Morgunblaðið - 25.08.2003, Blaðsíða 8
FRÉTTIR
8 MÁNUDAGUR 25. ÁGÚST 2003 MORGUNBLAÐIÐ
Þó það nú væri, keyptirðu ekki einhvern tímann af mér eitt stykki Skoda, Solla mín?
Hlíðaskóli settur í dag
Mikið starf
fram undan
Í DAG verða grunnskól-ar í Reykjavík settirog þúsundir grunn-
skólabarna þramma með
töskurnar í skólann prúð
og frjálsleg í fasi. Mikill
undirbúningur liggur að
baki því starfi sem nú hefst.
Kristrún G. Guðmunds-
dóttir er nýr skólastjóri
Hlíðaskóla og tekur við
starfinu af Árna Magnús-
syni, sem gegnt hefur starfi
skólastjóra frá árinu 1980.
Hvernig hefur undirbún-
ingurinn fyrir skólaárið
gengið í Hlíðaskóla?
„Undirbúningurinn hef-
ur að flestu leyti gengið vel,
þótt húsnæðismálin hafi
sett strik í reikninginn. Það
hafa staðið yfir fram-
kvæmdir hér undanfarin
misseri sem hafa tekið lengri tíma
en áætlað var og þar af leiðandi er
skólinn ekki í því ástandi sem mað-
ur hefði viljað hafa hann við upp-
haf skólastarfs. Það reynir tölu-
vert bæði á starfsfólk og
nemendur þegar miklar fram-
kvæmdir eru á skólatíma og það
hefur vissulega gert það hér. Með
samstilltu átaki starfsfólksins hef-
ur þó tekist að þoka þessum mál-
um í rétta átt og byrjum við því full
bjartsýni á morgun.“
Hvað felst í þessum fram-
kvæmdum?
„Skólinn hefur vissulega stækk-
að til muna og telst nú fullbyggður.
Við fáum mun stærra og skemmti-
legra kennslurými og aðstaða fyrir
nemendur breytist til batnaðar.
Nú mun skólinn fá nemendamötu-
neyti þar sem nemendum í fyrsta
til sjötta bekk stendur til boða heit
máltíð í hádeginu. Þetta starf verð-
ur þróað áfram í framtíðinni og
stefnum við á að bjóða eldri nem-
endum einnig upp á þessa þjón-
ustu þegar fram líða stundir.
Einnig mun svonefnt skólaskjól,
þar sem börnin í fyrsta til fjórða
bekk geta dvalist við leik og störf
fram eftir degi, fljótlega færast úr
Vesturhlíð yfir í Hlíðaskóla.“
Hvernig gengur samstarf við
kennara og annað starfsfólk skól-
ans?
„Mér hefur enn ekki gefist tími
til að kynnast samstarfsfólki mínu
vel, en bráðlega mun ég skipu-
leggja starfsmannasamtöl með
hverjum og einum og hlakka mjög
til að eiga stund með þeim og
spjalla undir fjögur augu.“
Nú tekurðu við skólanum af
skólastjóra sem nýtur mikillar
virðingar og hefur stýrt farsælu
skólastarfi, hvernig leggst starfið
framundan í þig?
„Starfið framundan leggst mjög
vel í mig. Með nýjum stjórnanda
koma auðvitað nýjar áherslur og
nýir straumar. Hér bíða mjög
mörg krefjandi verkefni, meðal
annars að þróa sameiningu Vest-
urhlíðaskóla og Hlíðaskóla, en
Hlíðaskóli hefur nú fengið það
hlutverk að vera með kennslu fyrir
heyrnarlaus og heyrnarskert
börn. Í vetur verða
þessi börn 17. Þetta er
stærsta verkefnið
framundan, bæði krefj-
andi og spennandi fyrir
allt starfsfólk Hlíða-
skóla að fást við. Ennfremur tel ég
að Hlíðaskóli sé vel í stakk búinn
til að takast á við þetta verkefni,
því hér eru kennarar sem búa yfir
mikilli reynslu og húsnæðið er vel
til þess fallið að hýsa þessa starf-
semi.“
Hverjar verða helstu áherslur
þínar í starfi skólastjóra?
Þetta sameiningarmál verður
vissulega eitt af stóru málunum, en
jafnframt mun ég vinna að ýmsum
þróunarverkefnum innan skólans,
sem styðjast við framtíðarsýn
Fræðslumiðstöðvar Reykjavíkur í
skólamálum. Fræðslumiðstöð gef-
ur árlega út starfsáætlun, þar sem
fram koma helstu áherslur í skóla-
málum til næstu framtíðar.
Jafnframt hlakka ég til að kynn-
ast því góða fólki sem vinnur í
Hlíðaskóla og stefni að því að eiga
gott samstarf við nemendur og for-
eldra. Skólinn er auðvitað þjón-
ustustofnun sem á að veita foreldr-
um og nemendum góða þjónustu
og verður það eitt af meginmark-
miðum mínum í starfi.
Farsælt skólastarf byggist á
samhentum starfsmannahópi, sem
hefur sameiginlega skólasýn. Það
er ósk mín að halda áfram því
metnaðarfulla starfi sem Hlíða-
skóli er þekktur fyrir.
Auknar kröfur eru einnig gerð-
ar um bætta upplýsingamiðlun
skóla til heimilanna. Við stefnum
að því að skólinn gefi út nokkur
fréttabréf á ári sem verði send for-
eldrum. Jafnframt verði gefin út
skólahandbók sem verður endur-
skoðuð árlega.“
Hvað með nýtingu upplýsinga-
tækninnar bæði í skólastarfi og
samskiptum heimila og skóla?
„Skólinn hefur látið vinna fyrir
sig nýja heimasíðu sem kemst í
gagnið á næstunni. Á
henni verður auðveld-
ara að uppfæra allar
upplýsingar og foreldr-
ar og aðrir sem áhuga
hafa geta fylgst betur
með skólastarfi í Hlíðaskóla.
Að lokum væri gaman að minn-
ast á það að Hlíðaskóli hefur fengið
það hlutverk að vera móðurskóli í
verk- og listgreinum í Reykjavík.
Skólinn er þekktur fyrir öflugt
listalíf og er það því kærkomið
tækifæri fyrir skólann að taka að
sér þetta verkefni og vonum við að
sem flestir leiti í smiðju okkar hvað
þetta varðar.
Kristrún G. Guðmundsdóttir
Kristrún G. Guðmundsdóttir
fæddist í Reykjavík hinn 15. maí
árið 1953 og hefur búið í Reykja-
vík næstum alla ævi. Kristrún
lauk prófi í Fósturskóla Íslands
1980. Hún lauk BA-prófi í upp-
eldis- og menntunarfræðum við
HÍ 1993 og námi í uppeldis- og
kennslufræði til kennsluréttinda
árið 1994. Kristrún lauk prófi í
náms- og starfsráðgjöf árið 1997
og meistaraprófi í námsráðgjöf
frá University of Strathclyde í
Glasgow árið 1999. Kristrún
lauk nú í vor námi í Starfs-
mannastjórnun við Endur-
menntunarstofnun HÍ. Kristrún
er gift Daníel Gunnarssyni,
skólastjóra Ölduselsskóla, og
eiga þau saman 3 börn.
Mjög mörg
krefjandi
verkefni