Morgunblaðið - 22.08.2003, Blaðsíða 46
ÍÞRÓTTIR
46 FÖSTUDAGUR 22. ÁGÚST 2003 MORGUNBLAÐIÐ
SIGURPÁLL Geir Sveinsson, kylfingur frá Ak-
ureyri, er í ágætum málum á Evrópumóti ein-
staklinga í Skotlandi en þar var annar hringur af
fjórum leikinn í gær. Sigurpáll lék á 71 höggi, eða
einu undir pari vallarsins og er í 11.–18. sæti en
70 efstu fara áfram eftir þriðja dag.
Margir keppendur áttu í erfiðleikum í dag og
það var undantekning ef menn lækkuðu skor sitt
frá deginum áður. Birgir Vigfússon er á 155
höggum, lék í gær á 77, Guðmundur I. Einarsson
á 158, lék fyrsta daginn á 76 en á 82 í gær og
Heiðar D. Bragason hefur ekki náð sér á strik, lék
báða hringina á 81 höggi og er væntanlega úr leik
en þeir Birgir og Guðmundur geta náð í gegn ef
þeir leika vel í dag.
Bestum árangri fyrstu tvo dagana hefur Mich-
ael Thannhauser frá Þýskalandi náð, lék hringina
á 135 höggum, tveimur höggum betur en Steven
Jeppesen frá Svíþjóð.
Sigurpáll í góðum
málum í Skotlandi
MIÐARNIR á landsleik Íslendinga og Þjóðverja í und-
ankeppni EM í knattspyrnu sem fram fer á Laugardals-
vellinum 6. september seldust upp í gær. Forsalan var á
netinu og í kjölfar sigursins á Færeyingum í fyrrakvöld
rauk miðasalan í gang og rétt eftir hádegi kom tilkynn-
ing á heimasíðu KSÍ að uppselt væri á leikinn. „Við hóf-
um forsöluna á netinu þann 8. ágúst. Það var búið að
vera þétt sala en eftir sigurinn á Færeyingum fór allt af
stað og miðarnir seldust upp á örskammri stundu. Þetta
er svona í líkingu við Frakkaleikinn hér um árið. Þá var
mikil ásókn í miða löngu fyrir leik en þá gátum við bætt
við 3.000 aukasætum sem við getum ekki gert nú,“ sagði
Geir Þorsteinsson, framkvæmdastjóri KSÍ, við Morg-
unblaðið. Laugardalsvöllurinn rúmar 7.000 áhorfendur
og af þeim má reikna með að stuðningsmenn þýska liðs-
ins verði í kringum 1.000 en þýska knattspyrnu-
sambandið fékk 1.100 miða til ráðstöfunar.
Uppselt á EM-leik
Íslands og Þýska-
lands í Laugardal
FRANSKI landsliðsmaðurinn Zin-
edine Zidane segir að þriggja
vikna Asíuferð Real Madrid hafi
verið algjörlega misheppnuð í
sambandi við undirbúning liðsins
fyrir komandi keppnistímabil.
Hann sagði í viðtali við franska
fjölmiðla, að ferðin til Kína, Jap-
ans og Thailands hefði verið farin
til að vinna fleiri stuðningsmenn í
Asíu, frekar en æfingaferð.
Zidane sagði að leiknir hefðu
verið fimm leikir á stuttum tíma.
Þeir hefðu ekki verið til þessa
fallandi að byggja upp sterka liðs-
heild á vellinum. „Við tókum líf-
inu rólega í ferðinni – æfðum ekki
eins og hefði verið gert ef við
hefðum verið saman á Spáni eða í
nágrannalöndum. Við fórum seint
að sofa eftir leikina og síðan var
farið snemma á fætur til að fara á
flugvöllinn og við tók erfitt flug
og ferðir til að koma sér fyrir á
nýju hóteli.“
Zidane sagði að ferðin hefði
ekki verið góður undirbúningur
fyrir nýtt keppnistímabil – að
leikmenn hefðu komið þreyttir
heim úr erfiðri ferð, þar sem þeir
voru stöðugt í sviðsljósinu, utan
sem innan vallar. Fengu lítinn
frið.
