Morgunblaðið - 16.08.2003, Blaðsíða 18
Lausum kennslustofum
bætt við Lindaskóla
VIÐ Lindaskóla í Kópavogi er nú í
fullum gangi undirbúningur fyrir
næsta skólaár. Hluti af þeim und-
irbúningi felst í því að fluttar voru
að tvær lausar kennslustofur til
viðbótar við þær fjórar sem fyrir
voru við skólann.
Gunnsteinn Sigurðsson, skóla-
stjóri Lindaskóla, segir kennslu-
stofurnar og fyrirkomulagið virka
mjög vel. „Lindirnar eru nýtt
hverfi og eru nú að nálgast toppinn
í fjölda nemenda. Hér verða næsta
vetur fleiri nemendur en var gert
ráð fyrir í byrjun, eða um sex
hundruð og tuttugu. Til þess að
mæta þessum toppi er nú verið að
fjölga lausum kennslustofum við
skólann.“
Stofurnar fjarlægðar þegar
húsnæðisþörf minnkar
Lausar kennslustofur eru tíma-
bundið kennsluhúsnæði sem virka
sem frístandandi einingar á skóla-
lóðinni. „Í fyrra voru stofurnar
smíðaðar hér á lóðinni um sumarið,
en nú voru þær smíðaðar niðri við
Dalveg og fluttar hingað tilbúnar.
Síðan er hægt að taka þær burt
þegar og ef skólinn þarf ekki leng-
ur á þeim að halda.
Lindaskóli hefur nú starfað í sex
ár og fimm ár í sjálfu Lindahverf-
inu, fyrsta árið var hann inni í
Smáraskóla, en þá voru nemendur
einungis fimmtíu og einungis kennt
í yngstu bekkjum. Síðan þá hefur
nemendum fjölgað mjög ört og nú
er skólinn einn sá fjölmennasti í
Kópavogi, enda Lindirnar mjög
fjölmennt hverfi.“
Morgunblaðið/Jón Svavarsson
Önnur lausa kennslustofan við
Lindaskóla hífð á sinn stað.
Kópavogur
HÖFUÐBORGARSVÆÐIÐ
18 LAUGARDAGUR 16. ÁGÚST 2003 MORGUNBLAÐIÐ
Í SUMAR hefur Árbæjarsafnið boð-
ið upp á ýmiss konar námskeið í
handíðum og þjóðháttum. Meðal
annars var þar námskeið í tálgun,
þar sem ungir jafnt sem aldnir
lærðu grundvallaratriði í meðferð
hnífs og viðar.
Bjarni Þór Kristjánsson smíða-
kennari segist afar ánægður með
undirtektirnar og hefur ekki undan
við að halda námskeið. „Fyrr í sum-
ar var ég með þrjú námskeið og var
eitt af þeim framhaldsnámskeið.
Þarna koma aðallega börn í fylgd
foreldra sinna.“
Góðum tíma varið saman
„Ég er fyrst og fremst að kenna
fólki undirstöðuna í því að tálga, að
beita hnífnum án þess að þau meiði
sig á honum. Þetta er ekki langur
tími, en þau fá tilfinningu fyrir
hnífnum. Hér er ekki um að ræða
hina hefðbundnu aðferð þar sem
fólk heldur á hnífnum föstum tökum
og tálgar frá sér af öllu afli, heldur
það sem kallað er læst hnífsbrögð.
Þar er hnífurinn aldrei stjórnlaus og
beinist aldrei að holdinu. Krakkarn-
ir hafa mjög gaman af þessu, hlýða
mjög vel og taka vel eftir. Það er
sérstaklega ánægjulegt að fylgjast
með foreldrum og börnum vinna
saman, það er orðið allt of sjaldgæft
í samfélaginu í dag.“
Bjarni Þór var með námskeið í
gær og verður aftur með námskeið á
mánudag. Á hverju námskeiði kenn-
ir hann um ellefu manns.
