Morgunblaðið - 25.08.2003, Blaðsíða 2

ÍÞRÓTTIR
2 B MÁNUDAGUR 25. ÁGÚST 2003 MORGUNBLAÐIÐ
DICK Advocaat, landsliðsþjálfari
Hollands, hefur sagt að hollensku
landsliðsmennirnir hjá Chelsea og
Arsenal verði að skipta um félag ef
þeir ætli ekki að eiga á hættu að
missa sæti sitt í landsliðinu. Jimmy
Floyd Hasselbaink, Boudewijn
Zenden og Mario Melchiot eiga ekki
öruggt sæti í byrjunarliði Chelsea og
Giovanni van Bronckhorst á í sömu
vandræðum hjá Arsenal.
„Ég hef aðeins ein skilaboð til
Hasselbaink, Melchiot, Zenden og
Van Bronckhorst. Skiptið um félag
sem fyrst ef ykkur langar að fara
með hollenska landsliðinu til Portú-
gals næsta sumar og taka þátt í Evr-
ópukeppninni. Ástæðan fyrir því að
ég segi þetta er að ég vel aðeins leik-
menn í landsliðið sem leika um
hverja einustu helgi með fé-
lagsliðum sínum. Ég hef áhyggjur af
hollensku leikmönnunum í ensku úr-
valsdeildinni og þá sérstaklega þeim
sem eru á mála hjá Chelsea. Þeir fá
ekki að leika reglulega og svo þegar
þeir koma til móts við hollenska
landsliðið eru þeir ekki í nægilega
góðu leikformi. Þetta gengur ekki til
lengdar og ef þeir ætla að vera
áfram í landsliðinu eiga þeir að fara
til liðs þar sem þeir fá að leika reglu-
lega. Ég veit að þeir þyrftu jafnvel
að lækka sig í launum en þeir verða
að fórna því ef þeir ætla að vera í
landsliðinu,“ sagði Advocaat.
Advocaat aðvarar leik-
menn Chelsea og Arsenal
Reuters
Jimmy Floyd Hasselbaink
KA-MENN höfnuðu í 2. sæti á æf-
ingamóti sem þeir tóku þátt í
Þýskalandi og lauk um helgina.
KA lék til úrslita á móti Guðjóni
Vali Sigurðssyni og félögum hans
í Essen og sigraði Essen, 34:26,
eftir að hafa haft eins marks for-
ystu í hálfleik, 16:15.
Ingólfur R. Axelsson var mark-
hæstur KA-manna í úrslita-
leiknum með 6 mörk, en næstir
honum komu þeir Einar Logi
Friðjónsson og Jónatan Magn-
ússon með 5 mörk hvor og Andr-
ius Stelmokas skoraði 4. Það var
skarð fyrir skildi fyrir KA-menn
að Arnór Atlason gat ekki leikið í
úrslitaleiknum en hann meiddist í
undanúrslitaleiknum á móti Dess-
auer, þar sem KA hafði betur,
13:11, en leiktíminn í þeim leik
var 2X15 mínútur. Ekki er ljóst
hversu alvarleg meiðsli Arnórs
eru.
Guðjón Valur skoraði 5 mörk
gegn sínum gömlu félögum í úr-
slitaleiknum en markahæstur var
Frakkinn Casal með 6 mörk.
Stefán Guðnason, hinn ungi
markvörður KA, var í mótslok
valinn besti markvörður mótsins
en hann þótti standa sig geysi-
lega vel í öllum leikjum KA-
liðsins.
KA í öðru sæti
í Þýskalandi
Aðalsteinn sagði KR gott lið, semekki mætti gefa nein færi.
„KR-liðið er samansafn af góðum
leikmönnum, fimm
fremstu þeirra eru
frábærir knatt-
spyrnumenn.
Þetta eru allt
strákar sem mega hvorki fá tíma né
frið til að spila boltanum. Við lögðum
upp með að spila okkar hefðbundna
leik, klippa á stutta spilið þeirra og
vera ákveðnir en það stóð ekki
steinn yfir steini í leiknum og við
hljótum að spyrja okkur hvort ekki
sé kominn tími á nýtt, ungt og kraft-
mikið lið í Árbænum, hvort þetta lið
sé sprungið.“
Þjálfarinn sagði sitt lið hafa kom-
ist inn í leikinn um tíma en síðan
misst þráðinn. „Sigurinn valt á að
KR-ingar komu betur stemmdir og
greinilegt var að þeir vildu spila
knattspyrnu á meðan við vorum of
varkárir, hræddir og áttum í vand-
ræðum með að senda einfaldar fimm
metra sendingar auk þess að menn
virkuðu þungir. Það vantaði samt
ekki stemmningu í liðið fyrir leikinn
og við vorum langtímum saman inni
í honum en glopruðum niður sóknum
okkar strax í byrjun, þá kom einhver
skelfileg sending sem gerði út um
sóknina. Þegar við svo komumst
nær teignum var okkur fyrirmunað
að hitta á markið, menn voru sann-
arlega ekki í skotskónum í kvöld.
