Morgunblaðið - 15.08.2003, Blaðsíða 10

FRÉTTIR
10 FÖSTUDAGUR 15. ÁGÚST 2003 MORGUNBLAÐIÐ
IÐNAÐARRÁÐUNEYTIÐ hefur
nú til meðferðar ósk Orkuveitu
Reykjavíkur um hækkun gjald-
skrár á heitu vatni um 5,8% en skv.
nýjum raforkulögum þarf ráðuneyt-
ið að staðfesta allar gjaldskrár-
hækkanir á heitu vatni áður en þær
taka gildi. Er það eina beiðnin um
gjaldskrárhækkun á heitu vatni
sem ráðuneytið hefur nú til um-
sagnar.
Stjórn OR ákvað gjaldskrár-
hækkunina, eins og kunnugt er, í
vikunni, en miðað er við að hún taki
gildi 1. september nk. Það þýðir að
verð á heitu vatni til almennra nota
verði 64,54 kr. á hvern rúmmetra af
vatni, án virðisaukaskatts, en það
var 61 kr., án vsk. miðað við núver-
andi gjaldskrá sem tók gildi 1. júlí
sl. Fastagjaldið á heitu vatni á ári
verður um 7.770 kr., án vsk. en var
7.343 kr.
Þess má geta að gjaldskrár OR
eiga líka við um Hitaveitu Þorláks-
hafnar og Hitaveitu Akraness og
Borgarfjarðar, skv. samningi sem
gerður var er OR keypti fyrri veit-
una og 80% hlut í síðari veitunni á
sínum tíma. Það þýðir að gjald-
skrárhækkanir OR ná frá Borg-
arnesi og suður í Hafnarfjörð, ef
frá er talið svæðið sem heyrir undir
Hitaveitu Mosfellsbæjar og Sel-
tjarnarnes sem tilheyrir Hitaveitu
Seltjarnarness.
73% dýrari hjá OR
Morgunblaðið hafði samband við
forsvarsmenn nokkurra orkuveitna
á landinu, en verð á heitu vatni er
mismunandi eftir veitum. Ýmsir
þætti geta haft áhrif á verð, t.d. hit-
inn á vatninu. Þær veitur sem hér
eru til umfjöllunar eru með 80°C
heitt vatn.
Jónmundur Guðmarsson, bæjar-
stjóri á Seltjarnarnesi, bendir á að
gjaldskrá OR á heitu vatni sé mun
hærri en gjaldskrá Hitaveitu Sel-
tjarnarness. Hann upplýsir að verð
á heitu vatni á Seltjarnarnesi sé um
37 kr. á hvern rúmmetra, án vsk.
Gjaldskrá OR væri því 73% dýrari
en gjaldskrá Hitaveitu Seltjarnar-
ness. Gjaldskráin á Seltjarnarnesi
hafi ekki hækkað síðan í nóvember
árið 2000. „Í raun má því segja að
það hafi orðið raunlækkun á hita-
veitukostnaði hjá okkur vegna
breytinga á vísitölu síðan þá.“
Hann segir ennfremur gjaldskrána
hina lægstu sem þekkist í þéttbýli.
„Stefnan hér hefur verið að bjóða
neytendum upp á vatn á sem hag-
stæðustu kjörum,“ útskýrir hann
og bætir því við að „reksturinn sé
við núllið.“ Aðspurður segir hann
að ekki stæði til að hækka gjaldið
frekar á næstunni.
Heita vatnið hjá Norðurorku hf.
er þó dýrara en hjá OR. Þar er
