Morgunblaðið - 26.08.2003, Blaðsíða 27
UMRÆÐAN
MORGUNBLAÐIÐ ÞRIÐJUDAGUR 26. ÁGÚST 2003 27
FRAMTÍÐ íslenskra atvinnubíl-
stjóra og fyrirtækja í atvinnuakstri
stendur nú á tímamótum. Rekstr-
arleyfis er nú krafist fyrir alla og fyr-
irtæki sem og einyrkjar auglýsa í
auknum mæli gæði þjónustu og fag-
mennsku bílstjóra. Hér áður fyrr
voru góðir atvinnubílstjórar þeir
menn sem voru hvað mest sjálfbjarga
um viðhald bifreiðarinnar. Hin síðari
ár hefur þetta breyst á þann veg að
góður atvinnubílstjóri er sá aðili sem
tilbúinn er til þess að veita góða þjón-
ustu, er snyrtilegur og jafnframt til
fyrirmyndar varðandi þau lög og
reglur er lúta að starfinu.
Fyrirtæki og einykjar hafa áttað
sig á því að gæði þjónustu þ.e. góður
og vel hirtur tækjakostur og fram-
koma starfsmanna við viðskiptavini
er frumskilyrði fyrir þróun grein-
arinnar. Einnig er nauðsynlegt að
starfað sé eftir þeim lögum og reglum
sem lúta að starfinu. Mikilvægt er
einnig að fylgt sé eftir ákveðinni
markaðssetningu sem mörkuð hefur
verið. Þessi atriði bæta stöðu grein-
arinnar og auka hag hennar þegar lit-
ið er til lengri tíma
Tækjakostur
Það er algengur misskilningur að
tæki, í þessu sambandi ökutæki, þurfi
alltaf að vera ný. Tækin þurfa hins
vegar að vera vel hirt, þrifaleg og í
góðu lagi. Eins er nauðsynlegt að þau
séu í samræmi við markaðssetningu
viðkomandi fyrirtækis. Fyrirtæki
sem auglýsir umhverfis- eða örygg-
isstefnu verður að vera með ökutækin
í samræmi við það. Ef auglýst er utan
á bifreiðunum verða þær að vera í
samræmi við auglýsinguna. Aldurinn
hefur lítið með gott útlit að gera held-
ur góð umhirða og hún uppfylli stefnu
varðandi markaðssetningu eigand-
ans.
Fagmennska atvinnubílstjóra
Það er skoðun og stefna margra
aðila innan greinarinnar að fag-
mennska bílstjóra sé einn af stærstu
þáttum í sölu þjónustu sem atvinnu-
akstur tvímælalaust er. Til að svo geti
orðið er nauðsynlegt að menntun og
endurmenntun bílstjóra sé hluti af
starfi hans.
Landssamband vörubifeiðastjóra
hefur ítrekað samþykkt ályktanir þar
um og Vörubílastöðin Þróttur hefur
staðið fyrir menntun sinna manna
með t.d. námskeiði fyrir þá bílstjóra
sem vinna með krana.
Á leigubílastöðinni Hreyfli/
Bæjarleiðum hafa verið haldin nám-
skeið fyrir leigubílstjóra og starfsfólk
stöðvarinnar. Á þeim námskeiðum er
farið yfir þjónustu, framkomu og
snyrtimennsku.
Fyrirtæki eru í auknum mæli að
átta sig á mikilvægi menntunar bíl-
stjóra og starfsmanna sinna. Sl. vetur
voru haldin námskeið í Ökuskólanum
í Mjódd fyrir fyrirtækin Hópbílar/
Hagvagnar, Kynnisferðir og SBK.
Innihald þessara námskeiða var m.a.
vistakstur (EcoDriving) og fag-
mennska atvinnubílstjórans. Guð-
mundur Tyrfingsson efh. hefur haldið
námskeið einu sinni á ári fyrir sína
starfsmenn og markaðssetur sig sem
fyrirtæki með umhverfisstefnu.
Menntun bílstjóra í umhverfisþáttum
er m.a. stór þáttur í því. Samskip hafa
undandarið auglýst menntun bíl-
stjóra sinna og öryggisviðbúnað í bif-
reiðum fyrirtækisins. Markaðs-
setning fyrirtækja af þessu tagi lyftir
atvinnuakstri á hærra plan og kemur
starfsgreininni til góða.
Séu þessir þættir skoðaðir nánar
er ljóst að skipta þarf mennt-
unarkröfum bílstjóra í tvo hluta, fyrir
rekstrarleyfishafa og launþega. Gera
verður frekari menntunarkröfur
varðandi þá aðila sem fá rekstr-
arleyfi. Nauðsynlegt verður að huga
að inntökuskilyrðum fyrir þá sem
sækja um slík leyfi og gæti t.d.
tveggja ára framhaldsmenntum verið
heppilegur kostur. Þekking í stjórn-
un, mannahaldi, mannlegum sam-
skiptum, bókhaldi, þjónustu, mark-
aðssetningu og þeim þáttum sem
snúa að hverri grein fyrir sig er nauð-
synlegur þáttur í menntun þeirra er
fá slík leyfi. Menntun launþega gæti
snúist um mannleg samskipti, grunn í
markaðsfræðum, vistakstri og ann-
arri fræðslu tengdri hverri grein.
