Morgunblaðið - 15.08.2003, Blaðsíða 7

Soyjamjólk
með höfrum
Alvöru heilsudrykkur
Heilsubúðin Njálsgötu - Lyfjaval
Vöruval Vestmannaeyja
Falcon og Altiquin-Spectre. Björk
fæddist hjá þeim Þuríði og Sigurmoni
og ber því Kolkuósnafnið, en hún er
undan þeim Falcon og Quail.
Tók Björk undir
verndarvæng sinn
Tíkin Björk er nú tveggja ára og
átti ekki að ílendast hjá hjónunum á
Akranesi, heldur flytja til Bandaríkj-
anna. Hún lenti í raunum sem hvolpur
þegar hún var bitin af sambýlishundi
sínum og Þuríður tók hana undir
verndarvæng sinn í kjölfarið. Björk
hefur svo notið þjálfunar Þuríðar og í
veiðiprófum hafa þær náð góðum ár-
angri. Þuríður hefur aldrei stundað
veiðar sjálf og segir það alls ekki
nauðsynlegt til að þjálfa veiðihund, en
Björk er fyrsti hundurinn sem hún
þjálfar. „Maður fær bara mjög hlýð-
inn og góðan hund með svona þjálfun.
En Sigurmon fær hana svo lánaða á
veiðar og hann hefur leiðbeint okkur
Björk í þjálfuninni.“
Retriever-deild Hundaræktar-
félagsins heldur reglulega veiðipróf
fyrir sækjandi hunda (retriever) í
þremur flokkum: byrjendaflokki,
opnum flokki og úrvalsflokki. Björk
er nú komin í úrvalsflokk eftir að hafa
tekið fyrsta veiðiprófið í byrjenda-
flokki í fyrravor. Sækjandi hundar
eru, auk Labradorhunda, m.a. af teg-
undunum Golden Retriever og
Chesapeake Bay.
Heilmikil vinna sem
liggur að baki
Um verslunarmannahelgina var
haldið veiðipróf á Hunkubökkum á
Síðu og þar náðu Björk og Þuríður
þeim árangri að fá fyrstu einkunn og
heiðursviðurkenningu í úrvalsflokki,
og hinn eftirsótta farandbikar Hadda-
bikarinn sem gefinn var í minningu
Haralds Bjarnasonar af félögum hans
í veiðihundadeild HRFÍ.
„Þetta er náttúrulega töluverður
heiður,“ segir Þuríður „en heilmikil
vinna sem liggur að baki.“ Í prófinu
sem þær stóðust með svo miklum
glæsibrag þurfti Björk að sýna á
margvíslegan hátt hvað hún hefði
lært hjá þjálfara sínum. Prófin fara
yfirleitt fram við vatn og á landi þar í
kring. Notuð er köld bráð; gæs, svart-
fugl, mávur eða önd, sem hundarnir
eiga svo að sækja samkvæmt nánari
fyrirmælum.
„Prófið byrjaði þannig að fugli var
kastað út í lítinn hólma og skothvellur
fylgdi. Björk sá fuglinn detta þar en
mátti ekki sækja þann fugl strax,
heldur þurfti ég að stýra henni yfir
vatnið til að sækja annan fugl sem
hún vissi ekki um, koma með til mín
og skila í hendi. Á meðan átti hún að
muna eftir fuglinum sem hún sá detta
og mátti svo sækja hann þegar hún
var búin að skila hinum. Hundum er
eiginlegast að sækja það sem þeir sjá
falla en þetta er atriði sem þarf að
æfa. Þegar hundar eru komnir í úr-
valsflokk verða þeir til dæmis að geta
þetta,“ útskýrir Þuríður.
Í þessu prófi átti Björk líka að sýna
hæfni sína í að finna bráðina eftir að
hafa séð hana falla bak við hæð. „Þeg-
ar það var búið var gengið að annarri
tjörn sem var skammt frá. Þar voru
gefnir tveir hvellir og tveir fuglar
látnir falla, annar í sef hinum megin
við tjörnina og sá seinni í vatnið, og
Björk sótti þá báða.
Þarna var verið að prófa minni
hundanna en Retriever-hundar eru
einir af fáum hundategundum sem
geta munað fleiri en einn fugl detta og
sá eiginleiki nýtist þeim mjög vel í
veiði,“ segir Þuríður.
Traust mikilvægt
Hún segir að hún hafi einnig þurft
að stýra Björk út í hólma til að sækja
bráð sem Björk vissi ekki um. „Hún
þurfti bara að treysta á mig og ég að
treysta því að hundurinn hlýddi mér,
og það gekk bara mjög vel.“
Prófið endar á svokallaðri frjálsri
leit þar sem búið er að leggja út tólf
fugla á stórt en afmarkað svæði.
Hundarnir eiga að leita á svæðinu
hratt og skipulega, finna alla fugla og
skila í hönd. Í þetta sinn voru tveir
hundar látnir vinna saman í frjálsri
leit. Það er gert til að athuga hvort
þeir láti aðra hunda trufla sig í
vinnunni.
Þuríður segir að ekki sé hægt að
lýsa dæmigerðu prófi því afar mis-
jafnt sé hvernig dómarar og próf-
stjórar setja upp veiðipróf. „Það eru
engin tvö próf eins og maður veit aldr-
ei hverju maður getur átt von á. Það
er því ekki hægt að æfa prófin,“ segir
hún brosandi. Þuríður mun þó halda
Björk áfram við efnið með þjálfun og
prófum.
Þuríður og Björk umkringdar verðlaunum eftir veiðiprófið um
verslunarmannahelgina.
TENGLAR
..............................................
www.simnet.is/kolkuoslabrador
steingerdur@mbl.is
Ljósmynd/Svava Garðarsdóttir
Um 500 vinnustundir liggja í þessu verki en Birgir segist ekki sjá eftir þeim tíma.
Rennilegur hákarl.
Þessi örn á steini er eina verkið eftir
Birgi sem enn er eftir á heimilinu. Hin
hefur hann öll gefið.
„Í gegnum hljóðmúrinn,“ heitir þetta verk.
Morgunblaðið/Árni Sæberg
Klossi
með
lausum
reim-
um.
DAGLEGT LÍF
MORGUNBLAÐIÐ FÖSTUDAGUR 15. ÁGÚST 2003 B 7