Morgunblaðið - 18.08.2003, Blaðsíða 5

KNATTSPYRNA
MORGUNBLAÐIÐ MÁNUDAGUR 18. ÁGÚST 2003 B 5
FÓLK

ÞÝSKI miðjumaðurinn Michael
Ballack verður ekki með þýska
landsliðinu þegar það mætir því
ítalska í vináttuleik á miðvikudag-
inn. Rudi Völler landsliðsþjálfari
var að gæla við að nota hann þrátt
fyrir að hann sé meiddur á kálfa
en forráðamenn Bayern München
þvertóku fyrir það í gær að hann
yrði með.

VARNARMAÐUR Valencia,
Roberto Ayala, vill fara til Man-
chester United en Sir Alex Fergu-
son, knattspyrnustjóri United, er
að leita að sterkum varnarmanni.
Ayala, sem neitaði fyrr í sumar að
ganga til liðs við Liverpool, sagði í
viðtali við Sunday Mirror að ef
United byði sér samning gæti
hann ómögulega neitað að ganga
til liðs við ensku meistarana.

ALAN Smith, sóknarmaður
Leeds United, er mjög óánægður
með hve marga góða leikmenn
Leeds hefur selt á árinu. Smith
telur að stjórnarmenn Leeds hafi
svikið stuðningsmenn félagsins
með því að selja marga af bestu
leikmönnum Leeds og hann óttast
að verða seldur frá félaginu.

JOHN Arne Riise, varnarmaður
Liverpool, stefnir að því að verða
fyrirliði norska landsliðsins í
knattspyrnu. Riise, sem er aðeins
22 ára gamall, telur sig eiga ágæt-
is möguleika á að taka við fyr-
irliðabandinu af Henning Berg en
Berg hefur ákveðið að hætta að
leika með norska landsliðinu á
næsta ári.

PAOLO Maldini mun missa af
fyrstu leikjunum með AC Milan í
ítölsku knattspyrnunni en hann er
meiddur. Það er ekki vitað hve al-
varleg meiðsl Maldinis eru en for-
ráðamenn Milan óttast að hann
hafi slitið liðbönd.

SIR Bobby Robson, knatt-
spyrnustjóri Newcastle, er
óánægður með að Nolberto Sol-
ano, leikmaður liðsins, skuli ætla
að leika með Perú gegn Mexíkó á
miðvikudaginn. Robson segir að
Newcastle hafi gert nýjan samn-
ing við Solano með því skilyrði að
hann hætti að leika með landslið-
inu en þrátt fyrir það ætlar Solano
að leika með Perú í vikunni.

ALAN Smith, leikmaður Leeds,
var orðaður við Newcastle í ensk-
um fjölmiðlum um helgina. Varla
hefur áhugi Newcastle á pilti
minnkað eftir leik liðanna í gær en
hann skoraði þá síðara mark
Leeds þegar liðin tvö skildu jöfn,
2:2, í úrvalsdeildinni.

