Morgunblaðið - 25.08.2003, Blaðsíða 5
ÍÞRÓTTIR
MORGUNBLAÐIÐ MÁNUDAGUR 25. ÁGÚST 2003 B 5
EIÐUR Smári Guðjohnsen á í vændum mikla samkeppni
um stöðu í Chelsea-liðinu á leiktíðinni en ekkert lát virð-
ist ætla að verða á kaupum Rússans Romans Abramovich
á leikmönnum. Argentínski sóknarmaðurinn Hernan
Crespo var á Stamford Bridge á laugardaginn og sá
Chelsea leggja nýliða Leicester að velli en Crespo skrifar
undir samning við Lundúnaliðið í vikunni. Annar nýr liðs-
maður Chelsea sem keppir við Eið um framherjastöð-
urnar í liðinu, Rúmeninn Adrian Mutu, fékk tækifæri í
byrjunarliðinu gegn Leicester á kostnað Eiðs og skoraði
sigurmark leiksins á lokamínútu fyrri hálfleiks með
þrumufleyg. Eiður Smári fékk að spreyta sig síðustu
fimm mínútur leiksins, skipti við Jimmy Floyd Hassel-
baink, en náði eðlilega ekki að setja mark sitt á leikinn.
Samkeppnin
harðnar hjá Eiði
Smára
Morgunblaðið/Einar Falur
Eiður Smári Guðjohnsen fær enn aukna
keppni um framherjastöðuna hjá Chelsea.
WERDER Bremen sigraði
Schalke 4:1 á laugardaginn á
meðan bæði Bayer Leverkusen og
Borussia Dortmund töpuðu.
Bremen er í fyrsta sæti í þýsku 1.
deildinni með jafnmörg stig og
Bayern München og Stuttgart en
Bremen er með hagstæðustu
markatöluna.
„Ég bjóst aldrei við að við
myndum sigra Shalke svona
örugglega. Við stjórnuðum leikn-
um allan tímann og spiluðum frá-
bæra knattspyrnu. Það er gaman
þegar liðið nær að gefa stuðn-
ingsmönnum okkar það sem þeir
vilja – mörg mörk og sigur,“
sagði Thomas Schaaf, þjálfari
Bremen.
Bochum sigraði Leverkusen 1:0
og sátu Þórður Guðjónsson og
Bjarni Guðjónsson allan leikinn á
varamannabekk Bochum. Tomasz
Zdebel skoraði sigurmark leiks-
ins á 64. mínútu. Cologne lagði
Dortmund óvænt að velli 1:0 á
heimavelli og gerði Dirk Lottner
eina mark leiksins á 57. mínútu.
Bayern München sigraði Ham-
burger 0:2 á útivelli í gær og eru
þýsku meistararnir ósigraðir eft-
ir fjórar umferðir. Það voru
Claudio Pizarro og Giovane Elber
sem skoruðu mörkin.
Werder Bremen á
toppnum í Þýskalandi
ÞÓRÐUR og Bjarni Guðjónssynir
sátu báðir á varamannabekk Bochum
allan leikinn þegar lið þeirra sigraði
Bayer Leverkusen á heimavelli, 1:0.
BRYNJAR Björn Gunnarsson var
ekki í leikmannahópi Nott. Forest
sem tapaði á heimavelli fyrir Cardiff.
PÉTUR Hafliði Marteinsson var í
byrjunarliði Stoke sem tapaði sínum
fyrstu stigum í 1. deildinni með því að
gera jafntefli við Walsall, 1:1. Pétur
var tekinn af velli á 65. mínútu leiks-
ins. Carl Asaba kom Stoke yfir í fyrri
hálfleik en Paul nokkur Merson jafn-
aði metin fyrir Walsall fimm mínútum
fyrir leikslok.
HELGI Kolviðsson lék fyrstu 70
mínúturnar fyrir Kärnten sem gerði
markalaust jafntefli við Pasching í
austurrísku 1. deildinni. Kärnten,
sem mætir Grindvíkingum í UEFA-
keppninni í Grindavík á fimmtudag-
inn, er í 7. sæti deildarinnar með 7
stig en Rapid Vín er í toppsætinu með
13 stig.
AUÐUN Helgason var allan leikinn
í liði Landskrona sem tapaði fyrir
Djurgården, 3:0, í sænsku úrvals-
deildinni.
MAGDEBURG sigraði Wilhelms-
havener, 28:25, í úrslitaleik á móti
sem fram fór í Wilhelmshavener. Sig-
fús Sigurðsson hafði hægt um sig í liði
Magdeburg og skoraði 1 mark en
Gylfi Gylfason skoraði 4 fyrir Wil-
helmshavener.
ÓLAFUR Stefánsson skoraði fjög-
ur mörk fyrir spænska liðið Ciudad
Real í gær þegar liðið tryggði sér sig-
ur á móti á Kanaríeyjum með því að
gera jafntefli, 26:26, við franska liðið
Montpellier.
