Morgunblaðið - 16.08.2003, Blaðsíða 48
ÍÞRÓTTIR
48 LAUGARDAGUR 16. ÁGÚST 2003 MORGUNBLAÐIÐ
óskar eftir að ráða áhugasama þjálfara fyrir kvennakörfubolta og fimleika.
Kvennahópar Fjölnis í körfubolta æfa í Rimaskóla tvisvar til þrisvar sinnum
í viku. Fimleikar eru með starfsemi í nýjum fimleikasal í Egilshöll og það er
mikill kraftur í starfseminni.
Fjölnir óskar eftir að komast í samband við aðila sem
er tilbúinn til að koma á fót keppnisliði í samkvæmisdönsum.
Einnig viljum við komast í samband við áhugasamt fólk sem vill
taka að sér kennslu í íþróttaskóla Fjölnis fyrir börn á aldrinum 6-9 ára,
sem starfar í öllum skólum Grafarvogs. Æskilegast er að starfsfólk
íþróttaskólans séu íþróttakennarar, í það minnsta hafi reynslu af
íþróttastarfi með börnum á aldinum 6-9 ára.
Upplýsingar í síma 567 2085 eða 587 4085 eða senda fyrirspurn
á fjolnir@fjolnir.is
Ungmennafélagið Fjölnir í Grafarvogi
ÍSLENDINGAR mæta í dag Svíum í undanúrslitum
Evrópumóts piltalandsliða í handknattleik sem
haldið er í Kosice í Slóvakíu. Árangur íslenska liðs-
ins til þessa er glæsilegur, það vann fjóra af fimm
leikjum sínum í riðlakeppninni og varð í öðru sæti
riðilsins, á eftir Þjóðverjum. Í hinum undanúrslita-
leiknum mætast Þjóðverjar og Danir. Á morgun
verður síðan leikið til úrslita um Evrópumeist-
aratitilinn og bronsverðlaunin. Heimir Ríkharðs-
son, þjálfari íslenska liðsins, sagði við Morg-
unblaðið í gær að sínir piltar stefndu ótrauðir að
því að komast í úrslitaleikinn. „Þeir eru allir heilir
og það er mikil stemning í hópnum. Við höfum
fengið myndbönd af öllum leikjum Svíanna og
skoðum þá vel í undirbúningnum fyrir leikinn. Þeir
eru með jafnt lið en alls ekki ósigrandi og ég tel
möguleika okkar á að leggja þá vera fyrir hendi.
Ég hef fulla trú á að við getum lagt þá að velli,“
sagði Heimir. Leikur liðanna hefst kl. 15 að ís-
lenskum tíma.
„Hef trú á að við
getum lagt Svíana“
TVEIR litháískir landsliðsmenn í hand-
knattleik eru komnir til æfinga hjá bik-
armeisturum HK og flest bendir til þess að
Kópavogsfélagið gangi til samninga við þá
á næstu dögum. Þeir heita Andrius Rack-
auskas, 22 ára, og Augustas Strazdas, 23
ára, og eru báðir frá Granitas Kaunas,
einu fremsta liði Litháens um árabil.
„Mér líst mjög vel á báða piltana eftir að
hafa horft á þá á tveimur æfingum,“ sagði
Árni Stefánsson, þjálfari HK, við Morg-
unblaðið í gær.
Rackauskas er örvhent skytta en getur
einnig leikið í hægra horninu og á miðj-
unni. Strazdas er fjölhæfur leikmaður, sem
mest hefur spilað sem skytta vinstra meg-
in. Þeir hafa báðir verið í landsliði Lithá-
ens undanfarin 4–5 ár, þrátt fyrir ungan
aldur. Báðir voru þeir atkvæðamiklir með
Granitas í EHF-bikarnum síðasta vetur.
Þeir áttu stóran þátt í að slá Dunkerque,
lið Ragnars Óskarssonar í Frakklandi, út
úr keppninni og voru markahæstu menn
Granitas í báðum leikjum liðanna í 3. um-
ferð keppninnar. Í 16 liða úrslitum skoraði
Rackauskas síðan 11 mörk í sigurleik gegn
Slask frá Póllandi.