„Ég held að þegar sumri lýkur
muni ég hafa kennt um sjötíu manns
tálgun, en ég hef ekki náð að anna
eftirspurninni.“
Eldri borgarar hafa áhuga
Starfsfólk Árbæjarsafns hefur
orðið vart við mikinn áhuga almenn-
ings á þessu námskeiði og segir það
símann vart hafa stoppað síðustu
daga. „Það eru að minnsta kosti
fimmtán manns á biðlista og mun
fleiri sem hringja og sýna þessu
mikinn áhuga,“ segir Eva María
Sigurbjörnsdóttir, starfsmaður Ár-
bæjarsafns. „Fólk er mikið að
spyrja vegna þess að leikjanám-
skeiðin eru búin og fólk langar að
hafa eitthvað skemmtilegt og upp-
byggilegt að gera með börnunum
sínum áður en grunnskólinn byrjar.
Ömmur eru líka mikið að hringja og
langar að gera eitthvað með barna-
börnunum. Einnig er mikið af eldra
fólki sem kemur einfaldlega sjálft,
vegna þess að það langar til að
læra.“
Á morgun verður fjölskyldudagur
í Árbæjarsafni, þar verður boðið
upp á ratleik, húlakeppni, kassabíla-
akstur og leggi og skeljar, auk þess
sem gæf húsdýr verða til sýnis og
klöppunar, og teymt undir börnum.
Námskeið í tálgun vinsælt
Morgunblaðið/Árni Torfason
Tálgun getur verið róandi fyrir
hugann og hin besta hugleiðsla.
Reykjavík
AKUREYRI
RÁÐSTEFNA norrænna námsefn-
isútgefenda er haldin á Akureyri um
þessar mundir, en hún er haldin ann-
að hvert ár til skiptis á Norðurlönd-
unum og munu tæplega 100 þátttak-
endur vera á ráðstefnunni.
Ingibjörg Ásgeirsdóttir hjá
Námsgagnastofnun
segir að tilgangurinn með ráð-
stefnunni sé að miðla upplýsingum
bæði á sviði námsefnisgerðar og
rekstrar. Að þessu sinni verður m.a.
fjallað um hvernig hægt er að koma
á og viðhalda skapandi fyrirtækja-
menningu innan forlaganna, hvernig
útgefendur bregðast við þeirri þróun
á sviði menntunar að nú halda marg-
ir áfram að læra svo lengi sem þeir
lifa, sagt verður frá baráttu Svía fyr-
ir því að nemendur fái aukið úrval
námsefnis og spurt hvaða eiginleika
góður námsefnishöfundur þurfi að
hafa. Í dag verður fjallað um þróun
rafrænnar námsefnisútgáfu og
munu fulltrúar allra landanna segja
frá því helsta sem er að gerast á því
sviði í hverju landi.
Gestunum var einnig boðið í Bláa
lónið og í skoðunarferð á Norður-
landi þar sem Goðafoss, Mývatn,
Dimmuborgir og fleiri fagrir staðir
voru skoðaðir.
Morgunblaðið/Ásgrímur Örn
Stund milli stríða á ráðstefnu hjá norrænum námsefnisútgefendum.
100 norrænir bókaút-
gefendur á Akureyri
Í DAG verður opnuð sýning í gömlu
bögglageymslunni í Listagilinu á
Akureyri. Engin starfsemi hefur
verið í þessu húsi í áraraðir heldur
notaði Kaupfélag Eyfirðinga það
sem geymslu. Bögglageymslan hef-
ur fram að þessu ekki verið hluti af
hinu eiginlega Listagili eða starf-
seminni þar, þótt margir hafi rennt
hýru auga til hennar og sett fram til-
lögur um mögulega nýtingu. Nú er
húsið loks að komast á kortið, um
stundarsakir að minnsta kosti. Það
eru myndlistarnemarnir Jóna Hlíf
Halldórsdóttir og Baldvin Ringsted
sem eru setja upp sýningu í húsinu
og hafa unnið mikið verk við að
hreinsa til í því. Jóna segir að þau
hafi fengið leyfi hjá kaupfélaginu til
að vera með sýningu og strax hafist
handa við hreinsunarstörf. Eins og
gefur að skilja hefur töluverð vinna
farið í að þrífa og laga til, auk þess
sem Harpa-Sjöfn gaf þeim 20 lítra af
málningu, en Jóna Hlíf segir verkið
hafa verið skemmtilegt.
