Morgunblaðið - 25.08.2003, Blaðsíða 2

FRÉTTIR
2 MÁNUDAGUR 25. ÁGÚST 2003 MORGUNBLAÐIÐ
MARGIR Á MÓTI HASSI
Alls eru 87% landsmanna andvígir
því að neysla hass verði leyfð á Ís-
landi, ef marka má niðurstöður nýrr-
ar viðhorfsrannsóknar sem IBM
gerði fyrir Áfengis- og vímu-
varnaráð. Sömuleiðis telja 79% svar-
enda að neysla kannabisefna myndi
aukast ef notkun efnanna yrði leyfð
hér á landi. Þar að auki kemur fram
að 72% aðspurðra hefðu engan
áhuga á að prófa efnin þótt þau væru
lögleg.
Tófu fjölgar við Mývatn
Ref hefur fjölgað mikið við Mý-
vatn og annars staðar á landinu síð-
ustu misseri. Fram á síðasta ár var
árleg veiði í Skútustaðahreppi um 50
dýr og ástand í jafnvægi. En á þessu
ári hafa verið unnin 90 dýr í 14
grenjum, þar af 24 fullorðnar tófur.
Víglína hryðjuverkastríðs
Paul Bremer, sem hefur yfirum-
sjón með uppbyggingarstarfi í Írak
fyrir hönd Bandaríkjastjórnar, sagði
í sjónvarpsviðtali í gær að hundruð
„alþjóðlegra hryðjuverkamanna“
væru nú í Írak; þar lægi nú fremsta
víglína „stríðsins gegn hryðjuverk-
um“.
Forskot á Schwarzenegger
Demókratinn Cruz Bustamante,
vararíkisstjóri Kaliforníu, fengi 13%
meira fylgi en repúblikaninn og
kvikmyndastjarnan Arnold
Scwharzenegger ef kosið væri til
embættis ríkisstjóra Kaliforníu nú.
Þetta kemur fram í niðurstöðum
skoðanakönnunar sem birtar voru í
gær, en kosningarnar fara fram 7.
október nk.
2003
MÁNUDAGUR 25. ÁGÚST BLAÐ B
B L A Ð A L L R A L A N D S M A N N A
EFNIHÉR KEMUR TEXTI
Stabæk hefur
áhuga á Veigari
VEIGAR Páll Gunnarsson spilaði mjög vel á
móti Fylki en hann hefur leikið frábærlega fyrir
KR í sumar. Spilamennska hans hefur vakið at-
hygli erlendis og í leiknum gegn Fylki í gær var
„njósnari“ frá norska liðinu Stabæk, sem kom til
landsins til að fylgjast með framgöngu Veigars.
„Ég veit að Stabæk hefur áhuga á mér og það
væri vissulega spennandi að skoða tilboð frá
þeim. Ég vissi ekki að það hefði verið maður frá
þeim að fylgjast með mér í dag en það er gaman
að vita að það sé áhugi fyrir manni,“ sagði Veig-
ar Páll. Spurður um leikinn sagði Veigar að allt
KR-liðið hefði átt toppleik. „Þetta var mjög góð-
ur leikur og það stóðu allir fyrir sínu. Ég er á
því að þetta hafi verið fyrsti toppleikur KR í
sumar og hann hefði ekki getað komið á betri
tíma.“
SIGURPÁLL Geir Sveinsson úr
GA lék lokahringinn á Evrópumóti
áhugamanna í Skotlandi á laugar-
dag á 71 höggi, eða einu höggi und-
ir pari. Hann lék hringina fjóra á
samtals 291 höggi, eða þremur
höggum yfir pari, og hafnaði í 15.–
20. sæti. „Ég er mjög ánægður með
árangurinn sem er sá besti sem ég
hef náð á erlendu móti á ferlinum.
Þetta er líka gott veganesti fyrir
úrtökumót atvinnumanna sem ég
tek þátt í í næsta mánuði,“ sagði
Sigurpáll í samtali við Golfvef
Morgunblaðsins.
Sigurpáll var eini íslenski kylfing-
urinn sem komst í gegnum niður-
skurðinn en auk hans léku á mótinu
þeir Guðmundur Ingi Einarsson
sem lék á 233 höggum, Birgir Már
Vigfússon sem var á 243 höggum og
Heiðar Davíð Bragason var á 238
höggum.
Sigurpáll lék fyrri níu holurnar í
dag á tveimur höggum yfir pari,
fékk fugl á tveimur fyrstu holunum
en þurfti síðan tvívegis að taka víti.
Síðari holurnar lék hann hreint frá-
bærlega, fékk sex pör og þrjá fugla.
