Morgunblaðið - 30.08.2003, Blaðsíða 18

AKUREYRI
18 LAUGARDAGUR 30. ÁGÚST 2003 MORGUNBLAÐIÐ
HÖFUÐBORGARSVÆÐIÐ
ÞESSIR ungu sundkappar léku við
hvern sinn fingur í veðurblíðunni í
Kópavogslauginni á dögunum og
gerðu þeir það ekki endasleppt í
gleðilátum sínum. Leikgleði þeirra
og frjálslegt fas er okkur öllum
áminning um að taka lífinu af
æðruleysi og gleði. Sundlaugar
höfuðborgarsvæðisins hafa átt
miklum vinsældum að fagna í sum-
ar, en fer nú hver að verða síð-
astur að nýta sér sífellt láréttari
geisla sólarinnar sem eru hin besta
vítamínsprauta í stirðnað geð land-
ans. Busli nú hver sem betur get-
ur.
Morgunblaðið/Árni Sæberg
Sprellað í
Kópavogslauginni
Kópavogur
SUNDHÖLL Hafnarfjarðar er sex-
tíu ára og af því tilefni verður þar op-
ið hús í dag með kaffi, kökum og frítt
í sund frá klukkan 8 til 13.
Árið 1943 var ákveðið að byggja
sundlaug í Hafnarfirði og var skipuð
nefnd á vegum ýmissa félagssam-
taka í bænum um byggingu og stað-
setningu laugarinnar. Bygging
sundlaugarinnar gekk vel fyrir sig
og þann 29. ágúst 1943 var Sundlaug
Hafnarfjarðar, opin útisundlaug með
upphituðum sjó, vígð. Níu árum síð-
ar, árið 1952, var byggt yfir sund-
laugina og fékk hún þá nafnið Sund-
höll Hafnarfjarðar.
Árið 1977 voru teknar í notkun
tvær útisetlaugar á útisvæði Sund-
hallarinnar þar sem einnig er sól-
baðsaðstaða. Miklar endurbætur
hafa farið fram á lauginni síðustu ár
og var nýlega tekið í notkun nýtt
stýrikerfi sem sér um að stýra hita
og klórmagni laugarinnar.
Vilja starfsmenn sundlaugarinnar
hvetja bæjarbúa og aðra til að kíkja
við og fagna „afmælisbarninu“.
Sundhöllin
60 ára
Hafnarfjörður
NÝR leikskóli við Haukahraun var
vígður fimmtudaginn 28. ágúst og
ber hann nafnið Arnarberg. Leik-
skólinn er reistur á gömlum grunni
þar sem áður stóð leikskólinn
Hraunkot. Byggingartíminn var eitt
ár en í sumarlok árið 2002 var hús-
næði leikskólans við Hraunkot rifið,
hús sem um nokkra ára bil hafði ver-
ið hluti af starfsemi leikskólans Arn-
arbergs við Smyrlahraun.
Leikskólinn Arnarberg er fimm
deilda og munu um 120 börn dvelja í
skólanum. Gamla Arnarbergið er
deild í nýja skólanum og hefur fengið
nafnið Berg. Á Bergi eru elstu börn-
in með aðstöðu. Megináherslan, í
daglegu starfi leikskólans er á kenn-
ingar John Dewey þar sem lögð er
áhersla á að börnin rannsaki og upp-
götvi. Ennfremur verður áhersla á
heimspeki, könnunarleik með
yngstu börnunum og slökun.
Leikskólastjóri Arnarbergs er
Oddfríður Jónsdóttir.
Leikskólinn
Arnarberg
vígður
Hafnarfjörður
FYRIRTÆKIN Ásprent ehf. og Stíll
ehf. á Akureyri verða sameinuð hinn
1. september nk. undir nafninu
Ásprent – Stíll hf. Með sameiningu
fyrirtækjanna verður til stærsta fyr-
irtæki landsins á sviði prentþjónustu
og auglýsingagerðar utan höfuðborg-
arsvæðisins með um 400 milljónir
króna í ársveltu. Um 50 starfsmenn
starfa hjá hinu sameinaða félagi.
Ásprent – Stíll hf. hefur sterka
stöðu á landsbyggðinni, en stefnir
jafnframt að því að sækja aukin
verkefni inn á stærsta markaðssvæði
landsins, höfuðborgarsvæðið, segir í
tilkynningu frá fyrirtækjunum í gær.
Starfsemi fyrirtækisins verður á
tveimur stöðum, annars vegar í nú-
verandi húsnæði Ásprents í Gler-
árgötu 28 og hins vegar í núverandi
húsnæði Stíls á Óseyri 2.
Tvö rótgróin fyrirtæki
á Akureyri
Hjónin Rósa Guðmundsdóttir og
Kári Þórðarson keyptu prentsmiðj-
una Ásprent 31. október árið 1979.
Til að byrja með var fyrirtækið til
húsa við Kaupvangsstræti – í Lista-
gilinu, en síðan var það í fjögur ár í
húsnæði við Brekkugötu. Árið 1988
fluttist Ásprent að Glerárgötu 28.