verðið um 95 kr. á hvern rúm-
metra. Franz Árnason, forstjóri
Norðurorku, segir ástæðuna m.a.
þá að veitan sé fremur ung, eða um
25 ára. „Þetta er nýleg veita sem
hefur staðið í miklum framkvæmd-
um.“ Hann tekur þó fram að verðið
hafi lækkað mikið á undanförnum
árum, m.a. vegna þess að tekist
hafi að greiða niður lán. Þegar
verðið hafi verið hvað hæst, í kring-
um árið 1990, hafi heita vatnið ver-
ið um 250% dýrara á Akureyri en
hjá orkuveitunni í Reykjavík. Nú sé
munurinn í kringum 50%.
Franz segir aðspurður að ekki
standi til að hækka gjaldskrá heita
vatnsins, þrátt fyrir „umtalsverðan
samdrátt í vatnssölu“ á síðasta ári.
Hann segir að stækkun markaðar-
ins hafi vegið upp á móti þeim sam-
drætti. Til að mynda sé veitan nú
farin að þjóna Eyjafjarðarsveit og
Hjalteyri.
FJÓRAR orkuveitur hafa fengið
heimild frá Orkustofnun um hækk-
un á rafmagnsverði á þeim for-
sendum að heildsöluverð á raf-
magni frá Landsvirkjun hafi
hækkað um 2% hinn 1. ágúst sl.,
skv. upplýsingum frá Orkustofnun.
Fimmta orkufyrirtækið, Orkuveita
Reykjavíkur (OR), hefur einnig ósk-
að eftir heimild Orkustofnunar um
hækkun á rafmagnsverði um 1,2% á
þessum sömu forsendum, en Orku-
stofnun er að fara yfir þá beiðni.
Stofnunin þarf, skv. nýjum raf-
orkulögum, að staðfesta óskir um
gjaldskrárhækkanir orkuveitna áð-
ur en þær taka gildi.
Orkuveiturnar fjórar eru Orkubú
Vestfjarða, sem hækkaði rafmagns-
verð um 2%, Rafmagnsveita ríkis-
ins, sem hækkaði um 2%, Norður-
orka sem hækkaði um 2,4% og
Rafveita Reyðarfjarðar, sem hækk-
aði um 2%. Allar þessar hækkanir
gengu í gildi 1. ágúst sl. Skv. upp-
lýsingum Orkustofnunar hafði
Norðurorka þar á undan hækkað
síðast rafmagnsverð hinn 1. janúar
sl. en hinar þrjár höfðu síðast
hækkað rafmagnsverð sl. haust.
Vísað í almennar verðlags-
hækkanir
Orkuveita Reykjavíkur hækkaði
síðast rafmagnsverð hinn 30. júní
sl., og nam hækkunin 3,4%. Skv.
upplýsingum frá iðnaðarráðuneyt-
inu var í röksemdum fyrir þeirri
hækkun vísað til almennra verð-
lagshækkana. Á sama tíma hækk-
aði Hitaveita Suðurnesja rafmagns-
verð um 3%. Var einnig vísað til
almennra verðlagshækkana í rök-
stuðningi fyrir þeirri hækkun.
Skv. upplýsingum iðnaðarráðu-
neytisins er langstærstur hluti allr-
ar rafmagnsframleiðslu hér á landi
í höndum Landsvirkjunar.
Ráðuneytið þarf að staðfesta gjaldskrár fyrir heitt vatn
OR eina veitan sem ósk-
að hefur eftir hækkun
   

