Morgunblaðið - 25.08.2003, Blaðsíða 4
KNATTSPYRNA
4 B MÁNUDAGUR 25. ÁGÚST 2003 MORGUNBLAÐIÐ
HERMANN Hreiðarsson fékk
góða dóma fyrir frammistöðu sína
eins og allt lið Charlton sem tók
nýliða Wolves í kennslustund á
Molineux í fyrsta heimaleik Úlf-
anna í efstu deild í 19 ár. Gest-
irnir frá London unnu stórsigur,
4:0, og gáfu Hermann og félagar
hans í Charlton-liðinu liðsmönnum
Wolves engin grið, sérstaklega í
fyrri hálfleik. Öll mörkin komu á
fyrstu 33 mínútum leiksins og má
segja að nýliðarnir hafi upplifað
sannkallaða martröð á þessum
kafla. Jason Euell skoraði fyrsta
markið, Daninn Claus Jensen ann-
að og Shaun Bartlett bætti við
tveimur mörkum. Hermann fékk
gott tækifæri til að skora fimmta
markið en skalli hans eftir horn-
spyrnu Jensen fór rétt fram hjá
stönginni. Ítalski töframaðurinn
Paolo Di Canio lék sinn fyrsta leik
í búningi Charlton og fékk að
spreyta sig síðasta stundarfjórð-
unginn.
Ívar Ingimarsson var ekki í leik-
mannahópi Úlfanna sem eiga erf-
iðan leik í vændum á miðvikudags-
kvöld þegar þeir sækja meistara
Manchester United heim á Old
Trafford.
HEIÐAR Helguson lék allan tím-
ann fyrir Watford sem beið ósigur
fyrir WBA, 1:0, á heimavelli. Heið-
ar átti eitt besta færi Watford en
skot hans fór í stöngina. Lárus
Orri Sigurðsson gat ekki leikið
með WBA sökum meiðsla.
STEVEN Gerrard, miðjumaður
Liverpool, er ekki tilbúinn að leika
í Evrópukeppni félagsliða á næsta
ári. Gerrard segir að Liverpool
verði að vinna sér sæti í Meist-
aradeildinni. „Mig langar ekki að
fara frá Liverpool en ég hef stutt
liðið alla mína ævi og ég er ánægð-
ur í herbúðum liðsins. Hinsvegar
verðum við að komast aftur í
Meistaradeildina því ég hef engan
áhuga á að leika á næsta ári í Evr-
ópukeppni félagsliða,“ sagði Gerr-
ard.
LOMANA LuaLua, sóknarmaður
Newcastle, er ekki ánægður með
hve fá tækifæri hann fær hjá lið-
inu. LuaLua er 22 ára gamall og
kom til Newcastle fyrir tveimur
árum. „Alan Shearer, Craig Bell-
amy, Carl Cort og Shola Ameobi
virðast allir vera á undan mér í lið-
ið. Þeir eru allir mjög góðir sókn-
armenn en ég get ekki endalaust
sætt mig við það að fá ekki tæki-
færi með liðinu,“ sagði LuaLua.
ALAN Shearer, sóknarmaður
Newcastle, segir að það sé ekkert
til í þeim sögusögnum að hann sé á
leiðinni til Liverpool eða Totten-
ham. „Mig langar að gera nýjan
samning við Newcastle og það er
það eina sem ég hef áhuga á,“ sagði
Shearer en samningur hans við
Newcastle rennur út næsta sumar.
STEVE Marlet, sóknarmaður
Fulham, sagði í síðustu viku að
hann vildi vera áfram hjá félaginu
en hefur nú skipt um skoðun. Það
er talið að Marlet vilji fara til
Marseille í Frakklandi.
CHRIS Coleman, knattspyrnu-
stjóri Fulham, var ekki sáttur við
þessa ákvörðun Marlets og tók
hann úr byrjunarliðinu fyrir leik-
inn gegn Everton um helgina.
„Fyrst sagði Marlet að hann vildi
vera áfram hjá Fulham en hringdi
svo í mig tveimur tímum síðar og
tjáði mér að hann vildi fara frá
Fulham. Ég læt engan leika sem
vill ekki vera hjá Fulham og því
var hann ekki í liðinu gegn Ever-
ton,“ sagði Coleman.
ENSKI landsliðsmaðurinn Dar-
ius Vassell, sem leikur í stöðu
framherja hjá Aston Villa, hefur
skrifað undir nýjan þriggja ára
samning við félagið.
DANNY Mills hefur verið lán-
aður í eitt ár frá Leeds United til
Middlesbrough. Mills er enskur
landsliðsmaður og leikur í stöðu
hægri bakvarðar. Hann féll í ónáð
hjá Peter Reid, knattspyrnustjóra
Leeds.
FÓLK
að getu. Reynslan í liði United kom
glögglega í ljós í síðari hálfleik og
þegar þeir fengu tíma og pláss til að
spila sinn leik þá áttum við á bratt-
ann að sækja,“ sagði Bobby Robson,
knattspyrnustjóri Newcastle.
Yorke hetja Blackburn
Dwight Yorke tryggði Blackburn
annað stigið gegn Bolton á Rebock
með því að skora jöfnunarmarkið
rétt áður en leiktíminn rann út. Bolt-
on komst í 2:0 en lærisveinar
Graeme Souness neituðu að gefast
upp og tókst að jafna þrátt fyrir að
leika manni færri eftir að Steven
Við hefðum getað refsað þeimmeira og unnið stærri sigur en
við unnum gott lið Newcastle og ég
er ánægður með það. Það kom ekki
að sök að Alex var sendur af bekkn-
um. Við þekkjum hlutverk okkar og
ég held bara að við höfum þjappað
okkur betur saman og í stað þess að
svekkja okkur á röngum dómum ein-
beittum við okkur að leiknum,“ sagði
Roy Keane, fyrirliði Man. United.
