Morgunblaðið - 25.08.2003, Blaðsíða 8

KNATTSPYRNA
8 B MÁNUDAGUR 25. ÁGÚST 2003 MORGUNBLAÐIÐ
GUNNAR Sigurðsson, markvörður Fram, kom sínum
mönnum til bjargar í blálokin með því að verja úr dauða-
færi. Hann var að vonum mjög sáttur eftir leikinn og
sagði þetta vera sigur liðsheildarinnar. „Núna fórum við
loksins eftir fyrirmælum þjálfarans og uppskárum sam-
kvæmt því. Við áttum náttúrlega mjög lítið í seinni hálf-
leik, þá voru þeir mun betri. Ef þessi leikur hefði verið
fyrir mánuði hefðum við pottþétt fengið á okkur mark en
nú er sjálfstraustið komið og við erum farnir að halda
hreinu. Þetta er allt að koma hjá okkur,“ sagði Gunnar og
var ekki annað að sjá á honum en að hann hlakkaði til
lokabaráttunnar. Undanfarin ár hefur hann staðið í
ströngu með Frömurum í fallbaráttu en hafði áður verið í
meistarabaráttu með ÍBV. „Ég er búinn að vinna þessa
titla sem hægt er að vinna á Íslandi en ég get sagt það að
ekkert jafnast á við að halda sér uppi,“ sagði Gunnar
kampakátur að lokum.
Sjálfstraustið er
komið hjá okkur STEINAR Þór Guðgeirsson,þjálfari Fram, var hæstánægður
með sigurinn og frammistöðu
sinna manna, þótt hann við-
urkenndi að hafa séð skemmti-
legri bolta. „Eins og ég sagði eft-
ir síðasta leik þá höfum við spilað
betri fótbolta en við komum
hingað til að berjast. Við þurfum
að berjast fyrir hverju stigi og ég
er stoltur af mínu liði. Allir gáfu
allt sem þeir áttu og það er það
sem þarf í þessa leiki.“ Steinar
Þór sagði ýmsa þætti hafa orðið
þess valdandi að Framarar væru
nú byrjaðir að hala inn stig.
„Sjálfstraustið er komið aftur og
við höfum líka undanfarið farið
vel yfir þá hluti sem var ábóta-
vant. KA-menn pressuðu mjög
mikið, eins og við vissum að þeir
myndu gera. Þeir eru duglegir
að senda fyrir markið og nota
langar sendingar. Við tókum alla
vikuna í að skoða þetta og við
vörðumst þessu mjög vel. Þeir
fengu ekkert dauðafæri fyrr en
eftir venjulegan leiktíma en
Gunni kom okkur til bjargar
þar.“ Steinar sagði ljóst að ef lið-
ið héldi áfram á þessari braut
fengi það áfram stig og var
ánægður með að liðið virtist
standast pressuna. „Við stönd-
umst þetta ágætlega og ég er
mjög ánægður með það, við verj-
umst vel og fáum lítið af mörkum
á okkur; við fengum allt of mörg
mörk á okkur í upphafi mótsins,“
sagði Steinar Þór Guðgeirsson.
Steinar Þór Guðgeirsson, þjálfari Fram,
og Finnur Thorlacius, formaður Fram,
Fótboltafélags Reykjavíkur.
Gáfu allt sem þeir áttu
Morgunblaðið/Golli
Þegar niðurstaðan er metin ogleikurinn skoðaður í heild er
kannski ekki hægt að segja að þetta
hafi verið sanngjarn
sigur. Tölfræðin
segir okkur að KA-
menn hafi átt 18
skot eða skalla að
marki en Fram 9 og KA fékk tíu
hornspyrnur en Fram aðeins eina.
Það er hins vegar margt fleira en
tölfræðin sem skiptir máli í leik sem
þessum. Liðsandinn vegur þar
þungt og samvinna leikmanna. Þeg-
ar menn ná upp baráttuanda og
gera ekki of mikið af því að nöldra
kemur heppnin gjarnan í kjölfarið
og á þessu sviði stóðu Framarar feti
framar.
Fyrsta færi leiksins kom á 10.
mínútu er Steinar Tenden skallaði
fram hjá marki Fram. KA-menn
áttu eftir að reyna meira af þessum
háu sendingum inn í teig en þær
skiluðu ekki árangri að þessu sinni.
Fyrsta marktækifæri Fram leit
dagsins ljós á 33. mín. er Andri
Fannar Ottósson missti naumlega af
þversendingu fyrir opnu marki KA.