Ásprent keypti rekstur prentsmiðj-
unnar POB árið 1995 og voru fyr-
irtækin sameinuð í langöflugustu
prentsmiðju utan höfuðborgarsvæð-
isins.
Núverandi eigendur Ásprents eru
þau Rósa og Kári með 50% hlut og
synir þeirra, Þórður, Alexander og
Ólafur, sem eiga til samans 50%.
„Ásprent er mjög vel tækjum búin
alhliða prentsmiðja, sem tekur að sér
stór og smá prentverkefni út um allt
land. Auk prentþjónustu hefur fyr-
irtækið m.a. gefið út og dreift aug-
lýsingablaðinu Dagskránni, sem hef-
ur til fjölda ára verið einn öflugasti
auglýsingamiðill á Norðausturlandi,“
segir í frétt frá fyrirtækjunum.
Stíll ehf. varð til árið 1980 og hef-
ur alla tíð verið með rekstur á Ak-
ureyri í auglýsinga- og skiltagerð og
fatamerkingum, auk annarrar þjón-
ustu sem tengist auglýsinga- og
markaðsmálum. Stíll keypti rekstur
auglýsingastofunnar Vinnandi manna
ehf. á Akureyri í júní sl. Stíll ehf.
hefur opnað verslun þar sem eru á
boðstólum rekstrarvörur og þjónusta
fyrir einstaklinga, fyrirtæki og stofn-
anir.
Eigendur Stíls ehf. eru Sjöfn hf.,
með 80% hlut, og G. Ómar Pét-
ursson, með 20% hlut.
Rósa hættir sem forstjóri
Í hinu nýja sameinaða fyrirtæki
eiga Þórður, Alexander og Ólafur
Kárasynir 50% og Stíll ehf. 50%.
Rósa Guðmundsdóttir og Kári Þórð-
arson selja hlut sinn í fyrirtækinu.
Jafnframt mun Rósa hætta sem for-
stjóri prentsmiðjunnar, en því starfi
hefur hún gegnt frá upphafi. Eftir
sem áður mun Rósa Guðmundsdóttir
þó reka fyrirtækið Ferðakort ehf.,
sem er einnig í eigu fjölskyldunnar,
sem og Ásútgáfuna, en hún hefur
m.a. gefið út kiljubækur í hartnær
tvo áratugi.
Í stjórn Ásprents – Stíls hf. verða
Baldur Guðnason, stjórnarformaður,
Steingrímur Pétursson, Þórður
Kárason og Ólafur Kárason. Fram-
kvæmdastjórar fyrirtækisins verða
Þórður Kárason og G. Ómar Pét-
ursson.
Starfsmenn verða 50
Í frétt fyrir fyrirtækjunum segir
ennfremur: „Markmið með samein-
ingu fyrirtækjanna í Ásprent – Stíl
hf. er að byggja upp stærsta og öfl-
ugasta þjónustufyrirtæki í prentiðn-
aði, útgáfustarfsemi, auglýsinga-
hönnun, birtingum, skiltagerð og
fatamerkingum á landsbyggðinni.
Auk þess verður fyrirtækið sem fyrr
segir með verslun með rekstrarvörur
fyrir einstaklinga, fyrirtæki og stofn-
anir. Sameinað fyrirtæki leggur
áherslu á að auka enn frekar og
bæta þá þjónustu sem fyrirtækin
hafa til þessa veitt sínum viðskipta-
vinum.“
Fyrirtækin Ásprent
og Stíll að sameinast
Fyrirtæki með
400 milljóna
króna veltu og
50 starfsmenn
AKUREYRARHÖFN vígði
formlega í gær nýja flot-
bryggju fyrir smábáta í
Sandgerðisbót. Alls fá 32
bátar aðstöðu við nýju
bryggjuna og komust færri
að en vildu.
Nýja bryggjan er alfarið
íslensk smíð en að sögn
Harðar Blöndal hafn-
arstjóra hafa flotbryggjur
af þessari stærð til margra
ára verið keyptar til lands-
ins. „Bryggjan var hönnuð
og smíðuð hjá Sandblæstri
og málmhúðun á Akureyri
og geta starfsmenn fyr-
irtækisins verið stoltir af
þessari frumraun. Og ekki
er síður gleðilegt að
bryggjan reyndist ódýrari
heldur en hin erlenda
framleiðsla,“ sagði Hörður
í ávarpi sínu við vígsluna.
Að lokum bað hann vinina
og samstarfsmenn til
margra ára; Sigurð Jó-
hannsson, skipstjóra og
trillukarl, og Ívar Bald-
ursson skipstjóra og hafn-
arkarl, um að opna bryggj-
una formlega með því að
klippa á borða við land-
ganginn.
Ný flotbryggja vígð
Morgunblaðið/Skapti Hallgrímsson
Níels Einarsson,
„útgerðarmaður“
á Stellu III og for-
stöðumaður Stofnunar
Vilhjálms Stefánssonar,
til vinstri, og Hörður
Blöndal, hafnarstjóri á
Akureyri. Níels var fyrst-
ur til að sigla fleyi sínu
inn í flotbryggjuna nýju.