Sparkfræðingar í Frakklandi
telja að þreytandi ferðin til Asíu
hafi eflaust átt sinn þátt í að Zid-
ane tilkynnti í ferðinni, að hann
ætlaði að leggja knattspyrnuskóna
á hilluna þegar samningur hans
við Real Madrid rynni út 2005.
Zidane ekki ánægður
með Asíuferðina
Reuters
Zinedine Zidane fær góðar
móttökur í Kína.
Áhorfendur voru varla búnir aðkoma sér fyrir og hita radd-
böndin þegar Steinþór Þorsteinsson
fékk upplagt tæki-
færi til að koma Blik-
um í forystu eftir
eina mínútu og fjör-
tíu sekúndur, hann
var aleinn á markteigslínunni en
skaut beint í Gunnleif markvörð.
Kópavogsbúar dæstu en hremming-
um HK var ekki lokið. Mínútu síðar
fengu Blikar aftur opið færi og skutu
aftur í Gunnleif en í þetta sinn hrökk
boltinn aftur til Harðar Bjarnasonar,
sem kom Breiðablik í 1:0. Markið sló
samt ekki HK-menn út af laginu,
þeir brettu upp ermar og hver sókn-
in rak aðra. Áður en tíu mínútur voru
liðnar fengu þeir tvö góð færi en eftir
það róaðist leikurinn aðeins um tíma.
Það stóð samt ekki lengi því á 29.
mínútu fékk Ólafur V. Júlíusson tvö
tækifæri í einni sókn til að jafna en
Páll Gísli Jónsson í marki Breiða-
bliks sá við honum. Hann kom samt
engum vörnum við á 38. mínútu þeg-
ar Zoran Panic skoraði af 30 metra
færi upp í bláhornið. Fyrstu mínút-
urnar eftir hlé voru Blikar á tánum
en það stóð ekki lengi því aftur náðu
HK-menn völdum á vellinum. Þeir
uppskáru mark Harðar Más Magn-
ússonar á 54. mínútu en átta mín-
útum síðar jafnaði Ívar Sigurjóns-
son. Eitthvað var nú HK-mönnum
brugðið og þeir slógu aðeins af. Blik-
ar voru ekki lengi að nota það til að
komast inn í leikinn og fengu nokkur
ágæt færi en Gunnleifur var vel á
verði í marki HK. Engu að síður átti
HK sínar sóknir og á 70. mínútu kom
Ásgrímur Albertsson HK í 3:2 eftir
góða þvögu upp við mark Breiða-
bliks. Það dugði HK ekki til að snúa
leiknum sér í hag og Blikar sóttu eft-
ir sem áður en enn sýndi Gunnleifur
glæsileg tilþrif þegar hann varði tví-
vegis þrumuskot á 80. mínútu. Í kjöl-
farið fékk HK skyndisókn og Hörður
Már skaust upp völlinn en renndi
síðan boltanum til hægri á Þorstein
Gestsson, sem skoraði fjórða mark
HK. Eftir sem áður héldu Blikar
áfram berjast og á 88. mínútu brá
Þórður Jensson Blikanum Gunnari
Jónssyni svo að dæmd var víta-
spyrna. Hana tók Hreiðar Bjarnason
en Gunnleifur varði.
Hörður Már var mjög góður, skor-
aði eitt af mörkum HK og átti drjúg-
an hlut í hinum. „Spennufallið er
mikið eftir að hafa unnið þennan slag
og BYKO náð að byggja upp spennu
í kringum hann svo að spennan varð
enn meiri,“ sagði Hörður Már eftir
leikinn. Hann sagði að þó markið
hefði verið eins og köld vatnsgusa
virtist hún engu að síður hafa verið
nauðsynleg. „Svo virðist sem við för-
um ekki í gang fyrr en við fáum mark
á okkur en ég er ánægður með
hvernig við spiluðum, við ætluðum
að pressa á þá framarlega og komast
á bak við vörnina. Svo fór þetta að
ganga í síðari hálfleik. Nú erum við
meðal sex efstu liða, eins og við
stefndum að en ef við spilum svona
förum við ofar.“
Hreiðar var ekki eins kátur. „Við
þessu er ekkert að segja,“ sagði
hann eftir leikinn. „Það er alltaf gott
að skora í byrjun en við slökuðum of
mikið á og misstum fyrir vikið tökin
á miðjunni en bæði lið spiluðu samt
ágætlega í þessum fjöruga leik. HK
spilaði vel og bæði lið sköpuðu sér
færi en þeir skoruðu meira en við.