Hreinn Hringsson skallaði síðan
fram hjá marki Fram á 36. mín. eftir
hornspyrnu.
Úrslit leiksins réðust á 40. mínútu
eftir mistök hjá Søren Byskov,
markverði KA. Löng sending kom
inn fyrir vörn KA og Kristján
Brooks elti boltann. Byskov hefði ef-
laust náð að sparka boltanum út af
ef hann hefði ekki hikað og lagt of
seint af stað. Hann fór beint í
Brooks og varla annað hægt en að
dæma vítspyrnu. Ágúst fyrirliði
Gylfason skoraði úr henni.
Bæði liðin fengu færi eftir þetta.
Hreinn Hringsson átti tvo góða
snúninga en skotin rötuðu ekki í
markið. Gunnar Þór Gunnarsson
geystist síðan upp vallarhelming KA
á 45. mín. og þrumaði að marki.
Knötturinn sleikti þverslána. Síð-
asta færið átti Þorvaldur Örlygsson
þegar hann prjónaði sig í gegnum
vörn Fram en skot hans var varið.
Seinni hálfleikur var afar tilþrifa-
lítill allt fram á 75. mínútu eða svo.
Hvorugu liðinu tókst að skapa sér
færi. Völlurinn var orðinn ansi háll
vegna rigningarúðans og ekki batn-
aði knattspyrnan við það. Á 76. mín-
útu fékk KA loks hálffæri er Pálmi
Rafn Pálmason mokaði knettinum
yfir af stuttu færi. Leikmenn KA
fóru aðeins að hressast og færa sig
framar og mjög lifnaði yfir Þorvaldi
Örlygssyni. Á 84. mín. sást góður
spilakafli hjá liðinu og sóknin endaði
með skoti Pálma fram hjá. Nú var
varnarmanni skipt út af fyrir sókn-
armann og allt kapp lagt á að jafna
metin.
Þung pressa var að marki Fram
síðustu mínúturnar en kannski hófst
sú pressa of seint. Síðustu mark-
tækifærin komu þegar komið var
fram yfir venjulegan leiktíma. Fyrst
stóð Pálmi Rafn skyndilega óvald-
aður í vítateig en Gunnar Sigurðs-
son varði skot hans með glæsibrag
og síðan átti Hreinn skot rétt yfir.
Framarar stóðust pressuna og
kræktu sér í þrjú stig.
Framarar virðast vera komnir á
beinu brautina og stefna á það að
bjarga sér frá falli, sem er ekki ný
bóla á þeim bæ. Vörn liðsins var
sterk með þá Andrés Jónsson, Ingv-
ar Ólason og Eggert Stefánsson
sem öftustu menn en vængmenn-
irnir Gunnar Þór Gunnarsson og
Ómar Hákonarson gegndu líka
varnarskyldu sinni af mikilli prýði.
Leikmenn Fram voru að mörgu
leyti hreyfanlegri en andstæð-
ingarnir lengst af og voru þeir
Ágúst Gylfason og Viðar Guð-
jónsson sterkir á miðjunni.
Heldur hefur fjarað undan liði KA
í síðustu leikjum. Leikmenn liðsins
voru æði stressaðir og pirraðir í
þessum leik enda mikið í húfi. Þeim
gekk illa að spila markvisst en
sýndu þó síðustu mínúturnar hvað í
þá er spunnið. Þá fór Þorvaldur Ör-
lygsson hamförum en hann hafði
haft frekar hægt um sig fram að því.
Dean Martin var að vanda duglegur
og Steinn Viðar Gunnarsson var
góður í vörninni. Liðið var óheppið
að ná ekki að jafna og nú þurfa KA-
menn að ná upp svipuðum anda og
Framarar ef þeir eiga að sleppa
óskaddaðir frá þeirri hörðu fallbar-
áttu sem fram undan er.
Morgunblaðið/Skapti Hallgrímsson
Þorvaldur Örlygsson KA-maður skýtur að marki. Bjarni Hákonarson er til varnar og í baksýn
Ágúst Gylfason, fyrirliði Fram, sem gerði eina mark leiksins úr vítaspyrnu í fyrri hálfleik.