„Ég er mjög sáttur við daginn og
það var gaman að enda þetta svona
vel á seinni níu holunum. Það er
ekki slæmt að vera meðal 20 efstu
af 150 bestu áhugamönnum Evr-
ópu,“ sagði Sigurpáll.
Sigurpáll
í 15.–20.
sæti
INDRIÐI Sigurðsson, landsliðs-
maður í knattspyrnu, gengur að öll-
um líkindum til liðs við belgíska 1.
deildarliðið Genk nú í vikunni. Genk
og Lilleström, liðið sem Indriði leik-
ur með, hafa náð samkomulagi um
kaupin og eftir leik Lilleström við
Tromsö í gær hitti Indriði for-
ráðamenn belgíska liðsins. Stefnt er
að því að hann gangist undir lækn-
isskoðun á morgun og mun í kjölfar-
ið skrifa undir samning við félagið.
Eyjólfur Bergþórsson, umboðs-
maður Indriða, staðfesti í samtali við
Morgunblaðið í gær að samningur
við Genk lægi nánast klár á borðinu
en ekkert væri öruggt fyrr en búið
væri að skrifa undir. Eyjólfur sagði
mörg lið hafa sýnt Indriða áhuga,
meðal annars hafi útsendarar frá
Stuttgart mætt á tvo leiki Lilleström
gagngert til að skoða Indriða og eins
franska liðið Monaco.
Indriði er 22 ára gamall og hefur
átt fast sæti í íslenska landsliðinu
undanfarin misseri. Hann gekk í
raðir Lilleström frá KR árið 2000 og
rennur samningur hans við norska
liðið út hinn 1. nóvember næstkom-
andi.
„Ég yrði mjög ánægður ef þetta
gengi upp hvað Genk varðar. Það
yrði skref upp á við fyrir mig að fara
til Genk. Ég vil komast í burtu frá
Noregi og teldi það mjög góðan kost
að fara til Belgíu. Það er búið að
vera mikil „krísa“ hjá Lilleström.
Liðið er illa statt fjárhagslega og ef
sala á mér mundi hjálpa þeim yrði
ég mjög sáttur við það,“ sagði Indr-
iði í samtali við Morgunblaðið í gær.
Genk er ekki óvant því að hafa ís-
lenska leikmenn í sínum röðum en
bræðurnir Þórður, Bjarni og Jó-
hannes Guðjónssynir léku um tíma
með félaginu og urðu meistarar með
því árið 1999 og Genk varð meistari í
annað sinn í sögu félagins í fyrra.
Þrátt fyrir að góður tími sé liðinnfrá sigrinum og ég meðal ann-
ars búin að hlaupa sigurhirnginn þá
geri ég mér ekki grein fyrir því enn
að ég hefir unnið gullverðlau,“ sagði
hin unga bandaríska hlaupakona
Kelli White eftir að hún kom fyrst í
mark í 100 m hlaupi kvenna á heima-
meistaramótinu í frjálsíþróttum í
París. White lagði m.a. gullverð-
launahafa síðasta heimsmeistara-
móts, Zhanna Block frá Úkraínu.
White náði auk þess besta tíma
ársins í 100 m hlaupi, 10,85 sekúnd-
ur. Önnur í hlaupinu varð landa Whi-
tes, Torri Edwards á 10,93. Block
varð síðan þriðja á 10,99 en hún vann
það afrek á HM fyrir tveimur árum
að leggja sjálfa Marion Jones í úr-
slitum.
„Ég hefði þurft nokkrar vikur til
viðbótar við æfingar til þess að eiga
möguleika á gullverðlaunum. White
er vel að gullinu komin og ég óska
henni til hamingju,“ sagði Block að
keppni lokinni en hún virtist vrea
sátt við hlutksipti sitt að þessu sinni
og hljóp með White og Edwards sig-
urhringinn.
White segist ekki ætla að láta við
það sitja að vinna gullið í 100 metra
hlaupi. „Ég stefni að því að vinna
tvöfallt, taka sigurinn í 200 metra
hlaupinu einnig,“ sagði White glað-
AP
Kelli White á milli þeirra Torri Edwards og Zhönna Block eftir
að hafa komið fyrst í mark í 100 m hlaupi kvenna á HM í gær.
White vann
gullverðlaun
Indriði Sigurðs-
son fer til Genk
Yf ir l i t
Í dag
Sigmund 8 Myndasögur 26
Vesturland 12 Bréf 26
Erlent 13 Dagbók 28/29
Listir 14/15 Þjónusta 29
Landið 16 Leikhús 30
Umræðan 17/20 Fólk 30/33
Forystugrein 18 Bíó 30/33
Minningar 21/24 Ljósvakar 34
Blóm vikunnar 24 Veður 35
* * *
Kynningar – Morgunblaðinu í dag
fylgir Námskrá haust 2003 frá End-
urmenntun Háskóla Íslands. Blaðinu
er dreift um allt land.
