Morgunblaðið - 15.08.2003, Blaðsíða 18
AKUREYRI
18 FÖSTUDAGUR 15. ÁGÚST 2003 MORGUNBLAÐIÐ
www.islandia.is/~heilsuhorn
Í dagsins önn
Náttúrulegt B-vítamín ásamt
magnesíum og C-vítamíni
í jurtabelgjum
PÓSTSENDUM
Glerártorgi, Akureyri, sími 462 1889
Fæst m.a. í Lífsins lind í Hagkaupum,
Árnesapóteki, Selfossi og
Yggdrasil, Kárastíg 1.
w
w
w
.d
es
ig
n.
is
©
20
03
-
IT
M
90
59
V. Fellsmúla • S. 588 7332
Opi›: Mán. - föst. 9-18,
Laugardaga 10-14
kr
kr
kr kr krkr
krkr krR‡mingarsala
Disegno Maxi 61
51,5x60 sm
Disegno Magritte
fivermál 45 sm
Disegno Lavabo
67x47 sm
Allt a› 50% afsláttur
Disegno Maxi 60
51,5x63 sm
Eitt stærsta úrval landsins af handlaugum
á postulínshandlaugum
Gala Marina
65x52 sm
Disegno Margritte
fivermál 45 sm
Disegno Monocomando
fivermál 45 sm
Disegno Luna
83-102x43 sm
Í LYSTIGARÐINUM á Akureyri
stendur nú yfir skúlptúrsýningin
„þrettán + þrjár“, sem er samsýning
þrettán norðlenskra listakvenna og
þriggja færeyskra. Um er að ræða
útilistaverk af ýmsu tagi og er þetta
framtak kvennanna til heiðurs þeim
konum sem stofnuðu Lystigarðinn.
Þessi unga dama, Heba Karitas,
sýndi þessu listaverki mikinn áhuga,
en það samanstendur af 26 litlum
lopapeysum og fjölda snuða.
Morgunblaðið/Ásgrímur Örn
„Þrettán + þrjár“
LJÓST er að fleiri nemendur en
nokkru sinni hefja framhaldsskóla-
og háskólanám á Akureyri í haust og
alls verða nemendur skólanna
þriggja á fjórða þúsund talsins.
Nemendur við Verkmenntaskól-
ann á Akureyri verða um eða yfir
1.100 í haust, að sögn Hjalta Jóns
Sveinssonar skólameistara. Þetta er
nokkru meira en undanfarin ár og
segir Hjalti Jón að þessi fjöldi jaðri
við metaðsókn. Ekki leiki vafi á að
hinir nýju nemendagarðar fram-
haldsskólanna á Akureyri hafi mikið
að segja í þessu sambandi. Spurn
eftir plássi á görðunum var mun
meiri en hægt var að anna og margir
eru á biðlista. Auk þess veit Hjalti
Jón dæmi þess að einhverjir þeirra
sem ekki fengu inni á vistinni hafi
hætt við að koma í nám. Í sumum
deildum skólans varð einnig að tak-
marka nemendafjölda, svo ekki
fengu allir skólavist sem sóttu um.
Hjalti Jón er sérstaklega ánægður
með fjölgun nemenda í verknámi,
enda hefði skólinn lagt áherslu á að
kynna þau svið.
Metfjöldi nema í MA
Menntaskólinn á Akureyri tekur
inn 200 nýnema í haust en þar á bæ
hafa þeir gjarnan verið á bilinu 180-
200. Hins vegar verða nemendur við
skólann alls um 660 talsins í vetur,
sem er metfjöldi. Ástæðan er sú að
undanfarin ár hefur brottfall nema í
efri bekkjum farið minnkandi og
segir Jón Már Héðinsson skóla-
meistari að markvissar aðgerðir
skólayfirvalda í þá veru hafi skilað
árangri. „Við höfum verið að vinna í
því nokkur undanfarin ár að draga
úr brottfalli. Nemendavernd hefur
verið aukin, umsjónarkennarakerfið
er öflugt og við höfum eflt námsráð-
gjöf,“ sagði Jón Már. Eins og hjá
VMA voru umsóknir um vist á nem-
endagörðum fleiri en hægt var að
anna og segir Jón Már að gripið hafi
verið til ráðstafana til að fjölga pláss-
um.
