Morgunblaðið - 18.08.2003, Blaðsíða 16
FÓLK
Munurinn á þessum leik og leikn-um í riðlinum þar sem við töp-
uðum með einu marki, var fyrst og
fremst sá að við hleyptum þeim ekki
inn í leikinn núna eins og þá. Við
sögðum nú eftir þann leik að ef hann
hefði verið aðeins lengri hefðum við
unnið. Núna komust Þjóðverjar yfir í
upphafi, meðal annars 8:6 en við
komumst yfir og erum 13:10 yfir í
hálfleik. Í síðari hálfleik náðum við
um tíma sjö marka forystu en þá
leyfðu strákarnir sér að slaka aðeins
á en þetta var aldrei í hættu. Þýski
þjálfarinn labbaði til okkar þegar 45
sekúndur voru eftir og óskaði okkur
til hamingju, hann var búinn að játa
sig sigraðan.
Við spiluðum flata vörn allan leik-
inn enda gekk hún mjög vel og Björg-
vin varði vel þar fyrir aftan, sérstak-
lega í síðari hálfleik en alls varði hann
24 skot. Pálmi kom inn á í einu víta-
kasti og varði það. Þjóðverjar léku
hins vegar 5-1 vörn til að byrja með,
fóru síðan í flata vörn, tóku því næst
einn úr umferð, þá tvo en það var al-
veg sama hvað þeir reyndu, strák-
arnir áttu svar við öllu.
Ég segi að það hafi verið liðsheild-
in sem skóp þennan sigur og þá á ég
ekki bara við sigurinn í dag heldur í
mótinu. Hópurinn er alveg frábær,
samstilltur og ef einn var tekinn úr
umferð þá kom næsti og svo næsti og
þannig gekk þetta. Við erum, að mínu
mati, með mestu breiddina og strák-
arnir eru í langbesta forminu, það
sést á því að við héldum út alla leiki
og lékum á fullu allan tímann á með-
an önnur lið héldu ekki út alla leikina.
Frábært starf í félögunum hefur
einnig mikið að segja og það er að
skila sér og skila okkur afreksmönn-
um sem eiga eftir að láta að sér kveða
í framtíðinni,“ sagði þjálfarinn.
En það hefur líka verið haldið vel á
spöðunum síðustu vikurnar. „Við
æfðum mjög vel fyrir undankeppnina
þar sem við unnum Dani og Litháa og
síðan kom þriggja vikna lyftingapró-
gramm og síðan þá höfum við æft
fimm sinnum um hverja einustu helgi
og tvisvar til þrisvar í viku þar fyrir
utan. Síðustu 23 dagana fyrir mótið
æfðum við 23 sinnum þó svo það
væru frídagar og þetta er ástæðan
fyrir því að strákarnir eru í betra
formi en jafnaldrar þeirra í hinum
liðunum,“ sagði stoltur þjálfari að
móti loknu.
Hann sagðist hafa fundið það strax
þegar hann vaknaði að sunnudagur-
inn yrði íslenska liðinu góður. „Ég
fann það strax um morguninn að
þetta yrði góður dagur. Leikurinn við
Svía var meiri spennuleikur en eftir
að við unnum hann þá er þetta aðeins
spurning um hungur, hversu mikið
þig langar til að vinna gullið eða
hvort þú sért orðinn saddur og sættir
þig við að taka silfrið. Maður vinnur
nefnilega ekki silfur.
Alveg frá því við vöknuðum höfum
við skoðað Þjóðverjana af mynd-
bandi og ég hafði alltaf góða tilfinn-
ingu fyrir þessum leik,“ sagði Heim-
ir.
Framlenging í
undanúrslitunum
Íslendingar lögðu Svía 34:33 eftir
framlengdan leik í undanúrslitum.
Svíar höfðu undirtökin nær allan
leikinn, voru 15:12 yfir í leikhléi en
þegar um tíu mínútur voru til leiks-
loka hrökk íslenska liðið í gang fyrir
alvöru og Svíar áttu ekkert svar við
því. Arnór Atlason jafnaði metin,
30:30 úr vítakasti á síðustu sekúnd-
um leiksins og í framlengingunni
voru Íslendingar sterkari.