„Þetta var miklu betra en í fyrra
þegar við töpuðum fyrir þeim 6:2.
Við veittum meisturunum miklu
meiri keppni núna en engu að síður
vantar svolítið ennþá til að ná þeim
Reid var vikið af velli. „Yorke hefur
staðið sig vel og ég var sérlega
ánægður fyrir hans hönd. Systir
hans lést í síðustu viku svo hann átti
skilið eitthvað gott,“ sagði Souness
sem var mjög óhress með dómara
leiksins, Ady D’Urso, og taldi bæði
vítaspyrnuna sem Bolton fékk á upp-
hafsmínútunum og eins brottrekst-
urinn ranga dóma.
„Við getum þakkað fyrir jafnteflið
en allt of margir í mínu liði léku und-
ir getu,“ sagði Kevin Keegan, stjóri
Manchester City, en hans menn
náðu að jafna metin á móti nýliðum
Portsmouth með marki David
Sommeils í uppbótartíma.
Tottenham innbyrti fyrstu stig sín
á leiktíðinni með 2:1 sigri á móti
Leeds á White Hart Lane og skoraði
Frakkinn Frederic Kanoute sigur-
markið en hann kom til Tottenham
fyrir skömmu frá West Ham.
Mutu tryggði Chelsea sigur
Claudio Ranieri, knattspyrnu-
stjóri Chelsea, var ánægður með
framlag Rúmenans Adrian Mutu í
leiknum við Leicester en Mutu lék
sinn fyrsta leik í búningi þeirra bláu
og skoraði sigurmark leiksins.
„Mutu stóð sig að mínu mati mjög
vel. Hann vildi eðlilega sýna hvað í
honum býr, bæði tæknina og skotin,
en ég tók eftir því að hann var svolít-
ið taugastrekktur sem ég get vel
skilið. Hann skoraði afar gott mark
sem reyndist sigurmarkið og það
gefur honum örugglega gott sjálfs-
traust. Ég var ánægður með stigin
þrjú sem við kræktum í en ég veit að
við getum spilað mun betur en við
gerðum í þessum leik. Það tekur
tíma að slípa lið saman þegar margir
nýir menn eru komnir í það. Ég var
svolítið undrandi á frammistöðu liðs-
ins í sigurleiknum á móti Liverpool
og ég held að spilamennskan á móti
Leicester hafi gefið réttari mynd af
því á hvaða róli við erum. Við eigum
eftir að styrkjast og eflast með
hverjum leik,“ sagði Ranieri.
Hermann og
félagar í stuði
Reuters
Ruud van Nistelrooy, sá sem skoraði fyrra mark Manchester United gegn New-
castle, að kljást við Lee Bowyer í leik liðanna á St. James’ Park.
Sigurganga Unit-
ed heldur áfram
MANCHESTER United hefur ekki tapað leik í ensku úrvalsdeildinni
síðan liðið lá fyrir Middlesbrough á öðrum degi jóla á síðasta ári.
United sótti Newcastle heim og vann góðan útisigur, 2:1, eftir að
hafa verið 1:0 undir í hálfleik. Alan Shearer sýndi enn og aftur styrk
sinn í vítateig andstæðinganna og kom heimamönnum yfir með fal-
legu skallamarki en í síðari hálfleik sýndu meistarar Manchester
United klærnar svo um munaði. Þeir réðu lögum og lofum framan af
síðari hálfleik og gerðu út um leikinn með mörkum frá Nistelrooy og
Paul Scholes.
Ferguson ætlar
að verða rólegri
SIR Alex Ferguson, knattspyrnustjóri Man-
chester United, var rekinn af varamanna-
bekknum gegn Newcastle á laugardaginn
þegar fyrri hálfleikur var rúmlega hálfn-
aður. Ferguson var mjög ósáttur við að dóm-
ari leiksins, Uriah Rennie, hafði ekki dæmt
neitt þegar Andy O’Brien, varnarmaður
Newcastle, braut á Ryan Giggs sem var kom-
inn einn í gegnum vörn Newcastle. Ferguson
mótmælti kröftuglega við fjórða dómara
leiksins og sagði nokkur óþveginn orð við
hann sem varð til þess að Rennie rak Fergu-
son upp í stúku.
„Ég veit að fjórði dómarinn á að taka hart
á mótmælum í vetur. Ætli ég verði þess
vegna ekki að slaka aðeins á í framtíðinni.
Ég var virkilega óánægður með að O’Brien
hafi ekki fengið að líta rauða spjaldið fyrir
brotið á Giggs og ég lét skoðun mína í ljós,
eins og ég hef margoft gert áður. Fyrir það
var ég rekinn í burtu frá varamannabekkn-
um. Ég horfði á það sem eftir var af leiknum
frá skrifstofu sir Bobby Robson, knatt-
spyrnustjóra Newcastle. Þaðan kom ég
skilaboðum til aðstoðarmanna minna á vara-
mannabekknum og þeir stjórnuðu liðinu
samkvæmt þeim skipunum,“ sagði Ferguson.
Sir Bobby Robson sagði að það hefði farið
vel um Ferguson á skrifstofu sinni. „Fergu-
son horfði á leikinn í ró og næði. Hann fékk
einnig góða þjónustu sem fól í sér að honum
var boðið kaffi, kex og beikonsamlokur. Svo
vann liðið hans þannig að ég held að hann
geti verið mjög sáttur,“ sagði Robson.