Morgunblaðið - 22.08.2003, Blaðsíða 7
DAGLEGT LÍF
MORGUNBLAÐIÐ FÖSTUDAGUR 22. ÁGÚST 2003 B 7
Myndablogg
magadansarar
L
AURA var forvitin um
Ísland og ákvað að
koma hingað í tveggja
mánaða frí á sínum
tíma sem leiddi svo til
þess að hún settist hér að. Hún
lærði myndlist í Bandaríkjunum og
hefur unnið við grafíska hönnun
lengst af. Laura starfar nú hjá
Taugagreiningu við grafíska hönn-
un, vefhönnun og fleira og sinnir
ljósmyndun og vefsíðunni sinni þar
fyrir utan.
Hún hefur alltaf haft áhuga á
ljósmyndun og tekið mikið af
myndum.
Myndir sem sýna skynjun
„Fyrir nokkrum árum ákvað ég
að prófa að taka erótískar myndir
af pörum og það gekk ágætlega en
útkoman varð eiginlega frekar
myndir sem sýna skynjun eða það
sem ég kalla sensual myndir,“ segir
Laura. „Það sem ég meina með
sensual myndum er að þær eru um
skynjunina. Sumar
eru heitar og ég vil
að fólk skynji það
með því að horfa á
þær. Aðrar sýna
kannski meira ró
og enn aðrar kulda
eða hörku.“
Þessar myndir eru samsettar úr
ljósmyndum úr náttúru Íslands og
ljósmyndum af fólki sem teknar
eru í stúdíói. Laura notar mynd-
vinnsluforrit til samsetningarinnar
og útkoman verður skemmtileg
eins og má t.d. sjá á myndinni af
konunni sem liggur á vatni. Með
þessum myndum varð lavatop.com
til og hefur síðan þróast og stækk-
að. Laura hélt sérstaka sýningu á
myndum af þessu tagi á sínum tíma
og eru þær undir heitinu „A few
sensual moments“ á vefsíðunni.
Laura gerir einnig grein fyrir því
á síðunni sinni að fáar konur sýni
erótískum ljósmyndum áhuga.
„Mér finnst oft gæta þröngsýni í
þessari umræðu. Mig langaði að
taka myndir eins og ég myndi vilja
sjá. Það er svo mikið klám á Netinu
og víðar en það er aldrei nein
áhersla á að sýna eitthvað fallegt,
ég vildi reyna það. Ég á kannski
eftir að þróa þessa hugmynd meira
en ég þarf aðeins meiri æfingu,“
segir hún hugsi.
Útlendingar á íslenskum
bakgrunni
Myndir af magadönsurum eru
meðal nýjunga á Lavatop en Laura
byrjaði í magadansi fyr-
ir tveimur árum og tek-
ur myndir af maga-
dönsurum auk þess að
dansa sjálf. „Ég sá Josy
dansa fyrir tveimur ár-
um og fékk að taka
myndir af henni. Ég ákvað líka að
prófa sjálf og þetta er mjög góð lík-
amsrækt. Magadansarar eru líka
frábært myndefni fyrir ljósmynd-
ara.“
Vefsíðan samanstendur af þrem-
ur meginhlutum. Í fyrsta lagi eru
það skynjunarmyndirnar, í öðru
lagi fjölþjóðlegi hlutinn þar sem
Laura tekur myndir af fólki sem
hefur búið víða en býr nú á Íslandi
og setur saman við íslenskan bak-
grunn. Í þriðja lagi er það dag-
bókin eða myndabloggið sem Laura
segist geta kallað það. „Lavatop
Journal“ er samsafn ýmiss konar
mynda sem Laura vill deila með
öðrum, en segir þó ekki vera full-
kláruð listaverk. „Í þessum hluta
vil ég sýna margs konar myndir,
eins og til dæmis af skammdeginu
á Íslandi.“ Þar að auki eru myndir
m.a. frá gamlárskvöldi á Íslandi.