Samkvæmt þeim upplýsingum sem Árni
hefur fengið um leikmennina hefur Rac-
kauskas verið valinn í úrvalslið litháísku 1.
deildarinnar fimm ár í röð og Strazdas
fjórum sinnum á fimm árum.
HK fær landsliðs-
menn frá Litháen
ÚRSLIT
1. deild karla
Stjarnan – HK........................................2:2
Brynjar Sverrisson 2., Bernharður M.
Guðmundsson 8. - Þorsteinn Gestsson 21.,
Guðbjartur Haraldsson 90.
Keflavík – Haukar.................................5:0
Þórarinn Kristjánsson 18., Hólmar Rún-
arsson 29., Kristján Jóhannsson 33., Scott
Ramsey 37., Guðjón Antoníusson 90.
Breiðablik – Leiftur/Dalvík.................2:1
Árni Gunnarsson 12., 74. - Jóhann
Traustason 42.
Þór – Afturelding..................................3:1
Jóhann Þórhallsson 10., 90., Ingi Hrannar
Heimisson 41. – Boban Ristic 21.
Staðan:
Keflavík 14 10 3 1 40:14 33
Þór 14 8 4 2 36:25 28
Víkingur R. 13 7 5 1 19:9 26
Stjarnan 14 5 6 3 25:19 21
Breiðablik 14 5 2 7 16:19 17
Haukar 14 4 4 6 17:26 16
Njarðvík 13 4 3 6 28:30 15
HK 14 4 3 7 19:23 15
Afturelding 14 3 2 9 14:31 11
Leiftur/Dalvík 14 2 2 10 18:36 8
2. deild karla
Tindastóll – Léttir..................................7:1
Fjölnir – KFS.........................................2:1
Selfoss – Víðir ........................................4:2
Völsungur 14 11 1 2 51:20 34
Fjölnir 15 10 3 2 44:20 33
Selfoss 15 9 2 4 35:20 29
Tindastóll 15 8 1 6 32:28 25
ÍR 14 6 2 6 28:24 20
Víðir 15 6 2 7 20:26 20
KS 14 5 4 5 22:23 19
KFS 15 4 3 8 31:40 15
Léttir 15 2 1 12 13:62 7
Sindri 14 1 3 10 21:34 6
3. deild karla C
Magni – Snörtur.....................................8:0
Reynir Á. – Neisti H. .............................2:1
Vaskur og Magni eru komin í 8 liða úr-
slitin.
3. deild karla D
Einherji – Höttur...................................0:1
Fjarðabyggð – Leiknir F.......................1:2
Neisti D. – Huginn.................................1:4
Fjarðabyggð og Höttur eru komin í 8
liða úrslitin.
