Morgunblaðið - 01.09.2003, Blaðsíða 3
ÍÞRÓTTIR
MORGUNBLAÐIÐ MÁNUDAGUR 1. SEPTEMBER 2003 B 3
NORSKI framherjinn John Carew
var um helgina keyptur til Roma á
Ítalíu en hann hefur undanfarið leik-
ið með Valencia á Spáni. Carew var
iðinn við kolann hjá Valencia í fyrra
og skoraði þá átta mörk í 32 leikjum.
ROMA tilkynnti einnig um helgina
að liðið hefði sent Ajax í Hollandi
tryggingu fyrir rúmenska varnar-
manninum Christian Chivu, en það
mál hefur verið í biðstöðu síðan í
byrjun júlí.
INTER Mílanó heldur áfram að
sanka að sér Argentínumönnum.
Um helgina keypti liðið Julio Ric-
ardo Cruz frá Bologna en hann
gerði tíu mörk í fyrra. Samningurinn
er til þriggja ára, en fyrir hjá félag-
inu eru meðal annars argentínski
þjálfarinn Hector Cuper og fyrirlið-
inn Javier Zanetti.
SPÁNSKA liðið Deportivo de La
Coruna samdi við kamerúnska
markvörðinn Jacques Songo’o.
Samningurinn er til eins árs en
Songo’o, sem er 39 ára, var hjá fé-
laginu allt þar til fyrir tveimur árum
að hann var látinn fara. Undanfarið
hefur hann verið hjá Metz en ákvað
að skella sér til Deportivo þrátt fyrir
að vera þriðji markvörður þar.
ANDREAS Möller, fyrrverandi
landsliðsmaður Þýskalands, hætti
um helgina við að hætta og gerði eins
árs samning við Eintracht Frank-
furt. Möller er 35 ára og lagði skóna
á hilluna eftir síðastliðið tímabil en
þá lék hann með Schalke. Hann lék
áður með Frankfurt og þar sem lið-
inu hefur ekki gengið vel það sem af
er var leitað til hans og hann ákvað
að fresta því að hætta.
FÓLK
GYLFI Gylfason og fé-
lagar í Wilhelmshavener
komu á óvart í fyrstu um-
ferð þýsku 1. deild-
arinnar í handknattleik
þegar þeir lögðu hið
sterka lið Essen að velli á
sannfærandi hátt, 29:22.
Gylfi Gylfason skoraði
þrjú mörk í leiknum en
þurfti að fara af velli 13
mínútum fyrir leikslok
þegar hann fékk skurð á
augnabrún. Læknir liðs-
ins brá skjótt við og
saumaði skurðinn saman
með fjórum sporum. Guð-
jón Valur Sigurðsson
komst ekki á blað hjá
Essen en Oleg Velyky var
í aðalhlutverki hjá liðinu
og skoraði 10 mörk.
Einar Örn Jónsson
skoraði eitt mark fyrir
Wallau-Massenheim en
Rúnar Sigtryggsson ekk-
ert þegar lið þeirra tap-
aði fyrir HSV Hamburg,
30:24.
Volker Zerbe skoraði
tíu mörk fyrir Lemgo
sem sigraði nýliða Stral-
sunder auðveldlega,
34:25.
Lars Christiansen skor-
aði ellefu mörk fyrir
Flensburg sem vann auð-
veldan útisigur á Pfull-
ingen, 36:25.
Öðrum leikjum í 1. um-
ferð var frestað vegna
heimsmeistaramóts 21
árs landsliða sem nú
stendur yfir í Brasilíu.
Óvæntur sigur Gylfa
og félaga á Essen JUVENTUS hóf meist-aravörnina í ítölsku knatt-
spyrnunni með látum í gær
og vann stórsigur, 5:1, á
Empoli í fyrstu umferðinni.
Sóknarmenn liðsins sýndu
að þeir verða skæðir í vetur
en Alessandro Del Piero og
David Trezeguet skoruðu
tvö mörk hvor og Marco Di
Vaio eitt.
Inter var hinsvegar í
miklu basli gegn Modena á
heimavelli en náði að skora
tvisvar á síðustu fjórum mín-
útunum og vann 2:0. Christi-
an Vieri og Marco Materazzi
skoruðu mörkin eftir að
Inter hafði farið illa með
mörg góð marktækifæri í
leiknum.
Lazio, með Demetrio Al-
bertini í aðalhlutverki, vann sannfærandi sigur á nýliðum Lecce, 4:1, og Roma vann
góðan útisigur á Udinese, 2:1, þar sem Vincenzo Montella skoraði sigurmarkið með
skemmtilegri hælspyrnu.
Juventus byrjar með látum
AP
Marco Di Vaio, leikmaður Juventus, skorar hjá
Luca Bucci markverði Empoli.
BOCHUM var slegið út úr 1. umferð
þýsku bikarkeppninnar í knattspyrnu á
laugardaginn, tapaði þá 2:1 fyrir 2.
deildarliðinu Regensburg á útivelli.
Þórður Guðjónsson lék allan leikinn
með Bochum og Bjarni Guðjónsson síð-
ustu 20 mínúturnar. Heimamenn kom-
ust í 2:0 áður en hinn íranski Vahid
Hashemian minnkaði muninn fyrir
Bochum átta mínútum fyrir leikslok.
Þýska bikarkeppnin er þekkt fyrir
óvænt úrslit og það var 3. deildarlið
Braunschweig sem kom mest á óvart,
með því að skella Kaiserslautern, 4:1.
