Morgunblaðið - 18.08.2003, Blaðsíða 10
Eyjamenn, sem voru sterkari að-ilinn í síðari hálfleiknum og
virtust á góðri leið eftir að þeir jöfn-
uðu metin korteri
fyrir leikslok, eru
áfram í talsverðri
fallhættu þótt þeir
séu komnir með 19
stig og hafi setið í þriðja sætinu þeg-
ar leikurinn hófst.
Sigurinn var sætur fyrir Framara
sem töpuðu 5:0 í Eyjum fyrr í sumar,
í fyrsta leiknum undir stjórn Stein-
ars Þórs Guðgeirssonar, og hann var
líka langþráður. ÍBV hafði ekki tap-
að fyrir Fram í Laugardalnum í 10
ár, eða síðan liðið steinlá þar 5:1 árið
1993.
Fyrri hálfleikurinn var ekki til-
þrifamikill. Allan brodd vantaði í
sóknaraðgerðir liðanna og þeir hug-
myndaríkustu á Laugardalsvellinum
fyrstu 45 mínúturnar voru blá-
klæddu pjakkarnir sem bundu aftur
hurðina á blaðamannastúkunni á
meðan aðrir fylgdust með leiknum.
Framarar voru með undirtökin
innan vallar, sýndu oft ágætis knatt-
spyrnu en gekk illa að skapa sér
marktækifæri. Helst að þeir ógnuðu
á hægri kantinum þar sem Ómar
Hákonarson var frískur í hálfleikn-
um og átti góðar rispur og fyrirgjafir
sem þó skiluðu aðeins einu umtals-
verðu færi snemma leiks þegar
Freyr Karlsson skaut yfir mark
ÍBV. Eyjamenn áttu skyndisóknir
inn á milli en ekkert kom út úr þeim.
Ágúst Gylfason, fyrirliði Framara,
er einn sá sparkvissasti í deildinni og
þegar þeir fengu aukaspyrnu fyrir
miðju marki ÍBV undir lok fyrri
hálfleiks var ljóst að besta mark-
tækifæri hálfleiksins var í uppsigl-
ingu. Ágúst brást ekki vonum Fram-
ara og skoraði með þrumuskoti, 1:0.
Eyjamenn komu í allt öðrum gír
til síðari hálfleiks og hófu stórsókn
að marki Framara. Varnarmenn
Fram og Gunnar Sigurðsson höfðu í
nógu að snúast þar til 16 mínútur
lifðu af leiknum en þá varð Ingvar
Ólason fyrir því að skora sjálfsmark
eftir fyrirgjöf Steingríms Jóhannes-
sonar, 1:1. Steingrímur var síðan
hársbreidd frá því að skora rétt á
eftir þegar hann átti hörkuskot en
boltinn straukst við markstöng
Framara.
Eyjamenn virtust líklegri til sig-
urs þegar þarna var komið sögu en
það hefur engum reynst hollt að
veðja gegn þeim bláklæddu á þess-
um árstíma. Andri Fannar Ottósson
skoraði sigurmarkið, 2:1, þegar 7
mínútur lifðu af leiktímanum. Fáir
gerðu sér þó grein fyrir að mark
hefði verið skorað fyrr en Jóhannes
Valgeirsson dómari benti á miðjuna
því Birkir Kristinsson virtist hafa
varið skalla Andra Fannars.
Strax á næstu mínútu fékk Ian
Jeffs, enski miðjumaðurinn hjá ÍBV,
gula spjaldið öðru sinni, fyrir fólsku-
legt brot á Gunnari markverði
Framara. Það var óþarfi hjá Jóhann-
esi að fara tvisvar með spjald á loft,
hann gat alveg sleppt því gula því
brotið eitt og sér verðskuldaði ekk-
ert annað en rautt spjald. Tíu Eyja-
menn tóku upp þráðinn á ný og sóttu
hart að marki Fram til leiksloka en
náðu ekki að jafna metin.
Þrátt fyrir sigurinn voru Fram-
arar ekki sannfærandi í leik sínum
lengst af. Þeim tókst að skora tvö
mörk þrátt fyrir að varla sé hægt að
segja að þeir hafi skapað sér dauða-
færi allan tímann, þótt aukaspyrnur
Ágústs megi reyndar flokka undir
slíkt. Þeir verða að spila betur til að
innbyrða þá sigra sem með þarf til
að halda sér í deildinni en þessi úrslit
blása þeim eflaust baráttuanda í
brjóst fyrir lokasprettinn. Varnar-
mennirnir og Gunnar markvörður
voru bestu leikmenn liðsins, ásamt
þeim Ágústi og Baldri Bjarnasyni á
miðjunni, á meðan sumir félaga
þeirra voru týndir megnið af leikn-
um. Ómar hvarf t.d. alveg í seinni
hálfleik eftir góða spretti í þeim
fyrri.
