Morgunblaðið - 15.08.2003, Blaðsíða 26

UMRÆÐAN
26 FÖSTUDAGUR 15. ÁGÚST 2003 MORGUNBLAÐIÐ
Á SEX vikum hefur verð á heitu
vatni verið hækkað um tæp 10% á
höfuðborgarsvæðinu. Þessi hækkun
finnst mér vera út úr
korti, allt of mikil. Yf-
ir fjórföld ætluð verð-
bólga á árinu. Svona
ráðandi fyrirtæki,
þar sem engin sam-
keppni ríkir, verður
að vera vant að virð-
ingu sinni og tæplega einkamál
stjórnar fyrirtækisins slík hækkun.
En ég sé ekki að nefndar ástæður
hækkunar séu gild rök. Hitaveitan,
nú Orkuveitan, hefur um árabíl verið
mjög vel rekið fyrirtæki, en nú virðist
halla undan, af ýmsum ástæðum.
Dreifikerfi heita vatnsins stækkar
stöðugt og því fleiri notendur, meiri
tekjur, meiri hagkvæmni rekstrar,
skyldi maður ætla. Allt of hátt hlutfall
verðs á heitu vatni fer sem skattur
inn í Borgarsjóð Reykjavíkur.
Bygging höfuðstöðva Orkuveit-
unnar er kapítuli útaf fyrir sig. Ég er
ekki hlynntur ströngum reglum um
alla skapaða hluti eða skorður, en það
ætti að athuga vel hvort ekki þurfi að
setja sveitarstjórnum skorður við
slíkri eyðslu, sem þessari. Að menn
þurfi allavega að setja fram á sértæk-
an hátt mjög sterk rök fyrir svona
framkvæmd, fyrir slíkar upphæðir.
Ef almannahagsmunir réðu, væri allt
annað uppi á teningnum.
Íbúar í Bessastaðahreppi og aðrir í
nágrenni Reykjavíkur hafa enn ekki
val um fyrirtæki til að skipta við
vegna kaupa á heitu vatni, en auðvit-
að ætti það að eiga við, nákvæmlega
eins og um síma og væntanlega raf-
magn. Hvað gerðist ef Hitaveita Suð-
urnesja færi að bjóða vatn til húshit-
unar á svæðinu í samkeppni við
Orkuveituna?
Hreppsnefnd Bessastaðahrepps
dró í byrjun síðasta árs til baka
ákvörðun um hækkanir vissra þjón-
ustugjalda í sveitarfélaginu og gekk
þar með á undan bylgju, sem leiddi
meðal annars af sér lægri verðbólgu
og meiri hagsæld fyrir landslýð. Ég
tel að sveitarstjórnir hafi almennt
gætt hófs í ákvörðunum um hækk-
anir þjónustugjalda síðustu tvö árin,
sérlega á þjónustu sem íbúar geta
tæplega verið án. Hreppsnefnd
Bessastaðahrepps seldi Hitaveitu
Bessastaðahrepps á sínum tíma Hita-
veitu Reykjavíkur, nú Orkuveitunni.
Þóttu báðir aðilar vel við una. Við það
lækkaði verð á heitu vatni verulega í
Bessastaðahreppi. Sveitarstjórnar-
mönnum ber að hafa hagsmuni íbúa
síns sveitarfélags í heiðri, því ber að
vekja athygli á þessari ótrúlegu og
ótímabæru hækkun.
Ég trúi því að þessi síðasta ákvörð-
un um hækkun á heitu vatni á höfuð-
borgarsvæðinu verði dregin til baka,
svo dæmalaus sem hún er.
Ákvörðun Orku-
veitunnar um að
hækka verð á
heitu vatni
Eftir Guðmund G. Gunnarsson
Höfundur er oddviti Hrepps-
nefndar Bessastaðahrepps.
BÆJARRÁÐ Garðabæjar sam-
þykkti sl. þriðjudag samning um
rekstur Barnaskóla Hjallastefn-
unnar á Vífils-
stöðum. Samning-
urinn markar
tímamót í skólastarfi
í Garðabæ. Með
rekstri Barnaskólans
gefst íbúum í fyrsta
sinn kostur á að velja
einkarekinn barna-
skóla innan bæjarmarkanna sem hef-
ur fjölmörg sérkenni sem ekki er að
finna í öðrum skólum í bænum. Nú
þegar starfa í Garðabæ þrír grunn-
skólar, Flataskóli, Hofsstaðaskóli og
Garðaskóli þar sem fram fer metn-
aðarfullt starf með hæfu starfsfólki.
