Morgunblaðið - 26.08.2003, Blaðsíða 11
FRÉTTIR
MORGUNBLAÐIÐ ÞRIÐJUDAGUR 26. ÁGÚST 2003 11
Ætlar þú að taka þátt?
Vantar þig hjálp?
Erla RuthHarðardóttirLeiklistarkennari(Guildford School of Acting and Dance)
Ragnheiður Hall
Söngkennari
(Söngskólinn í Reykjavík)
keppnin
Við bjóðum upp á einkatíma
til að hjálpa þér.
Síminn hjá okkur er
861-6722
Netfang: http://songlist.ismennt.is
Pósthólf 5176, 125 Reykjavík.
Idol !
PÉTUR Pétursson leigutaki Vatns-
dalsár sagði í samtali við Morg-
unblaðið í gærdag að menn kvört-
uðu ekki í Vatnsdalnum þótt veiðin
mætti að sönnu vera meiri.
„Við erum að kroppa upp fiska
og það mjög myndarlega fiska. Það
er mikil meðalvigt í sumar, enda er
allt of lítið af smálaxi. Það er
kannski kominn tími til að réttir að-
ilar fari að setja peninga í að rann-
saka hvað verður um laxinn í haf-
inu. Kerfið okkar hér í Vatns-
dalnum, að veiða og sleppa, virkar
vel í ferska vatninu, það er aukin
hrygning og stórbættur seiðabú-
skapur, en hvað gerist í hafinu er
svo algerlega sjálfstætt fyrirbæri.
Það eru núna komnir um 300 laxar
á land af laxasvæðinu og kannski 40
til 50 til viðbótar af silungasvæðinu,
en munurinn á Vatnsdalsá og ánum
í nágrenninu þar sem veiðin hefur
einnig verið dauf, er sá að hjá okk-
ur er mest af þessum laxi enn lif-
andi í ánni. Það er einn af kost-
unum við „veiða-sleppa“-fyrir-
komulagið, að í mögru árunum
heldur áin löxum sínum.“ sagði Pét-
ur.
Pétur er með meiri bjartsýnis-
mönnum í röðum veiðimanna og til
marks um það gat hann þess að
hann væri ekki enn búinn að af-
skrifa smálaxagönguna miklu sem
átti að vera löngu komin. „Það eru
dæmi til um stórar smálaxagöngur
í Vatnsdalsá sem hafa byrjað 28.
ágúst, þannig að ég gef ekkert frá
mér fyrr en öll von er úti,“ bætti
Pétur við.
Slök veiði hefur verið stóran
hluta vertíðar á silungasvæði
Vatnsdalsár, en Pétur sagði sil-
ungsveiði góða á laxasvæðinu og
4–5 punda bleikjur algengar í afl-
anum. „Við getum náð okkur í
bleikju eins og okkur dettur í hug
og það er líka áberandi mikið af sjó-
birtingi, mikið í kringum 2 pund, en
líka slatti af fiski sem nær 6 til 10
pundum. Varðandi fréttir af
dræmri veiði á silungasvæðinu
dettur mér helst í hug að hún hafi
gengið svo langt á undan áætlun að
mörg holl hafi hreinlega misst af
henni.
Gengið vel í Reykjadalsá
Pétur er einnig með Reykjadalsá
í Reykjadal á leigu og má segja að
þar sé ræktunarverkefni í gangi,
því öllum laxi skal sleppt, en áin
hefur verið í öldudal síðustu sumur.
Pétur sagði að vel hefði gengið í
Reykjadalsá, aldrei hefðu vanir
menn verið í ánni á góðum tíma, en
samt hefðu rúmlega 30 laxar veiðst
og talsvert sést, auk þess sem um
800 urriðar hafa verið skráðir í
veiðibók og Pétur sagðist vita um
að minnsta kost 360 til viðbótar sem
aldrei voru skráðir.