EINU sinni á ári koma íbúar við
götuna Úthlíð í Reykjavík saman
og slá upp fjölbreyttri síðsum-
arsveislu. Þegar þessi árlega
götuhátíð fer fram er götunni
lokað fyrir bílaumferð og íbú-
arnir taka sig saman og skreyta
úti við.
Að þessu sinni fengu íbúarnir
heimsókn eldgleypa frá Götuleik-
húsinu og trumbur voru barðar
fram eftir degi.
Morgunblaðið/Árni Torfason
Eldheit
götuhátíð
EINHVER skjálftavirkni var enn til
staðar í gærdag og gærkvöld í Krísu-
vík og skjálfti, 2,4 á Richter, varð um
hálfníu leytið í gærkvöld. Nokkrar
snarpar skjálftahrinur mældust að-
faranótt sunnudags. Að sögn Eriks
Sturkell hjá jarðeðlissviði Veður-
stofu Íslands hefur verið fylgst
grannt með skjálftavirkninni.
Virknin virðist fjara út
„Það virðist vera að virknin sé að
dvína,“ sagði Erik í samtali við
Morgunblaðið. „Virknin jókst þó
tímabundið, bæði um tvöleytið að-
faranótt sunnudags og sömuleiðis
um sexleytið á sunnudagsmorgun.
Stærsti skjálftinn sem mældist um
nóttina var 2,8 á Richter og kom
klukkan 01.40,“ útskýrir Erik.
Hann segir að ef virknin nú sé bor-
in saman við skjálfta á sama svæði
árið 1973 megi benda á, að innan
tveggja sólarhringa frá stórum
skjálfta hafi komið annar nokkuð
vestar, nærri Grindavík. Nú er fylgst
með hvort merkja megi virkni vestan
eða austan við Krísuvíkursvæðið.
Sömuleiðis hafa mælst skjálftar
um tólf kílómetra norðaustan við
Grímsey. Erik segir að ekki þurfi
endilega að vera tengsl milli virkn-
innar á Reykjanesi og við Grímsey.
„Bæði svæðin eru virk jarðskjálfta-
svæði og nú ber svo við að bæði láta á
sér kræla á sama tíma,“ sagði hann.
Jörð skelf-
ur minna í
Krísuvík
VINNUEFTIRLIT ríkisins, í sam-
ráði við Fjölmenningarsetrið á Ísa-
firði og fleiri aðila, hefur ákveðið að
vinna áfram í átaki um vinnuvernd á
fjölmenningarlegum vinnustöðum.
Efnt verður til fundar í haust með
þessum aðilum þar sem framhald
verkefnisins verður ákveðið nánar.
Vinnueftirlitið fór að skoða þessi
mál eftir að ábendingar bárust frá
Fjölmenningarsetrinu á Ísafirði um
vaxandi vandamál á sumum vinnu-
stöðum vegna erfiðleika í samskipt-
um þar sem starfsmenn eru af mis-
munandi uppruna. Í sumum tilvikum
var vitað um að erlendir starfsmenn
höfðu orðið fyrir einelti á vinnustöð-
unum.
Að sögn Svövu Jónsdóttur hjá
Vinnueftirlitinu hafa starfsmenn eft-
irlitsins undanfarin ár einnig orðið
varir við örðugleika í samskiptum á
vinnustöðum þar sem rekast á ólíkir
menningarheimar. Hefur þetta sér-
staklega átt við um smærri fyrirtæki
í starfsgreinum eins og fiskvinnslu á
landsbyggðinni, þó síður í Reykja-
vík, í öðrum matvælaiðnaði, umönn-
un og ræstingu.
Í byrjun þessa árs var skipaður
verkefnahópur innan Vinnueftirlits-
ins, sem Svava hefur stýrt, í sam-
vinnu við Elsu Arnardóttur, fram-
kvæmdastjóra Fjölmenningar-
setursins á Ísafirði. Markmiðið var
að afla aukinnar þekkingar um að-
stæður á fjölmenningarlegum vinnu-
stöðum og að upplýsa stjórnendur og
starfsmenn um rétt sinn og skyldur
varðandi aðbúnað, hollustuhætti og
öryggi á vinnustöðum. Einnig var
markmiðið að efla eftirlitsaðferðir
Vinnueftirlitsins á slíkum vinnustöð-
um.
