Morgunblaðið - 16.08.2003, Blaðsíða 35
UMRÆÐAN
MORGUNBLAÐIÐ LAUGARDAGUR 16. ÁGÚST 2003 35
ÁGÆTI Róbert Marshall.
Ég hef lengi verið félagsmaður í
Blaðamannafélaginu, en í seinni
tíð er það ekki
vegna kjarasamn-
inga (félagið annast
ekki samninga við
Ríkisútvarpið) held-
ur vegna faglegra
sjónarmiða. Ég tel
afar mikilvægt að
þeir sem vinna við efni fjölmiðla
standi saman um fagið, þessvegna
borga ég Blaðamannafélaginu
ennþá félagsgjald. Og það skal
tekið fram að um skeið var ég
varaformaður Blaðamannafélags-
ins og formaður samninganefndar
félagsins.
Ágæti formaður, ég er ekki al-
farið sáttur við það hvernig þú
brást við nýlegum uppsögnum hjá
Stöð 2 (sjá Mbl. 28. júní s.l.).
Enda þótt formaður Blaðamanna-
félags Íslands hljóti ætíð að bera
hag vinnufélaga sinna fyrir
brjósti, má formaðurinn að mínu
mati ekki efna til illinda við aðra
fjölmiðla. Í þínum sporum hefði ég
mótmælt uppsögnunum á Stöð 2
kröftuglega, en látið vera að
kenna Ríkisútvarpinu um versn-
andi rekstrarafkomu stöðvarinnar.
Þeir sem telja að illvíg sam-
keppni Ríkisútvarpsins um auglýs-
ingar sé að drepa Stöð 2 ættu að
kynna sér staðreyndir málsins.
Samkvæmt nýjustu upplýsingum
Hagstofu Íslands hafa auglýsinga-
tekjur fjölmiðla vissulega breyst á
undanförnum árum. Á tímabilinu
1995-2001 minnkaði hlutur dag-
blaða í heildartekjum fjölmiðla af
auglýsingum og hlutur útvarps
minnkaði einnig. Aftur á móti
stórjókst þáttur sjónvarps í heild-
artekjum af auglýsingum. Á sex
árum hefur hlutur hérlendra sjón-
varpsstöðva stækkað úr rúmum
20% í rúm 30% af öllu auglýs-
ingafé.
Sjónvarpsstöðvar fá hálfu stærri
hlut af heildinni og auk þess hefur
heildarpotturinn stækkað, svo að
tekjuaukningin er enn meiri. Hag-
stofan telur að árið 1997 hafi fjár-
útlát vegna sjónvarpsauglýsinga
numið á að giska 1.300 milljónum
króna, en árið 2002 hafi upphæðin
miðað við magn auglýsinga verið
tvöfalt meiri eða tæpar 2.600
milljónir króna. Á aðeins fimm ár-
um hefur auglýsingafjárhæðin
sem rennur til íslenskra sjón-
varpsstöðva að öllum líkindum
tvöfaldast!
Miðað við málflutning tals-
manna Stöðvar 2 mætti ætla að
Ríkisútvarpið hrifsi til sín æ
stærri hluta auglýsingafjárins og
þrengi þannig óþyrmilega að
einkaframtakinu. Annað segja
staðreyndir málsins, þar á meðal
ársreikningar Ríkisútvarpsins. Ár-
ið 1997 voru auglýsingatekjur
Sjónvarpsins samkvæmt ársreikn-
ingi 377 milljónir króna. Árið 2002
námu auglýsingatekjur Sjónvarps-
ins einnig 377 milljónum króna –
nákvæmlega sama krónutala!
Með hliðsjón af staðreyndum er
fráleitt að staðhæfa að Sjónvarpið
skerði auglýsingatekjur annarra
miðla. Öll aukning þess fjár sem
varið var í sjónvarpsauglýsingar á
síðustu fimm árum, rann til einka-
miðlanna. Miðað við krónutölu
stóðu auglýsingatekjur Sjónvarps-
ins í stað. Miðað við verðbólgu og
þróun á auglýsingamarkaði varð
stórfelldur samdráttur í auglýs-
ingatekjum Sjónvarpsins.
Ríkisútvarpið er alls ekki sá
ógnvaldur sem menn vilja vera
láta, sé miðað við tekjur af auglýs-
ingum. Aftur á móti stendur Rík-
isútvarpið vel að vígi hvað varðar
hlustun og áhorf, enda á þjóð-
areignin að vera til fyrirmyndar
um góða dagskrá í útvarpi og
sjónvarpi. Megi Stöð 2 halda
áfram að spjara sig á þeim vett-
vangi.
Bestu kveðjur.
Opið bréf til for-
manns Blaða-
mannafélagsins
Eftir Jón Ásgeir Sigurðsson
Höfundur er formaður Starfs-
mannasamtaka Ríkisútvarpsins.
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050
FYRIRTÆKI TIL SÖLU
www.fyrirtaekjasala.is
FYRIRTÆKJASALA
ÍSLANDS
Síðumúla 15 • Sími 588 5160
Gunnar Jón Yngvason
lögg. fasteigna- og fyrirtækjasali
ÁSKRIFTARDEILD netfang: askrift@mbl.is, sími 569 1122