Morgunblaðið - 16.08.2003, Blaðsíða 2
FRÉTTIR
2 LAUGARDAGUR 16. ÁGÚST 2003 MORGUNBLAÐIÐ
MÓTMÆLA RANGFÆRSLU
Sendiherra og sendifulltrúi Ís-
lands í Washington áttu í gær fund
með embættismönnum bandaríska
utanríkisráðuneytisins. Lögðu þeir
fram mótmæli vegna rangfærslna í
fréttatilkynningu ráðuneytisins þar
sem því var haldið fram að Íslend-
ingar hefðu ekki lagt fram nið-
urstöður vísindaveiða sem stund-
aðar voru á árunum 1986–89.
Rafmagn að komast á
Mesta rafmagnsleysi í sögu Norð-
ur-Ameríku hrjáði 50 milljónir
manna í álfunni í fyrradag. Raf-
magnið komst þó á að nýju smám
saman og í gærkvöldi voru tveir
þriðju hluti íbúa New York búnir að
endurheimtar rafmagnið.
Landsbankinn sýnir Kjarval
Björgólfur Guðmundsson, for-
maður bankaráðs Landsbankans,
opnar í dag sýningu á 40 málverkum
og teikningum eftir Jóhannes S.
Kjarval sem eru í eigu bankans og
hafa ekki áður komið fyrir sjónir al-
mennings.
Lægra verð til bænda
Forstjóri Sláturfélags Suðurlands
segir útlit fyrir að félagið muni
greiða sauðfjárbændum 6-10%
lægra verð fyrir dilka en í fyrra-
haust. Endanleg ákvörðun um verð
til sauðfjárbænda liggur þó ekki enn
fyrir.
L a u g a r d a g u r
16.
á g ú s t ˜ 2 0 0 3
Yf ir l i t
Í dag
Sigmund 8 Skoðun 32/34
Viðskipti 12 Umræðan 34/35
Úr verinu 12 Minningar 36/39
Erlent 16/17 Messur 40
Höfuðborgin 18 Kirkjustarf 40
Akureyri 18/19 Myndasögur 42
Suðurnes 19 Bréf 42
Árborg 22 Staksteinar 44
Landið 22 Dagbók 44/45
Neytendur 23 Íþróttir 46/49
Heilsa 24 Leikhús 50
Listir 25/27 Fólk 50/53
Forystugrein 28 Bíó 50/53
Þjónusta 31 Ljósvakamiðlar 54
Viðhorf 32 Veður 55
* * *
Kynningar – Morgunblaðinu í dag
fylgir auglýsingablað frá Elko.
Blaðinu er dreift um allt land.
HELGI Ólafsson stórmeistari hélt
upp á afmælisdaginn sinn með því
að sigra á Borgarskákmótinu sem
haldið var í Ráðhúsi Reykjavíkur í
gær. Helgi, sem tefldi fyrir
skemmtistaðinn NASA við Aust-
urvöll, fékk 6,5 vinninga en tefld-
ar voru sjö umferðir með sjö mín-
útna umhugsunartíma. Þeir
Þröstur Ólafsson, sem tefldi fyrir
MP Verðbréf og Bragi Þorfinns-
son deildu 2.-3. sæti með sex vinn-
inga hvor.