Starfstengt nám
hefur bætt samskiptin
Hefur verkefnið í fyrstu miðast við
Vestfirði, þar sem erlendir starfs-
menn eru hlutfallslega flestir, en
ætlunin er að vinna það nánar á
landsvísu. Þá hafa verið gefnir út
bæklingar á nokkrum tungumálum
um einelti og vinnuvernd á Íslandi.
„Sum fyrirtæki hafa gert mjög
góða hluti varðandi nám í íslensku og
þá einkum starfstengt nám. Á þeim
stöðum hafa samskiptin batnað og
allt vinnuumhverfið um leið. Oftast
eru það tungumálaörðugleikar sem
leiða til misskilnings og erfiðra sam-
skipta en einnig ólíkir menningar-
heimar. Eitt af því sem fram hefur
komið í samtölum við stjórnendur og
trúnaðarmenn á vinnustöðunum er
að meiri leiðbeiningar vanti. Við höf-
um fundið mikinn áhuga á að efla
vinnuvernd á þessum vinnustöðum
og fara í sérstakt upplýsingaátak.
Við ætlum að fá fleiri aðila til liðs við
okkur,“ segir Svava og á þar við
ýmsar stofnanir, félagasamtök,
starfsgreina- og stéttarfélög,
fræðslusamtök og túlka.
Dæmi um að er-
lendir starfsmenn
verði fyrir einelti
Fjölmenningarlegir vinnustaðir
Í BLAÐINU í dag birtast frétt-
ir af Vesturlandi í fyrsta skipti
á sérstakri síðu.
Er þetta liður í þeirri við-
leitni blaðsins að auka frétta-
flutning af landsbyggðinni og
afmarka þeim fréttum sérstak-
an sess í blaðinu.
Vesturlandssíðan mun fyrst
um sinn birtast á mánudögum.
Ásdís Haraldsdóttir blaðamað-
ur mun hafa umsjón með Vest-
urlandssíðunni. Netfang henn-
ar er asdish@mbl.is.
Þeim sem vilja koma efni á
síðuna er bent á þetta netfang.
Vesturlands-
síða hefur
göngu sína
LJÓSMYNDARI AP-fréttastofunn-
ar, Adam Butler, náði myndum af
því þegar áhöfn hrefnuveiðiskipsins
Njarðar KO 7 dró veiði sína, stóran
tarf, um borð í skipið á laugardag.
Hafa myndirnar borist víða um heim
enda eru margir fjölmiðlar áskrif-
endur að fréttum og myndum AP-
fréttastofunnar.
Í texta með myndunum er því m.a.
lýst að blóð hrefnunnar hafi litað sjó-
inn þegar hún var hífð um borð í
hvalveiðiskipið. Einnig er greint frá
því að hrefnan hafi verið drepin við
vesturströnd Íslands. Þá segir að ís-
lensk stjórnvöld hafi heimilað
vísindaveiðar á 38 hrefnum á næstu
tveimur mánuðum.
AP
Hvalveiðimyndir
berast víða um heim
FRIÐRIK Pálsson, stjórnarformað-
ur SÍF, segist þeirrar skoðunar að
samruni SÍF og SH væri æskileg
þróun. Hann telur hins vegar mjög
mikilvægt að slík sameining fari
fram á vinsamlegum nótum. Í Morg-
unblaðinu í gær sagði Halldór J.
Kristjánsson að hann teldi að ef sam-
staða næðist ekki meðal hluthafa um
sameininguna yrðu „aðrar leiðir
farnar til að tryggja þetta markmið“.
„Ég hef haft þá skoðun, og hef
hana enn, að þetta væri æskilegt. Við
reyndum að komast að samkomulagi
í vetur en það tókst ekki þá,“ segir
Friðrik . Hann segir að bæði fyrir-
tækin séu afskaplega stór, hafi fjölda
viðskiptavina og starfsmanna og
þjóni mikilvægu hlutverki fyrir ís-
lenskan sjávarútveg. „Það mega
ekki verða mistök í þessu ferli. Ég
hef lagt alla áherslu á að þessi sam-
runi yrði á vinsamlegum nótum,“
segir hann.
Friðrik undirstrikar einnig að haft
verði í huga að líta þurfi til hags-
muna allra viðskiptavina félaganna
tveggja. Þar sé ekki einungis um að
ræða fiskkaupendur erlendis heldur
einnig íslensk útgerðar- og fisk-
vinnslufyrirtæki sem sjá endursölu-
aðilum fyrir hráefni.
Friðrik Pálsson stjórnarformaður SÍF
Vinsamlegur sam-
runi mikilvægur