Mikil fjölgun í
Háskólanum á Akureyri
Í Háskólanum á Akureyri verða
um 1.400 nemendur í vetur, sem er
liðlega 30% aukning frá í fyrra en þá
voru nemendur 1.060. Þessi mikla
fjölgun stafar af miklum fjölda ný-
nema og ljóst að aukið námsframboð
skólans hefur fallið í góðan jarðveg.
Nemendur á fyrsta ári verða um 700
talsins og er það langstærsti hópur
nýnema sem innritast hefur í skól-
ann. Sömuleiðis á fjarnámið auknu
fylgi að fagna og af nemendunum
1.400 eru um 500 sem stunda fjar-
nám. Þorsteinn Gunnarsson, rektor
Háskólans á Akureyri, er að vonum
hæstánægður með aðsóknina og hin-
ar góðu viðtökur sem nýju deildirnar
hafa fengið. „Í félagsvísinda- og
lagadeild eru innritaðir 110 nemend-
ur, þar af munu 35 hefja nám í lög-
fræði, sem við teljum mjög góða að-
sókn og fer fram úr því sem við
bjuggumst við,“ sagði Þorsteinn
Umsóknarfrestur í auðlindadeild,
sem er einnig ný deild við skólann, er
ekki runninn út og því ekki ljóst
hversu margir nemar hefja þar nám.
Eins og hjá framhaldsskólunum er
mikil aðsókn að nemendagörðum og
fá færri þar inni en vilja. „Kominn er
biðlisti og því verða menn að leita sér
að húsnæði á almennum markaði.
Hins vegar virðist vera erfitt að fá
leiguhúsnæði hér um þessar mund-
ir,“ sagði Þorsteinn en vonaðist til að
enginn þyrfti að hætta við háskóla-
nám á Akureyri vegna þessa.
Aukin aðsókn
að skólunum
EINS og fram kemur annars staðar á síðunni er
mikil ásókn í vist á nemendagörðum skólanna á
Akureyri, enda hafa nemendur þeirra aldrei verið
fleiri en nú. Menntaskólinn hefur um áratuga-
skeið rekið heimavist með plássi fyrir um 110
nemendur en þangað til nú í haust hefur Verk-
menntaskólinn ekki getað boðið nemendum sínum
heimavistarpláss. Í hinum nýju nemendagörðum
framhaldsskólanna, sem teknir verða í notkun í
haust, eru 230 rými sem skiptast jafnt á milli skól-
anna. Þrátt fyrir þetta aukna framboð voru öll
pláss fljót að fyllast og tugir nemenda úr hvorum
skóla eru á biðlista. Hjalti Jón Sveinsson, skóla-
meistari VMA, er ekki í vafa um að nemendagarð-
arnir nýju gegni veigamiklu hlutverki. „Við erum
með 115 rými á görðunum og það hefur auðvitað
gert fleirum kleift að koma til Akureyrar en ella.
Ég held að þessi viðbót sé fyrst og fremst heima-
vistinni að þakka. Og hún virðist ekki taka mikið
af leigumarkaðinum, að mestu leyti er um hreina
viðbót að ræða. Og það er mjög spennandi þróun.“
Jón Már Héðinsson, skólameistari MA, tekur í
sama streng og segir að tilvera garðanna sé hrein-
lega ómetanleg. Fyrir vikið komi fólk í nám til Ak-
ureyrar, sem að öðrum kosti hefði farið eitthvað
annað, og bæjarfélagið njóti góðs af á margan
hátt. Svo vilji foreldrar gjarnan vita af börnum
sínum í öruggu heimavistarumhverfi og félagslífið
á vistinni höfði til krakkanna. „Aðsókn að nem-
endagörðunum var mun meiri en björtustu vonir
gerðu ráð fyrir og í samráði við framkvæmda-
stjóra garðanna höfum við verið að leita leiða til
að sem flestir komist á vist sem þess óska.“ Liður
í því er að fjölga tveggja manna herbergjum, á
kostnað sérbýlis. Næstum öll herbergi sem ætluð
voru fyrir einn munu hýsa tvo nemendur í vetur
og vonast Jón Már til að hægt verði að leysa
vanda sem flestra þeirra sem fengu afsvar í fyrstu
umferð.