Sjötíu skákmenn tóku þátt í
Borgarskákmótinu og þeirra á
meðal voru þær Hallgerður Helga
Þorsteinsdóttir og Jóhanna Björg
Jóhannesdóttir en báðar þykja
þær efnilegar skákkonur. Hall-
gerður, sem er tíu ára, hefur teflt
nokkru lengur en Jóhanna og
vann skákina. Hallgerður vann Ís-
landsmeistaratitil í sínum aldurs-
flokki í þriðja sinn í röð í vor og á
dögunum var ákveðið að hún gæti
teflt fyrir Íslands hönd á heims-
meistaramóti 12 ára og yngri í
Grikklandi í október. Í samtali við
Morgunblaðið sagði Hallgerður að
það væri næstum frágengið að
hún færi. Hún hefði aldrei tekið
þátt í svona stórmóti og sig lang-
aði því mjög til að fara og tefla
þótt hún mætti þar væntanlega
erfiðum andstæðingum. „Þarna í
Grikklandi er svolítið sérstök
skipting, það er keppt í flokkunum
undir tíu ára aldri og undir tólf
ára aldri þannig að ég þyrfti að
keppa í eldri flokknum.“
Hallgerður segist hafa teflt frá
því hún var 4-5 ára en hún sé
núna í taflfélaginu Helli og æfi
þar nokkuð stíft.
Morgunblaðið/Ómar
Skákkonurnar efnilegu, þær Jóhanna Björg Jóhannsdóttir (til vinstri) og Hallgerður Helga Þorsteinsdóttir, báðar
tíu ára gamlar, tefldu á Borgarskákmótinu í gær. Það var Hallgerður sem hafði betur í viðureigninni.
Afmælis-
sigur hjá
Helga
JÓN Sigurðsson
framkvæmdastjóri
var í gær skipaður í
embætti bankastjóra
Seðlabanka Íslands af
Davíð Oddssyni for-
sætisráðherra. Skip-
un Jóns nær til sjö
ára og tekur hann við
embætti 1. október
næstkomandi. Jón
tekur við starfinu af
Ingimundi Friðriks-
syni sem var skipaður
seðlabankastjóri
tímabundið.
Jón mun starfa við
hlið Birgis Ísleifs
Gunnarssonar og Eiríks Guðna-
sonar sem einnig stýra Seðlabank-
anum.
„Ég var í nefndinni sem samdi
lögin um Seðlabankann og hef set-
ið í seðlabankaráði undanfarin ár.
Ég hef því kynnst stofnuninni að
utan nokkuð vel en geri mér grein
fyrir því að ég þarf að kynnast
henni miklu betur,“ segir Jón.
Aðspurður hvað verði fyrst uppi
á borði nýs seðlabankastjóra seg-
ist Jón ganga inn í
bankastjórn þar sem
þrír menn sitji og taki
ákvörðun í samein-
ingu. Þetta sé mikið
trúnaðarstarf sem
hann verði að gegna
af fullri samvisku-
semi.
Situr í
bankaráði
„Ég hreint og beint
veit það ekki. Ég fer
ekki með veitinga-
valdið og sóttist ekki
eftir þessu,“ sagði
Jón þegar hann var
spurður af hverju hann hefði verið
skipaður í þetta embætti. „Ég var
spurður hvort ég væri tilbúinn að
taka þetta að mér. Það hefur verið
mín stefna, og var það þegar ég
tók við Byggðastofnun í fyrra, að
ef ég er beðinn um að taka að mér
erfitt verkefni þá reyni ég að sinna
því.“
Jón verður 57 ára í ágúst. Hann
hefur m.a. lokið prófum í sagn-
fræði, rekstrarhagfræði og stjórn-
un. Að undanförnu hefur hann
gegnt formennsku í stjórn
Byggðastofnunar og setið í banka-
ráði Seðlabankans.
Jón hefur gegnt fjölda trúnaðar-
starfa fyrir stjórnvöld og í at-
vinnulífinu, m.a. sem rektor Sam-
vinnuskólans og síðar
Samvinnuháskólans á Bifröst
1981-1991. Hann var fram-
kvæmdastjóri Vinnumálasam-
bandsins 1997-1999 og hefur sinnt
ráðgjöf og verkefnisstjórn fyrir
ýmsa aðila, þ. á m. Verslunarráð
Íslands og Samtök atvinnulífsins.
Jón var formaður Evrópunefndar
Framsóknarflokksins og stýrði
einnig starfi sjávarútvegsnefndar
flokksins.
