Morgunblaðið - 22.08.2003, Blaðsíða 36
MINNINGAR
36 FÖSTUDAGUR 22. ÁGÚST 2003 MORGUNBLAÐIÐ
✝ Guttormur Sig-urbjörnsson,
fyrrv. forstjóri Fast-
eignamats ríkisins,
fæddist á Ormsstöð-
um í Skógum í Valla-
hreppi í Suður-Múla-
sýslu 27. september
árið 1918. Hann lést
á Hjúkrunarheim-
ilinu Sunnuhlíð í
Kópavogi 11. ágúst
síðastliðinn. Foreldr-
ar Guttorms voru
Sigurbjörn Snjólfs-
son bóndi í Gilsár-
teigi, f. á Svínafelli í
Hjaltastaðaþinghá 22.9. 1893, d.
13.7. 1980, og kona hans Gunnþóra
Guttormsdóttir húsfreyja, f. á Ás-
geirsstöðum í Eiðaþinghá 14.10.
1895, d. 4.7 1988. Systkini Gutt-
orms eru Gunnlaugur bóndi, f. 7.2.
1917, d. 24.11. 2002, síðast búsett-
ur á Egilsstöðum; Sigurður bif-
reiðastjóri í Keflavík, f. 27.5. 1920,
d. 7.5. 1979; Snæþór bóndi í Gils-
árteigi, f. 15.3. 1922, d. 3.10. 1980;
Vilhjálmur kennari og fram-
kvæmdastjóri á Egilsstöðum, f.
1.6. 1923, d. 28.10. 1975; Magnús, f.
19.12. 1925, d. 12.8. 1927; Þór-
halla, f. 5.4. 1927, d. 5.6. 1934; Guð-
finna húsmóðir á Egilsstöðum, f.
10.5. 1928; Sigurborg húsmóðir á
Egilsstöðum, f. 5.8. 1929; Halldóra
sjúkraliði í Reykjavík, f. 24.2.
1931; Sigurlaug húsmóðir á Egils-
stöðum, f. 23.1. 1933, d. 19.7. 1985;
Heiðrún, fyrrv. samveruþjálfi í
Kópavogi, f. 10.9. 1934; Benedikt
pípulagningarmaður í Ástralíu, f.
3.10. 1935, d. 21.4. 1981; Ari, fyrrv.
svæðisstjóri, f. 13.11. 1936, búsett-
ur á Egilsstöðum. Hálfsystir Gutt-
orms, samfeðra, var Aníta, hús-
móðir á Hallfreðarstöðum II í
Tunguhreppi, f. 27.11. 1911, d.
22.11. 1972.
1957–58, í tveimur nefndum til að
gera tillögur um breytingar á
álagningu og innheimtu skatta
1956–57, var bæjarfulltrúi og bæj-
arráðsmaður í Kópavogi 1970–74
og formaður bæjarráðs þann tíma,
forseti bæjarstjórnar 1970–72,
einn stofnenda Rótaryklúbbs
Kópavogs og fyrsti forseti hans
1961, formaður í stjórn Bygginga-
samvinnufélags Reykjavíkur
1957–64, formaður stjórnar
Heilsuverndarstöðvar Kópavogs
1974–80, formaður Ungmenna-
félagsins Breiðabliks í Kópavogi
1980–82, fulltrúi Kópavogs í Blá-
fjallanefnd 1978–84, ritstjóri Ís-
firðings, blaðs framsóknarmanna
á Vestfjörðum 1946–49 og 1952–55
og einnig ritstjóri Framsýnar,
málgagns framsóknarmanna í
Kópavogi um árabil, meðútgefandi
Fréttabréfs Ungmennafélagsins
Breiðabliks 1975–82, einn af stofn-
endum Matsmannafélags Íslands
og fyrsti formaður þess frá 1987–
95, stóð hann fyrir komu erlendra
fyrirlesara og sótti fjölmörg nám-
skeið á vegum þess.