Breiðablik er enn stóra liðið í Kópa-
vogi en HK nartar í hælana á okkur
og það er bara gaman að því, gott að
hafa tvö sterk lið hérna í Kópavog-
inum en við tökum þá næst.“
Maður leiksins: Hörður Már
Magnússon, HK.
HK-menn sterk-
ari á „þjóðhátíð“
SANNKÖLLUÐ þjóðhátíðarstemning ríkti á Kópavogsvellinum í gær-
kvöldi þegar á annað þúsund áhorfenda varð vitni að stórskemmti-
legum 6 marka nágrannaslag HK og Breiðabliks. Blikar unnu fyrri
leikinn en nú var HK sólarmegin og Blikar í skugganum, hvort sem
var í stúkunni eða vellinum. Stuðningsmenn HK fengu stúkuna fyrir
sig og böðuðu sig í sólinni á meðan þeir horfðu á sína menn vinna
öruggan 4:2 sigur í stórskemmtilegum leik með nóg af færum. Fyr-
irliði þeirra, Gunnleifur Gunnleifsson, kórónaði kvöldið með því að
verja vítaspyrnu í lokin. Auk þess fleytti sigurinn HK upp töfluna, upp
fyrir Breiðablik og í 5. sæti – eins og tap væri ekki nóg fyrir Blika.
Stefán
Stefánsson
skrifar
ELLERT B. Schram, forseti
Íþrótta- og ólympíusambands Ís-
lands, hefur verið sæmdur æðsta
heiðursmerki Íþróttasambands
Færeyja. Átti það sér stað í kvöld-
verðarboði á Hótel Hafnia í Þórs-
höfn, en Ellert var viðstaddur lands-
leik Færeyja og Íslands. Héðin
Mortensen, forseti Íþróttasambands
Færeyja, sæmdi hann merkinu.
SPÆNSKUR körfuknattleiks-
þjálfari hefur verið ráðinn til starfa
hjá Þór á Akureyri.
JÓNAS Stefánsson, handknatt-
leiksmarkvörður er genginn til liðs
við Þór á Akureyri.
GERHARD Mayer-Mofelder for-
seti þýska knattspyrnusambandsins
vill að kvóti verði settur á erlenda
leikmenn í deildunum í Evrópu. Áð-
ur en Bosman-dómurinn var kveðinn
upp árið 1995 voru útlendingarnir í
þýsku 1. deildarkeppninni 21% af
leikmönnum deildarinnar en í dag
eru þeir 60%. Vorfelder vill að liðum
verði aðeins leyfilegt að vera með
fimm útlendinga í byrjunarliðinu í
einu.
NORSKI knattspyrnumaðurinn
Alf Inge Håland hefur ákveðið að
leggja knattspyrnuskóna endanlega
á hilluna. Håland meiddist alvarlega
á hné eftir ruddalegt brot Roy
Keane, fyrirliða Manchester United,
í leik United við Manchester City
fyrir tveimur árum og hefur síðan
þurft að gangast undir þrjár aðgerð-
ir, en það hefur ekki dugað.
SPÆNSKI landsliðsmaðurinn,
Gaizka Mendieta, er kominn í her-
búðir Middlesbrough. Mendieta
verður í láni hjá liðinu frá Lazio í 12
mánuði og Middlesbrough er með
forkaupsrétt á honum eftir tímabilið.
REGGIE Miller hefur skrifað und-
ir nýjan samning við Indiana Pacers
í NBA-deildinni í körfubolta. Miller
er 38 ára gamall og hefur leikið í sex-
tán ár með Pacers en hann hefur
aldrei unnið meistaratitilinn í NBA.
FÓLK
ALBERT Sævarsson, fyrrver-
andi markvörður Grindvík-
inga, og Jens Martin Knudsen,
varamarkvörður færeyska
landsliðsins í knattspyrnu, eru
æfingafélagar í Færeyjum.