KNATTSPYRNA
Laugardagur:
Efsta deild karla, Landsbankadeild:
Laugardalsvöllur: Fram – ÍBV.................16
1. deild karla:
Víkin: Víkingur R. – Njarðvík ...................14
2. deild karla:
Sindravellir: Sindri – KS ...........................14
Húsavík: Völsungur – ÍR...........................16
3. deild karla A
Tungubakki: Númi – Víkingur Ó. .............16
Torfnesvöllur: BÍ – Grótta ........................15
3. deild karla B
Laugardalur: Afríka – ÍH..........................14
Þorlákshöfn: Ægir – Árborg .....................14
Leiknisvöllur: Leiknir R. – Freyr.............14
Grýluvöllur: Hamar – Reynir S. ...............14
3. deild karla C
Blönduós: Hvöt – Vaskur...........................14
1. deild kvenna A
Ásvellir: Þróttur/Haukar 2 – HSH...........14
Fjölnisvöllur: Fjölnir – RKV.....................14
1. deild kvenna B
Vopnafj.: Tindastóll – Einherji .................16
Eskifj.: Fjarðabyggð – Sindri ...................16
Sunnudagur:
Bikarkeppni KSÍ, VISA-bikar, úrslitaleik-
ur kvenna:
Laugardalsvöllur: ÍBV – Valur.................14
Efsta deild karla, Landsbankadeild:
Grindavík: Grindavík – FH .......................14
Akureyri: KA – ÍA......................................18
3. deild karla A
Fífan: Drangur – Deiglan..........................13
Skeiðisvöllur: Bolungarvík – Grótta.........14
1. deild kvenna A
Smárah.: Breiðablik 2 – HK/Víkingur.11.13
1. deild kvenna B
Vopnafj.: Einherji – Tindastóll .................16
Mánudagur:
Efsta deild karla, Landsbankadeild:
Fylkisvöllur: Fylkir – Þróttur..............19.15
UM HELGINA
Keflvíkingar voru mun sterkariaðilinn í leiknum í gær. Fyrsta
mark leiksins kom eftir að Magnús
Þorsteinsson hafði
leikið laglega á vörn
Hauka og sent bolt-
ann á Þórarin Krist-
jánsson sem skoraði
örugglega. Eftir markið hertu heima-
menn tökin á leiknum og rúmum tíu
mínútum síðar voru þeir búnir að
setja annað mark. Nú var að verki
Hólmar Rúnarsson sem sendi bolt-
ann á milli fóta Jörundar Kristinsson-
ar markvarðar og sem fyrr var það
Magnús sem átti stoðsendinguna.
Þriðja mark heimamanna skoraði
Kristján Jóhannsson. Keflvíkingar
fengu aukaspyrnu af vinstri kanti.
Haukamenn náðu ekki að hreinsa frá
marki og rak Kristján endahnútinn á
sóknina. Á 37. mínútu skoraði Scott
Ramsey fjórða mark Keflavíkur eftir
klaufaleg mistök Jörundar Kristins-
sonar. Seinni hálfleikur var ekki eins
fjörugur og sá fyrri. Heimamenn
voru mun sterkari aðilinn en náðu
ekki að nýta sér það. Á síðustu mín-
útu leiksins kórónaði Magnús góðan
leik sinn með þriðju stoðsendingu
sinni og nú var það Guðjón Anton-
íusson sem skoraði fyrir Keflvíkinga.
Leikurinn í heild var ágætur en
Haukamenn hafa oft verið sprækari í
sumar.
Maður leiksins: Magnús Þorsteins-
son, Keflavík.
Páll bjargaði Blikum
Páll Gísli Jónsson, markvörðurBreiðabliks, tryggði sínum
mönnum þrjú stig þegar Blikar sigr-
uðu Leiftur/Dalvík
2:1 í Kópavogi. Hann
varði glæsilega víta-
spyrnu á 97. mínútu
en fimm sekúndum
eftir að hann varði flautaði dómari
leiksins til leiksloka.
Breiðablik var miklu sterkari að-
ilinn í gær og það er ótrúlegt að Blik-
ar hafi verið svo stálheppnir í lokin að
fá stigin þrjú miðað við öll úrvalsfær-
in sem þeir fengu í leiknum. Heima-
menn fengu 13 mjög góð marktæki-
færi og að þeir hafi aðeins náð að
skora tvö mörk verður að teljast mjög
slakt hjá þeim. Árni Gunnarsson
gerði bæði mörk Blika og voru þau
bæði af dýrari gerðinni. Fyrst kom
hann Breiðablik yfir á 18. mínútu þeg-
ar hann skoraði af 17 metra færi,
stöngin inn. Gestirnir jöfnuðu metin
þremur mínútum fyrir leikhlé þegar
Jóhann Traustason skoraði eftir að
hafa fengið góða sendingu frá Foriza
Sandor inn fyrir vörn Blika. Á 74.
mínútu gerði Árni sitt annað mark.
Hann tók glæsilega við fyrirgjöf frá
vinstri kanti og óð inn í vítateiginn og
renndi boltanum í gegnum klofið á
Sævari Eysteinssyni, markverði
gestanna, en Sævar átti frábæran leik
og bjargaði sínum mönnum hvað eftir
annað.