Fjölþjóðlegi hlutinn er nýjastur á
síðunni. „Ég hitti svo marga út-
lendinga sem eru farnir að búa hér
á landi eins og ég sjálf og mig lang-
aði að festa þá á filmu. Fyrst hugs-
aði ég mér að taka myndir af er-
lendum listamönnum sem höfðu
flutt hingað til lands en svo ákvað
ég að það þyrftu ekki endilega að
vera listamenn heldur bara hvaða
fólk sem er, sem hefði flutt hingað
frá öðru landi. Ég hef tekið myndir
af fólkinu og sett saman við ein-
hvern bakgrunn sem lýsir þessu
fólki betur. Ein er mjög áhugasöm
um íslenska hestinn og því eru
hestar í mynd af henni.“
Íslandsvinum fer fjölgandi
Laura hefur nýlega aukið við
fjölþjóðlega hlutann á vefnum og
hefur tengil í það sem hún kallar
Íslandsvini. „Ég hef hitt fólk sem
er hér á ferðalagi en býr ekki endi-
lega hér og langaði líka að segja
frá því. Svo er þetta orðinn brand-
ari hér að hver sem kemur til Ís-
lands er orðinn Íslandsvinur,“ segir
Laura brosandi. Í þessum hluta er
Laura m.a. með myndir af „Ís-
landsvininum“ Nick Cave síðan
hann hélt tónleika hér á landi í lok
síðasta árs og vonast til að auka við
þennan hluta síðunnar.
Laura hefur kynnt verk sín og
hæfileika á vefnum lengi og fengið
ýmiss konar verkefni víða um heim
við grafíska hönnun eða mynd-
skreytingar. Hún segir að það geti
reynst erfitt að vera í fullri vinnu
og sinna auk þess listinni af fullum
krafti, sýna reglulega o.s.frv. „Ég
er alltaf að læra eitthvað nýtt í
vinnunni og ég er mjög ánægð með
það. Nú er ég ekki svo mikið að
reyna að sýna reglulega, ég hef
Lavatop og þar er mín sýning,“
segir listakonan að lokum.
steingerdur@mbl.is
Ljósmynd Lauru af magadansaranum Josy úr fjölþjóðlega hluta Lavatop.
Ljósmynd/Laura Valentino
„Keilir“ eftir Lauru úr myndröðinni „Water Snow Sky“.
Morgunblaðið/Jim Smart
Laura Valentino var forvitin um
Ísland og flutti því hingað fyrir
fimmtán árum.
Á vefnum www.lavatop.-
com má m.a. finna
margvíslegar myndir af
íslensku landslagi,
magadönsurum og Ís-
landsvinum. Vefurinn er
höfundarverk banda-
rísku myndlistarkon-
unnar Lauru Valentino
sem hefur verið búsett á
Íslandi í fimmtán ár og
er íslenskur ríkisborg-
ari. Steingerður Ólafs-
dóttir ræddi við Lauru. Ljósmyndin „Neck“ úr hlutanum „A few sensual moments“.
Það er aldrei nein
áhersla á að sýna
eitthvað fallegt,
ég vildi reyna það
og
Soyjamjólk
með höfrum
Alvöru heilsudrykkur
Heilsubúðin Njálsgötu - Lyfjaval
Vöruval Vestmannaeyja
ÞÚ VERÐU AÐ PRÓFA……………
Baked Powder Bronzer
Baked bronspúður frá Urban Decay er ekki þetta venjulega sólarpúður!!!
Þessi skemmtilega nýjung er bökuð í ofni í litlum terrakotta skálum í 24
tíma og síðan handpússuð til að fá þetta fullkomna útlit!!!
Og hver er útkoman? Silkimjúkt bronspúður með léttri áferð sem hægt er
að nota bæði þurrt og blautt og sest aldrei í rákir!!!
1. Sveiflaðu því yfir allt andlitið með Urban Decay púðurbusta
til að fá létt-ristað útlit.
2. Notaðu minni blautan Urban Decay bursta til að fá ríkan,
afmarkaðan lit á augu og varir.
3. Notaðu blautan svamp til að ,,bronsa andlitið og líkaman“.
Útsölustaðir: Snyrtivörudeildir Hagkaups Kringlunni, Skeifunni , Spönginni og Smáralind,
Snyrtihúsið Selfossi, Jara Akureyri, Silfurtorg Ísafirði, Callista Neskaupstað.