Morgunblaðið - 22.08.2003, Blaðsíða 37

ingarnar 1970 og var afgerandi for-
ustumaður í þeim meirihluta sem
þá var myndaður. Var formaður
bæjarráðs allt það kjörtímabil og
einnig forseti bæjarstjórnar tvö
fyrstu árin. Áhrif hans í bæjarmál-
um ná þó langt út fyrir störf hans
sem bæjarfulltrúi því hann var
maður framfara og uppbyggingar
og sá langt fram í tímann og hafði
mikinn metnað fyrir hönd Kópa-
vogsbæjar.
Guttormur var afreksmaður
íþróttum á sínum yngri árum og
var m.a. í hinu frækna liði UÍA sem
kom sá og sigraði á landsmóti
UMFÍ á Hvanneyri 1943. Hann
hélt sér í góðu líkamlegu formi
fram á síðustu ár og vann alla tíð
að framgangi íþróttanna bæði hér í
Kópavogi og eins þegar hann var
vestur á Ísafirði og var m.a. for-
maður Íþróttabandalags Ísfirðinga
og formaður Breiðabliks var hann
einnig um tíma.
Leiðir okkar Guttorms hafa legið
saman á ýmsan máta öll þau 40 ár
sem ég hef búið í Kópavogi. Í
fyrstu var það Framsóknarflokk-
urinn sem varð sameiginlegur vett-
vangur starfs og kynna, áhugi okk-
ar beggja á æskulýðs- og
íþróttamálum og félagsmálum al-
mennt og svo leiddi eitt af öðru í
gegnum árin, enda var Guttormur
sú manngerð sem mönnum þótti
gott að leita ráða hjá, vinmargur og
hollur vinum sínum. Í allan þennan
tíma var ég í hlutverki þess sem
þáði, þess sem spurði og þess sem
naut góðs af samstarfinu og vinátt-
unni við Guttorm og svo mun hafa
verið um okkur flest sem hann
þekktu og með honum unnu að hin-
um ýmsu málum Kópavogsbæjar.
Framsóknarmenn í Kópavogi
þakka Guttormi áratugasamfylgd,
vináttu og leiðsögn.
Við sendum Ingva og Herdísi og
börnum þeirra samúðarkveðjur og
öðrum þeim sem nú syrgja látinn
vin og góðan dreng.
F.h. framsóknarmanna í Kópa-
vogi,
Sigurður Geirdal.
Guttormur Sigurbjörnsson var
skemmtilegur maður. Honum
kynntist ég þegar ég hóf að starfa
með Framsóknarflokknum í Kópa-
vogi fyrir um 14 árum. Hann
reyndist mér frábærlega þann tíma
sem við áttum saman í flokksstarf-
inu. Um nokkurra ára skeið unnum
við saman að útgáfu flokksblaðs
okkar og ég held að við höfum haft
jafngaman af. Guttormur var mikill
húmoristi, stríðinn og hann fékk út-
rás fyrir stríðnina í blaðaútgáfunni.
Þar gerði hann miskunnarlaust
grín að pólitískum mótherjum okk-
ar í bæjarstjórn, enda oft tilefni til.
Við sátum þá saman á Sunnubraut-
inni og fórum yfir efnið, stilltum
upp blaðinu og ræddum að sjálf-
sögðu pólitíkina. Mér er hugsað til
þess hvernig hann kom fram í okk-
ar samskiptum. Þrátt fyrir aldurs-
muninn og hans miklu reynslu – og
mína litlu – ræddi hann öll mál með
opnum huga. Hann vildi heyra
sjónarmið unga fólksins en ekki
lesa yfir því. Guttormur var mikill
baráttumaður og gekk óhikað fram
í rökræðum, hvort sem var innan
flokksins eða gagnvart mótherjun-
um. Hann tók að sér mörg trún-
aðarstörf fyrir flokkinn og var afar
virkur löngu eftir að starfi hans í
bæjarstjórn Kópavogs lauk. Síðasti
fundur okkar Guttorms var í
Sunnuhlíð skömmu fyrir nýliðnar
alþingiskosningar. Áhugi hans var
enn mikill og lýsti sér ekki síst í
vangaveltum um hvort hægt væri
að vinna fleiri atkvæði meðal sam-
býlisfólksins. Við litum einnig á
fjölskyldumyndirnar sem héngu yf-
ir rúminu og hann sagði mér stolt-
ur af barnabörnunum.