Guttormur var kennari við
Barnaskólann á Eskifirði og hjá
Ungmenna- og íþróttasambandi
Austurlands 1942–44, forstjóri
Sundhallar Ísafjarðar 1945–49,
skattstjóri á Ísafirði 1952–55, er-
indreki Framsóknarflokksins í
Reykjavík og hjá Tímanum 1955–
57, deildarstjóri á Skattstofu
Reykjavíkur 1958, skattstjóri í
Kópavogi 1958–62, bæjarritari í
Kópavogi 1962–67, rak eigin end-
urskoðunarskrifstofu og aðstoðaði
við stjórnun bygginga- og verk-
takafyrirtækja 1968–73, fulltrúi í
Ríkisbókhaldi 1974, var skipaður
forstöðumaður Fasteignamats rík-
isins 1974 og var forstjóri Fast-
eignamats ríkisins 1976–88 er
hann lét af störfum fyrir aldurs
sakir en sinnti þó sérverkefnum
fyrir yfirfasteignamatsnefnd til
1994.
Útför Guttorms fer fram frá
Digraneskirkju í dag og hefst at-
höfnin klukkan 13.30.
Guttormur kvæntist
25.12. 1949 Aðalheiði
Guðmundsdóttur, f.
5.8. 1925, fyrrv. skrif-
stofumanni, d. 23.7.
2001. Hún var dóttir
Guðmundar Björns-
sonar, kaupmanns á
Ísafirði, og Aðalheið-
ar Guðmundsdóttur
húsmóður. Sonur
Guttorms og Aðal-
heiðar er Ingvi Krist-
ján flugstjóri, f. 2.9.
1963, búsettur í Lúx-
emborg, kvæntur
Herdísi Þórisdóttur
leikskólakennara, f. 8.6. 1963, og
eru börn þeirra fjögur, Guttormur
Arnar, f. 26.6. 1985, Eva Írena, f.
3.11. 1987, Áki Elí, f. 17.3. 1999 og
Hilmir Már, f. 16.3. 2001.
Guttormur ólst upp í Gilsárteigi
í Suður-Múlasýslu. Hann braut-
skráðist frá Alþýðuskólanum á
Eiðum 1938, lauk búfræðiprófi frá
Hvanneyri 1941, íþróttakennara-
prófi frá Laugarvatni 1942, prófi
frá kennaradeild Íþróttaháskólans
í Ósló 1951, lauk námi í endurskoð-
un við Hermodsskólann í Málmey í
Svíþjóð og sótti námskeið í endur-
skoðun og skattarétti í Ósló,
Stokkhólmi og Málmey 1956–58.
Hann var félagi í Stjórnunarfélagi
Íslands frá 1959 og sótti fjölda
námskeiða félagsins í stjórnunar-
fræðum og sótti tíma í rekstrar-
hagfræði við HÍ 1963–64. Gutt-
ormur var bæjarfulltrúi,
bæjarráðsmaður og varaforseti
bæjarstjórnar á Ísafirði 1954–55,
formaður Skíðafélags Ísafjarðar
1946–49, formaður skíðaráðs Ísa-
fjarðar 1947–49, formaður
Íþróttabandalags Ísfirðinga 1951–
54, sat í stjórn Togarafélagsins Ís-
firðings hf. 1954–55, sat í milli-
þinganefnd í sjávarútvegsmálum
Kveðja frá
Fasteignamati ríkisins
Guttormur Sigurbjörnsson tók
við stjórn Fasteignamats ríkisins
við stofnun þess árið 1977 og stýrði
stofnuninni fyrsta áratuginn. Það
er vandasamt verk að byggja upp
nýja stofnun og lengi býr að fyrstu
gerð. Verkefnið var enn vanda-
samara fyrir þá sök að samhliða
var stjórnsýslufyrirkomulagi breytt
með nýrri lagasetningu um skrán-
ingu og mat fasteigna.
Guttormur leysti þetta verkefni
með miklum ágætum og búum við
enn að útsjónarsemi hans, festu og
framsýni. Á fyrsta skipuriti stofn-
unarinnar eiga sýslumannsembætt-
in og sveitarfélögin til dæmis sinn
sess og endurspeglaði skipuritið
þannig sýn um eitt sameiginlegt
skráningarferli fasteigna sem nú,
aldarfjórðungi síðar, er að komast í
framkvæmd.
