Morgunblaðið - 11.08.2003, Blaðsíða 32

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MÁNUDAGUR 11. ÁGÚST 2003 VERÐ Í LAUSASÖLU 190 KR. MEÐ VSK.
ÞYRLA Landhelgisgæslunnar fór í tvö útköll í
gær, hið fyrra vegna meiðsla tveggja fjallgöngu-
manna í Svarfaðardal og hið seinna vegna bílveltu
sem varð norðarlega á Kili.
Í Svarfaðardal slösuðust fjallgöngumenn þegar
þeir runnu í skriðu uppi í fjalli fyrir ofan Hof um
fjögurleytið. Annar maðurinn fótbrotnaði og hinn
brákaðist á fæti en óhappið átti sér stað í um 800
metra hæð.
Mennirnir voru með síma og gátu tilkynnt
óhappið til Neyðarlínunnar sem gerði lögreglunni
á Dalvík viðvart. Kallað var eftir þyrlunni klukkan
17:10 en ljóst var að þyrlu þyrfti til að koma mönn-
unum undir læknishendur. Þyrlan lenti í fjallshlíð-
inni klukkan 18:43, tók upp mennina og lenti við
Fjórðungssjúkrahúsið á Akureyri kl. 19:01.
Um klukkan 18:42 var óskað eftir því að þyrlan
tæki fjóra ísraelska ferðamenn sem slösuðust þeg-
ar bifreið þeirra valt á Kjalvegi, tólf kílómetrum
fyrir sunnan Áfangafell. Einn farþeganna kenndi
innvortis meiðsla og ákvað læknir, sem kallaður
var til, að nýta ferð þyrlunnar, sem flaug af stað frá
Akureyri klukkan 19:46 og lenti á slysstað 20:35.
Þyrlan tók svo upp hina slösuðu og lenti með þá í
Reykjavík klukkan 21:22 þar sem tveir sjúkrabílar
sóttu farþegana og óku þeim á sjúkrahús.
Tvö sjúkraflug
með sex menn
Slysstaðurinn við Hof er efst í fjallinu til vinstri.
Morgunblaðið/Guðmundur Ingi
FRÁBÆRT veður var á Siglu-
firði um helgina þar sem pæju-
mót Þormóðs ramma-Sæbergs
fór fram. Hitinn fór yfir 25
stig á laugardag og sól skein í
heiði. Svo heitt var að fjöldi
stúlkna lék sér í Hólsánni, við
hlið íþróttasvæðisins á Hóli,
eftir að þær höfðu lokið
keppni. Sumar óðu upp að öxl-
um á kaf í kalda ána en varð
ekki meint af vegna blíðunnar.
Morgunblaðið/Skapti Hallgrímsson
Buslað í kaldri ánni
HLUTFALL útborgunar í fjár-
mögnun íbúðarhúsnæðis var
40,6% á árinu 2002 og hafði það
lækkað um 2,5% frá árinu á undan,
er þetta hlutfall var 43,1%. Þá nam
fasteignamat á landinu öllu í lok
árs 2002 tæpum 1.800 milljörðum
króna. Þetta kemur fram í árs-
skýrslu Fasteignamats ríkisins
fyrir árið 2002.
Með hlutfalli útborgunar er átt
við þann hluta kaupverðs sem
inntur er af hendi með beinhörðum
peningum á fyrsta ári frá undirrit-
un kaupsamnings. Sá annmarki er
á þessum upplýsingum að ekki er
unnt að vita hvort eða að hve miklu
leyti kaupandi fær lán til að greiða
útborgunina.
Hlutdeild húsbréfa jókst á milli
áranna 2001 og 2002 og var 3,1%
árið 2002 en 2,5% árið 2001. Fast-
eignir og lausafé notað sem
greiðsla upp í aðra eign námu 2,4%
af veltu árið 2002 en 2,1% árið á
undan. Hlutdeild fasteignaveð-
bréfa sem eru skiptanleg fyrir hús-
bréf var 24,4% en var 23,1% árið á
undan. Þá voru yfirtekin lán hús-
bréfakerfis 21,1% á árinu 2002 en
19,9% árið á undan. Loks var hlut-
deild yfirtekinna lána Byggingar-
sjóðs ríkisins 5,4% en var 6,4% árið
2001 og hlutdeild annarrar fjár-
mögnunar, sem inniheldur meðal
annars yfirtekin lífeyrissjóðslán,
var 3% árið 2002.
Fasteignamatið í Reykjavík
rúmir 820 milljarðar króna
Fasteignamat í Reykjavík nam
rúmum 820 milljörðum króna í lok
árs 2002, en tæpum 450 milljörðum
króna í öðrum sveitarfélögum á
höfuðborgarsvæðinu, þar af var
það mest í Kópavogi. Á Reykjanesi
nam fasteignamatið tæpum 80
milljörðum og á Vesturlandi tæp-
um 75 milljörðum króna. Fast-
eignamatið á Vestfjörðum nam
tæpum 29 milljörðum króna og á
Norðurlandi rúmum 160 milljörð-
um króna, þar af tæpum 80 millj-
örðum á Akureyri. Á Austurlandi
var fasteignamatið rúmir 40 millj-
arðar króna, þar af tæpur fjórðung-
ur í Fjarðabyggð. Fasteignamat
eigna á Suðurlandi í árslok 2002 var
tæpir 129 milljarðar króna, þar af
rúmir 30 milljarðar í Árborg.
Fasteignir landsmanna
metnar á 1.800 milljarða
ÁTTATÍU manna hópur frá Kanada er meðal
þeirra erlendu hlaupara sem taka þátt í Reykjavík-
urmaraþoninu að þessu sinni. Í hópnum eru fé-
lagar í þarlendum samtökum sykursjúkra.
