Morgunblaðið - 26.08.2003, Blaðsíða 22

LANDIÐ
22 ÞRIÐJUDAGUR 26. ÁGÚST 2003 MORGUNBLAÐIÐ
BENSÍNLAUS bleikur bíll, aftur-
gönguvals, ofstækistrú og aðalper-
sónan úr Blair witch project eru
meðal þess sem hin alhólmavíska
tölvu-rokksveit Hemúllinn gerir að
yrkisefni sínu. Þessi frumlega
hljómsveit skemmti gestum Café
Riis á Hólmavík á dögunum. Tón-
leikarnir voru í röð fimmtudags-
skemmtana sem hafa verið fastur
liður í starfsemi Café Riis undanfar-
in sumar. Auk Hemúlsins hafa m.a.
komið fram í sumar kvennakórinn
Norðurljós og unglingar úr Grunn-
skólanum.
Lögin sem Hemúllinn lék þetta
kvöld eru öll frumsamin og vöktu
textarnir kátínu viðstaddra, en þeir
eru ýmist fluttir á íslensku, dönsku,
ensku, þýsku eða norsku. Ákveðnar
klausur úr þýsku textunum hafa trú-
lega látið kunnuglega í eyrum ung-
linganna á staðnum og minnt á hve
stutt er í að skóli hefjist á ný. Vinnu-
skólinn á Hólmavík var einmitt að
ljúka sínu starfsári þetta kvöld og af
því tilefni fjölmenntu unglingarnir
ásamt flokksstjórum á Café Riis og
snæddu pizzur og hlýddu á tón-
leikana. Hljómsveitin samanstendur
af Arnari S. Jónssyni, heimilistölvu
hans af PC gerð og frænku hans
Hörpu Hlín Haraldsdóttur. Hemúll-
inn hefur meðal annars komið fram
á galdrastefi á Ströndum og í mús-
íktilraunum Tónabæjar og alls hafa
um þrjátíu lög hafa safnast í sarpinn
síðan hljómsveitin var stofnuð.
Morgunblaðið/Kristín Sigurrós
Arnar S. Jónsson og Harpa Hlín Haraldsdóttir.
Frumlegt og frum-
samið á fimmtudegi
Hólmavík
Morgunblaðið/BFH
Mývatnssveit
Bundið
slitlag á
Mývatns-
heiði
HAFIN er lagning bundins slitlags á
Mývatnsheiði. Verktaki á heiðinni er
Ístak og sér nú loks fyrir endann á
verki þeirra sem er 13 km vegur frá
Reykjadalsá að Helluvaði.
Verklok eiga að verða nú 1. sept-
ember en varla stenst það alveg.
Verkið hófst fyrir tveim árum og hef-
ur reynt á þolrifin í verktakanum,
ferðamönnum og Mývetningum þar
sem vinnan hefur fallið öll á þyngsta
umferðartímann hér. En það mun
fljótt gleymast þegar verki er lokið.
Nú er mikilvægast að vegfarendur
sýni tillitssemi við verktakann á
þessum síðasta áfanga. Borgarverk í
Borgarnesi sér um að leggja slitlag-
ið. Þeir voru hressir í sólinni Borg-
nesingarnir Axel Guðni, Óskar og Ív-
ar, þar sem þeir biðu eftir næsta
malarbíl.
PÁLL L. Björgvinsson á Húsavík
datt heldur betur í lukkupottinn
á dögunum þegar dregið var í
SMS-leik sem Olís stóð fyrir.
Dregið var úr rúmlega tuttugu
þúsund innsendum skeytum og
hreppti Páll aðalvinninginn.
Hann var ekki af verri end-
anum aðalvinningurinn, vespa af
Yamaha-gerð, Aerox-Toyota F1-
týpa, í sömu litum og formúlubíll
Toyota-liðsins. Þá fær Páll einnig
frítt bensín á hjólið í eitt ár hjá
Olís.
Guðjón Ingvarsson, útibússtjóri
Olís á Húsavík, afhenti Páli hjólið
og var Páll hæstánægður með
gripinn enda glæsilegur á að líta.