Ég þakka kærlega fyrir kynnin
af Guttormi. Megi hann hvíla í friði.
Eftirlifandi ástvinum sendi ég inni-
legar samúðarkveðjur.
Páll Magnússon.
MINNINGAR
MORGUNBLAÐIÐ FÖSTUDAGUR 22. ÁGÚST 2003 37
 Fleiri minningargreinar
um Guttorm Sigurbjörnsson bíða
birtingar og munu birtast í blaðinu
næstu daga.
✝ Jón Magnússonfæddist í Eyja-
seli í Jökulsárhlíð í
N-Múlasýslu 15.
mars 1920. Hann
lést á Hrafnistu í
Reykjavík 12. ágúst
síðastliðinn. Jón var
næstelsti sonur
Magnúsar Eiríks-
sonar kennara og
bónda í Eyjaseli og
á Geirastöðum í
Hróarstungu, f. 4.9.
1885, d. 2.9. 1962,
og Margrétar Eyj-
ólfsdóttur húsfreyju
frá Brú á Jökuldal, f. 21.1. 1888,
d. 20.7. 1975. Systkini Jóns eru
Guðrún Eirikka yfirljósmóðir í
Reykjavík, f. 3.8. 1918, d. 4.10.
1967, Björgvin leigubílstjóri, f.
20.4. 1922, d. 17.5. 1996, og Ey-
þór lögregluþjónn, f. 9.12. 1925.
Hinn 15. október 1949 kvænt-
ist Jón eftirlifandi konu sinni
Kristínu Halldórsdótttur Aspar
frá Akureyri, f. 25.12. 1923,
dóttur Halldórs H. Guðmunds-
sonar, f. 25.5 1894, d. 22.2. 1935,
og Kristbjargar Torfadóttur, f.
5.5. 1902, d. 22.5. 1987. Dóttir
Jóns og Kristínar er Kristbjörg,
f. 1.5. 1950, maki Jón Gunnar
Sigurjónsson vélvirki, f. 21.9.
1946. Börn þeirra eru: 1) Magn-
ús Torfi, f. 14.2. 1969, sambýlis-
kona Kolbrún Helga Jóhannes-
dóttir, f. 19.4. 1985. Synir
Magnúsar og fyrri sambýliskonu
hans, Önnu Gísla-
dóttur, f. 8.10.
1973, eru Jón Krist-
inn, f. 29.10. 1991,
og Halldór Torfi, f.
25.9. 1994. 2) Guð-
rún Marta, f. 27.11.
1970, börn hennar
og fyrrverandi sam-
býlismanns hennar
Hilmars Árna
Hilmarssonar, f.
28.3. 1964, eru Sól-
ey, f. 22.10. 1994,
Hilmar Steinn, f.
11.1. 1999, og Haf-
steinn Björn, f. 4.7
2000. 3) Kristín Ösp, f. 7.7. 1974,
gift Björgvin Tryggvasyni, f.
20.3. 1973, dóttir þeirra er Lára
Rut, f. 13.8. 1999. 4) Samúel, f.
14.5. 1981.
Jón fór í skóla að Eiðum, og
lauk þaðan prófi, en fer síðan til
Reykjavíkur árið 1945 og stuttu
seinna brugðu foreldrar hans
búi og fluttu einnig til Reykja-
víkur. Jón hóf störf sem lag-
ermaður hjá Málningaverksmiðj-
unni Hörpu í Reykjavík en var
síðan sölumaður þar og vann
þar í 29 ár. Þá fór hann yfir til
Orlofsdeildar ríkisins og var þar
fulltrúi til sjötugs. Jón stofnaði
ásamt fleirum áhugamannaleik-
félagið Hugleik í Reykjavík og
var heiðursfélagi þess.