Að sögn Ágústs Þorsteinssonar, framkvæmda-
stjóra maraþonsins, er þetta stærsti erlendi hóp-
urinn sem sækir Reykjavík heim að þessu sinni til
þátttöku í maraþoninu. Einnig er von á tveimur
hópum frá Þýskalandi, og eru um 70 manns í öðr-
um þeirra. Sömuleiðis er von á Dönum og Banda-
ríkjamönnum til þátttöku í hlaupinu. Allur gangur
er á hvaða vegalengd þeir munu hlaupa.
Áttatíu Kanada-
menn í maraþonið
RANNSÓKNARNEFND flug-
slysa, RNF, hefur tekið til rann-
sóknar flugatvik sem varð vestan
við Ísland 1. ágúst síðastliðinn.
Flugvél frá færeyska flugfélaginu
Atlantik Airways á leið frá Íslandi
til Grænlands var í sömu flughæð
og þota frá Bandaríkjunum sem var
á austurleið. Flugumferðarstjóri á
ratsjárvakt í íslensku flugstjórnar-
miðstöðinni sá í hvað stefndi og fyr-
irskipaði að færeyska vélin lækkaði
flugið þannig að þúsund fet að-
skildu vélarnar eins og vera átti en
færeyska vélin var ekki í réttri
hæð.
Heimir Már Pétursson, upplýs-
ingafulltrúi Flugmálastjórnar, tjáði
Morgunblaðinu að atvikið hefði ver-
ið tilkynnt Rannsóknarnefnd flug-
slysa með tölvupósti samdægurs.
Þormóður Þormóðsson, rannsókn-
arstjóri RNF, segir að eftir frum-
skoðun nefndarinnar á gögnum um
atvikið hafi verið ákveðið að taka
málið til formlegrar rannsóknar.
Stefndu móti
hvor annarri
í sömu
flughæðÞORGEIR Sigurðsson, rafmagns-verkfræðingur og sundmaður, svaml-
aði úr Geirshólma í Hvalfirði til lands,
um 1,7 kílómetra leið, á laugardags-
kvöld. Hann var um 54 mínútur á
sundinu. Þetta er sama leið og Helga
Haraldsdóttir synti á 10. öld með syni
sína tvo, líkt og segir í Harðar sögu
og Hólmverja. Áður hefur verið synt
bringusund eða skriðsund úr hólm-
anum til lands, en að sögn Þorgeirs er
þetta líklega í fyrsta sinn sem svaml-
að er yfir Helgusund.
Þorgeir hélt á friðarkerti á sundinu
til að reyna á hvort hægt væri að
halda á einhverju alla leið í land um
leið og hann svamlaði. Friðarkertið
keypti Þorgeir í síðustu viku við
minningarathöfn um fórnarlömb
kjarnorkusprengjanna á Hiroshima
og Nakasaki í Japan við lok síðari
heimsstyrjaldarinnar, 6. og 9. ágúst
árið 1945. „Afrek Helgu Haralds-
dóttur var glæsilegt, að komast þessa
leið með syni sína tvo. Mig langaði til
þess að minnast þess með því að
troða marvaða á leiðinni og halda á
einhverju alla leið, líkt og hún gæti
hafa gert, því að skriðsund og bringu-
sund eins og nú eru kennd hefur hún
örugglega ekki þekkt,“ sagði Þorgeir
í samtali við Morgunblaðið. Hann
segir aðstæður hafa verið góðar til
sundsins um kvöldið, en slokknað hafi
á kertinu stuttu eftir að hann lagðist
til sunds. Aðstoðarmenn á báti tendr-
uðu ljós að nýju á kertinu og komst
Þorgeir með það til lands. Sjórinn var
ekki mjög kaldur að sögn Þorgeirs,
um 13 til 14 gráður. Grunnt er á leið-
inni, og sérstaklega aðgrunnt við ósa
Bláskeggsár, þar sem Þorgeir lenti.
Gat hann ekki synt síðasta spölinn og
varð að ganga til lands.
Þorgeir segir það hafa komið sér á
óvart að hann þreyttist ekki mjög við
sundið. „Ég taldi að ég myndi þreyt-
ast af marvaðanum, en mér hitnaði
fljótt og gekk vel að komast til lands,“
útskýrir Þorgeir. Hann synti fyrr á
þessu ári úr Viðey til lands, og áform-
ar að reyna fleiri afrekssund á næstu
árum. „Ég hef hugsað mér að synda
Drangeyjarsund líkt og Grettir Ás-
mundarson, og jafnvel reyna einnig
að synda sömu leið og Guðlaugur eftir
að Hellisey sökk.“
Synti tæpa tvo
kílómetra til lands
Morgunblaðið/Árni Sæberg
Þorgeir Sigurðsson með friðarkertið sem hann hélt á meðan hann synti úr
Geirshólma í Hvalfirði til lands.
Í HARÐAR sögu og Hólmverja, 38.
kafla, er sagt frá frækilegu sundi
Helgu Haraldsdóttur úr Geirs-
hólma til lands í Hvalfirði. Segir svo
frá í sögunni:
„Helga er nú í hólminum og þyk-
ist vita nú allar vælar og svik lands-
manna; hún hugsar nú sitt mál. Það
verður nú hennar ráð, að hún kast-
ar sér til sunds og leggst til lands úr
Hólminum um nóttina og flutti með
sér Björn, son sinn, fjögra vetra
gamlan, til Bláskeggsár, og þá fór
hún móti Grímkatli, syni sínum,
átta vetra gömlum, því að honum
dapraðist sundið þá, og flutti hann
til lands. Það heitir nú Helgusund.“
Helgusund
♦ ♦ ♦