         
    
      
!" !#$
%
&

%'&(

'& ( )*!  " + , 


'''
%''



-
-(


)
&'' 
(   ( )  *  

'   +   

 ,
-  

 ,
Orkustofnun fer
yfir beiðni OR
FLJÓTLEGA fara nemendur að flykkjast í skóla lands-
ins, þar með talið í Háskóla Íslands. Í gær var þó frekar
rólegt umhverfis skólann en þess má vænta að eftir
nokkra daga verði meira líf í tuskunum.
Morgunblaðið/Þorkell
Á hjóli við háskóla
PHILIPPE Busquin, yfirmaður vís-
inda- og tæknimála í framkvæmda-
stjórn Evrópusambandsins (ESB),
segist mjög hrifinn af því sem Íslend-
ingar eru að gera á sviði vísinda og
tækni. Kom þetta fram á blaða-
mannafundi Busquins og Tómasar
Inga Olrich menntamálaráðherra í
Þjóðmenningarhúsinu í gær. Sagðist
Busquin sérstaklega hrifinn af jarð-
hitanotkun Íslendinga.
Busquin hefur verið hér á landi í
nokkra daga í boði ráðherra en hann
kynnti sér m.a. vetnisstöð Skeljungs í
Ártúnsholti sem stýrt er af Íslenskri
NýOrku ehf. Hann sótti einnig heim
Íslenska erfðagreiningu, Bláa lónið
og Svartsengi.
Busquin átti fund í gærmorgun
með menntamálaráðherra, fulltrúum
ráðuneytisins, ritara Vísinda- og
tækniráðs og fulltrúa Rannsóknamið-
stöðvar Íslands (Rannís). Þar var m.a.
rætt um þátttöku Íslands í svokallaðri
Sjöttu rannsóknaráætlun ESB, en sú
áætlun er stærsta rannsóknaráætlun
ESB. Hún hófst í fyrra og stendur yf-
ir í fjögur ár. Gengur sú áætlun m.a.
út á að styðja samstarfsverkefni á
milli landa á sviði vísinda og tækni.
Íslendingar voru einnig þátttak-
endur í Fimmtu rannsóknaráætlun-
inni og að sögn Tómasar I. Olrich
fengu um 40% þeirra umsókna, sem
Íslendingar áttu aðild að, úthlutun úr
sjóði verkefnisins. Þykir það hátt
hlutfall. Ráðherra sagði að samstarf
Íslendinga og ESB á sviði rannsókna
og þróunar væri Íslendingum mjög
mikilvægt.
Jákvæður í garð Íslendinganna
Hjördís Hendriksdóttir, forstöðu-
maður alþjóðasviðs Rannís, var ein
þeirra sem sat fundinn í gær. Hún
sagði í samtali við Morgunblaðið að á
fundinum hefði m.a. verið rætt um að-
komu Íslendinga að rannsóknaráætl-
unum ESB. Voru þar m.a. ræddir
möguleikar á því að Íslendingur yrði
ráðinn tímabundið til yfirstjórnar
Sjöttu rannsóknaráætlunarinnar.
Hjördís segir að Busquin hafi verið
afar jákvæður á fundinum og tekið vel
í sjónarmið Íslendinganna. Hún sagði
að fundinum, þ.e. þeim málefnum sem
þar voru rædd, yrði fylgt eftir á næstu
vikum
Philippe Busquin yfirmaður vísinda- og
tæknimála í framkvæmdastjórn ESB
Morgunblaðið/Kristinn
Tómas Ingi Olrich menntamálaráðherra og Philippe Busquin.
Hrifinn af starfi
Íslendinga
BEIÐNI Landhelgisgæslunnar um
blá forgangsljós á einkabifreiðar
flugáhafna Landhelgisgæslunnar í
bráðaútköllum hefur verið til um-
fjöllunar í dómsmálaráðuneytinu.
Björn Bjarnason dómsmálaráðherra
segir að leitað hafi verið umsagnar
nokkurra aðila og þær hafi yfirleitt
verið neikvæðar.
„Lögreglustjórinn í Reykjavík
mælti gegn hugmyndinni og segir í
umsögn sinni að reynslan sé sú að
mjög lítill tími sparist við notkun for-
gangsljósa í þéttri umferð Reykja-
víkur. Hins vegar geti ofnotkun ljós-
anna skapað hættu í umferðinni. Þá
lagðist Lögregluskóli ríkisins gegn
þessari tillögu sem og tveir yfirmenn
umferðardeildar lögreglunnar í
Reykjavík,“ segir Björn.
Hann segir að Landhelgisgæslan
hafi nýverið ítrekað beiðni sína og
hún sé til athugunar að nýju í ráðu-
neytinu.
Forgangsljós fyrir þyrlusveit
Umsagnaraðilar hafa
lagst gegn beiðninni
KARLMAÐUR um tvítugt var
stöðvaður í Þingvallastræti á Ak-
ureyri eftir að bifreið hans var
mæld á 112 km hraða. Hámarks-
hraði við götuna er 50 km/klst.
Ökumaðurinn má búast við fjár-
sektum og sviptingu þegar málið
verður tekið fyrir af dómstólum.
Að sögn lögreglu hafa orðið al-
varleg slys í Þingvallastræti en
þar eru nokkrar gagnbrautir,
verslanir og íþróttahús. Atvikið
átti sér stað um níuleytið í fyrra-
kvöld.
Stöðvaður á 112 km
hraða innanbæjar