Jóna sýnir nokkrar stórar myndir,
unnar með olíulitum, bleki og „tísku-
litum úr BYKO,“ segir hún. Auk
þess er hún með vídeóverk í einu
herbergjanna. Baldvin sýnir ýmsar
smámyndir af sauðfé, unnar úr gulli,
auk þess að setja upp hljóðverk.
Sýningin verður opnuð kl. 14 í dag
og verður opin um helgar frá 14–18
og frá 17–22 um helgar.
Morgunblaðið/Ásgrímur Örn
Húsið hefur verið ruslageymsla í fjölda ára, en nú eru tveir nemar við
Myndlistaskólann að setja þar upp myndlistarsýningu.
Líf færist í gömlu
bögglageymsluna
Á morgun kl. 14 verður opnuð í
Safnasafninu á Svalbarðsströnd í
Eyjafirði sýning á svipmyndum af
Ragnari Kjartanssyni myndhöggv-
ara, í tilefni þess að þann dag hefði
hann orðið 80 ára, en hann lést 1988,
langt um aldur fram.
Myndirnar voru gerðar af ýmsu til-
efni á árunum 1946 til 1992, og færð-
ar safninu að gjöf af ekkju hans,
Katrínu Guðmundsdóttur, og börn-
um þeirra hjóna, Guðmundi, Kjart-
ani, Herði og Ingu Sigríði.
Myndirnar gefa einstaka sýn á
magnaðan persónuleika sem heillaði
samferðafólk sitt með höfðinglegri
rausn, gáfum, skilningi, kærleik og
sterkri útgeislun.
Meðal höfunda eru: Haukur Dór,
Sigurjón Jóhannsson, Dieter Roth,
Jón Gunnar Árnason, Sverrir Har-
aldsson, Kristján Davíðsson, Kristín
Eyfells, Gylfi Gíslason, Bragi Ás-
geirsson, Bjarni Þór Bragason, Ívar
Valgarðsson, Hringur Jóhannesson,
Magnús Pálsson, Níels Hafstein,
Ragnhildur Stefánsdóttir, Þórdís
Alda Sigurðardóttir, Daði Guð-
björnsson, Edda Jónsdóttir, Grímur
Marinó Steindórsson, Kristín Jóns-
dóttir frá Munkaþverá og Jón Óskar
skáld. Einnig eru á sýningunni
myndir eftir börn og nokkra erlenda
listamenn, auk sjálfsmyndar Ragn-
ars og kynningartexta.
Sýningin er opin daglega frá kl. 10
til 18, henni lýkur formlega 21. sept-
ember.
Á MORGUN
ÞAU Thea Möller og Arnþór Daði
Jónasson, úr leikskólanum Káta-
koti á Kjalarnesi, sýndu kunn-
áttuna með skóflurnar í gær, þeg-
ar þau tóku fyrstu skóflustunguna
að nýjum leikskóla á Kjalarnesi.
Nutu þau dyggrar aðstoðar Stein-
unnar Geirdal, leikskólastjóra í
Kátakoti, og Bergs Felixsonar,
framkvæmdastjóra Leikskóla
Reykjavíkur.
Hér er um að ræða fyrsta leik-
skólann sem byggður er á Kjal-
arnesi, en leikskólastarf hefur
hingað til verið í félagsheimili
Kjalnesinga, Fólkvangi. Nýi leik-
skólinn verður tveggja deilda og
með rými fyrir 50 börn. Byggingin
verður vistvæn og öll bygging-
arefni eiturefnalaus og nátt-
úruvæn og er þarna um að ræða
fyrstu vistvænu leikskólabyggingu
landsins. Áhersla er lögð á nálægð
við náttúruna og gott starfsum-
hverfi, en mikið þróunarstarf í átt
að vistvænum leikskóla hefur átt
sér stað í Kátakoti undanfarin ár.
Þar er meðal annars allur úrgang-
ur flokkaður og endurnýttur eftir
því sem hægt er og börnin rækta
grænmeti og blóm.
Vistvænn leikskóli á Kjalarnesi
Reykjavík
Morgunblaðið/Kristinn