Yfir 100 úr Miðá
Miðá í Dölum var í gær komin yf-
ir 100 laxa, en hún hefur lengi verið
álitin ein af betri sjóbleikjuám
landsins. Áin hefur þó jafnan gefið
50 til 100 laxa síðustu sumur og
fyrrum var laxveiðin mun meiri í
ánni. Gott vatn er nú í ánni og lax
dreifður um alla á. Minna er hins
vegar af bleikju en oft áður þó
menn séu jafnan að slíta eitthvað
upp af henni samhliða laxinum.
ERU
ÞEIR AÐ
FÁ’ANN?
Erum að
kroppa
upp fiska
Morgunblaðið/Einar Falur
Pétur Pétursson leigutaki og Sig-
urður Árni Sigurðsson við urriða-
veiðar í Reykjadalsá.
AÐEINS hafa náðst um hundrað lax-
ar af þeim tæplega þrjú þúsund sem
sluppu úr kví Síldarvinnslunnar í
Norðfirði í síðastliðinni viku. Ekki
verður vart við lax í höfninni og hann
hefur ekki leitað upp í Norðfjarðar-
ána svo vitað sé.
Kvíin virðist hafa rifnað við það að
bátur sigldi á hana, en ekki varð vart
við skemmdirnar fyrr en lax tók að
flýja kvína í stórum stíl.
Á heimasíðu Síldarvinnslunnar er
pistill eftir Björgólf Jóhannsson, for-
stjóra fyrirtækisins, þar sem hann
gagnrýnir orð Orra Vigfússonar, for-
manns NASF, verndarsjóðs villtra
laxastofna, um mengun við laxa-
geymslukví fyrirtækisins.
Mengun ekki mælst yfir
viðmiðunarmörkum
„Orri Vigfússon kemur með alveg
nýjan vinkil á umræðuna um laxa-
slysið í Norðfirði og heldur því fram
að sjórinn við kvína, sem notuð hefur
verið til geymslu á laxi fyrir slátrun,
sé mengaður,“ segir Björgólfur í
pistli sínum. „Ekki veit ég hvaðan
Orri Vigfússon hefur slíkar upplýs-
ingar, hann hefur ekki komið sjálfur á
svæðið og hefur mér vitanlega ekkert
í höndunum um mengun sjávarins.
Mjög vel er fylgst með laxinum við
slátrun og sýni tekin reglulega sem
starfsmenn útibús Rannsóknarstofn-
unar fiskiðnaðarins hér í Neskaup-
stað gera mælingar á. Þetta er gert í
hvert sinn sem laxi er slátrað. Aldrei
hefur það komið fyrir að mengun hef-
ur mælst yfir viðmiðunarmörkum í
laxinum. Tilgangur Orra Vigfússonar
með þessum málflutningi er í besta
falli undarlegur. Hér er hann kominn
út fyrir efnislega umræðu um málið
til þess eins, að því er virðist, að koma
höggi á starfsemi okkar við laxaslátr-
unina og markaðssetningu á laxinum.
Umræðan um það sem hér gerðist, og
afleiðingar þess, verður að vera heil-
brigð og á rökum reist. Það gengur
ekki að beitt sé dylgjum og ósann-
indum til að koma höggi á ímyndaðan
andstæðing. Sá málflutningur hlýtur
að dæma sig sjálfur. Það er ekki ætl-
unin að munnhöggvast við Orra Vig-
fússon frekar í þessari umræðu, að
minnsta kosti ekki á þessum nótum.
Síldarvinnslan hefur lagt spilin á
borðið og unnið mjög opinskátt gagn-
vart fjölmiðlum eftir að þetta slys
varð. Opinberir aðilar hafa verið á
staðnum til þess að fylgjast með
framvindu mála og gefið góð ráð í því
starfi sem unnið er.“
Í gær var um sex þúsund löxum
slátrað hjá Síldarvinnslunni og var
komið með laxinn úr Eyjafirði sjóleið-
is. Fiskinum var dælt beint úr skipinu
upp í sláturhús á landi.
