Morgunblaðið - 16.08.2003, Blaðsíða 6

FRÉTTIR
6 LAUGARDAGUR 16. ÁGÚST 2003 MORGUNBLAÐIÐ
• Baðinnréttingar
• Eldhúsinnréttingar
• Fataskápar
• Innihurðir
I n n r é t t i n g a r
Borgartúni 28 • Sími 562 5000 • www.bjorninn.is
ANDSTÆÐINGAR hvalveiða mótmæltu fyrir-
huguðum vísindaveiðum Íslendinga í gær með því
að safnast saman á Trafalgar-torgi í Lundúnum.
Tony Banks, þingmaður Verkamannaflokksins,
tók þátt í mótmælunum og sagði í samtali við BBC
að rök Íslendinga væru „fáránleg“. „Þetta eru
hvalveiðar í hagnaðarskyni, Íslendingar eru að
misnota orðið vísindi til að slátra skepnum,“ bætti
hann við.
Um þúsund tölvuskeyti
Dýraverndunarsamtök hafa hvatt fólk til að
skrifa íslenskum stjórnvöldum tölvupóst og mót-
mæla fyrirhuguðum hvalveiðum. Samtökin Royal
Society for the Prevention of Cruelty to Animals,
RSPCA, segja að breskur almenningur verði að
hugsa sig tvisvar um áður en hann kaupi íslenskan
fisk. Jafnframt hvetja þau á vef sínum fólk til að til-
kynna þingmönnum á breska þinginu andúð sína á
veiðunum og senda Sturlu Böðvarssyni samgöngu-
ráðherra eða Unni Gunnarsdóttur, skrifstofustjóra
ferðamála, andmæli sín.
Unnur sagðist í gærdag ekki hafa fengið tölvu-
póst með mótmælum frá því að íslensk yfirvöld
ákváðu að hefja hvalveiðar að nýju. Í þá tíu mánuði
sem hún hefur gegnt starfi sínu í ráðuneytinu seg-
ist hún hafa fengið á bilinu 20 til 30 tölvupóstskeyti
þar sem einstaklingar lýsa yfir vandlætingu sinni á
því að Íslendingar séu að ígrunda að hefja hval-
veiðar og hafi ekki hug á að heimsækja slíkt land.
Hún segir samgönguráðuneytið ekki móta stefnu
Íslendinga í hvalveiðum og því ekki rétta aðilann til
að koma á framfæri mótmælum við.
Ragnar Baldursson, sendiráðunautur í utanrík-
isráðuneytinu, segir sáralítil mótmæli hafa borist
íslenskum sendiráðum. Í sendiráðin hafi engir
komið og fáir hringt til að lýsa yfir vanþóknun sinni
eftir að ákvörðun íslenskra stjórnvalda var kunn-
gjörð. Mótmælin hafi fyrst og fremst verið í formi
dreifibréfa, sem send séu með tölvupósti. Þeim er
beint fyrst að sendiráðinu í Washington, svo að
sendiráðinu í London og þá í Þýskalandi. Margir
sendi á öll sendiráðin en í það heila séu þetta um
þúsund tölvubréf.
Sendiráðin svara öllum bréfum sem berast. Í
svarbréfinu kemur afstaða íslenskra stjórnvalda til
hvalveiða fram og rökstuðningur fyrir veiðunum.
Ragnar segir að viðbrögð við svarbréfinu hafi verið
góð og nokkur hluti hafi þakkað fyrir að fá að heyra
sjónarmið Íslendinga. Jafnvel hafi einhverjir skipt
um skoðun en sagt áhyggjur sínar aðallega beinast
að því að aðrar þjóðir, sem leggja ekki eins mikla
áherslu á verndun sjávar, feti í fótspor Íslendinga.
Fjöldi sendinga stigmagnast
„Tölvupóstsendingar til sendiráðsins hafa verið
að stigmagnast síðustu daga. Í dag [í gær um kl. 15
að staðartíma] hafa borist um 400 tölvupóstsend-
ingar. Þá hefur verið meira en áður um hringingar
til sendiráðsins frá fólki sem hefur verið að mót-
mæla vísindaveiðunum og hefur verið nokkuð um
að tónninn í þeim símtölum hafi verið óviðfelldinn,
jafnvel fjandsamlegur,“ segir Guðni Bragason,
sendifulltrúi í sendiráðinu í Washington.