Þegar Björn Viðar meiddist og fór
út af breyttum við í þriggja manna
vörn og létum bakverði okkar fara
lengra upp kantana. Það gekk mjög
vel síðustu fimmtán mínúturnar í
fyrri hálfleik en það virtist skorta
áhuga á að halda því áfram eftir hlé.
Það sem veldur mér mestum von-
brigðum er að menn skyldu ekki
hafa meiri styrk til að bíta betur frá
sér. Við reyndum og reyndum en
glopruðum oft boltanum frá okkur á
ótrúlegan hátt, þriggja metra send-
ingum inni í í vítateig spiluðum við
beint í fætur KR-inga og buðum
þeim því upp á að skapa hættu enda
þurftu þeir ekki að hafa mikið fyrir
seinni hálfleiknum.“
Fylkismenn hafa ekki grætt mikið
á síðustu tveimur leikjum, fengið á
sig níu mörk, en í fyrstu þrettán
leikjunum höfðu þeir aðeins fengið á
sig tíu mörk. Þjálfarinn sagði það
meira en bara að fatast flugið. „Við
getum frekar kallað það brotlend-
ingu að fá á okkur næstum jafnmörg
mörk í síðustu tveimur leikjum og
öllum hinum. Þetta eru sömu leik-
mennirnir og sama leikaðferðin sem
lagt er upp með svo að við getum
spurt okkur sjálfa hvort hugarfarið
sé í lagi. Spilið er samt ekki búið, KR
er komið í þægilega stöðu en við
jafnframt í óþægilega með nokkur
lið á hælunum á okkur. Við þurfum
nú að hafa virkilega mikið fyrir því
að vinna okkur út úr þessu en ef við
gerum það ekki kemur nýtt ár eftir
þetta,“ sagði Aðalsteinn en taldi þó
ekki alla von úti enn. „Við eigum leik
á fimmtudaginn og verðum að nota
hann til að fá ákveðna þætti í gang.
Vonandi náum við að nýta þann leik
til að komast í gang en það er ljóst að
ef við leikum aftur svona fer ekki vel
á móti AIK. Við förum samt í þann
leik til að vinna og auðvitað getum
við betur en þetta. Ég held að það
hafi ekki verið nein pressa á okkur.
Staðan er langt frá því að vera eins
og í Skagaleiknum í fyrra. Í mínum
huga er engin sérstök pressa á liðinu
um að vinna þessa leiki og vinna
mótið. Þetta snýst því ekki um að
fást við einhverja pressu. Við fáum
góðan stuðning frá áhorfendum okk-
ar, sem styðja vel við bakið á okkur
og eru reiðubúnir til að fyrirgefa
okkur slaka leiki. Hins vegar hlýt ég
að spyrja sjálfan mig hvort ég sé að
gera rétt með þetta lið eða ekki og
verð að fara yfir það næstu daga.“
Íslandsmeistarar KR standa vel að vígi í keppninni um Íslandsmeistaratitilinn í knattspyrnu eft
Við gáfum KR-
ingum allan
heimsins tíma
„ÉG ER eiginlega alveg orðlaus, gersamlega í áfalli,“ sagði Aðal-
steinn Víglundsson, þjálfari Fylkis, eftir leikinn. „Það var vel gert
hjá KR-ingum að skora tvö mörk í tveimur sóknum og þeir spiluðu
vel í kvöld enda fengu þeir allan heimsins tíma til þess að spila góða
knattspyrnu. Mínir menn endurtóku leikinn við Þrótt – voru einfald-
lega ekki tilbúnir að mæta mönnum og gæta þeirra.“
Eftir
Stefán
Stefánsson
Morgunblaðið/Jón Stefánsson
Aðalsteinn Víglundsson, þjálfari Fylkis.
■ Leikurinn/B6
Aðalsteinn Víglundsson, þjálfari Fylkis
Morgunblaðið/Jim Smart
Markvörður Fylkis gerir árangurslausa tilraun til að koma í veg fyrir eitt fjögurra marka KR.