Vel fylgst með laxinum við slátrun
Morgunblaðið/Ágúst Blöndal
Neskaupstað. Morgunblaðið.
NORRÆNA barnaverndarráðstefnan verður
haldin dagana 28. til 31. ágúst á Hótel Nordica í
Reykjavík. 560 manns af öllum Norðurlöndunum
sækja ráðstefnuna með þátttöku fulltrúa frá
Barnaheillum og Barnaverndarstofu.
Norrænu barnaverndarráðstefnurnar eru
haldnar á þriggja á fresti og mun forseti Íslands,
Ólafur Ragnar Grímsson, setja ráðstefnuna kl. 13.
Meðal fyrirlesara er prófessor Nigel Parton, yfir-
maður hagnýtrar rannsóknamiðstöðvar innan há-
skólans í Huddersfield á Englandi. Miðstöðin sér-
hæfir sig í rannsóknum á misnotkun á börnum og
bernskuárum þeirra. Parton mun rekja þróunina í
barnavernd á Vesturlöndum og fjalla um þær
áskoranir sem nútímaforeldrar standa frammi
fyrir við uppeldi barna sinna. Þá ræðir hann
breytt hlutverk fjölmiðla í umfjöllun um barna-
vernd.
Dr. Ólöf Garðarsdóttir sagnfræðingur á Hag-
stofu Íslands flytur þá „Children in Iceland.
Ideologies and Reality“ og prófessor Guðrún
Kristinsdóttir Kennaraháskóla Íslands mun
greina frá niðurstöðum rannsóknar sinnar um
reynslu fólks sem sett var í langtímafóstur á unga
aldri.
Ráðstefnustjóri er Lára Björnsdóttir, félags-
málastjóri Reykjavíkur.
Norræna barnaverndarráðstefnan hefst í Reykjavík á fimmtudaginn
Áskoranir nútímaforeldra
og breytt hlutverk fjölmiðla
ROBERT D.
Behn, prófessor
við Harvard-há-
skóla, flytur er-
indi um árangurs-
stjórnun á
morgunmálþingi
Ríkisendurskoð-
unar og Stofnunar
stjórnsýslufræða
og stjórnmála, hinn 3. september nk.
á Grand-hóteli í Reykjavík. Málþing-
ið hefst klukkan 8 og stendur til kl.
10.30.
Í erindi sínu mun Behn fjalla um
spurninguna: Hvernig næst betri ár-
angur í opinberum stofnunum? Þátt-
tökugjald á ráðstefnuna er 6.500 kr.
en 5.000 kr. ef fleiri en tveir koma frá
sama vinnustað. Hægt er að skrá sig
í gegnum eftirfarandi netfang:
msb@hi.is
Í fréttatilkynningu frá Stofnun
stjórnsýslufræða og stjórnmála seg-
ir að árangursstjórnun í opinberum
rekstri hafi verið á „dagskrá ís-
lenskra stjórnvalda og sveitar-
stjórna á undanförnum árum.“ Það
sé í takt við það sem sé að gerast í
velflestum ríkjum OECD.
Dr. Behn er höfundur bóka og
fjölda tímaritsgreina um opinbera
stjórnsýslu og er eftirsóttur fyrirles-
ari í öllu sem snertir árangursstjórn-
un í opinberum rekstri.
Flytur
erindi um
árangurs-
stjórnun
Robert D. Behn
HREFNUVEIÐISKIPIÐ Halldór
Sigurðsson ÍS veiddi síðdegis í gær
níundu hrefnuna í vísindaveiðum
Hafrannsóknastofnunar. Áætlað er
að veiða 38 hrefnur í veiðunum sem
munu standa yfir til septemberloka.
Halldór Sigurðsson hefur þar með
veitt fjórar hrefnur, Sigurbjörg BA
þrjár hrefnur og Njörður KO tvær
hrefnur.
Hrefnurnar eru mældar og rann-
sakaðar um borð í samræmi við
rannsóknaáætlun stofnunarinnar.
Níunda hrefn-
an veidd í gær
♦ ♦ ♦