Hann segir að mest sé um að einstaklingar séu
að senda póst og hringja en greinilegt sé að verið sé
að skipuleggja póstsendingarnar með því að hvetja
fólk til að senda ákveðinn texta á sendiráðið.
Guðni segir að samtök friðunarsinna í Banda-
ríkjunum setji nú fram kröfur um að ákvæðum
Pelly-laganna svonefndu verði beitt gegn Íslend-
ingum. Samkvæmt þeim geta Bandaríkjamenn
notað þvinganir gegn þjóðum sem stunda hvalveið-
ar. Guðni segir þó ekkert hafa komið fram sem
bendi til þess að bandarísk stjórnvöld hafi í hyggju
að láta undan þessum þrýstingi.
Fjölmiðlaumfjöllun ekki óvinsamleg
„Það hefur verið nokkuð um áhuga fjölmiðla á
málinu,“ segir Guðni. „Í gær [í fyrradag] tók sendi-
herrann þátt í umræðufundi með fulltrúa Green-
peace-samtakanna hjá sjónvarpsstöðinni Voice of
America. Svo höfum við svarað þeim fjölmiðlum
sem haft hafa samband.“
Hann segir að sendiráðið haldi til haga fréttum
úr fjölmiðlum og fréttaþjónustum. Hann segir að
tónninn í þeim fréttum hafi ekki verið sérstaklega
óvinsamlegur nema í einstaka tilvikum. „Því miður
hættir fjölmiðlum stundum til að taka gagnrýn-
islaust upp fullyrðingar frá samtökum sem eru
okkur fjandsamleg,“ segir hann.
Guðni segir að starfsemi sendiráðsins í Wash-
ington markist nú mjög af því að ærinn starfi sé að
svara öllum þeim fyrirspurnum sem berast vegna
hvalveiðimálsins. Hann segir að þótt það sé mikil
vinna að svara öllum erindum sé það starf mik-
ilvægt: „[Þ]að hafa komið svör til baka og nokkur
þeirra hafa verið afskaplega vinsamleg og bent til
þess að þegar fólk fær réttar og góðar upplýsingar
geti það skipt um skoðun. Upplýsingastarfið sem
við stöndum í er því mikilvægt þótt það sé tíma-
frekt,“ segir hann.
Hvalveiðum mótmælt
í Lundúnum og víðar
STARF á leikskólum er óðum að hefjast á ný eftir
sumarfrí. Á leikskólanum Barónsborg nutu börnin úti-
verunnar á peysunni í gær. Nóg var af krökkum í sand-
kassanum og léku þeir sér með skóflur, fötur og bíla.
Morgunblaðið/Þorkell
Leikskólastarf hefst að nýju
LÖGREGLAN á Akranesi, ásamt
tollvörðum frá eftirlitsdeild tollgæsl-
unnar í Reykjavík, fundu nýlega 144
flöskur af áfengi, 75 karton af sígar-
ettum og 4 kassa af bjór í flutninga-
skipi í Akraneshöfn. Þetta kemur
fram í fréttatilkynningu frá lögregl-
unni á Akranesi.
Samkvæmt upplýsingum frá lög-
reglunni höfðu vaknað grunsemdir
um að til stæði að koma smyglvarn-
ingi í land á Akranesi og í framhaldi
af því fylgdust lögreglumenn með
umferð við skipið eftir komu þess til
Akraness. Tollgæslan í Reykjavík
sendi menn til aðstoðar og er þeir
voru komnir á staðinn var ráðist í leit
í skipinu. Þrír skipverjar viður-
kenndu að eiga varninginn og telst
málið upplýst. Lögreglumenn og
tollverðir unnu í sameiningu að
rannsókn málsins.
Smyglvarningurinn sem fannst við
leit í flutningaskipi í Akranesshöfn.