Þeir spila reyndar hvor með
sínu liðinu í 1. deildinni – Al-
bert með B68 í Tóftum, en Jens
Martin með NSÍ í Runavík.
„Það er mjög hentugt fyrir
okkur að æfa saman, enda tek-
ur aðeins nokkrar mínútur að
keyra á milli Tófta og Runavík-
ur. Albert er mjög góður mark-
vörður og í stöðugri framför,
og hann hefur staðið sig frá-
bærlega með B68 í sumar, að-
eins fengið á sig sjö mörk í
deildinni. „Albert er markvörð-
ur sem þarf ekki að hafa mikið
fyrir hlutunum, gerir allt mjög
létt, og hefur unnið mikið í að
bæta sínar veikari hliðar,“
sagði Jens Martin, sem á sínum
tíma lék með Leiftri á Ólafs-
firði og þjálfaði liðið síðasta
tímabilið sitt þar.
Mótherjar
æfa saman
KNATTSPYRNA
1. deild karla
HK - Breiðablik.........................................4:2
Zoran Panic (38.), Hörður Már Magnússon
(54.), Ásgrímur Albertsson 70.), Þorsteinn
Gestsson (82.) - Hörður Bjarnason (4.), Ív-
ar Sigurjónsson (62.).
Haukar - Afturelding...............................1:2
Kristján Ómar Björnsson 89. - Hans Sæv-
arssson 25., 58.
Njarðvík - Stjarnan ..................................1:1
Sverrir Þór Sverrisson 51. – Bjarni Sæ-
mundsson 85. sjálfsmark
Staðan:
Keflavík 14 10 3 1 40:14 33
Þór 14 8 4 2 36:25 28
Víkingur R. 14 7 6 1 20:10 27
Stjarnan 15 5 7 3 26:20 22
HK 15 5 3 7 23:25 18
Njarðvík 15 4 5 6 30:32 17
Breiðablik 15 5 2 8 18:23 17
Haukar 15 4 4 7 18:28 16
Afturelding 15 4 2 9 16:32 14
Leiftur/Dalvík 14 2 2 10 18:36 8
2. deild karla
Léttir - Fjölnir...........................................2:6
Völsungur 15 12 1 2 56:22 37
Fjölnir 16 11 3 2 50:22 36
Selfoss 15 9 2 4 35:20 29
Tindastóll 15 8 1 6 32:28 25
ÍR 15 6 2 7 30:29 20
KS 15 5 5 5 25:26 20
Víðir 15 6 2 7 20:26 20
KFS 15 4 3 8 31:40 15
Sindri 15 1 4 10 24:37 7
Léttir 16 2 1 13 15:68 7
Vináttulandsleikir
Mexíkó - Perú............................................1:3
Mariano Trujillo 54. – C. Pizarro 2., C. Zeg-
arra 31., N. Solano 33. Rauð spjöld: Bor-
getti og Briseno, Mexíkó, Galliquio og Piz-
arro, Perú, allir á 68 mín.
Kólumbía - Slóvakía ..................................0:0
Venezuela - Haiti .......................................3:2
Ekvador - Guatemala................................2:0
Panama - Paraguay...................................1:2
ÚRSLIT
ÓSKAR Örn Hauksson, knatt-
spyrnumaðurinn efnilegi sem leikur
með 1. deildarliði Njarðvíkinga í
knattspyrnu, hélt í morgun til Noregs
þar sem hann verður til reynslu hjá
norska úrvalsdeildarliðinu Sogndal
fram á þriðjudag. Óskar, sem er 19
ára gamall og á leiki með yngri lands-
liðum Íslands, er í hópi markahæstu
leikmanna í 1. deildinni en í 13 leikj-
um Njarðvíkinga í sumar hefur hann
skorað 7 mörk en hann leikur sem
miðjumaður og getur einnig brugðið
sér í sóknina. Óskar þekkir aðeins til í
norskri knattspyrnu en hann var í eitt
ár hjá unglingaliði Molde.
Sogndal er í þriðja sæti norsku úr-
valsdeildarinnar og hefur frammi-
staða liðsins komið mjög á óvart.
Óskar til
Sogndal