Morgunblaðið - 22.08.2003, Blaðsíða 18

ERLENT
18 FÖSTUDAGUR 22. ÁGÚST 2003 MORGUNBLAÐIÐ
ÁSTRALSKIR stjórn-
málamenn úr öllum
flokkum fordæmdu í
gær dóm sem kveðinn
var upp í fyrradag yfir
Pauline Hanson, stofn-
anda hægriflokksins
„Einnar þjóðar“. Sögðu
jafnvel svarnir pólitísk-
ir andstæðingar hennar
dóminn allt of harðan,
en héraðsdómstóll í
Brisbane dæmdi hana í
þriggja ára fangelsi
fyrir brot á lögum um
skráningu og fjár-
mögnun stjórnmála-
flokka. Sögðu margir
stjórnmál hafa blandazt of mikið í
réttarhaldið og það hafi leitt til óhóf-
lega þungs dóms.
„Ég held að við höfum aldrei orðið
vitni að öðru eins í allri stjórnmála-
sögu Ástralíu,“ sagði David Jull úr
hinum íhaldssama Frjálslynda
flokki.
Hanson ávann sér hratt vinsældir
meðal kjósenda – og alþjóðlega at-
hygli – fyrir nokkrum árum með
harðri stefnu sinni gegn asískum
innflytjendum og velferðar-
greiðslum til frumbyggja.
Hanson og David Ettridge, einn
meðstofnenda hennar að „Einni
þjóð“, voru á miðviku-
dag dæmd af fullskip-
uðum kviðdómi héraðs-
dómstóls í Brisbane
hvort fyrir sig í þriggja
ára fangelsi fyrir að
hafa farið á svig við lög
er flokkur þeirra var
skráður í Queensland-
fylki í lok árs 1997.
Dómarinn lét einskis
getið um skilorðsbind-
ingu refsingarinnar.
Bæði neituðu þau
sök og er úrskurður
kviðdómsins var kveð-
inn upp kallaði Hanson
hann „brandara“.
Hanson neitaði því einnig stað-
fastlega fyrir réttinum að hafa með
ólögmætum hætti tekið við 500.000
áströlskum dölum, andvirði tæplega
26 milljóna króna, í endurgreiðslur
vegna kosningakostnaðar frá ríkinu.
Hún hefur endurgreitt upphæðina.
Ettridge, fyrrverandi fjármála-
stjóri Einnar þjóðar, hélt einnig
staðfastlega fram sakleysi sínu.
Lögmaður Hanson sagði dómnum
verða áfrýjað.
Hanson sagði sig úr Einni þjóð í
fyrra, eftir að ákæra var gefin út á
hendur henni. Hún hafði áður misst
þingsæti sitt á Ástralíuþingi.
Hneykslast á
fangelsisdómi yfir
Pauline Hanson
Ástralskir stjórnmálamenn segja
stjórnmál hafa litað réttarhaldið
Brisbane, Sydney. AFP.
Pauline Hanson
ÞINGMENN stjórnarandstöðunnar
í Venesúela fóru á miðvikudag
formlega fram á að efnt yrði til
þjóðaratkvæðagreiðslu þar sem
þjóðin yrði spurð hvort hinn um-
deildi Hugo Chavez skuli halda for-
setaembættinu út kjörtímabilið eða
vera sviptur því. Með kröfunni voru
lagðir fram listar með undirskrift-
um þriggja milljóna Venesúelabúa.
Ennfremur var haldinn fjölmenn-
ur mótmælafundur í miðborg Cara-
cas af þessu tilefni. Var hann það
fjölmennur að röð þátttakenda náði
einn og hálfan kílómetra niður eftir
Libertador-breiðgötunni. Sögðu
skipuleggjendur að 600.000 borgar-
ar hefðu tekið þátt í honum, en tals-
menn stjórnarinnar áætluðu
fjöldann um 50.000.
Stjórnarandstaðan skoraði form-
lega á ríkisstjórnina að láta at-
kvæðagreiðsluna fara fram, á
grundvelli stjórnarskrárákvæðis
sem heimilar slíkt er kjörtímabil
réttkjörins forseta er hálfnað.
3,2 milljónir undirrituðu
kröfu um að forsetinn víki
Fyrr um daginn höfðu leiðtogar
stjórnarandstöðunnar afhent yfir-
kjörstjórn landsins lista með 3,2
milljón undirskriftum til stuðnings
kröfunni, en þeim var safnað fyrr á
árinu.
Sex ára kjörtímabil Chavez var
nákvæmlega hálfnað á þriðjudag.
Hann hefur sjálfur ítrekað sagt að
undirskriftirnar hafi ekkert að
segja. Fulltrúar yfirvalda sögðu að
yfirkjörstjórnin gæti ekki samþykkt
undirskriftalistana formlega þar
sem ný mannaskipan hennar hefði
ekki verið staðfest af stjórnvöldum.
Þessi nýjasta áskorun um þjóð-
aratkvæðagreiðslu um embættis-
sviptingu Chavez er þriðja áhlaupið
sem stjórnarandstæðingar ráðast í
til að reyna að koma fallhlífarher-
sveitaforingjanum fyrrverandi frá
völdum, eftir misheppnað valdarán í
fyrra og allsherjarverkfall í byrjun
þessa árs.
Kosið
skuli um
embættis-
sviptingu
Chavez
Caracas. AFP.
AP
Venesúelabúar fjölmenntu í kröfugöngu gegn Hugo Chavez forseta.
ARNOLD Schwarzenegger rauf á
miðvikudag þögnina um hvernig hann
hyggst stýra Kaliforníu úr því skulda-
feni sem ríkið er á
kafi í, verði hann
kjörinn ríkisstjóri.
Heitir hann að
leita allra leiða til
að skera niður út-
gjöld svo að ekki
þurfi að koma til
skattahækkana.
Á blaðamanna-
fundi í Los Angel-
es opinberaði hinn
nýbakaði stjórn-
málamaður – sem er meðal 135 fram-
bjóðenda í kosningum sem fram fara
7. október um það hvort afturkalla
skuli embættisumboð Gray Davis og
velja nýjan ríkisstjóra í hans stað –
megindrættina í stefnu sinni í því
skyni að þagga niður gagnrýnisraddir
sem hafa sakað hann um að láta að-
eins út úr sér innihaldsrýra slagorðaf-
rasa en sneiða hjá því að taka á mál-
efnunum af alvöru. Schwarzenegger
sagði þó að of snemmt væri að op-
inbera stefnuna í smáatriðum.
Kvikmyndastjarnan, sem hefur um
árabil verið félagi í Repúblikana-
flokknum, sagðist sjálfur líta á sig
sem stjórnmálamann er væri vinsam-
legur viðskiptalífinu og legði sig fram
um að vera málsvari hagsmuna al-
mennings. Sagðist hann myndu taka
fjárhagsvanda ríkisins föstum tökum,
en það hefur safnað upp fjárlagahalla
upp á 38 milljarða Bandaríkjadala,
andvirði um 3.000 milljarða króna.
Hann myndi sem ríkisstjóri leggja
áherzlu á að kenna embættismönnum
það sem hann lærði sex ára gamall,
„að eyða ekki meiru en maður á.“
Hann tók fram í máli sínu að í
sparnaðaraðgerðunum yrði mennta-
kerfinu hlíft.
Arnold Schwarzenegger
kynnir stefnu sína
Boðar nið-
urskurð í
Kaliforníu
Arnold
Schwarzenegger
Los Angeles. AFP.