Smygl fannst
í skipi í Akra-
nesshöfn
VERA varnarliðsins á Íslandi verður
til umræðu á öðrum degi flokksráðs-
fundar Vinstrihreyfingarinnar –
græns framboðs á Hótel Loftleiðum
í dag. Að sögn Steingríms J. Sigfús-
sonar, formanns VG, mun hann m.a.
ræða um hlutleysi ríkja í varnarmál-
um og hvort slík afstaða sé óraun-
hæf.
„Ég ætla að fara yfir þau svæði
sem teljast vopnlaus eða herlaus. [...]
Meðal annars varðandi fyrirkomulag
mála á Álandseyjum sem ég gæti
trúað að mönnum þætti áhugavert.
Það kemur í ljós að þetta er ekki eins
óalgengt og fjarstæðukennt fyrir-
bæri og menn kynnu að halda, stað-
reyndin er sú að það er allstór hópur
ríkja, að vísu flest smáríki, sem hef-
ur valið sér þá leið að vera vopnlaus
svæði og maður sér ekkert því til
fyrirstöðu að Ísland geti verið það
rétt eins og Kostaríka eða Álands-
eyjar.“
Áætlun um uppgjör gekk
nokkurn veginn eftir
„Ég ætla að setja þetta í samhengi
við breytingar í heiminum og þróun
umræðna um öryggishugtakið þar
sem ég tel að breytingarnar gangi
allar frekar í þá átt að gera það fjar-
stæðukenndara að menn tryggi ör-
yggi sitt með einhverjum örfáum
herþotum eða einhverjum örlitlum
her. Bandaríski herinn gat ekki einu
sinn varið Pentagon, hvað þá annað.“
Í júní sl. birti VG bráðabirgðaupp-
gjör vegna kosningabaráttu flokks-
ins fyrir síðustu alþingiskosningar
sem hljóðaði upp á 16,9 m.kr. eða 1,5
m.kr. umfram áætlun. Steingrímur
segir að þær áætlanir hafi nokkurn
veginn gengið eftir.
Þá varði flokkurinn einnig 15,5
milljónum króna til að styrkja
kosningabaráttuna í kjördæmunum
en endanlegt uppgjör kjördæmis-
félaganna liggur ekki enn fyrir.
Stefnt er að því að leggja fram
drög að tveimur ályktunum á flokks-
ráðsfundinum, annars vegar varð-
andi stjórnarferil ríkisstjórnarinnar
það sem af er kjörtímabilinu og hins
vegar drög að ályktun um utanrík-
ismál.
Flokksráðsfundur vinstri grænna er haldinn í dag
Fjallað um smáríki án hers
KONA um þrítugt gekk í átta
klukkustundir í fyrradag til að
sækja hjálp fyrir foreldra sína, sem
sátu föst í litlum Toyota-jeppa
sunnan við Skjaldbreið. Bíllinn
hafði fest framhjólin í litlum skurði
sem hafði myndast vegna mikillar
bleytu á moldarvegi við strýtuna
Kellingu, en fólkið hafði að öllum
líkindum ætlað að skoða kofa sem
þar standa að sögn Snorra Geirs
Guðjónssonar, formanns Björgun-
arsveitar Biskupstungna.
Konan gekk eftir vegi niður í
Miðdal þar til ungur maður á fjalla-
vélhjóli sá hana og fór með hana í
sumarbústað þar sem fólk dvaldi
og bað um aðstoð lögreglu. Mikil
þoka og rigning var á þessu svæði í
fyrrakvöld og skyggni því lélegt.
Snorri segir að stúlkan hafi verið
nokkuð blaut og köld eftir göng-
una. Hann áætlar að konan hafi
gengið um 37 km til byggða. Ekk-
ert amaði að hjónunum þegar þau
fundust korter yfir eitt um nóttina.
Jeppinn var hins vegar kaldur því
þeim hafði ekki tekist að koma
honum í gang eftir að framhjólin
festust og stýrið festist.
Gekk ein um 37
km eftir aðstoð