Þetta ætti að vera sameiginlegt
markmið fyrirtækja sem og einyrkja,
eins gætu stéttarfélög launþega kom-
ið að þessum verkefnum. Það er
þekkt víða að stéttarfélög greiði fyrir
menntun sinna félagsmanna að hluta
eða öllu leyti.
Tökum höndum saman og aukum
veg þessara starfsgreina.
Fagmennska
atvinnubíl-
stjóra
Eftir Knút Halldórsson og Sigurð Steinsson
Knútur er framkvæmdastjóri Lands-
sambands vörubifreiðastjóra og
ökukennari við Ökuskólann í
Mjódd. Sigurður er vaktstjóri hjá
Kynnisferðum og ökukennari við
Ökuskólann í Mjódd.
Sigurður
Steinsson
Knútur
Halldórsson
HÉR á landi er tónlistarnám ekki hluti af hinu al-
menna skólakerfi. Engin lög eru til um tónlistarnám sem
slíkt. Þjónusta tónlistarskólanna á Íslandi stendur því ut-
an við samning ríkis og sveitarfélaga um
skiptingu rekstrarkostnaðar hins al-
menna skólakerfis, þar sem sveitarfélög
greiða fyrir þjónustu grunnskóla og rík-
ið greiðir fyrir þjónustu framhaldsskóla.
Einu lögin sem til eru um tónlistar-
kennslu og tónlistarnám hér á landi heita
„Lög um fjárhagslegan stuðning við tón-
listarskóla“ og eru nr. 75 frá 14. júlí 1985. Þau lög eru
skýr hvað varðar greiðsluskyldu sveitarfélaga. Þar segir
í 7. gr.: „Sveitarfélög, sem reka tónlistarskóla, greiða
launakostnað kennara og skólastjóra.“ Í 10. gr. segir:
„Tónlistarskólar, sem eigi eru reknir af sveitarfélögum,
skulu fá greiddan úr sveitarsjóði launakostnað kennara
og skólastjóra í samræmi við rekstraráætlun...“ Í 11. gr.
laga um fjárhagslegan stuðning við tónlistarskóla segir:
„Tónlistarskólar skulu innheimta skólagjöld. Skóla-
gjöldum er ætlað að standa undir öðrum kostnaði við
skólareksturinn en launakostnaði kennara og skóla-
stjóra, að svo miklu leyti sem rekstrarkostnaðurinn er
ekki borinn af styrktarmeðlimum eða annarri fjár-
öflun.“ Skólagjöld tónlistarskólanna eru mishá og sjálf-
sagt á bilinu 50-150 þúsund á ári fyrir hvern nemanda.
Innheimta skólagjalda samkvæmt lögum þessum undir-
strikar vilja hins opinbera að halda tónlistarnámi að-
skildu frá hinu almenna skólakerfi.
Miðvikudaginn 13. ágúst sl. birtist eftirfarandi frétt í
Morgunblaðinu: „Á stjórnarfundi Samtaka sveitarfélaga
á höfuðborgarsvæðinu (SSH) í fyrradag var ákveðið að
leggja fyrir bæjarstjórnir sveitarfélaganna tillögu um að
greitt yrði með tónlistarnemendum á framhalds- og há-
skólastigi fram að áramótum.“ Hvergi í lögum nr. 75 frá
1985 um fjárhagslegan stuðning við tónlistarskóla er tal-
að um skiptingu tónlistarnáms í grunnskóla, framhalds-
skóla eða háskóla. Hvergi er í lögum um fjárhagslegan
stuðning við tónlistarskóla talað um að greiðsluskylda
sveitarfélaga nái aðeins fram að áramótum. Því er spurt:
Er stjórn SSH með þessari tillögu að hvetja sveit-
arstjórnir á höfðuborgarsvæðinu til að brjóta lög um
fjárhagslegan stuðning við tónlistarskóla? Má reikna
með því að SSH leggi fljótlega fyrir bæjarstjórnir sveit-
arfélaganna tillögu um að skólagjöld tónlistarskólanna
verði afnumin að hluta til eða með öllu um næstu ára-
mót?
Kór sveitarstjórnarmanna í þessu tónlistarskólamáli
hljómar ekki vel. Ég ætla rétt að vona að hinn óhreini
kórhljómur sé vegna þess að þeir kunna ekki lögin og
þurfi bara að æfa sig meira, því eitt er að vera ólæs á
nótur og annað að vera pípandi falskur.
Falskir í kór?
Eftir Arnþór Jónsson
Höfundur er tónlistarmaður.
SJÁVARÚTVEGSRÁÐHERRA
hefur svarað kalli meirihluta þjóð-
arinnar um að hefja hvalveiðar og
fyrstu hrefnurnar komnar á land.