Eitt meginverkefni Guttorms var
að hefja og leiða stórt verkefni sem
gekk út á að safna í eina skrá
grunnupplýsingum um allar fast-
eignir á landinu og eigendur þeirra,
meta eignirnar fasteignamati og
gefa út árlega fasteignaskrá fyrir
landið allt sem þá var nýmæli. Við
það starf, sem ennþá er mikilvæg
undirstaða í opinberri umsýslu fast-
eignamála, byggði hann upp náið
og farsælt samstarf við sveitar-
félögin meðal annars með stofnun
fjögurra umdæmisskrifstofa utan
höfuðborgarsvæðisins.
Guttormur var mjög áhugasamur
um þjálfun og fræðslu matsmanna.
Hann var frumkvöðull að stofnun
matsmannaskóla og starfsemi
matsmannafélagsins og efndi til
námskeiða fyrir starfsmenn Fast-
eignamats ríkisins og fékk erlenda
fyrirlesara í heimsókn. Hann
kynnti sér matsmál í nálægum
löndum og dvaldi t.d. á Bretlands-
eyjum um nokkurra vikna skeið í
læri hjá þarlendum fasteignastofn-
unum.
Guttormur var vinnusamur,
metnaðargjarn og yfirvegaður í
störfum sínum, góður mannþekkj-
ari, opinn fyrir hugmyndum starfs-
manna sinna, hafði trú og traust á
þeim og leyfði þeim að njóta sín.
Hann var jafnlyndur, ígrundaði
skoðanir sínar vel og var fastur fyr-
ir í störfum sínum á sinn prúða
hátt.
Þegar Fasteignamat ríkisins
flutti í nýtt og glæsilegt húsnæði í
Höfðaborg fyrir þremur árum bauð
ég Guttormi í heimsókn, sjá nýja
húsnæðið og fagna áfanganum með
okkur. Hann þakkaði kærlega fyrir
boðið, óskaði okkur til hamingju
með góða aðstöðu sem væri mikils
virði. Hins vegar afþakkaði hann að
koma; sagði að hann væri maður
liðins tíma hjá stofnuninni og nú
væri verið að fagna framtíðinni sem
í hinni nýju aðstöðu væri fólgin.
Fasteignamat ríkisins minnist
Guttorms Sigurbjörnssonar með
virðingu og þakkar þann góða
heimanmund sem hann gaf stofn-
uninni með því að leiða hana fyrsta
áratuginn. Syni og öðrum afkom-
endum Guttorms sendum við sam-
úðarkveðjur.
Haukur Ingibergsson.
Guttormur Sigurbjörnsson lést í
Sunnuhlíð 11. ágúst síðastliðinn.
Guttorms er sárt saknað af öllum
sem hann þekktu.
Ég ætla ekki í þessum fáu orðum
að fjalla um æviferil Guttorms, ætt-
ir og uppruna þar sem aðrir munu
gera því skil á þessum vettvangi.
Ég er aðeins að reyna að kveðja
góðan og traustan vin og leiðsögu-
mann okkar framsóknarmanna hér
í Kópavogi með nokkrum fátækleg-
um orðum og senda samúðarkveðj-
ur til aðstandenda og vina.
Guttormur var maður fylginn sér
þótt hann gengi hávaðalaust að
málum og naut jafnan virðingar á
þeim vettvangi sem hann vann
hverju sinni. Kímnigáfan virtist
honum í blóð borin og gerði sam-
starf við hann létt og leikandi á
hverju sem gekk. Hann hafði til
dæmis þann sið, ef honum fannst
fullmikil harka færast í umræður á
fundum, að biðja um orðið og ræða
lauslega um það sem var á dagskrá,
en flétta inn í það gamansögum
þangað til allir voru farnir að hlæja
í salnum og mönnum var runnin
reiðin. Þannig tókst honum jafnan
að leiða umræðurnar inn á rétta
braut án þess að halla verulega á
nokkurn ræðumanna. Sjálfur var
hann vanur að segja skoðanir sínar
umbúðalaust og rökstyðja þær af
festu og oft nokkrum þunga, þegar
svo bar undir.