180 umsóknir háskólanema um garðvist
Félagsstofnun stúdenta á Akureyri er með 84
íbúðareiningar á nemendagörðum fyrir nemendur
Háskólans á Akureyri, bæði einstaklingsherbergi
og íbúðir. Í sumum tilfellum getur verið um að
ræða fleiri en einn háskólanema í sömu íbúð, t.d.
ef um er að ræða par þar sem bæði eru í námi.
Umsóknir um vist voru 180 í ár og hægt var að
taka inn 37 nýja leigutaka. Hins vegar voru 35 á
biðlista eftir einstaklingsherbergi og liðlega 80
biðu eftir íbúð. Haraldur Krüger hjá Félags-
stofnun stúdenta segir að 1. september á næsta
ári bætist við 35 íbúðareiningar þegar nýbygging
stofnunarinnar við Drekagil verður tekin í notk-
un. Biðlisti sumarsins hefur verið að styttast, því
fólk sem ekki fékk úthlutað garðvist hefur leigt
sér húsnæði á almennum markaði. Til dæmis seg-
ir Haraldur að leigusalar sem vilji leigja há-
skólafólki hafi haft samband við skrifstofuna og
hann hafi getað miðlað slíkum upplýsingum til
fólks á biðlista.
Færri komast á nemendagarða en vilja
Morgunblaðið/Kristján
Færri komast að en vilja á hina nýju nemenda-
garða framhaldsskólanna á Akureyri.
Föstudagur 15. ágúst
Föstudagshádegi í Ketilhúsinu kl.
12. Fljóðleikur – tilraun með tóna og
orð. Arna Kristín Einarsdóttir,
flauta og ljóð. Arna Kristín spilar
einleiksverk fyrir flautu og varpar
samtímis texta/ljóðum eftir sjálfa sig
upp á vegg. Hún kallar þetta „fljóð-
leik“ þar sem hún reynir að skapa
einhvers konar heildarupplifun með
kertaljósum og reykelsi á meðan
hún leikur verkin sem eru innbyrðis
afar ólík. Dagskráin tekur um hálf-
tíma í flutningi og miðaverð er 1.000
kr.
Laugardagur 16. ágúst
Bögglageymslan (gamla sláturhús
KEA) fær nýtt hlutverk (og þó) kl.
14 þegar myndlistarnemarnir Jóna
Hlíf Halldórsdóttir og Baldvin
Ringsted opna þar sýningu á verk-
um sýnum.
Kompan kl. 17. Kristján Guð-
mundsson opnar sýningu í Komp-
unni, Kaupvangsstræti 23. Á sýning-
unni er eitt verk gert úr plasti og
gulli. Einnig verður til sýnis og sölu
bókverkið (DOKTORSRITGERÐ)
eftir Sigrúnu Þorsteinsdóttur og
Kristján, sem kom út fyrr á þessu
ári. Sýning Kristjáns er opin dag-
lega frá kl. 14 til 17 til 4. september.
Sunnudagur 17. ágúst
Safnasafnið á Svalbarðsströnd kl.
14 verður opnuð sýning á svipmynd-
um af Ragnari Kjartanssyni mynd-
höggvara sem hefði orðið 80 ára á
þessum degi en hann lést 1988.
GUÐJÓN Ingvi Geirmundsson,
læknir á Heilsugæslustöð Akureyr-
ar, segir að áberandi aukning hafi
orðið undanfarið á því að fólk með
frjókornaofnæmi hafi leitað til stöðv-
arinnar vegna óþæginda.
Mjög mikið mældist af grasfrjóum
flesta daga liðinnar viku á Akureyri
og er heildarfjöldi grasfrjóa orðinn
meiri en áður hefur mælst þar þó svo
að enn lifi 2⁄3 mánaðarins í mælingum.
„Það er mikið um grasfrjó núna og
við höfum orðið vör við áberandi auk-
in óþægindi hjá fólki vegna þessa,“
sagði Guðjón Ingi og bætti við að til
stöðvarinnar hefði fólk leitað einkum
með óþægindi í öndunarvegi, augum
og með öndunarerfiðleika.
Mikið um frjó-
kornaofnæmi