Morgunblaðið - 01.09.2003, Blaðsíða 25

FRÉTTIR
MORGUNBLAÐIÐ MÁNUDAGUR 1. SEPTEMBER 2003 25
Auglýsendur!
Sérstakt blað um miðborgina fylgir Morgunblaðinu
laugardaginn 6. september.
Pöntunarfrestur auglýsinga er til kl. 12 þriðjudaginn
2. sept. Skilafrestur er til kl. 16 þriðjudaginn 2. sept.
Umfjöllunarefni er miðborg Reykjavíkur og hið
fjölskrúðuga mannlíf sem þar er að finna.
Verslun • kaffihús • heilsurækt
veitingar • listmunir • þjónusta
Hafið samband við auglýsingadeild Morgunblaðsins
í síma 569 1111 eða á augl@mbl.is
SJÓBLEIKJUVEIÐI er ekki alls
staðar langt undir væntingum eins
og víða hefur verið raunin í sumar.
Í Hvolsá og Staðarhólsá í Dölum er
bleikjuveiðin t.d. mun betri í sumar
heldur en hún var í fyrra og í Breið-
dalsá hefur verið jöfn og góð
bleikjuveiði allar götur síðan í byrj-
un júní.
Þröstur Elliðason, leigutaki
Hvolsár og Staðarhólsár, sagði í
samtali við Morgunblaðið að yfir
600 bleikjur væru komnar á land og
þótt það væri langt frá því besta úr
ánni væri það mun betri veiði en
allt síðasta sumar er aðeins rétt
rúmlega 400 bleikjur voru dregnar
á þurrt. Enn lifa nokkrar vikur eft-
ir af veiðitímanum og því mun talan
hækka enn. Sagði Þröstur talsvert
af bleikju í ánum og nokkuð af
smærri bleikju hefði verið að ganga
að undanförnu, en það er einmitt
bleikjan sem vantar svo víða. Þröst-
ur sagði ennfremur meira af laxi í
ánum en oft áður, 30 væru komnir á
land og Lónið svokallaða, væri ólg-
andi af stökkvandi laxi. Hann á það
þó til að taka illa þar.
Ekki hafði Þröstur tölur úr
Breiðdalsá haldbærar, en hann
sagði bleikjuveiðina jafna og góða.
Bleikjustaðirnir eru inni á laxa-
svæðinu og þegar menn bera sig
eftir bleikjunni bregst varla að afli
er góður. „Menn hafa haft sér-
staklega gaman að því að setja í 4–5
punda bleikjur sem halda til í
Gljúfrinu. Svo hafa menn líka farið
í rannsóknarleiðangra langt fram á
dal, upp fyrir laxahyljina og sett
þar í rosalega flotta urriða, 4 til 7
punda bolta,“ sagði Þröstur.
Fleiri sjóbleikjuár
Enn er dauft yfir bleikjuveiði í
Eyjafjarðará og Pálmi Gunnarsson
sagðist hafa verið þar á svæði 3 á
dögunum án þess að sjá kvikindi og
þaulvanir menn sem voru á sama
tíma á besta síðsumarssvæðinu,
númer fimm, hefðu varla séð sporð
og bara farið daprir heim. „Það er
búið að ofveiða Eyjafjarðará afar
glannalega síðustu árin og menn
súpa nú seyðið af því,“ sagði Pálmi.
Sjálfur er Pálmi með Lónsá við
Þórshöfn á leigu, en þar hefur veiði
gengið mjög vel, bæði veiddist
vænni bleikjan vel framan af, og sú
smærri er á hefur liðið.
Bleikjusvæðið í Miðfjarðará er
enn dauft. Það var í þokkalegu lagi
framan af og snemma var rígvæn
bleikja farin að veiðast á laxasvæð-
inu, en þegar smærri bleikjan átti
að ganga dofnaði yfir öllu saman.
Þó kroppa menn upp nokkra fiska.
ERU
ÞEIR AÐ
FÁ’ANN?
Upp og ofan
á sjóbleikju-
slóðum
Ljósmynd/JSk. Á.
Jónas Jóhannesson glímir við bleikju í Eyjafjarðará.
Verk merkt ártali
Í gagnrýni minni sem birtist
fimmtudaginn hinn 28. ágúst um
sýningu Óla G. Jóhannssonar sem
stóð yfir í Húsi málaranna til 31.
ágúst, skrifaði ég að málverk Óla
væru ekki merkt ártali. Þetta reynd-
ist ekki rétt. Eftir ábendingu frá
listamanninum skoðaði ég verkin
aftur og kom þá auga á að öll verkin
eru merkt listamanninum og með ár-
tali. Listamaðurinn hefur komið árit-
un sinni ásamt ártali smekklega fyrir
á verkum sínum á lítt áberandi hátt
og mig langar hér með að biðjast vel-
virðingar á þessum mistökum.
Ragna Sigurðardóttir.
LEIÐRÉTT
Nýtt þjónustuver Hafnarfjarð-
arbæjar verður opnað á fyrstu
hæðinni í Ráðhúsinu, Strandgötu
6, í dag. Þar með geta bæjarbúar
sótt alla þjónustu á einn og sama
staðinn.