Framarar
komnir úr
botnsætinu
GRÍÐARLEG taugaspenna ríkti í leik KA og Fram á Akureyrarvelli í
gærkvöld og þorðu menn varla að spila knettinum á milli sín lengi
vel; ekki það að von hafi verið á nettum og skipulegum meginlands-
bolta en mikilvægi leiksins bar knattspyrnuna ofurliði á köflum. KA
þurfti sárlega á sigri að halda til að rífa sig aðeins frá tveimur
neðstu liðunum. Fram hefur lengi setið á botninum en loks verið að
klifra upp í síðustu leikjum og björgunarstarfið hélt áfram í þessum
leik þar sem Framarar hrósuðu sigri, 1:0. Þeir fögnuðu innilega í
leikslok en heimamenn lutu höfði.
Stefán Þór
Sæmundsson
skrifar
KA 0:1 Fram
Leikskipulag: 4-5-1 Landsbankadeildin,
15. umferð
Akureyrarvöllur
Sunnudaginn 24. ágúst
2003
Aðstæður:
Hafgola, skýjað, 14 stiga hiti
og rigningarúði. Völlurinn all-
fagur en háll.
Áhorfendur: Um 650.
Dómari: Magnús Þórisson,
Keflavík, 4
Aðstoðardómarar:
Marinó Þorsteinsson, Ingvar
Guðfinnsson
Skot á mark: 18(6) - 9(2)
Hornspyrnur: 10 - 1
Rangstöður: 0 - 8
Leikskipulag: 3-5-2
Sören Byskov
Örlygur Þór Helgason
(Elmar Dan Sigþórsson 84.)
Steinn V. Gunnarsson M
Ronnie Hartvig
Þorvaldur Sveinn Guðbjörnsson
Hreinn Hringsson
Þorvaldur Makan Sigbjörnsson
Þorvaldur Örlygsson M
Óli Þór Birgisson
(Jóhann Helgason 46.)
Dean Martin M
Steinar Tenden
(Pálmi Rafn Pálmason 63.)
Gunnar Sigurðsson M
Andrés Jónsson
Ingvar Ólason M
Eggert Stefánsson
Ómar Hákonarson
(Daði Guðmundsson 86.)
Baldur Þór Bjarnason
Viðar Guðjónsson M
(Freyr Karlsson 89.)
Ágúst Gylfason M
Gunnar Þór Gunnarsson
Kristján Brooks
Andri Fannar Ottósson
(Kristinn Tómasson 78.)
0:1 (40.) Kristján Brooks elti langa sendingu, Sören Byskov markvörður KA hik-
aði en óð svo á móti Kristjáni og felldi hann í vítateignum. Ágúst Gylfa-
son skoraði örugglega úr vítaspyrnunni sem dæmd var.
Gul spjöld: Steinn V. Gunnarsson, KA (19.) fyrir peysutog  Sören Byskov, KA (39.) fyrir
brot  Þorvaldur Sveinn Guðbjörnsson, KA (51.) fyrir brot  Ágúst Gylfason,
Fram (66.) fyrir tafir
Rauð spjöld: Engin
Þorvaldur Örlygsson, þjálfari ogleikmaður KA, var að vonum
ósáttur við úrslit leiksins. „Þetta
var ekki nógu gott.
Við erum búnir að
koma okkur í vand-
ræði, algerlega að
óþörfu. Við erum
komnir niður í þessa baráttu eftir
að hafa tapað allt of mörgum stig-
um á heimavelli.“ Þorvaldur var
mjög vonsvikinn yfir að hafa ekk-
ert fengið út úr leiknum, þótt KA
hefði stjórnað honum lengst af.
„Þeir áttu eitt færi í fyrri hálf-
leik, vítið, og ekki skot á mark í
seinni hálfleik. Við gerðum þarna
ein klaufaleg mistök, sem kostuðu
mark, þeir unnu leikinn og fengu
stigin en við fengum ekki neitt,“
sagði Þorvaldur. Næsti leikur KA
er gegn Val, sem er stigi á eftir
Fram og KA í botnbaráttunni, og
sá leikur er afar þýðingarmikill.
Þorvaldur bendir á að það séu
þrjár umferðir eftir og undanúr-
slitaleikurinn í bikarkeppninni hafi
átt að vera áður en síðustu tvær
umferðirnar verða leiknar en verið
færður.
Núna þarf KA að leika undan-
úrslitaleikinn í miðri viku milli
seinustu tveggja umferðanna og
Þorvaldur er ekki sáttur við það.
„Þeir hjálpa okkur ekkert með því
að færa undanúrslitaleikinn í bik-
arnum. Með þessu eyðileggja þeir
bikarkeppnina fyrir okkur líka,“
sagði Þorvaldur Örlygsson, þjálf-
ari KA að leikslokum í gær.
Töpum of mörgum
stigum á heimavelli
Valur
Sæmundsson
skrifar