Ívar Baldursson og Sigurður Jóhannsson, hvor
tveggja gamlir skipstjórar, klipptu á borða og
opnuðu flotbryggjuna formlega.
ÍBÚAR Hafnarfjarðar geta, frá og
með mánudeginum 1. september,
sótt alla þjónustu sveitarfélagsins á
einn og sama staðinn. Þá opnar sér-
stakt þjónustuver á fyrstu hæð Ráð-
hússins við Strandgötu 6.
Afgreiðslutími hefur verið lengdur
og er þjónustuverið opið frá kl. 8.00–
17.00. Er því ætlað að tryggja við-
skiptavinum sem leita til bæjarins,
áreiðanlega, þægilega og hraða þjón-
ustu gagnvart öllum fyrirspurnum. Í
þjónustuverinu er öll almenn af-
greiðsla og símsvörun, þar er upp-
lýsingagjöf um deildir og stofnanir
bæjarins og verður meðal annars
hægt að nálgast umsóknir, borga
reikninga og sækja um lóðir.
Þjónustuverið starfar samkvæmt
samþykktri upplýsingastefnu bæjar-
ins þar sem segir að upplýsingar
skuli almennt vera aðgengilegar og
til þess fallnar að styrkja lýðræði og
möguleika bæjarbúa til þess að taka
virkan þátt í stefnumótun bæjar-
félagsins.
Í samræmi við umhverfisstefnu
Hafnarfjarðarbæjar verður leitast
við að nota rafræna miðlun upplýs-
inga hjá öllum rekstrareiningum
Hafnarfjarðarbæjar. Í sama skyni er
áformað að nýta möguleika til gagn-
virkni á upplýsinga- og þjónustuvefj-
um sveitarfélagsins á Netinu.
Þjónustuverið veitir rafræna þjón-
ustu þar sem það er mögulegt, við
móttöku og afgreiðslu umsókna og
erinda, miðlun reikninga og annarra
gagna þannig að viðskiptavinir
Hafnarfjarðarbæjar geti óháð stund
og stað rekið erindi sín rafrænt
gegnum heimasíðu sveitarfélagsins
að svo miklu leyti sem það er tækni-
lega mögulegt.
Gestir og gangandi eru boðnir vel-
komnir í heimsókn í þjónustuverið á
mánudag til að þiggja kaffisopa og
fræðast um þjónustuna sem í boði er.
Hafnarfjarðarbær opnar þjónustuver
Öll þjónusta
á einum stað
Hafnarfjörður
MT-BÍLAR í Ólafsfirði hafa samið
um innréttingar og uppsetningu
þriggja sjúkrabifreiða fyrir Rauða
kross Íslands. Gengið var til samn-
inga á grundvelli lægsta tilboðs sem
fyrirtækið átti í útboði Ríkiskaupa
og er smíði bifreiðanna hafin hjá
fyrirtækinu. Bifreiðarnar eiga að af-
hendast 15. október, 15. nóvember
og 15. desember. Verðmæti samn-
ingsins er um 17 milljónir króna.
Um er að ræða innréttingar
tveggja bifreiða af gerðinni VW
Transporter og einnar af gerðinni
Mercedes Benz Sprinter. Auk smíði
innréttinganna munu MT-bílar
koma fyrir öllum sérhæfðum búnaði
og þannig verða bifreiðarnar nánast
tilbúnar til notkunar við afhendingu.
Fram til þessa hafa MT-bílar sér-
hæft sig í smíði slökkvibifreiða fyrir
íslenskan og erlendan markað. Upp-
setning og smíði sjúkrabifreiða er
því viðbót við þá starfsemi sem fyrir
er hjá fyrirtækinu en Sigurjón
Magnússon, framkvæmdastjóri MT-
bíla, segir að strax við stofnun fyr-
irtækisins hafi verið horft til þess að
nýta þekkingu í smíði slökkvibif-
reiða til smíði sjúkrabifreiða, enda
mögulegt að nýta sömu framleiðslu-
aðferðir og tækni.
„Því má segja að við höfum að
hluta stigið þetta skref með þessum
samningi við Rauða krossinn en við
munum samhliða halda áfram að út-
færa okkar hugmyndir á næstu
misserum um framleiðslu sjúkrabif-
reiða þar sem við nýtum trefjaplast-
tæknina til að byggja frá grunni yf-
irbyggingar og innréttingar
sjúkrabifreiðar, líkt og við gerum í
slökkvibifreiðasmíðinni. Með þessu
erum við að breikka það svið sem
MT-bílar byggja sína starfsemi á og
treysta reksturinn,“ segir Sigurjón.
Hann segir verkefnastöðu fyrir-
tækisins nokkuð góða um þessar
mundir en auk sjúkrabílanna
þriggja eru í smíðum þrír slökkvibíl-
ar, þar af einn af stærstu gerð fyrir
Slökkvilið höfuðborgarsvæðisins og
verður hann afhentur í októbermán-
uði. Þar er um að ræða seinni bílinn
af tveimur sem fyrirtækið hefur
smíðað fyrir Slökkvilið höfuðborg-
arsvæðisins.
Innréttar þrjár sjúkrabifreiðar