Meistarar Bayern München misstigu
sig hins vegar ekki gegn 4. deildarlið-
inu Neunkirchen og sigruðu 5:0. Roque
Santa Cruz skoraði þrjú markanna.
Ailton og Tim Borowski skoruðu sína
þrennuna hvor fyrir Werder Bremen
sem vann 5. deildarliðið Ludwigsfelder,
9:1.
Bochum féll
úr bikarnum
Stjarnan stóð töluvert í heima-mönnum í fyrri hálfleik en KR
stjórnaði þó leiknum allan tímann. Í
síðari hálfleik yfir-
spilaði KR gestina
og vann að lokum
stórsigur. Það voru
Garðbæingar sem
fengu fyrsta færi leiksins en það
kom á 10. mínútu. Þá komst Björk
Gunnarsdóttir ein í gegnum vörn
KR en Sigríður Pálsdóttir varði vel
skot hennar. Vesturbæjarliðið fór
frekar rólega af stað en fyrsta mark
liðsins kom á 19. mínútu þegar
Hólmfríður Magnúsdóttir skoraði
örugglega af stuttu færi eftir góða
sendingu frá Hrefnu Jóhannesdótt-
ur. Sex mínútum síðar jafnaði Auður
Skúladóttir metin fyrir Stjörnuna
þegar hún skoraði beint úr auka-
spyrnu af 40 metra færi en Sigríður
hefði átt að gera betur í markinu.
KR-stúlkur voru ekki lengi að ná yf-
irhöndinni aftur því aðeins mínútu
eftir jöfnunarmarkið skoraði Ást-
hildur Helgadóttir með góðu skoti úr
vítateignum.
KR kom mjög öflugt til leiks í síð-
ari hálfleik og sótti hart að marki
gestanna. Það bar árangur á 55.
mínútu en þá skoraði Ásthildur ann-
að mark sitt í leiknum þegar hún
fylgdi vel á eftir skoti Hrefnu Jó-
hannesdóttur og skoraði af stuttu
færi. Þórunn Helga gerði svo end-
anlega út um leikinn á síðustu fimm-
tán mínútum leiksins en þá skoraði
hún tvö mörk. Það fyrra kom á 75.
mínútu en það gerði hún með skoti
frá hægri kanti en Anna Sif, mark-
vörður Stjörnunnar, var klaufi að
verja ekki. Á lokamínútu leiksins
kom svo glæsilegasta markið en þá
skoraði Þórunn með föstu skoti sem
Anna Sif átti ekki möguleika á að
verja.
KR-stúlkur fögnuðu innilega þeg-
ar dómari leiksins flautaði til leiks-
loka og stuðningsmenn liðsins stóðu
á fætur í stúkunni og hylltu leik-
mennina.
Níundi Íslandsmeistaratitill
Ásthildar
Ásthildur Helgadóttir, fyrirliði
KR, var mjög ánægð í leikslok en
hún var að vinna sinn níunda Ís-
landsmeistaratitil. „Þetta var örugg-
ur sigur hjá okkur í dag. Það var
töluverð spenna hjá okkur í fyrri
hálfleik því við vissum að við yrðum
meistarar ef við ynnum. Í síðari hálf-
leik vorum við afslappaðari og náð-
um að vinna góðan sigur. Það var
mjög gaman að geta klárað þetta í
dag en við höfum leikið mjög vel í
sumar. Við höfum lent í miklum
meiðslum en liðið hefur alltaf náð að
vinna sig úr því og þetta er einn
besti Íslandsmeistaratitill sem ég
hef unnið. Við erum með mjög sterkt
lið og við eigum titilinn skilið. Per-
sónulega hef ég leikið vel í sumar og
náð mér betur á strik en í fyrra og
sömu sögu er að segja um fjölmarga
leikmenn liðsins,“ sagði Ásthildur.
Hrefna Jóhannesdóttir hefur spil-
að mjög vel fyrir KR en hún er
markahæst í Landsbankadeildinni
með 21 mark. „Þetta var sannfær-
andi sigur hjá okkur. Það er frábært
að tryggja sér titilinn á heimavelli en
við höfum leikið mjög vel í sumar.
Þrátt fyrir að við misstum sterka
leikmenn áður en tímabilið hófst
hafði það ekki mikil áhrif á okkur.
Við erum með sterkt lið og liðsheild-
in hjá okkur er mjög öflug,“ sagði
Hrefna.
KR Íslandsmeistari
annað árið í röð
Morgunblaðið/Kristinn
KR-ingar fagna sigrinum á Íslandsmótinu 2003 eftir sigurinn á Stjörnunni á laugardaginn. KR-
konur urðu meistarar annað árið í röð og í sjötta skipti frá því þær unnu titilinn fyrst árið 1993.
Morgunblaðið/Kristinn
Ásthildur Helgadóttir skorar annað tveggja marka sinna í leiknum gegn Stjörnunni.
KR tryggði sér Íslandsmeist-
aratitilinn í meistaraflokki
kvenna í knattspyrnu á laugar-
daginn þegar liðið sigraði
Stjörnuna 5:1 í Vesturbænum.
Þetta er annað árið í röð sem KR
sigrar í deildinni. Ein umferð er
eftir í efstu deild kvenna en
ekkert lið getur náð KR að stig-
um. KR átti ekki í erfiðleikum
með að vinna Stjörnuna en Ást-
hildur Helgadóttir og Þórunn
Helga Jónsdóttir skoruðu tví-
vegis fyrir Íslandsmeistarana og
Hómfríður Magnúsdóttir einu
sinni. Auður Skúladóttir gerði
mark gestanna.
Atli
Sævarsson
skrifar