Morgunblaðið - 16.08.2003, Blaðsíða 22

ÁRBORGARSVÆÐIÐ
22 LAUGARDAGUR 16. ÁGÚST 2003 MORGUNBLAÐIÐ
LANDIÐ
RANNSÓKN á árangri reykinga-
meðferðar hjá Heilsustofnuninni í
Hveragerði, sem hjúkrunarfræð-
ingarnir Bee McEvoy og Halla
Grétarsdóttir, en þær vinna á
Heilsustofnun NLFÍ, kynntu á 12.
alþjóðlegu ráðstefnunni um tóbak
og heilsureykinga, sýnir að 45%
þeirra sem farið höfðu á reykinga-
námskeið í Hveragerði á árunum
1998–2001 eru enn reyklaus. Ár-
angurinn er góður í samanburði við
árangur í öðrum löndum. Þær
segja að rannsókn þeirra sýni að
þeir sem falla gera það yfirleitt á
fyrstu fjórum mánuðunum. Því sé
mikilvægt að styðja vel við þá sem
hætta fyrstu mánuðina á eftir.
Ráðstefnan var haldin í Helsinki
í Finnlandi. Þátttakendur komu frá
115 þjóðlöndum og voru 2.100 tals-
ins. Bee og Halla sögðu að það
hefði vakið athygli þeirra á ráð-
stefnunni að lögin sem sett hafa
verið og fela m.a. í sér bann við
reykingum á opinberum stöðum og
bann við auglýsingum á tóbaki,
hafa ekki tekið gildi hjá stórum
löndum eins og Þýskalandi, Banda-
ríkjunum og Japan. Að sögn þeirra
stendur Ísland vel samanborið við
mörg önnur lönd, en nú vantar hér
þennan herslumun að banna reyk-
ingar á veitingastöðum. Að þeirra
mati þurfum við einnig að leggja
aukna áherslu á að ná til þeirra
sem vilja hætta að reykja því að
niðurstöður rannsókna sýna að um
70% reykingamanna vilja hætta á
næstunni. Athygli vekur einnig að
þeim sem leita sér aðstoðar við að
hætta gengur mun betur í barátt-
unni. Aðstoð við reykingafólk, sem
vill hætta að reykja, ætti að vera
þáttur í starfi alls heilbrigðisstarfs-
fólks segir Halla.
Víða erlendis starfa sérhæfðir
hjúkrunarfræðingar í tóbaksmeð-
ferð á sjúkrahúsum starfsfólki og
sjúklingum til ráðgjafar og stuðn-
ings. Hér á landi er boðið upp á
ýmsar leiðir til að hætta s.s. með
símaráðgjöf, á Reykjalundi, hjá
Krabbameinsfélaginu og á Heilsu-
stofnun í Hveragerði.
Þær Bee og Halla eru sannfærð-
ar um að eftir ráðstefnuna í Finn-
landi komi meðferðaraðilar til með
að samþætta sína vinnu betur en
verið hefur. Meðferðin á Heilsu-
stofnun er einstök, því hér skráir
fólk sig sjálft á námskeiðin. Þessi
námskeið eru þannig uppbyggð að
hér dvelur fólk í eina viku, en fær
síðan eftirfylgni í eitt ár. Á stofn-
uninni er fólki hjálpað í gegnum
fráhvörf, aðstoðað við að breyta
sinni hegðun og kennt að takast á
við reykleysi. Meðferðin byggist á
hópmeðferð, þátttakendum bjóðast
síðan vikulegir símatímar og heim-
sóknir hingað á u.þ.b. tveggja mán-
aða fresti. Þetta úrræði var fyrst í
boði árið 1996 og hafa í kringum
500 manns komið.
Styðja þarf vel við bakið á
fólki fyrstu 4 mánuðina
Á ráðstefnunni í Finnlandi
kynntu Bee og Halla niðurstöður
rannsóknar á árangri skjólstæð-
inga sinna sem unnin var á þeim
sem hingað komu á árunum 1998–
2001. Þátttakendur voru 204, en af
þeim 174 sem náðist í voru 45%
reyklaus eftir eitt ár. Árangurinn
er mjög góður í samanburði við ár-
angur í öðrum löndum. Aðspurðar
segja þær að rannsókn þeirra sýni
að þeir sem falla, gera það yfirleitt
á fyrstu fjórum mánuðunum. Því er
mikilvægt að styðja vel við þá sem
eru hættir fyrstu mánuðina á eftir.
Það þarf nefnilega bara eina sígar-
ettu til þess að verða reykingamað-
ur aftur, segir Bee. Sýnt hefur ver-
ið fram á að lyf við nikotínfíkn
bæta árangur og enn betri árangur
næst ef fólk nýtir sér bæði meðferð
og þau lyf sem til eru. Það eru að-
allega tveir hópar sem núna þarf
að ná til, það eru annars vegar þeir
sem hægt er að kalla stórreyk-
ingamenn, sem eru byrjaðir að
mynda sjúkdómseinkenni tengd
reykingum og gengur illa að hætta
og hins vegar unglingarnir sem eru
að byrja. Það hefur gengið illa að
ná til unglinganna og það er aðkall-
andi verkefni að finna leiðir til að
ná til þeirra.