Í starfi sínu fyrir Framsóknar-
flokkinn var Guttormur einstaklega
ósérhlífinn. Athafnasamur hug-
sjónamaður sem í raun sóttist lítt
eftir mannaforráðum, en var jafnan
að vinna hugsjónum, málefnum og
verkefnum fylgi og enginn varð
þess var, fyrr né síðar að hann ætl-
aði sé nokkurn tíma umbun eða
upphefð fyrir störf sín á þeim vett-
vangi. Hann gekk einfaldlega í það
sem gera þurfti, var ritstjóri og
blaðamaður Framsýnar, blaðs okk-
ar framsóknarmanna í Kópavogi,
ýmist formaður eða stjórnarmaður
í Framsóknarfélaginu og fulltrúa-
ráðinu, var miðstjórnarmaður í
Framsóknarflokknum í áratugi,
gjaldkeri eða endurskoðandi þar
sem þess þurfti og svona mætti
lengi telja.
Guttormur var fyrsti bæjarritar-
inn í Kópavogi, en því starfi gegndi
hann frá 1962 til 1967. Hann leiddi
lista okkar við bæjarstjórnarkosn-
GUTTORMUR
SIGURBJÖRNSSON ÓLAFUR ÓSKAR JÓNSSON
frá Eylandi,
Funafold 6,
Reykjavík,
er látinn.
Jarðarförin fer fram frá Akureyjarkirkju, Vestur-
Landeyjum, laugardaginn 23. ágúst kl. 14.00.
Gíslína Sörensen,
börn, tengdabörn,
barnabörn og barnabarnabörn.
Ástkær eiginkona mín, mamma okkar, tengda-
mamma og amma,
ERLA O. GUÐJÓNSDÓTTIR
sem lést á Sjúkrahúsinu Seyðisfirði sunnudag-
inn 17. ágúst, verður jarðsungin frá Seyðis-
fjarðarkirkju laugardaginn 23. ágúst kl. 14.00.
Sigurður Eyjólfsson,
Sigríður Þórstína Sigurðardóttir, Stefán Smári Magnússon,
Guðjón Sigurðsson, Lilja Björk Birgisdóttir,
Eydís Dögg Sigurðardóttir
og barnabörn.
Ástkær faðir okkar, sonur, bróðir og afi,
GÍSLI ÞORVALDSSON,
Jörfabakka 14,
Reykjavík,
lést á Landspítalanum við Hringbraut þriðju-
daginn 19. ágúst.
Jarðsett verður frá Fossvogskirkju mánu-
daginn 25. ágúst kl. 15.00.
Margrét og Ingibjörg Gréta Gísladætur,
móðir, systkini og barnabörn.
Ástkær eiginkona mín, móðir okkar, tengda-
móðir og amma,
MARGRÉT INGIBJÖRG
SIGURGEIRSDÓTTIR
Miðtúni 1,
Seyðisfirði,
sem lést á heimili sínu mánudaginn 18. ágúst,
verður jarðsungin frá Seyðisfjarðarkirkju mánu-
daginn 25. ágúst kl. 14.00.
Aðalsteinn Einarsson,
Jónbjört Aðalsteinsdóttir, Snorri Jónsson,
Einar Aðalsteinson, Katrín Bjarnadóttir
og barnabörn.
Ástkær móðir okkar, tengdamóðir, amma og
langamma,
GUÐRÚN ÞORSTEINSDÓTTIR,
Kjartansgötu 8,
lést á Landspítalanum í Fossvogi miðviku-
daginn 20. ágúst.
Þorsteinn Guðmundsson,
Guðmundur H. Guðmundsson, Fjóla Sigrún Ísleifsdóttir,
Guðni Þór Guðmundsson,
María Guðmundsdóttir,
barnabörn og langömmubörn.
Innilegar þakkir til allra þeirra, sem sýndu
okkur samúð, hlýhug og vináttu við andlát og
útför okkar ástkæru móður,
GUÐRÚNAR SUMARLIÐADÓTTUR,
Vesturbergi 143.
Sérstakar þakkir færum við starfsfólki deildar
L-1 Landakoti og á hjúkrunarheimilinu Sóltúni.
Kristín Hinriksdóttir og fjölskylda,
Ragnheiður Hinriksdóttir, Örn Andrésson og fjölskylda.