Þjónustuverið verður opnað form-
lega kl. 9 og er fólki boðið að
koma og þiggja kaffisopa og fræð-
ast um þjónustuna sem í boði er.
Leikhúsmessa í Borgarleikhús-
inu á vegum Reykjavíkurborgar.
Leikhúsmessan stendur frá kl. 12–
17. Fulltrúum leik- og grunnskóla
í borginni er boðið þangað til
kynningar á því helsta sem leik-
hópar bjóða upp á og hentar til
sýninga fyrir börn og unglinga.
Einkunnarorð Leikhúsmessunnar
eru: Eflum leikhúsmenningu í
skólastarfi!
Aglow – Reykjavík heldur fyrsta
fund sinn á nýju starfsári í dag, að
Skipholti 70, efri hæð kl. 20. Þátt-
tökugjald er 700 kr.
Kristjana Sigmundsdóttir, vara-
formaður Aglow í Reykjavík, mun
tala. Miriam Óskarsdóttir stjórnar
lofgjörð og verður fyrirbæn að
lokinni stund.
Allar konur eru hjartanlega vel-
komnar.
Í DAG
Kynningu á starfi sjálfboðaliða.
Árið um kring leggja sjálfboðaliðar
Rauða krossins íslensku samfélagi
lið á margvíslegan máta. Rauði
krossinn vill bæta við fólki fyrir vet-
urinn og verða með kynningu á
verkefnum sem sjálfboðaliðar
Reykjavíkurdeildar sinna, þriðju-
daginn 2. september, kl. 20 í Sjálf-
boðamiðstöð Rauða krossins,
Hverfisgötu 105.
Fólki á öllum aldri er boðið að líta
inn og fá upplýsingar um hvað hægt
er að gera með 2–4 tíma framlagi á
viku eða 6–12 tíma framlagi á mán-
uði.
Á MORGUN
NÝR vefur um fjallamennsku og
gönguferðir hefur nú hafið göngu
sína á slóðinni fjallamennska.is. Rit-
stjóri vefjarins er Helgi Borg Jó-
hannesson fjallamaður, sem sá um
vef Íslenska alpaklúbbsins um árabil.
Á fjallamennsku.is verður fjallað vítt
og breitt um fjallamennsku og er
vefnum ætlað að ná til allra áhuga-
manna um greinina. Að sögn Helga
er vefnum ekki hvað síst ætlað að
hvetja og fræða þá sem litla reynslu
hafa.
Uppistaðan á vefnum eru fréttir og
greinar, en til að skoða greinar þarf
að kaupaáskrift sem kostar kostar
1490 kr á ári. Fréttir og annað á síð-
unni er öllum opið.
„Fjallamennskan hérlendis hefur
verið tiltölulega lokaður heimur til
þessa og því langaði mig til að að-
stoða þá sem eru að hefja feril sinn í
fjallamennsku með fræðslu og hvatn-
ingu á Netinu,“ segir Helgi Borg.
Hann á sjálfur að baki áralangan feril
sem fjallamaður, bæði innan Íslenska
alpaklúbbsins og hjálparsveita. „Ég
vonast eftir góðum viðbrögðum les-
enda, en því miður verður að selja
vefinn í áskrift, því það er engin önn-
ur leið að reka svona vef. Á vefnum
eru einnig enskar síður, en ég tel að
ferðamennska hérlendis í tengslum
við gönguferðir og fjallamennsku eigi
mikið inni ennþá. Ég stefni að því að
efla enska hlutann ef tekst að afla
fjármagns til þess.“
Nýr vefur
um fjalla-
mennsku
Á LAUGARDAG var fyrstu hrefn-
unum sem koma á land á Bakka-
firði í mörg ár var landað þegar
Halldór Sigurðsson ÍS 14 kom inn
til löndunar með tvær hrefnur.
Það var árviss viðburður að þang-
að komu hrefnubátar og skáru
hrefnurnar á bryggjunni. Þótti
mikið ævintýri að sjá veiðimennina
gera að fengnum og allir sem vildu
gátu keypt af þeim kjöt.
Samkvæmt Konráði Eggertssyni
skipstjóra veiddu þeir fyrri hrefn-
una út af Raufarhöfn og var það
5,5 metra kvíga og seinni hrefnuna
fyrir sunnan Langanes og var sú
hrefna 7,5 metrar langur kálfur.
Konráð segir það taka á milli 7 og
8 tíma að taka öll þau fjölmörgu
sýni sem þarf úr hverju dýri til
rannsókna á Hafrannsóknastofn-
un. Sýni eru t.d. tekin af maga,
spiki, kjöti, eistum og nýrum svo
eitthvað sé nefnt.
Einnig kom fram hjá Konráði að
mjög mikið hefði sést af hvölum í
Bakkaflóa, hnúfubakar, hrefnur og
smáhveli. Konráð sagði að þeim fé-
lögum um borð hafi alls staðar
verið tekið vel þar sem þeir hafi
komið og við komuna til Bakka-
fjarðar voru þeir leystir út með
gjöfum, fengu þurrkaðan saltfisk
og ísinn í næstu veiðiferð. Vildi
hann koma þakklæti til Kristins
Péturssonar.
Hrefnukjöti
landað á
Bakkafirði
Bakkafirði. Morgunblaðið.