TVIS Holstebro, danska kvennalið-
ið sem fjórar íslenskar landsliðskonur
leika með, féll úr leik í dönsku bik-
arkeppninni í handknattleik um
helgina. Tvis Holstebro tapaði fyrir
Viborg, 32:24. Hrafnhildur Skúla-
dóttir og Hanna G. Stefánsdóttir
skoruðu 4 mörk hvor og Inga Fríða
Tryggvadóttir 1. Helga Torfadóttir
lék í marki liðsins og stóð fyrir sínu.
ÍSLANDSMEISTARAR Hauka í
handknattleik karla unnu sigur á
Nesmótinu í handknattleik sem lauk
á Seltjarnarnesi á laugardaginn.
Haukar unnu Val, 32:29, í lokaum-
ferðinni og unnu þar með alla þrjá
leiki sína. Valur varð í öðru sæti með
4 stig, Grótta/KR í þriðja með 2 stig
og Breiðablik rak lestina með ekkert
stig.
VALUR sigraði á Samskipamótinu
svokallaða sem fram fór í Vest-
mannaeyjum um helgina. Valskonur
höfðu betur á móti stöllum sínum í
Gróttu/KR í úrslitaleik, 18:16. Brynja
Steinsen og Kolbrún Stefánsdóttir
voru markahæstar í liði Vals með 5
mörk en hjá Gróttu/KR var Ragna K.
Sigurðardóttir markahæst með 5
mörk. ÍBV hafði betur á móti Stjörn-
unni í leik um þriðja sætið, 18:15.
FÓLK
HOLLENSKI framherjinn Ruud van Nistelrooy jafnaði met John Aldridge,
fyrrum framherja Liverpools, á laugardaginn þegar hann skoraði fyrir
Manchester United í 10. deildarleiknum í röð í ensku úrvalsdeildinni í
knattspyrnu. Nistelrooy jafnaði metin fyrir United í leiknum við Newcastle
á St. James Park og var þetta 50. mark Hollendingsins fyrir United í úr-
valsdeildinni í 50 leikjum sem er einstakur árangur hjá þessum marksækna
framherja.
Thierry Henry skoraði eftir að-eins fjórar mínútur, Gilberto
Silva bætti við öðru marki á 12. mín-
útu og Sylvain Wiltord gerði þriðja
markið á 21. mínútu eftir snilldar-
sendingu frá Henry.
Í síðari hálfleik slökuðu ensku bik-
armeistararnir á en það lék aldrei
vafi á hvort liðið færi með sigur af
hólmi. Wiltord gerði annað mark sitt
á 59. mínútu og þar við sat – stór-
sigur Arsenal var staðreynd. „Við
vorum frábærir í fyrri hálfleik og
þótt við slökuðum á í þeim síðari
héldum við hreinu og bættum við
einu marki sem var mjög gott,“ sagði
Arsene Wenger, knattspyrnustjóri
Arsenal.
Slæm byrjun hjá Liverpool
Liverpool hefur byrjað tímabilið
illa og er aðeins með eitt stig. Liðið
náði aðeins í eitt stig gegn Aston
Villa á Villa Park í gær en leiknum
lauk með markalausu jafntefli. Ekki
er hægt að segja annað en að jafn-
tefli hafi verið sanngjörn úrslit. Bæði
lið fengu nokkur úrvalsfæri en mark-
verðir liðanna voru í hörkuformi og
vörðu oft á tíðum mjög vel. Gestirnir
voru nálægt því að tryggja sér sig-
urinn fimm mínútum fyrir leikslok
en þá varði Tomas Sørensen frábær-
lega skalla frá John Arne Riise. Ger-
ard Houllier, knattspyrnustjóri Liv-
erpool, taldi að jafntefli hefði verið
sanngjörn úrslit. „Við hefðum getað
sigrað en við hefðum einnig getað
farið frá Villa Park með ekkert stig.
Við vissum að þetta yrði mjög erf-
iður leikur og sú varð raunin. Þetta
var mjög spennandi leikur og mark-
verðir liðanna vörðu oft frábærlega.
Leikmenn mínir sýndu mikinn styrk
og frammistaða þeirra var góð,“
sagði Houllier sem vart getur verið
sáttur við stöðu liðs síns sem er að-
eins með eitt stig að loknum tveimur
fyrstu umferðunum.
Arsenal yfirspilaði
Middlesbrough
ARSENAL átti ekki í erfiðleikum
með Middlesbrough á útivelli í
gær og sigraði 4:0, og var sig-
urinn síst of stór. Leikmenn Ars-
enal gerðu út um viðureignina
áður en fyrri hálfleikur var
hálfnaður með þremur mörkum
en þau hefðu auðveldlega getað
verið fimm í fyrri hálfleik einum.
Reuters
Patrick Vieira og hollenski miðvallarleikmaður Middles-
brough, George Boateng, keppast um boltann.
Reuters
Sylvain Wiltord innsiglar annað tveggja marka sinna í gær í
öruggum sigri á Middlesbrough.
Nistelrooy jafnaði met