Námið í þeim hefur verið eftirsótt og
reglulega heyrist af fjölskyldum sem
flytja til Garðabæjar vegna starfsins
í leik- og grunnskólum bæjarins. Lít-
ill einkarekinn barnaskóli, fyrir 120
nemendur á aldrinum 5–8 ára, er
áhugaverð viðbót við þá flóru en auk-
in fjölbreytni getur ekki annað en
styrkt skólastarfið í heild sinni.
Ekki skólagjöld fyrir
grunnskólanámið
Margrét Pála Ólafsdóttir höf-
undur Hjallastefnunnar hefur unnið
að undirbúningi barnaskólans árum
saman og á sl. ári lýsti skólanefnd
Garðabæjar yfir jákvæðri afstöðu
sinni gagnvart slíkum rekstri. Nú
fyrst hefur fundist heppilegt hús-
næði fyrir starfsemina og því getur
skólinn tekið til starfa í áföngum,
fyrsta árið með námi 5 og 6 ára
barna. Skólinn starfar eðlilega í sam-
ræmi við aðalnámsskrár, lög og
reglugerðir.
Markmið Garðabæjar með samn-
ingi við Hjallastefnuna um rekstur
barnaskóla er að auka fjölbreytni í
skólastarfi og gefa íbúunum aukin
tækifæri til að velja þau skólaúrræði
sem þeir telja heppilegust fyrir börn
sín. Skólinn er opinn börnum úr öðr-
um sveitarfélögum en samkvæmt
samningnum eiga börn úr Garðabæ
forgang. Með hverju barni, sem á
lögheimili í Garðabæ, fylgja
greiðslur frá sveitarfélaginu. Fimm
ára börn fá sama stuðning og önnur
fimm ára börn sem stunda nám í
einkareknum leikskólum, en upp-
hæðin nemur 33.000 krónum á mán-
uði í 12 mánuði á ári. Foreldrar
þeirra greiða hefðbundin leik-
skólagjöld. Eldri nemendur fá sam-
bærilegan stuðning og nám almenns
nemanda kostar í Flataskóla, en sú
upphæð nemur 35.228 krónum á
mánuði í 12 mánuði á ári eða 422.730
krónur á ári. Samið verður sér-
staklega um viðbótargreiðslur fyrir
börn sem þurfa á sérstuðningi að
halda. Þessi stuðningur nægir að
mati forsvarsmanna Barnaskóla
Hjallastefnunnar til að reka grunn-
skólanámið. Því verða ekki innheimt
skólagjöld fyrir börn úr Garðabæ og
sérstaklega er kveðið á um það í
samningnum. Með þessu fyrir-
komulagi gefst foreldrum, óháð efna-
hag, raunverulegt frelsi til að velja
um grunnskólanám fyrir börn sín.
Sigurður Björgvinsson bæjar-
fulltrúi S-listans í Garðabæ birti
grein í Morgunblaðinu sl. mánudag
þar sem hann mótmælti starfsemi
hins nýja barnaskóla. Hann fullyrðir
réttilega að skólarnir í bænum séu í
hópi þeirra bestu en spyr síðan: ,,Af
hverju þarf þennan valkost þegar
bæjarstjórinn er svona ánægður með
skólana sem fyrir eru? Til hagsbóta
fyrir hvern?“ Í mínum huga er það
ekki forgangshlutverk sveitarfé-
lagsins að tryggja að bæjarstjórinn
eða bæjarfulltrúarnir geti verið
ánægðir með þjónustuna. Forgangs-
hlutverk sveitarfélagsins er að
tryggja að íbúarnir séu ánægðir með
þjónustuna. Jafnvel þó að það sé mín
einlæga skoðun að í Garðabæ séu
góðir grunnskólar getur vel verið að
foreldrar einhverra barna telji að lít-
ill einkarekinn barnaskóli með sér-
stakar áherslur komi betur til móts
við þarfir barnanna sinna. Hinn nýi
barnaskóli verður vonandi til hags-
bóta fyrir börnin sem þangað sækja,
hvort sem þau verða úr Garðabæ eða
annars staðar frá. Á endanum hlýtur
það að vera markmið allra bæjar-
félaga að gera góða skóla enn betri,
hvort sem þeir eru reknir af sveitar-
félaginu eða einkaaðilum. Besta leið-
in til þess er að tryggja frjálst val
íbúanna og að sveitarfélögin styðji öll
börn með sama hætti, hvar sem þau
stunda nám sitt.
Frjálst val íbú-
anna
Eftir Ásdísi Höllu Bragadóttur
Höfundur er bæjarstjóri
í Garðabæ.