Morgunblaðið - 22.08.2003, Blaðsíða 56
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 22. ÁGÚST 2003 VERÐ Í LAUSASÖLU 190 KR. MEÐ VSK.
MEÐLIMUR fjölskyldu soldánsins í Sameinuðu
arabísku furstadæmunum hefur látið smíða fyrir
sig skemmtisnekkju á Íslandi, sem jafnframt er
útbúin til togveiða. Það er bátasmiðjan Trefjar í
Hafnarfirði sem annaðist hönnun og smíði
snekkjunnar.
Furstinn komst á snoðir um starfsemi Trefja á
Netinu en hann er mikill áhugamaður um sport-
veiðar og vantaði hann togskip í stórt bátasafn
sitt en gerði þá kröfu að nota mætti bátinn sem
lystisnekkju þegar hann væri ekki að veiðum.
Allur búnaður til veiðanna er því neðan þilja og
sést ekki nema þegar hann er í notkun. Að öðru
leyti er um hefðbundna lystisnekkju að ræða,
íburður mikill og ekkert til sparað.
Smíðuðu „tog-
snekkju“ fyrir
olíufursta
Konunglegur/29
CLIVE Stacy, sem sér um ferðir
þúsunda Breta hingað til lands
með ferðaskrifstofunni Arctic
Experience í Bretlandi, segir
hrefnuveiðar vera áfall fyrir
ferðaþjónustuna. „Við höfum séð
um ferðir til Íslands í 18 ár, og
við erum stærsta ferðaskrifstof-
an í Bretlandi með Íslandsferðir.
Í ár koma tæplega átta þúsund
manns til landsins á okkar veg-
um. Nýhafnar hvalveiðar hafa
strax áhrif á starf okkar, fólk
hringir og afpantar ferðir. Á því
leikur enginn vafi að hvalveið-
arnar hafa neikvæð áhrif á ferða-
þjónustuna. Meirihluti Breta er
á móti hvalveiðum, og mörg ár
tekur að laga skaðann, sem unn-
inn hefur verið á ímynd Íslands.“
Að sögn Stacy mun fyrirtæki
hans nú þurfa að fá staðfest hjá
öllum samstarfsaðilum hér á
landi að fyrirtæki þeirra séu á
móti hvalveiðum. „Ef þau undir-
rita ekki yfirlýsinguna munum
við ekki halda samstarfi við þau
áfram. Það er eina leiðin fyrir
okkur til þess að geta fullyrt við
okkar viðskiptavini, að með ferð
til Íslands séu þeir ekki að styðja
hvalveiðar,“ sagði Stacy.
Hópar afbóka ferðir
hingað til lands
Borið hefur á afbókunum er-
lendra hópa á ferðum til landsins.
Knútur Óskarsson, sem rekur
ferðaskrifstofuna Destination
Iceland, segir að 18 manna hópur
ljósmyndara og fyrirsætna frá
Bandaríkjunum hafi hætt við
myndatöku hér á landi. „Ætlunin
var að taka tískuljósmyndir hér á
landi, sem og forsíðumyndir, til
dæmis við Jökulsárlón. Þau ætl-
uðu að vera hér í tíu daga, og efn-
ið átti að birtast í stórum tímarit-
um bæði á austur- og
vesturströndinni,“ sagði Knútur í
samtali við Morgunblaðið.
„Við áttum von á hópnum nú í
byrjun september, en nú fengum
við tölvupóst frá forsvarsmönn-
um útgáfunnar, sem aflýsa komu
hópsins. Ástæðan er sögð vera
hvalveiðar Íslendinga. Útgáfan
sé umhverfissinnuð, og vilji ekki
kynna fyrir lesendum sínum staði
sem styðji hvalveiðar.“
„Hvalveiðarnar skaða ekki ein-
ungis ferðaþjónustuna sjálfa,
heldur einnig ímynd landsins og
tækifæri til umfjöllunar á erlend-
um vettvangi. Ég vil hins vegar
ítreka að málið snýst ekki aðeins
um hvort við megum veiða hval
eða ekki, heldur um viðskipta-
hagsmuni ferðaþjónustunnar,“
segir Knútur.
Aðeins byrjunin
Sigrún Sigmundsdóttir, sölu-
og markaðsstjóri hjá innanlands-
deild Ferðaskrifstofu Íslands,
tekur í sama streng. „Hjá okkur
hefur einn hópur frá Frakklandi
þegar afbókað ferð sína til lands-
ins vegna hvalveiða. Við höfum
trú á að það sé aðeins byrjunin.“
Ferðaþjónustufyrirtæki telja hrefnuveiðar skaða ferðaþjónustuna
Áfall fyrir markaðs-
setningu Íslands
BÖRNIN í Grafarvogslaug létu góða veðrið
í gærdag sér ekki úr greipum ganga og
nutu stundarinnar í lauginni. Innan
skamms munu allir setjast á skólabekk á ný,
og ekki seinna vænna að æfa sundtökin, svo
ekki sé minnst á dýfingarnar, fyrir skóla-
sundið í vetur. Að minnsta kosti var ekki
annað að sjá en að allir væru tilbúnir í slag-
inn, jafnt fyrir sundfimina sem skólasetuna.