Breiðablik yfirspilaði gestina á
löngum kafla í leiknum og skapaði sér
fjölmörg færi og Kópavogsbúar voru
miklir klaufar að gera ekki fleiri
mörk. Leiftur/Dalvík sat til baka en
gestirnir voru allt of ragir við að
sækja fram á við. Þegar þeir gerðu
það náðu þeir oft góðu spili og komu
sér í ágætis sóknarfæri. Hákon
Sverrisson, fyrirliði Blika, var
óánægður með hve mörg úrvalsfæri
fóru í vaskinn hjá Breiðabliki. „Við
fengum fjölmörg færi og hefðum átt
að sigra þennan leik örugglega. Við
höfum verið miklir klaufar upp við
mark andstæðinganna í sumar og það
var engin breyting á því í kvöld. Sókn-
armennirnir okkar standa sig alls
ekki nægilega vel og góðir sóknar-
menn myndu nýta mun betur öll þau
færi sem við höfum fengið.“
Maður leiksins: Árni Gunnarsson,
Breiðabliki.
Þórsarar á sigurbraut
Þórsarar lögðu sitt lóð á vogarskál-ar toppbaráttunnar í gær þegar
þeir unnu Aftureldingu 3:0 og stukku
þar með upp í annað
sæti en Víkingur get-
ur endurheimt það
sæti með sigri á
Njarðvík í kvöld. Aft-
urelding er hins vegar enn í fallsæti.
Leikurinn á Akureyrarvelli var æði
fjörlegur. Heimamenn byrjuðu með
látum og Jóhann Þórhallsson stýrði
boltanum í netið á 10. mínútu eftir
skot Péturs Kristjánssonar. Alex-
andre Santos var svo felldur í vítateig
Aftureldingar aðeins mínútu síðar en
Einar Hjörleifsson varði vítaspyrn-
una sem Orri Hjaltalín tók. Eftir
þetta fóru gestirnir að komast meira
inn í leikinn og eftir vandræðagang í
vörn Þórs á 21. mínútu sendi Boban
Ristic boltann í boga yfir Atla í mark-
inu og jafnaði metin.
Á 41. mín. kom Ingi Hrannar
Heimisson Þór í 2:1 eftir góða sókn og
sendingu frá Santos en áður hafði
Einar Hjörleifsson oft varið stór-
glæsilega í marki Aftureldingar.
Einar hélt uppteknum hætti í
seinni hálfleik og þótt Þórsarar ættu
fleiri skot á markið en gestirnir var
lánið ekki með þeim og Afturelding
hefði getað krækt í stig í lokin. Jó-
hann Þórhallsson gulltryggði loks
sigur Þórs eftir að komið var fram yf-
ir venjulegan leiktíma með einleik
upp allan völl og snyrtilegri af-
greiðslu.
Þórsarar áttu ein 25 skot að marki í
leiknum en tíu þeirra strönduðu á
góðum markverði gestanna. Orri
Hjaltalín og Pétur Kristjánsson voru
mjög sprækir í liði Þórs og þeir Jó-
hann og Santos gerðu laglega hluti
frammi. Einar markvörður var best-
ur í liði Aftureldingar og Boban Ristic
var skeinuhættur.
Maður leiksins: Einar Hjörleifs-
son, Aftureldingu.
Óskabyrjun Stjörnunnar
dugði skammt
Varnarjaxlinn Guðbjartur Har-aldsson var hetja HK-manna
þegar Stjarnan og HK skildu jöfn,
2:2, í Garðabæ. Guð-
bjartur jafnaði metin
á lokamínútunni og
tryggði Kópavogslið-
inu mikilvægt stig í
fallbaráttunni en Stjörnumenn, sem
hafa nú leikið níu leiki í röð án þess að
bíða ósigur, töpuðu tveimur dýrmæt-
um stigum í toppbaráttu deildarinn-
ar.