ALEXEI Smertin, rússneskur
landsliðsmaður í knattspyrnu, er
kominn í raðir Chelsea, samkvæmt
fréttum í frönskum og ítölskum
fjölmiðlum í gær. Smertin, 28 ára
miðjumaður hjá Bordeaux í
Frakklandi, er sagður á leið til fé-
lagsins fyrir 750 milljónir króna.
STOKE City er í efsta sæti ensku 1.
deildarinnar eftir sigur á Wimbledon,
2:1, í annarri umferð deildarinnar á
laugardaginn. Varnarmaðurinn Wayne
Thomas skoraði sigurmarkið á síðustu
mínútu leiksins. Rétt áður hafði Pétri
Marteinssyni verið skipt af leikvelli og
sóknarmaðurinn Marc Goodfellow,
fyrrverandi leikmaður ÍBV, var settur
inn á í staðinn. Pétur fékk góða dóma
fyrir frammistöðu sína í vörn Stoke,
rétt eins og í fyrsta leiknum.
„Við þurfum 44 stig í viðbót til að
komast úr fallhættu og enginn okkar
mun láta þessi úrslit stíga sér til höf-
uðs. Við erum með mjög ungt lið sem
hefur byrjað vel og ég er ánægður með
það,“ sagði Tony Pulis, knatt-
spyrnustjóri Stoke.
Brynjar Björn Gunnarsson lék á
miðjunni en fór af velli korteri fyrir
leikslok þegar lið hans, Nottingham
Forest, steinlá fyrir Reading, 3:0. Í
samtali við Morgunblaðið sagði Brynj-
ar að hann hefði skipt við sóknarmann
en sú skipting hefði ekki tekist betur
en svo að Forest fékk fleiri mörk á sig
án þess að takast að klóra í bakkann.
Heiðar Helguson lék allan leikinn
með Watford sem tapaði, 1:0, fyrir
Crystal Palace. Heiðar lék á miðjunni
og var hársbreidd frá því að jafna með
góðum skalla í síðari hálfleik. Hann var
færður í sína gömlu stöðu í sókninni á
lokasprettinum en það dugði ekki til.
Lárus Orri Sigurðsson lék ekki með
WBA vegna meiðsla þegar lið hans
vann Burnley, 4:1.
Stoke efst en þarf
44 stig í viðbót
PÉTUR Hafliði Marteinsson, leik-
maður Stoke, missir af leik með lið-
inu í fyrstu umferð ensku deildabik-
arkeppninnar annað kvöld vegna
þess að hann var kallaður inn í ís-
lenska landsliðið í knattspyrnu sem
býr sig nú af kappi undir leikinn við
Færeyinga í undankeppni EM í
Þórshöfn á miðvikudaginn. Stoke
leikur annað kvöld við Rochdale.
Upphaflega átti viðureignin að fara
fram síðasta þriðjudag en vegna
æfingaleiks Stoke við Manchester
United í síðustu viku fékkst frestun
á leiknum við Rochdale um viku. Þá
var ekki fyrirséð að Pétur yrði í ís-
lenska landsliðinu en hann var kall-
aður inn á föstudag vegna óvissu
um meiðsli Lárusar Orra Sigurðs-
sonar.
Takist Stoke að vinna og komast í
aðra umferð mætir liðið Gill-
ingham, en Tony Pulis, knatt-
spyrnustjóri Stoke, var stjóri Gill-
ingham fyrir nokkrum árum en
hætti fyrirvaralítið til að taka við
stjórn Bristol City. Vegna þeirrar
uppsagnar og málaferla sem í kjöl-
farið fylgdu hafa forráða- og stuðn-
ingsmenn Gillingham haft horn í
síðu Pulis og sendu honum m.a. afar
kaldar kveðjur þegar Stoke sótti
Gillingham heim seint á síðustu
leiktíð, að sögn Ásgeirs Sigurvins-
sonar, landsliðsþjálfara og stjórn-
armanns í Stoke.
Pétur missir af bikar-
leik með Stoke
Pétur Hafliði
CLAUDIO Ranieri, knattspyrnu-
stjóri Chelsea, var ekki ánægður
með fyrstu 20 mínúturnar í leik
sinna manna gegn Liverpool í gær
en sagði að þeir hefðu sýnt mikinn
styrk og unnið sig inn í leikinn.
„Ég er með marga góða leik-
menn í mínum hópi en fyrstu 20
mínúturnar voru mjög slæmar.
Leikmenn Liverpool settu okkur
undir mikla pressu framan af leik
og sem betur fer tókst þeim ekki
að skora. Það gerðum við hins