Í september á næsta ári verður
haldin ráðstefnan LOFT 2004 og
verður skipulagning í höndum
Heilsustofnunar. LOFT 2004 er
ráðstefna um tóbaksvarnir á Ís-
landi og er undirbúningur þegar
hafinn.
Um 500 manns hafa sótt reykinganámskeið í Hveragerði
Um 45% árangur á reyk-
inganámskeiðunum
Morgunblaðið/Margret Ísaksdóttir
Hjúkrunarfræðingarnir Bee McEvoy og Halla Grétarsdóttir sóttu ráð-
stefnu um tóbak og heilsu í Helsinki í Finnlandi á dögunum.
Hveragerði
NÝLEGA fór fram svokallað VP mót
á Víkurvelli í Vík en það er hraðmót í
knattspyrnu. Það er Ungmennasam-
band Vestur-Skaftafellsýslu sem
stendur fyrir þessu móti og hefur það
verið árviss viðburður í að minnsta
kosti 15 ár. Til leiks mættu 7 lið og
voru spilaðir 14 leikir. Það var liðið
Stoke sem sigraði en félagsmenn í því
eru undan Eyjafjöllum. Víkurprjón
styrkir þetta mót með auglýsingum
og gefur einnig öll verðlaun á mótinu.
Allir þátttakendur í mótinu alls 66
fengu afhent 1 par af knattspyrnu-
sokkum en það var framkvæmda-
stjóri Víkurprjóns Þórir Kjartansson
sem afhenti sokkana auk verðlauna
fyrir 3 efstu sætin.
Morgunblaðið/Jónas Erlendsson
Þórir Kjartansson, framkvæmdastjóri Víkurprjóns, afhendir Stoke bikarinn.
Stoke sigraði á
Víkurprjónsmótinu
Fagridalur
„DROTTNINGAR í einn
dag“ er kjörorð Dalakvenna
þegar þær fara í sinn árlega
útreiðartúr saman. Venjan
hefur verið að fara alltaf
annan laugardag í ágúst og
er þetta í þrettánda sinn
sem þær hittast á þennan
hátt. Konurnar skiptast á að
sjá um skipulagningu og í ár
voru það konur úr Hörðudal
sem skipulögðu ferðina og
var riðið um á þeirra slóð-
um. Um kvöldið grilluðu svo
bændurnir í Hörðudal fyrir
þennan stóra hóp sem taldi
um 120 konur, sem sátu og
sungu fram eftir kveldi.
Mikil gleði og ánægja ríkti í
hópnum og enduðu kon-
urnar í Saurbæ kvöldið með
að bjóða til kvennareiðar að
ári í sinni sveit.
Kvennareið í Dölum
Morgunblaðið/Helga H. Ágústsdóttir
Búðardalur
„Drottningar í einn dag“
ÞÓTT heyskapur hafi byrjað
óvenju snemma hér í sveit þá gekk
hann illa seinnipart júlí vegna
þokusúldar og bleytu. Veður lagað-
ist um mánaðamót og bændur hafa
nú undanfarna daga verið að slá
hána og luku heyskap hinn 13.
ágúst, um hálfum mánuði seinna en
reiknað var með miðað við hve
snemma var byrjað að slá.
Morgunblaðið/Jón G. Guðjónsson
Síðasta háin rúlluð hjá Sigursteini Sveinbjörnssyni í Litlu-Ávík.
Bændur hættir hey-
skap í Árneshreppi
Árneshreppur
JÓN Ingi Sigurmundsson opnar
málverkasýningu í Eden í Hvera-
gerði þriðjudaginn 19. ágúst. Mynd-
irnar á sýningunni eru flestar mál-
aðar með vatnslitum en nokkrar
með olíu- og pastellitum.
Myndefnið sækir Jón Ingi að
vanda til síns nánasta umhverfis á
Suðurlandi, meðal annars til Eyr-
arbakka en Jón Ingi er fæddur þar
og uppalinn. Einnig eru myndir frá
heimabyggð hans á Selfossi, þá
myndir frá Snæfellsnesi, Skaftafelli
og víðs vegar að af landinu. „Á
sumrin er maður í beinum
tengslum við það sem maður er að
mála og verður að vera fljótur að
grípa augnablikið og aðstæðurnar.
Það er gaman að glíma við það að
festa aðalatriði myndarinnar og
gefa hverri mynd tilfinningu,“ segir
Jón sem málar mikið úti í nátt-
úrunni á Suðurlandi.
Þetta er 24. einkasýning Jóns
Inga en hann hefur sýnt víða á Suð-
urlandi og einnig á Akureyri og í
Danmörku. Jón Ingi hefur sótt
mörg námskeið í myndlist hér á
landi og erlendis meðal annars í
Danmörku og á Englandi.
Á heimasíðu Jóns Inga eru ýms-
ar upplýsingar, fréttir og myndir af
málverkum frá fyrri sýningum
hans. Veffangið er. www.-
joningi.com. Sýningunni lýkur 31.
ágúst.
Jón Ingi sýnir málverk í Eden
Morgunblaðið/Sigurður Jónsson
Jón Ingi Sigurmundsson með tvær vatnslitamynda sinna.
Selfoss