Garðbæingar fengu sannkallaða
óskabyrjun því eftir aðeins átta mín-
útna leik var staðan orðin 2:0. Brynj-
ar Sverrisson og Bernharður M. Guð-
mundsson skoruðu mörkin með skalla
þar sem varnarmenn HK voru sof-
andi á verðinum. En í stað þess að
láta kné fylgja kviði þá slökuðu
Stjörnumenn á og HK-ingar náðu
smátt og smátt betri tökum á leikn-
um. Þorsteinn Gestsson hleypti bar-
áttuanda í HK-liðið þegar hann
minnkaði muninn með enn einu
skallamarkinu. Brynjar Sverrisson
fékk gott færi á að koma Stjörnu-
mönnum aftur í tveggja marka for-
ystu þegar hann komst einn í gegn en
Gunnleifur, markvörður HK, sá við
honum.
Mikil barátta einkenndi leikinn í
síðari hálfleik. HK-menn voru öllu
sterkari og það var eins og Garðbæ-
ingar hugsuðu um það fyrst og fremst
að halda fengnum hlut. Á lokamínút-
unni fékk HK aukaspyrnu á miðjum
vallarhelmingi Stjörnunnar. Hörður
Már Magnússon sendi boltann inn í
teiginn og þar renndi Guðbjartur sér
á knöttinn og kom honum inn fyrir
marklínuna, 2:2.
Vilhjálmur Vilhjálmsson og Sveinn
Magnússon voru bestir í liði Stjörn-
unnar og Dragoslav Stojanovic átti
ágæta spretti, en hjá HK lék Grétar
Már Sveinsson vel, Hörður Már lét
meira að sér kveða þegar hann var
færður úr vörninni framar á völlinn
og varamennirnir Gunnar Örn Helga-
son og Brynjar Víðisson hleyptu lífi í
annars baráttuglatt HK-lið í seinni
hálfleik.
Maður leiksins: Vilhjálmur Vil-
hjálmsson, Stjörnunni.
Fátt virðist geta
stöðvað Keflvíkinga
KEFLVÍKINGAR sýndu það á heimavelli í gærkvöldi að það er
fátt sem getur komið í veg fyrir að þeir tryggi sér sæti meðal
þeirra bestu í úrvalsdeildinni næsta keppnistímabil. Þeir fengu
Hafnarfjarðarliðið Hauka í heimsókn og voru Haukar ekki mikil
hindrun fyrir Keflvíkinga, sem sendu knöttinn fimm sinnum í
netið hjá þeim, 5:0. Línurnar á toppi 1. deildar virðast vera að
skýrast. Keflvíkingar stefna ótrauðir á úrvalsdeildarsæti – Þór
og Víkingur berjast hatrammlega um hitt lausa sætið. Þegar
fjórar umferðir eru eftir í deildinni er Keflavík með 33 stig. Þór,
sem lagði Aftureldingu að velli í gærkvöldi, er með 28 stig og
Víkingur, sem á leik til góða gegn Njarðvík í dag, er með 26 stig.
Stjarnan kemur næst með 21 stig.
Atli
Þorsteinsson
skrifar
Stefán Þór
Sæmundsson
skrifar
Guðmundur
Hilmarsson
skrifar
Atli
Sævarsson
skrifar
Pétur í lands-
liðshópinn
PÉTUR Hafliði Marteinsson,
leikmaður Stoke, hefur verið
kallaður inn í landsliðshóp-
inn sem heldur til Færeyja á
sunnudaginn. Landsliðsþjálf-
ararnir Ásgeir Sigurvinsson
og Logi Ólafsson ákváðu að
bæta Pétri inn sem 19. manni
í hópinn þar sem óvíst er
hvort Lárus Orri Sigurðsson
getur tekið þátt í leiknum
vegna meiðsla. Pétur hefur
leikið vel að undanförnu með
liði Stoke, sem mætir
Wimbledon í dag á Britannia
í annarri umferð 1. deild-
arinnar.