Leikur Eyjamanna var líka köfl-
óttur en miðað við sóknarþunga
þeirra nánast allan síðari hálfleikinn
geta þeir nagað sig í handarbökin
fyrir að yfirgefa Laugardalsvöllinn
tómhentir. Bjarnólfur Lárusson og
Atli Jóhannsson voru sterkir á miðj-
Morgunblaðið/Árni Torfason
Andri Fannar Ottósson tryggði Frömurum sigur á ÍBV þegar hann skoraði með skalla á 83. mín.
Er tími
Framara að
renna upp?
SUMRI er farið að halla og þótt fullsnemmt sé að tala um að fyrsta
haustlægðin sé komin eru einkenni þessarar árstíðar farin að sjást á
Frömurum. Á þeim bænum er það ekki talið neikvætt, heldur þvert á
móti. Haustið hefur verið tími Safamýrarpiltanna undanfarin ár og
þótt þeir sitji enn á botninum þrátt fyrir 2:1-sigur á Eyjamönnum á
laugardaginn gáfu þeir til kynna að þeir ætli sér að berjast fyrir lífi
sínu í deildinni til mótsloka. Þeir eru komnir með 14 stig, einu meira
en á sama tíma í fyrra, en í ár er ljóst að þeir þurfa fleiri stig en nokkru
sinni fyrr til að tryggja sér áframhaldandi sæti meðal þeirra bestu.
Víðir
Sigurðsson
skrifar
unni og þeir Steingrímur og Ingi
Sigurðsson voru drjúgir í síðari hálf-
leiknum. En Eyjaliðið býr ekki yfir
mikilli breidd, og ef leikbönn og
meiðsli há því á lokasprettinum gæti
það lent í vandræðum í þeirri hörðu
fallbaráttu sem virðist vera í vænd-
um hjá 6–8 liðum deildarinnar.
ÍÞRÓTTIR
10 B MÁNUDAGUR 18. ÁGÚST 2003 MORGUNBLAÐIÐ
VALUR og Fram sitja í fallsætum
úrvalsdeildarinnar í knattspyrnu
þegar fjórum umferðum er ólokið,
Valur með 16 stig og Fram með 14.
En þó þessi gamalgrónu Reykjavík-
urfélög hafi ekki safnað stigum sem
skyldi í sumar, að mati stuðnings-
manna þeirra, er einsdæmi að sá
stigafjöldi sem þau hafa náð skuli
ekki nægja til að koma þeim ofar.
Frá því þriggja stiga reglan var
tekin upp árið 1984 hefur það aldrei
áður gerst að lið með 16 stig eftir 14
umferðir sé í fallsæti deildarinnar.
Það hefur heldur aldrei áður gerst
á þessum 20 keppnistímabilum að
lið með 14 stig sé í botnsætinu.
Reyndar hafa 14 stig eftir 14 leiki
dugað til að vera í áttunda sæti eða
ofar í 18 skipti af 20 frá árinu 1984.
Einu tvö árin þar sem lið með 14
stig hefur verið í fallsæti á þessu
stigi deildarinnar var árið 1991
þegar KA-menn voru næstneðstir
með 15 stig, og árið 2001 þegar KR
sat í fallsætinu með 14 stig. Bæði
KA og KR björguðu sér frá falli á
þessum árum með góðum enda-
spretti, KA-menn fengu 10 stig í
síðustu fjórum leikjunum árið 1991
og KR-ingar kræktu í átta stig í síð-
ustu fjórum umferðunum árið 2003.
Valur og Fram mætast að Hlíð-
arenda í 17. og næstsíðustu umferð
deildarinnar. Þar fyrir utan á Valur
eftir að leika við ÍA úti, KA heima
og Fylki úti en Fram á eftir KA úti,
FH heima og Þrótt heima.
Einsdæmi að sitja á
botninum með 14 stig
„ÞAÐ loðir enn við okkur að eftir
góðan sigur kemur svona leikur í
kjölfarið. Við hefðum haldið
þriðja sætinu með sigri en það
var aldeilis ekki niðurstaðan og
þar með er þetta ennþá allt í
járnum hjá okkur. Hjá okkur eins
og öðrum verður þetta endalaus
barátta til síðasta leiks,“ sagði
Magnús Gylfason, þjálfari ÍBV,
við Morgunblaðið eftir ósigurinn
gegn Fram.
