lomminn er ævin
Þegar ekinn er jeppavegur upp frá efsta bæ Borgar-
fjarðar eystri liggur leiðin um stórfenglegan fjallveg
sem endar í Loðmundarfirði. Guðmundur Guðjónsson
segir að það þurfi að sjá og upplifa þá náttúrufegurð
sem þar er til að trúa henni.
Heimilisfólkið í Stakkahlíð, frá vinstri: Diljá Rudolfsdóttir, Melkorka Rut
Bjarnadóttir, Daði Sigfússon, Sigurður Snæbjörn Stefánsson, Magnús Snæþór
Stefánsson, Sigríður Þórstína Sigurðardóttir og Stefán Smári Magnússon,
ásamt tíkinni Stássu.
HINN 22. febrúar næstkomandi
bjóða Heimsferðir í fyrsta skipti
vikuferð til Jamaíku í Karíbahafi í
leiguflugi með nýrri Boeing 737-800-
vél.
Andri Már Ingólfsson, forstjóri
Heimsferða, segir að flugið taki um
átta og hálfa klukkustund en milli-
lent verður í Halifax til að taka elds-
neyti.
Aðalhótel Heimsferða er Renaiss-
ance Jamaica Grande Resort sem er
fjögurra stjörnu hótel við ströndina í
Ocho Rios og eitt besta hótelið á
Jamaíku segir Andri Már. Einnig er
í boði gisting á þriggja stjörnu hóteli.
Hann segir að þegar séu fimmtíu
manns búnir að bóka sig í ferðina og
er viss um að í framtíðinni muni
ferðaskrifstofan bjóða fleiri ferðir á
þessar slóðir.
Verð á mann í ferðina er frá 89.000
krónum.
Vikuferð til
Jamaíku