Morgunblaðið - 16.08.2003, Blaðsíða 17
ERLENT
MORGUNBLAÐIÐ LAUGARDAGUR 16. ÁGÚST 2003 17
NÝI leigjandinn í herbergi 601 var
hæglátur, útlendur múslimi sem
einungis fór út á nóttunni til að
kaupa matvörur og grænmeti í
búðunum í kring. Hann þótti ekk-
ert sérkennilegur á neinn máta,
eða svo töldu taílenskir nágrannar
hans þar til á mánudag þegar hóp-
ar óeinkennisklæddra lögreglu-
manna réðust inn í blokkina
þeirra, brutust inn í íbúðina hans
og færðu hann á brott. Hann hafði
komið til borgarinnar Ayutthaya í
Taílandi tveimur vikum áður undir
því yfirskyni að hann væri verka-
maður frá Malasíu sem þyrfti
dvalarstað til þriggja mánaða.
Íbúðin sem hann valdi var látlaus
með einu herbergi, baðherbergi og
svölum.
Riduan Isamuddin, oftast kall-
aður Hambali, var einn hættuleg-
asti hryðjuverkamaður heims.
Hann var handtekinn í sameig-
inlegri aðgerð taílensku lögregl-
unnar, bandarísku alríkislögregl-
unnar FBI og hersins á mánudag.
Bandaríkjamenn hafa ekki viljað
segja hvar hann var handtekinn en
taílensk yfirvöld segja hann hafa
verið handtekinn í borginni
Ayutthaya. Hann mun hafa haft
sprengiefni og vopn undir höndum
sem talið er að hann hafi ætlað að
nota til að fremja
hryðjuverk á ráð-
stefnu Samvinnustofn-
unar Kyrrahafsríkja
sem halda á í Taílandi
í október en á meðal
gesta hennar verður
George W. Bush
Bandaríkjaforseti.
Hambali sem er
Indónesi þótti rólynd-
ur, kurteis maður sem
lifði einföldu lífi og
forðaðist athygli eftir
bestu getu. Hann var
þó framkvæmdamaður
mikill og stjórnaði
baráttu íslamskra
öfgamanna í Austur-
Asíu sem færði hon-
um nafnbótina „Bin Laden Aust-
ursins“. Hann var æðsti maður
framkvæmda hjá hryðjuverka-
samtökunum Jemaah Islamiyah og
háttsettur meðlimur al-Qaeda-
samtakanna. En ólíkt öðrum ísl-
ömskum öfgamönnum sem senda
gjarnan frá sér harðorðar yfirlýs-
ingar og hótanir hefur Hambali
ætíð haldið sig til hlés, unnið
hljóðlega á bak við tjöldin og
skipulagt blóðböð víðs vegar um
Asíu.
Mörg ríki vilja
hann framseldan
Bandaríkin, Asíuríki og Ástralía
fögnuðu handtöku Hambalis og
mörg Asíuríki vilja fá hann fram-
seldan svo hægt sé að láta hann
svara til saka fyrir ýmis ódæði.
Meðal annarra eru þar yfirvöld í
Indónesíu, Singapúr, Malasíu og á
Filippseyjum en listinn yfir
hryðjuverk í Asíu, sem hann er
talinn hafa átt þátt í, er langur.
Hann er talinn vera höfuðpaur-
inn á bak við hryðjuverkaárásina á
skemmtistað á Balí í október á síð-
asta ári þar sem 202 manns létu
lífið. Í Singapúr hefur hann verið
ásakaður um að hafa skipulagt til-
ræði árið 2001 þar sem sprengja
átti ýmis vestræn skotmörk í
borgríkinu en upp komst um áætl-
unina áður en af varð. Þá er talið
að hann hafi skipulagt árásir á
kirkjur kristinna manna í Indón-
esíu á aðfangadagskvöld árið 2000
þegar 19 biðu bana en einnig
sprengjuárásir á járnbrautarkerfið
í Manila á Filippseyjum sem hann
skipulagði ásamt sjö öðrum í des-
ember 2000 og banaði
22 manns. Bandarísk
yfirvöld telja að hann
hafi einnig tekið þátt
í áætlunum um að
tendra sprengjur í 12
bandarískum far-
þegaflugvélum á leið
yfir kyrrahaf árið
1995 en sú áætlun er
talin fyrirmynd að til-
ræðunum 11. sept-
ember. Einnig á hann
að hafa skipulagt í
Malasíu fundi tveggja
flugræningjanna sem
tóku þátt í tilræðinu í
Bandaríkjunum 11.
september 2001.
Auk þessa hafa
samtökin Jemaah Islamiyah einnig
gegnt lykilhlutverki í bardögum á
milli kristinna manna og múslima
á Kryddeyjum sem tilheyra
Indónesíu en um 5.000 manns hafa
látið lífið í þeim átökum frá 1999.
Var heittrúaður
frá unga aldri
Hambali fæddist 1966 í litlu
þorpi á eyjunni Jövu í Indónesíu.
Fjölskylda hans var fremur fátæk
og hann var einn 13 systkina.
Strax á unga aldri var hann hæg-
látur en guðhræddur múslimi.
Trúarhita hans varð fyrst vart í
trúarlegum skóla í Indónesíu og á
táningsárunum gekk hann til liðs
við samtökin Jemaah Islamayah.
Hann fór til Afganistan til að berj-
ast gegn Sovétmönnum 1987–1991.
Eftir það settist hann að í litlu
þorpi í Malasíu rétt utan við höf-
uðborgina Kuala Lumpur þar sem
hann lifði fábreyttu lífi innan um
fleiri indónesíska innflytjendur.
„Hambali var hugsuðurinn. Hann
talaði lítið, var annt um að fara
leynt, lagði áherslu á þjálfun og
skipulagði stríðið fram í tímann,“
segir Rohan Gunaratna, öryggis-
málasérfræðingur og höfundur
bókarinnar, Inside al-Qaeda.
Hambali dvaldi í Malasíu þar til
hann varð að leggja á flótta eftir
hryðjuverkin 11. september 2001.
Hann er nú talinn vera í haldi
Bandaríkjamanna sem yfirheyra
hann á leynilegum stað.
Hryðjuverkamaðurinn Hambali
var nefndur Bin Laden Austursins
Var hæglátur,
kurteis og
talaði sjaldan
Riduan Isamuddin, öðru
nafni Hambali.
AP
Í þessu húsi hafðist hinn illræmdi
Hambali við er hann var handsam-
aður, að sögn taílenskra yfirvalda.
Hong Kong, Ayutthaya, Singapúr. AP, AFP.