vegar og eftir það spiluðum við
mjög vel og héldum boltanum inn-
an liðsins. Eftir þessa tvíteknu
vítaspyrnu sem Liverpool jafnaði
úr gáfu strákarnir í og það lofar
góðu. Ég hef sagt þeim að við get-
um unnið leiki og tapað leikjum,
en ég krefst þess að þeir sýni bar-
áttu því það er það sem stuðnings-
menn okkar eiga skilið,“ sagði
Ranieri.
Ranieri krefst baráttu
af sínum mönnum
Juan Sebastian Veron komChelsea yfir um miðjan fyrri
hálfleik með hörkuskoti eftir fyr-
irgjöf frá Jesper Grönkjær. Mich-
ael Owen jafnaði fyrir Liverpool úr
tvítekinni vítaspyrnu stundarfjórð-
ungi fyrir leikslok en Jimmy Floyd
Hasselbaink skoraði sigurmarkið
þegar fjórar mínútur voru eftir af
leiknum.
Eiður Smári lék fyrri hálfleikinn
með Chelsea en var þá skipt af velli
fyrir Hasselbaink. Eiður var ekki
áberandi en fékk eitt sannkallað
dauðafæri, slapp aleinn inn fyrir
vörn Liverpool en Jerzy Dudek
náði að verja frá honum á glæsi-
legan hátt.
„Það eru ekki bara hæfileikar í
þessum leikmannahópi, líka mikill
baráttu- og sigurvilji. Við lögðum
mjög hart að okkur á undirbún-
ingstímabilinu, börðumst af krafti í
dag og héldum áfram til leiksloka.
Allir vilja spila og Jimmy kom inn
á og sýndi og sannaði hvað hann
getur. Það er merkilegt hvesu vel
allir þessir nýju leikmenn hafa að-
lagast hópnum á stuttum tíma því
venjulega tekur það þrjá til fjóra
mánuði. Ef við spilum svona áfram
eigum við möguleika á að vinna
titla í vetur eins og aðrir,“ sagði
varnarjaxlinn John Terry eftir leik-
inn.
Stórtap í fyrsta leik Hermanns
Hermann Hreiðarsson mátti þola
ósigur í fyrsta deildarleik sínum
með Charlton. Lundúnafélagið fékk
Manchester City í heimsókn og
steinlá, 0:3, þrátt fyrir að vera með
undirtökin í leiknum lengst af.
Leikmenn City voru skæðir í
skyndisóknum, með Nicolas Anelka
sem besta mann. Frakkinn snjalli
skoraði fyrsta markið úr víta-
spyrnu og lagði hin upp fyrir Ant-
oine Sibierski, landa sinn, og hinn
kínverska Sun Jihai. Hermann lék
allan leikinn með Charlton. Mark
Fish, varnarmaður Charlton, var
rekinn af velli fyrir að brjóta á
Robbie Fowler sem var á mikilli
siglingu í gegnum vörn heima-
manna.
Shearer samur við sig
Alan Shearer nýtur sín jafnan
vel gegn Leeds og leikur liðanna í
gær var þar engin undantekning.
Shearer skoraði bæði mörk New-
castle þegar liðin skildu jöfn, 2:2, á
Elland Road – það fyrra úr víta-
spyrnu og það síðara gerði hann
þegar þrjár mínútur voru til leiks-
loka. Með þessum mörkum hefur
Shearer skorað 19 sinnum gegn
Leeds í úrvalsdeildinni. Þeir Mark
Viduka og Alan Smith skoruðu
mörk heimamanna.
Stjörnulið Chelsea stóðst
fyrsta prófið á Anfield
Reuters
Jimmy Floyd Hasselbaink fagnar sigurmarki Chelsea á Anfield ásamt Jesper Grönkjær.
ALLRA augu voru á milljarðaliði
Chelsea þegar það mætti til
leiks gegn Liverpool á Anfield í
gær í fyrstu umferð ensku úr-
valsdeildarinnar. Claudio Rani-
eri, stillti upp fimm nýkeyptum
stjörnum í byrjunarliði sínu og
tvær til viðbótar biðu átekta á
varamannabekknum. Hinn for-
ríki rússneski eigandi Roman
Abramovitsj var mættur í heið-
ursstúkuna og hann var bros-
mildur í leikslok því strákarnir
hans unnu góðan sigur, 2:1,
þann fyrsta sem Chelsea vinnur
á Anfield frá stofnun úrvals-
deildarinnar. Eiður Smári Guð-
johnsen og félagar stóðust því
fyrsta prófið en að vonum eru
væntingarnar til liðsins gríð-
arlegar.