Það verður að segjast eins og er að
það brá mörgum við þau tíðindi þegar
tilkynning kom um
að hrefnuveiðar ættu
að hefjast að nýju og
það nánast með eng-
um fyrirvara. Flestir
höfðu afskrifað hval-
veiðar fyrir fullt og
fast þó við mörg höf-
um fylgt þeirri stefnu að ákvörðunin
um hvalveiðar væri í okkar höndum.
Alþingi hefur ályktað oftar en einu
sinnu um að hefja hvalveiðar án að-
gerða og brambolt okkar í kringum
alþjóða hvalveiðiráðið hefur fengið
marga til að trúa því að af þessu yrði
aldrei en það væri hinsvegar rétt að
halda uppi þessum rétti okkar sem
sjálfstæðrar þjóðar. Þess vegna kom
þessi ákvörðun á óvart og því ekki
eins mikil kátína ríkjandi vegna
hennar og við mætti búast nema þá
hjá þeim nöfnum mínum Loftssyni og
Ragnarssyni.
Nú blasir raunveruleikinn hins-
vegar við og hvalveiðimenn fagna en
ferðaþjónustan er í vörn og óttast af-
leiðingarnar af þessari ákvörðun. Ótti
ferðaþjónustunnar er auðvitað mjög
skiljanlegur enda hefur fjárfestingin í
þessum atvinnuvegi skipt milljörðum
undanfarin ár og þúsundir manna
hafa lifibrauð af ferðaþjónustunni
beint og óbeint og fest fé sitt í henni.
Það er því mikið í húfi en minn
skilningur fyrir samþykktum alþingis
til að hefja hvalveiðar að nýju var sá
að aðrar atvinnugreinar landsmanna
hlytu ekki varanlegan skaða af.
Því hefur verið lofað af sjáv-
arútvegsráðherra að hrefnuveiðarnar
verði ekki stundaðar á svæðum þar
sem hvalaskoðunarbátar eru að sýna
hvali. Það er grundvallaratriði að
staðið verði við þessa yfirlýsingu.
Hvar eru mótvægisaðgerðirnar?
Þetta dugir þó enganveginn því
ákvörðun um hvalveiðar getur einnig
haft verulega neikvæð áhrif fyrir all-
ar aðrar greinar ferðaþjónustunnar.
Það er því mjög mikilvægt að stjórn-
völd kynni þessa ákvörðun sína í
helstu markaðslöndum okkar í Evr-
ópu og Ameríku. Almenningur í þess-
um löndum verður að skilja hvers
vegna þessi ákvörðun er tekin og af-
leiðingarnar fyrir Íslendingu ef hún
yrði ekki tekin. Það má hvorki spara
fé né fyrirhöfn til að almenningur í
hinum vestræna heimi skilji þessa
ákvörðun. Við megum ekki undir
neinum kringumstæðum lenda í
þeirri stöðu að vera í vörn gagnvart
fólkinu í þessum löndum, við verðum
að vera skrefi á undan hvalfrið-
unarmönnum. Við megum ekki
stunda þessar veiðar með þögnina
eina að vopni, við verðum að efla
skilning almennings á rétti eyþjóðar
við ysta haf til að taka ákvörðun sem
þessa. Við verðum að sýna fram á vís-
indalega nauðsyn þessa. Við verðum
að hafa góð samskipti við umhverfis-
og náttúruverndarsamtök í hinum
vestræna heimi og einnig hvalafrið-
unarsamtök eins og kostur er.
Ef íslenskum stjórnvöldum tekst
þetta þá verður ekki skaði af þessari
ákvörðun fyrir íslenskan ferðaiðnað
að mínu áliti. Ef stjórnvöld treysta
sér ekki til að verja mikilvæga hags-
muni ferðaþjónustunnar, svo ekki sé
talað um aðra hagsmuni sem tengjast
útflutningi, er betra að hætta hval-
veiðum strax.
Nú bíðum við eftir aðgerðaráætlun
stjórnvalda til verndar íslenskum
ferðaiðnaði.
Hvalveiðar og ferðaþjónustan
Eftir Kristján Pálsson
Höfundur er formaður Ferðamála-
samtaka Suðurnesja.
www.gimli.is - ww.mbl.is/gimli
Árni Stefánsson viðskiptafræðingur og lögg. fasteignasali
FASTEIGNASALAN
GIMLI GRENSÁSVEGI 13,SÍMI 570 4800 - FAX 570 4810
Traust þjónusta í 20 ár
Með kveðju.
Hákon, sími 898 9396.
GRAFARVOGSBÚAR
Mér hefur verið falið að leita eftir 3ja-4ra
herbergja íbúð með sérinngangi, annað
hvort í Permaformhúsi eða íbúð á 1. hæð í
fjölbýli með sérgarði. Verðhugmynd 11-
12,5 millj. Áhugasamir vinsamlega hafið
samband og ég mun fúslega veita nánari
upplýsingar.
Hafðu samband - það kostar ekkert!
lif
u
n
lifun
tímarit um heimili og lífsstíl
númer sjö 2003
Tímaritið
Lifun
fylgir
Morgunblaðinu
á morgun
innlit • fiskréttir • allt um barnaherbergi • gómsætar kökur