Morgunblaðið/Kristinn
Stinga sér á bólakaf
EYJÓLFUR Melsteð, sem starfar við tónhæfingu
fjölfatlaðra í Austurríki, hefur ásamt Caspar Har-
beke, arkitekt og hljóðfærasmið, hannað og fengið
einkaleyfi fyrir sérstöku hljóðfæri, sem reynst hef-
ur vel í starfi hans. Hljóðfærið heitir á þýsku Die
Klangwiege, sem Eyjólfur
kallar ómhörpu á íslensku.
„Slökun er grundvall-
arþáttur í meðferðinni og
þess vegna leitaði ég að
hljóðfæri sem hægt væri að
vagga, liggja í og vera
hreyfður í leiðinni,“ sagði
Eyjólfur um þetta sérstæða
hljóðfæri. „Vaggan er með strengjum sitt hvorum
megin, sem ætlað er að gefa eins konar forsögn um
hreyfingar. Ef ég spila strengina öðru megin gefur
það til kynna að ég ætli að hreyfa þann fjölfatlaða í
þá átt. Viðkomandi finnur tónana og titringinn í
vöggunni og heyrir þá líka og það virkar full-
komlega slakandi. Svo spila ég strengina hinum
megin og sá sem liggur í „vöggunni“ veit þá að
honum verður velt yfir á hina hliðina. Ómvaggan
er sem sagt hugsuð til þess að auðvelda hinum fjöl-
fatlaða að átta sig á jafnvægisskyninu,“ sagði Eyj-
ólfur ennfremur um notkun hljóðfærisins.
Hannaði hljóðfæri
fyrir fjölfatlaða
Daglegt líf/B2
LOFTLEIÐIR, dótturfélag Flugleiða hf., hefðu
náð milljarðaviðskiptum hefði breska lággjalda-
flugfélaginu FreshAer tekist að afla tilskilinna
leyfa og fjármagns til að hefja farþegaflug í haust
frá Írlandi til áfangastaða í Evrópu. Loftleiðir og
FreshAer skrifuðu í síðustu viku undir viljayfirlýs-
ingu þess efnis að Loftleiðir myndu annast flug fyr-
ir FreshAer á fjórum þotum er flutt gætu allt að
4.000 farþega á dag til evrópskra áfangastaða frá
og með október nk.
FreshAer þarf nú samkvæmt frétt í The Irish
Independent að endurgreiða 1.500 flugmiða sem
keyptir höfðu verið í ferðir á vegum þess í forsölu,
alls að upphæð um 20 milljónir íslenskra króna. Að
auki sagði John Lepp, aðalforstjóri félagsins og
helsti fjármögnunaraðili, skilið við félagið eftir að
út spurðist að hann hefði verið fundinn sekur um
tvenn fjársvik, hann dæmdur í eins árs fangelsi ár-
ið 1999 og bannað í kjölfarið að stjórna fyrirtæki í
Bretlandi næstu tíu árin þar á eftir.
Loftleiðir urðu af
milljarðaviðskiptum
Milljarðaviðskipti/14
ÞORBJÖRN Guðmundsson,
framkvæmdastjóri Samiðnar,
tjáði Morgunblaðinu í gær að á
fundi með yfirmanni Impregilo,
Þórarni V. Þórarinssyni og fulltrú-
um Samtaka atvinnulífsins í gær
hefðu verið lagðar spurningar fyr-
ir yfirmenn Impregilo, þar sem
farið var fram á efnisleg svör við
ýmsum þáttum varðandi aðbúnað
og starfskjör starfsmanna. „Við
fórum í gegnum nokkur efnisat-
riði, og formleg vinna er komin í
gang. Þeir lögðu fram útreikninga
á launum fastra starfsmanna
Impregilo, en við fengum ekki að
sjá ráðningarsamninga. Sömu-
leiðis fengum við ekki upplýsing-
ar um á hvaða kjörum leigustarfs-
menn eru. Einnig var lögð fram
vinnuáætlun um starfsmannabúð-
ir, og hvernig eigi að ljúka bygg-
ingu þeirra. Ég er ánægður með
að menn settust niður til að ræða
þessi mál, en við munum halda
fund á ný á mánudag og vonandi
skýrast fleiri þættir þá,“ sagði
Þorbjörn í samtali við Morgun-
blaðið. „Hins vegar kom ekki
margt fram á fundinum sem
breytti stöðunni að svo stöddu. Að
mínu mati er nauðsynlegt að trún-
aður komist á um að ekki sé verið
að brjóta lágmarkskjör starfs-
manna,“ sagði Þorbjörn ennfrem-
ur.
Um þessar mundir vinna tyrk-
neskir og rúmenskir vinnuhópar
linnulítið við að reisa ný hús við
búðir Impregilo. Fyrirtækið af-
henti Landsvirkjun nýja aðgerða-
áætlun um uppbygginguna á
svæðinu á dögunum, og kemur
þar fram að svefnrými fyrir 800
manns eigi að vera tilbúið í lok
septembermánaðar.
Impregilo lagði fram vinnu-
áætlun um starfsmannabúðir
Íbúarnir/23
♦ ♦ ♦
♦ ♦ ♦