Útför Jóns verður gerð frá
Grensáskirkju í dag og hefst at-
höfnin klukkan 13.30.
Það er erfitt að setjast niður og
ætla að skrifa minningargrein um
þig elsku pabbi minn. Þótt ég vissi
að endirinn væri ekki langt undan
brá mér samt þegar Nonni kom
heim og sagði mér að þú hefðir dáið
fyrir stuttri stundu.
Þegar ég var lítil var ég viss um
að þú myndir lifa að eilífu, þú varst
svo góður við mig og mér fannst þú
vera fallegasti maður sem til var á
jörðinni. Við vorum svo miklir morg-
unhanar þegar ég var lítil og þá
„læddumst“ við skellibjöllurnar út
snemma á sunnudagsmorgnum til
þess að leyfa mömmu að sofa svolít-
ið lengur, en okkur var ekki lagið að
læðast svo að hún vaknaði alltaf, en
viljinn var góður. Þegar út var kom-
ið fórum við eitthvað niður í móa og
skoðuðum blómin og fulgalífið, þú
sagðir mér hvað blómin hétu og
sagðir mér sögur af þér og systk-
inum þínum frá því að þið voruð lítil.
Ég fékk að heyra um hestinn þinn
Gust og hundinn Flosa og um öll
ævintýrin sem gerðust á Geirastöð-
um. Þú kenndir mér líka að renna
mér á skautum í skurðunum á
Kleppstúninu og einu sinni gerðir
þú svell fyrir mig og vinkonurnar
fyrir utan húsið, með því að leiða út
vatnsslöngu með köldu vatni úr
þvottahúsinu og láta það frjósa.
Það er af mörgu að taka og minn-
ingarnar margar, þegar við sungum
saman á bílferðunum okkar eða þeg-
ar þú kenndir mér að dansa á stofu-
gólfinu á laugardagskvöldum eftir
útvarpstónlistinni og oft var slegið
upp dansleik þar sem þú dansaðir
við mig og mömmu. Svo voru það Ís-
lendingasögurnar, þær voru þér svo
kærar og þær voru svo lifandi fyrir
þér og þú talaðir um þær eins og þú
hefðir verið þarna sjálfur. Já, það er
af nógu að taka, ég gifti mig og þú
tókst Nonna eins og þínum eigin
syni og þegar barnabörnin komu
eitt af öðru voru þau alltaf velkomin.
Þú elskaðir þau öll jafn mikið og þú
elskaðir mig og Nonna og alltaf
varstu boðinn og búinn að leggja lið
og rétta hjálparhönd ef þess þurfti.
Svo þegar ég tók trú á Jesú gátum
við skipst á skoðunum um það eins
og annað og við vorum ekki alltaf
sammála, en það skyggði ekki á
sambandið okkar.
Þú varst svo menningarlega sinn-
aður, elskaðir leikhús og bókmennt-
ir. Þú stofnaðir Hugleik ásamt fleir-
um og við vorum boðin á
frumsýningar. Þú varst svo lifandi
og skemmtilegur persónuleiki. Veik-
indi voru búin að fylgja þér frá því
að ég man eftir mér, en þú lést þau
nú ekki ráða ferðinni á meðan þess
var nokkur kostur. Eftir að þú hætt-
ir að vinna kom þetta allt eins og
holskefla yfir þig en þú stóðst þig
eins og hetja. Meira að segja eftir að
þú fékkst Alzheimer náðir þú að
hressast ótrúlega og fórst á kaffihús
með okkur til skiptis, mér, mömmu
og Stínu, eða í heimsókn til vina og
kunningja, og alltaf fannst þér dag-
urinn ómögulegur ef þú gast ekki
farið eitthvað út og aðeins í dalinn.