Morgunblaðið/Hafþór Hreiðarsson
Guðjón Ingvarsson, útibússtjóri
Olís á Húsavík, afhendir Páli L.
Björgvinssyni lyklana að hjólinu.
Vann
vespu í
SMS-
leik Olís
Húsavík
ÞEGAR heyskap lýkur hjá bændum
er oft einhver tími laus fram að
smalamennskunni og öðrum haust-
verkum. Þennan tíma nota bændur
til að lagfæra og fegra umhverfi
sitt sem getur verið með ýmsu móti.
Á Götum í Mýrdal var Guðrún
Einarsdóttir að mála þakið á fjár-
húshlöðunni þegar fréttaritari
Morgunblaðsins átti þar leið um á
dögunum enda hefur verið sól og
blíða undanfarna daga, og til þess
að hún þyrfti ekki að fara upp á þak
með tilheyrandi loftfimleikum og
áhættu hafði hún fest saman mörg
sköft til að ná með rúllunni upp á
mæni. Morgunblaðið/Jónas ErlendssonGuðrún Einarsdóttir að mála hlöðuþakið.
Nauðsyn-
legt að
mála þökin
Fagridalur
TÓNLISTARVEISLAN 2003 var
haldin á Húsavík á dögunum og
var undirtitill hennar Bíólögin. Á
tónleikunum sem voru í Íþrótta-
höllinni á Húsavík, fluttu húsvískir
tónlistarmenn, lög úr íslenskum
kvikmyndum og virtist vera af
nógu að taka í þeim efnum. Um-
gjörð tónleikanna var glæsileg og
töluvert í hana lagt, t.d. voru sýnd-
ir bútar úr myndum sem lögin
voru úr.
Guðni Bragason sá um tónlistar-
stjórn veislunnar og var hann
ánægður með hvernig til tókst
bæði kvöldin sem dagskráin var
flutt. Með honum spiluðu í hljóm-
sveit þeir Víðir Pétursson, Þráinn
Ingólfsson, Sigurður Illugason,
Jón Gunnar Stefánsson og Krist-
inn Svavarsson. Um sönginn sáu
þau Arnar Þór Sigurðsson, Krist-
ján Þór Magnússon, Svava Stein-
grímsdóttir og Brynja Elín Birkis-
dóttir. Þá sungu Sigurður Illuga-
son og Guðni Bragason sitt lagið
hvor. Um tæknimál sáu Kristján
Halldórsson, Hróbjartur Sigurðs-
son og Erling Þorgrímsson. Kynn-
ir var Hilmar Valur Gunnarsson
og kom hann í stað bróður síns Jó-
hanns Kristins sem séð hefur um
að kynna veisluna til þessa. Ekki
vildi betur til en svo að Hilmar
Valur forfallaðist seinna kvöldið og
var Gunnar Illugi Sigurðsson feng-
inn til verksins með stuttum fyr-
irvara. Hann stóð sig vel í þessu
hlutverki eins og reyndar Hilmar
Valur einnig.
Bíólögin flutt í Íþróttahöllinni
Morgunblaðið/Hafþór Hreiðarsson
Guðni Bragason tónlistarstjóri fór fyrir sínu fólki á Tónlistarveislunni.
Tilurð þessarar tónlistarveislu,
sem haldin hefur verið undanfarin
ár, má rekja til þess er Fræðslu-
nefnd Húsavíkur auglýsti á sínum
tíma eftir hugmyndum til að auðga
húsvískt menningarlíf að sumar-
lagi. Síðan þá hefur verið blásið til
veislu af þessu tagi ár hvert með
stuðningi fræðslunefndar. Fjöldi
ungra tónlistarmanna hefur stigið
á svið í bland við gamalreynda
kappa og árlega hafa einhverjir
nýliðar komið fram. Það virðist því
enginn hörgull á ungu hæfileika-
ríku tónlistarfólki í bænum sem
kannski má að einhverju leyti
þakka öflugu starfi Tónlistarskóla
Húsavíkur í gegnum tíðina.
Húsavík