Ljósmynd/Viktor Zamborský
Aftari röð frá vinstri: Jónas Fjeldsted, Andrés Kristjánsson, Heimir Ríkarðsson þjálfari, Ingvar Árnason, Andri Stefan, Árni Þór Sigtryggsson, Arnór Atlason, Hrafn
Ingvarsson, Kári Kristján Kristjánsson, Einar Ingi Hrafnsson, Jóhann Gunnar Einarsson, Jón Eggert Karlsson og Karl Erlingsson. Fremri röð frá vinstri: Árni Björn Þór-
arinsson, Ragnar Hjaltested, Pálmar Pétursson, Ásgeir Örn Hallgrímsson, Björgvin Gústavsson, Þórður Þórðarson, Sigfús Páll Sigfússon og Ívar Grétarsson.
Ljósmynd/Viktor Zamborský
Ragnar Hjaltested, ein af hetjum Íslands, er hér kominn inn úr
horni í leiknum gegn Þýskalandi í gær.
„Maður
vinnur
ekki
silfur“
„ÞETTA var algjör snilld og ég held það sé í fínu lagi að óska öllum
Íslendingum til hamingju með árangur liðsins,“ sagði Heimir Rík-
harðsson, þjálfari unglingalandsliðsins í handbolta, eftir að liðið
lagði Þjóðverja 27:23 í úrslitaleik Evrópukeppninnar og tryggði sér
þar með Evrópumeistaratitilinn í Kosice í Slóvakíu í gær.
Strákarnir tryggðu sér Evrópumeistaratitil í handknattleik í Slóvakíu
ÍSLENSKA landsliðið í handknatt-
leik, 18 ára og yngri, varð Evrópu-
meistari í gær þegar það lagði
Þjóðverja 27:23 í úrslitaleik í Slóv-
akíu. Á laugardaginn vann Ísland
lið Svía 34:33 í æsispennandi fram-
lengdum leik.
Evrópumeistarar
í handknattleik
GUÐMUNDUR Þ. Guðmundsson,
landsliðsþjálfari í handknattleik
karla, skellti sér til Slóvakíu á föstu-
daginn til að fygljast með lokaleikj-
um unglingalandsliðs Íslands á EM í
handknattleik, gegn Svíum á laugar-
dag og úrslitaleikinn við Þjóðverja í
gær..
GUNNAR Berg Viktorsson, lands-
liðsmaður í handknattleik, skoraði
7/2 mörk fyrir Wetzlar er liðið fagn-
aði sigri á Hüttenberg í úrslitaleik á
æfingamóti í Wetzlar fyrir helgi.
RÚSSNESKI handknattleiksdóm-
arinn Sergei Medvedev lést, aðeins
36 ára að aldri, á fimmtudaginn.
Hann var einn dómaranna sem sáu
um dómgæslu á HM unglingalands-
liða kvenna sem fram fer í Makedón-
íu.
ÓLAFUR Stefánsson skoraði
fimm mörk fyrir Ciudad Real, sem
vann stórsigur á Barakuldo í æfinga-
leik á Spáni, 34:24.
PATREKUR Jóhannesson skoraði
5 mörk fyrir Bidasoa, sem tapaði fyr-
ir BM Cantahia, 23:22. Heiðmar Fel-
ixson skoraði tvö mörk.
GYLFI Gylfason og samherjar
hans hjá Wilhelmshavener, lögðu
Wetzlar, Gunnar Berg Viktorsson
(4/1) og Róbert Sighvatsson (2), í úr-
slitaleik Alternate-Linden Cup,
26:21. Gylfi skoraði 10/2 mörk í
fyrsta leik Wilhelmshavener gegn
Oppershofen, 44:17.
GUÐMUNDUR Hrafnkelsson,
landsliðsmarkvörður í handknatt-
leik, og samherjar hans hjá þýska 1.
deildarliðinu Kronau/Östringen
fögnuðu sigri á alþjóðlegu móti í Alt-
ensteigh í gær, er þeir lögðu svissn-
eska liðið Wacker Thun í úrslitaleik,
17:14.