Svo dast þú og brákaðir þig og gast
ekki gengið um tíma, það var erfitt,
því að þú saknaðir lífsins úti fyrir og
kaffihúsanna. Svo að undanfarið
þegar ég kom til þín kom ég við í
bakaríinu þínu og keypti eitthvað
gott með kaffinu, svo að við gætum
látið eins og við værum á kaffihúsi
og spjallað um heima og geima. Við
fórum mjög oft inn á trúna og núna
þegar ég heimsótti þig nokkrum
dögum áður en þú fórst töluðum við
um það, hvað Jesús er kærleiksríkur
og góður og að hann elskar og þráir
samfélag við alla menn, þá vorum
við sammála. Og ég trúi því að þú
hafir farið heim til Guðs föður og að
við fáum að vera saman um alla ei-
lífð eins og ég hélt alltaf þegar ég
var lítil.
Ég kveð þig aðeins að sinni pabbi
minn, við sjáumst.
Þín
Kristbjörg.
JÓN
MAGNÚSSON
 Fleiri minningargreinar um Jón
Magnússon bíða birtingar og munu
birtast í blaðinu næstu daga.
Lokað vegna jarðarfarar
Bæjarskrifstofurnar verða lokaðar frá kl. 12.00
í dag, föstudaginn 22. ágúst, vegna jarðarfarar
Guttorms Sigurbjörnssonar.
Bæjarstjóri
KÓPAVOGSBÆR
www.kopavogur.is
Elskuleg eiginkona mín, móðir, amma og
langamma,
JÓHANNA MARÍA GESTSDÓTTIR,
Lilla,
Melabraut 26,
Seltjarnarnesi,
verður jarðsungin frá Seltjarnarneskirkju þriðju-
daginn 26. ágúst kl. 13.30.
Grétar Guðjónsson,
Guðjón Grétarsson,
Gauti Grétarsson, Hildigunnur Hilmarsdóttir,
Arnold B. Cruz, Sigrún J. Eiríksdóttir,
Sigrún María B. Guðjónsdóttir, Magnús P. Haraldsson,
Hildur B. Guðjónsdóttir,
Aron Gauti Laxdal Gautason,
Tinna Laxdal Gautadóttir,
Daði Gautason
og langömmubörn.
Innilegar þakkir til allra þeirra, sem sýndu okkur
samúð, vináttu og hlýhug og heiðruðu minningu
elskulegrar móður okkar, tengdamóður, ömmu
og langömmu,
ÖNNU SIGURJÓNSDÓTTUR,
Hofsvallagötu 22.
Guð blessi ykkur öll.
Guðrún Þorgeirsdóttir, Þorgeir Ingvason,
Ágúst Þorgeirsson, Bryndís Jónsdóttir,
Auður Þorgeirsdóttir, Ósk Óskarsdóttir,
Kolbrún Þorgeirsdóttir, Gunnar Þór Sigurðsson,
Anna Dóra Þorgeirsdóttir,
Halla Þorgeirsdóttir, Viken Samúelsson,
barnabörn og barnabarnabörn.
Innilegar þakkir til allra þeirra, er sýndu okkur
samúð og vinarhug við andlát og jarðarför
móður okkar, tengdamóður, ömmu og lang-
ömmu,
SIGURLAUGAR GUÐMUNDSDÓTTUR,
Brúnastöðum,
Skagafirði.
Sérstakar þakkir til starfsfólks Sjúkrahúss
Skagfirðinga á Sauðárkróki fyrir einstaka umönnun og alúð við hina
látnu.
Sigurður Sigurðsson, Sólveig Ebba Ólafsdóttir,
Stefán Oddgeir Sigurðsson, Jónína Hólmfríður Friðriksdóttir,
barnabörn og barnabarnabörn.
Innilegar þakkir sendum við öllum þeim sem
sýndu okkur samúð og hlýhug við andlát og
útför eiginmanns, föður, tengdaföður, afa og
langafa,
LÝÐS BOGASONAR,
Ásvegi 21,
Akureyri.
Erla G. Magnúsdóttir,
Antonía M. Lýðsdóttir, Sigurður Hermannsson,
Elín M. Lýðsdóttir, Atli Sturluson,
barnabörn og barnabarnabarn.
Lokað
í dag vegna jarðarfarar KRISTJÁNS B. ÞORVALDSSONAR.
Kr. Þorvaldsson & Co,
Sundaborg 9.