Ingimundur
skoðar sína stöðu
Ingimundur Friðriksson, sem
gegnt hefur stöðu seðlabanka-
stjóra tímabundið, segist munu
hugsa sinn gang í ljósi ráðning-
arinnar. „Hver útkoman verður er
ekki hægt að segja á þessari
stundu. Ég mun skoða alla kosti,“
segir hann.
Jón Sigurðsson var skipaður seðlabankastjóri í gær
Sóttist ekki eftir
starfi bankastjóra
Jón Sigurðsson
MAÐURINN sem fannst lát-
inn í fjörunni skammt fyrir
innan Blakksnes í Patreks-
fjarðarflóa í fyrradag hét
Ólafur Kristinn Sveinsson.
Hann var 75 ára að aldri og
til heimilis að Sellátranesi á
Patreksfirði. Ólafur Kristinn
lætur eftir sig fjögur upp-
komin börn.
Ólafur Kristinn reri til
veiða á litlum plastbát á
fimmtudag. Báturinn fannst
mannlaus í fjörunni og lík
Ólafs nokkru síðar eftir að
leit hófst. Rannsókn málsins
stendur enn yfir.
Lést í
Patreks-
fjarðarflóa
OLÍUFÉLAGIÐ ehf. (Esso) hefur
samið við Kaupfélag Árnesinga um að
taka við rekstri fimm söluskála kaup-
félagsins þann 1. október næstkom-
andi. Söluskálarnir sem um ræðir eru
fimm: í Hveragerði, á Selfossi, á
Hvolsvelli, í Vík í Mýrdal og á Kirkju-
bæjarklaustri. Alls starfa 80 manns á
söluskálasviði KÁ og yfirtekur Esso
alla starfssamninga sem í gildi verða
þann 30. september nk. Áætluð heild-
arvelta skálanna er um einn milljarð-
ur árlega.
Eins og greint var frá í Morgun-
blaðinu 7. ágúst sl. hefur KÁ þegar
selt búrekstrarsvið félagsins. Með
samningi um yfirtöku Esso á sölu-
skálasviði stendur aðeins eitt svið eft-
ir hjá KÁ en það er hótelsvið. KÁ rek-
ur hótel á Selfossi, Flúðum,
Kirkjubæjarklaustri og í Vík í Mýrdal
og samtals starfa þar 85 manns.
„Það er að því stefnt að reksturinn
á hótelunum verði kominn í hendur
annarra aðila fyrir næstu mánaða-
mót,“ segir Jón Steingrímsson
rekstrarráðgjafi hjá KÁ. „Við erum í
viðræðum um nokkra aðila um yfir-
töku á þessum einingum. Það eru
meiri líkur á því að það verði fleiri en
einn aðili sem tekur við rekstri hót-
elanna en það er stefnt að því að þau
fari öll út úr rekstri kaupfélagsins.“
Hann segir að með sölu hótelsviðs-
ins verði í raun öllum eiginlegum
rekstri KÁ lokið í þeirri mynd sem
hann var, félagið verði þó áfram til.
„Þá stendur ekkert eftir nema minni-
háttar eignaumsýsla og uppgjör við
lánadrottna. Kaupfélagið á fasteignir
og eignarhluti í minni félögum sem
við erum að leita eftir sölu á og skoða
með hvaða hætti við búum til sem
mest verðmæti úr þeim eignum.“
Esso tekur við
rekstri söluskála KÁ
TVEIR bílar skullu saman á mót-
um Skagfirðingabrautar og
Sæmundarhlíðar á Sauðarkróki
laust fyrir kl. 20 í gærkvöld. Öku-
menn voru fluttir á heilsugæslu-
stöðina á Sauðárkróki en meiðsl
þeirra voru talin minni háttar, að
sögn lögreglu. Tveir voru í öðrum
bílnum en ökumaður einn í hinum.
Tveir bílar
skullu saman