Morgunblaðið - 20.08.2003, Blaðsíða 2

2 B MIÐVIKUDAGUR 20. ÁGÚST 2003 MORGUNBLAÐIÐ
Borgartún 26
sími 535 9000
Komdu í ljós
BRÆÐURNIR Emil og Sigmar
Sigurðssynir eiga einn sérstæðasta
fornbíl landsins, Volvo P1800, Dýr-
lingsbílinn svonefnda. Kærasti
dóttur Sigmars átti bílinn vestur í
Kaliforníu í nokkur ár. Sigmar bjó
þar ásamt konu sinni í sjö ár og
keypti bílinn af kærasta dótturinn-
ar og lét gera hann upp. Árið 2000
lét hann síðan flytja bílinn til Ís-
lands og þar hefur Emil að mestu
séð um bílinn því Sigmar er bú-
settur í Lúxemborg þar sem hann
er framkvæmdastjóri þróunarsviðs
hjá Cargolux.
Þeir bræður vildu ekki láta bíl-
inn fara úr fjölskyldunni. Bíllinn
var óökufær þegar þeir fengu hann
og hafa þeir lagt mikla peninga í
að endurgera hann. Sigmar segir
að það sé mikið til af varahlutum í
þessa bíla. „Það eru klúbbar um
þennan bíl út um alla veröld og það
eru til þónokkuð margir svona
bílar í Kaliforníu. Volvo hefur
reyndar alltaf verið mjög vinsæl
tegund í Kaliforníu og nokkurs
konar stöðutákn,“ segir Sigmar.
Einn annar ökufær Volvo P1800
er til á Íslandi. Sá er beinhvítur og
rauður að innan. Þeir bræður hafa
látið klæða sætin í bílnum. Sigmar
vildi láta leðurklæða sætin en sá
sem annaðist verkið vildi nota vín-
yl eins og var í upprunalegri gerð
bílsins og hann fékk að ráða.
Lengi má nostra við bílinn
Þeir bræður eiga ýmislegt eftir
að gera til að koma bílnum í enn
betra ástand og segja að lengi
megi nostra við hann. Það setur
strik í reikninginn að Sigmar býr
erlendis og Emil sömuleiðis og er
hér aðeins í löngu fríi. Hann hefur
verið búsettur erlendis í 31 ár og
starfað mestallan tímann hjá
Cargolux. Hann er nú kominn á
Búa í Lúxemborg en
Sigmar og Emil Sigurðssynir hafa gaman af gömlum bílum.
Einkanúmerið ST1 er við hæfi.
bílar
HAGSTÆÐASTU innlendu lánin til
bílakaupa eru án efa lífeyrissjóðslán
að því er fram kemur í samtali við
Jafet Ólafsson, framkvæmdastjóra
Verðbréfastofunnar hf. Ef tekin eru
erlend lán er jafnvel hægt að ná enn
betri kjörum. „Lífeyrissjóðirnir hafa
miðað við að vera svona 1% yfir
ávöxtunarkröfu húsbréfa. Núna eru
skráðir vextir á húsbréfum um 4,9%
og vegna yfirverðsins er þau seld á
ávöxtunarkröfunni 4,5%. Vextir á
Lífeyrissjóðslánum ættu því að vera
á um 5,5 vöxtum í dag. Þú finnur ekki
hagstæðari vexti á innlenda mark-
aðnum. Reyndar eru lífeyrissjóðalán
almennt ætluð til íbúðarkaupa en í
sjálfu sér mælir ekkert á móti því að
taka þau til bílakaupa þó að líftími
lánanna sé töluvert lengri en bíls-
ins.“
Erlend lán hagstæðust
Jafet játti því að erlend lán væru
jafnvel enn betri kostur. „Lægstu
vextirnir eru af japönskum jenum.
Með svona venjulegu álagi í banka
geta vextirnir verið innan við 2%,“
sagði hann og minnti á að á móti
kæmi gengisáhættan. „En gengið og
vísitalan vega hvort annað upp á
svona 3 til 4 ára tímabili. Þess vegna
er heldur ekki svo stór munur á því
hvort fólk er með gengis- eða vísi-
tölutryggingu.“
Jafet segir að fólk sýni því sífellt
meiri áhuga en áður að taka erlend
lán. Framkvæmdin sé heldur ekki
flókin. „Fólk fer til síns banka eða
sparisjóðs og biður um tilboð. Sumir
vilja taka allt í dollurum, aðrir í evr-
um og enn aðrir í einhverju allt öðru.
Svo bjóða bankarnir yfirleitt upp á
svokölluð körfulán, þ.e. samval af
mynt nokkurra landa. Yfirleitt er í
því sambandi reynt að endurspegla
svokallaða gengisvog,“ segir hann og
tekur fram að vegna skammtíma
sveiflna í gengi einstakra gjaldmiðla
sé gott að miða við að taka ekki er-
lend lán í einni mynt til skemmri
tíma en 3 til 4 ára.
Jafet var spurður að því hvort
hægt væri að fá hagstæðari lán til
bílakaupa hjá bönkunum en hjá
tryggingafélögunum eða eignaleigu-
fyrirtækjum. „Tryggingafélögin eru
oftast að bjóða ágæta vexti á sínum
lánum. Þau þurfa að ávaxta sína sjóði
og telja þetta góða leið, þ.e. að veita
viðskiptavinum sínum lán. Á hinn
bóginn er því ekki að neita að góður
viðskiptavinur á að geta fengið jafn-
vel hagstæðari lán í sínum eigin við-
skiptabanka en almennt gengur og
gerist í bílalánum.“
Aukinn áhugi á
erlendum lánum
Morgunblaðið/Júlíus
Hagstæð fjármögnun
VOLVO kynnti alveg nýjan bíl á
bílasýningunni í Brussel í janúar
1960. Þetta var sportbíllinn
P1800. Þar var bíllinn í fyrsta
sýndur áhugasömum sýning-
argestum. Volvo hafði sent út
myndir af nýja bílnum ári áður.
Þessi tveggja sæta sportkúpubak-
ur var með splunkunýrri vél, B18B.
Fyrstu árin var bíllinn settur sam-
an í Englandi þar sem Volvo hafði
einfaldlega ekki rými til þess að
framleiða nýjan bíl í verksmiðju
sinni í Hisingen.
P1800 fór í framleiðslu í maí
1961. Þetta var sportbíll hannaður
til þægilegs aksturs og hann er
jafnframt fyrsti Volvoinn sem
verður sjónvarpsstjarna. Í
sjónvarpsþáttunum um Dýrlinginn
ók aðalleikarinn, Roger Moore,
P1800 breskum bílaiðnaði til mik-
ils ama. Þeir hefðu væntanlega
frekar vilja sjá sinn mann á Jagúar
eða Aston Martin. Roger Moore
átti líka sjálfur 1800S sem hann
ók í mörg ár.
Bíllinn hlaut viðurkenningu fyrir
skemmtilega hönnun á stórri sýn-
ingu í Kaliforníu 1961.
Bíll Dýrlingsins
Roger Moore sem Simon Templar
framan við P1800.