„Við vorum hræðilegir í fyrri
hálfleik en rifum okkur upp í
þeim síðari. Við sköpuðum okkur
fullt af færum, pressuðum lát-
laust og jöfnuðum. Það varð
kannski smá spennufall í liðinu
eftir að við jöfnuðum en við vild-
um halda áfram og knýja fram
sigurinn. Ég veit ekki hvað gerð-
ist í þessu sigurmarki Framara
en þeir hljóta að hafa séð að bolt-
inn var inni. Við fengum dauða-
færi í blálokin en þetta féll ekki
okkar megin í dag,“ sagði Magn-
ús Gylfason.
Endalaus barátta til síðasta leiks
Fram 2:1 ÍBV
Leikskipulag: 3-5-2 Landsbankadeildin,
14. umferð
Laugardalsvöllur
Laugardaginn 16. ágúst
2003
Aðstæður:
Milt veður, rigning, blautur en
góður völlur
Áhorfendur: 576
Dómari:
Jóhannes Valgeirsson,
KA, 4
Aðstoðardómarar:
Hans Scheving,
Gunnar Gylfason
Skot á mark: 8(6) - 20(8)
Hornspyrnur: 8 - 5
Rangstöður: 2 - 0
Leikskipulag: 4-4-2
Gunnar Sigurðsson M
Andrés Jónsson
Ingvar Ólason M
Eggert Stefánsson M
Ómar Hákonarson
(Ragnar Árnason 70.)
Freyr Karlsson
(Viðar Guðjónsson 66.)
Baldur Þór Bjarnason M
Ágúst Gylfason M
Gunnar Þór Gunnarsson
Kristinn Tómasson
(Kristján Brooks 76.)
Andri Fannar Ottósson
Birkir Kristinsson
Bjarni Geir Viðarsson
(Pétur Runólfsson 87.)
Tryggvi Bjarnason
(Andri Ólafsson 67.)
Tom Betts
Hjalti Jóhannesson M
Ingi Sigurðsson M
(Bjarni Rúnar Einarsson 88.)
Bjarnólfur Lárusson M
Atli Jóhannsson M
Ian Jeffs
Gunnar Heiðar Þorvaldsson
Steingrímur Jóhannesson M
1:0 (41.) Framarar fengu aukaspyrnu fyrir miðju marki þegar Baldur Bjarnason
var felldur í vítateigsboganum. Ágúst Gylfason tók spyrnuna og þrum-
aði boltanum framhjá varnarveggnum og í markhornið vinstra megin.
1:1 (74.) Steingrímur Jóhannesson fékk boltann við endalínu hægra megin, inn
við markteig. Hann átti fasta sendingu fyrir markið, boltinn fór beint í
Ingvar Ólason, varnarmann Fram, og af honum í markið.
2:1 (83.) Í kjölfar innkasts Framara upp við hornfána vinstra megin fékk Eggert
Stefánsson boltann við hliðarlínuna, sendi hann fyrir markið og Andri
Fannar Ottósson náði góðum skalla að marki. Birkir Kristinsson varði
en var fyrir innan marklínuna og árvökull dómarinn benti á miðju.
Gul spjöld: Ian Jeffs, ÍBV (33.) fyrir brot Bjarni Geir Viðarsson, ÍBV (59.) fyrir brot
Andrés Jónsson, Fram (73.) fyrir brot Bjarnólfur Lárusson, ÍBV (82.) fyrir
brot Kristján Brooks, Fram (89.) fyrir brot
Rauð spjöld: Ian Jeffs, ÍBV (84.) fyrir brot, annað gult spjald.
„ÞETTA eru okkur ótrúlega dýr-
mæt stig, við urðum að vinna þenn-
an leik og það hefði alls ekki verið
nóg fyrir okkur að halda jafn-
teflinu,“ sagði Ágúst Gylfason, fyr-
irliði Fram, við Morgunblaðið eftir
sigurinn á ÍBV á laugardaginn.
„Við settum leikinn upp með því
markmiði að fá þrjú stig og það
tókst með baráttu og vilja. Fyrri
hálfleikurinn var mjög fínn hjá
okkur, nema það vantaði færin, en í
seinni hálfleik fórum við að kýla
boltann fram í stað þess að spila og
þá komust Eyjamenn inn í leikinn.
Þetta leit ekki vel út þegar þeir
jöfnuðu, 1:1, en við náðum að halda
ró okkar, tókst að ná upp spili á ný
og tryggja okkur sigurinn.
Við litum þannig á málin fyrir
þennan leik að við yrðum að vinna
fjóra leiki af þeim fimm sem við
ættum eftir til að halda okkur í
deildinni. Nú er sá fyrsti kominn og
veitti ekki af því við eigum mjög
erfiðan útileik gegn KA næsta
sunnudag,“ sagði Ágúst Gylfason.
Tókst
með
baráttu
og vilja